ekspeditor

futbol terminləri ilə başa salmalı olsaq, yəqin ki libero deyə bilərik. misal çəkərək başa salmağa çalışacam. ekspeditor dediyimiz şəxs ümumi malların yığıldığı əraziyə gəlir və hər hansı bir nəqliyyat vasitəsinə bu malları topladır ( məsələn elektrik malları) və başlayır elektrik dükanlarının canına düşməyə. bütün mağazalara həmin malları satır və ya satmağa çalışır, sonda isə qazancı birdəfəlik ya distribütorə ( bu hər halda transmilli şirkətlərə aiddir) ya da tabe olduğu şəxsə ötürür. libero demək səbəbim isə satışların bu adamların iş fəaliyyətinin keyfiyyətindən birbaşa aslı olduğu halda, yaxşı və ya pis halda bütün credits yuxarıdakı şəxsə ( mərkəz hücumçularına ) gedir.
sifarişi verən: adsızinsan

madara uchiha

yaşadıqları və onlara qarşı reaksiyaları rəqibi və uşaqlıq dostu hashirama ilə əvvəllər fərqlilik təşkil edir, baxmayaraq ki, hər ikisinin uşaqlığı döyüş meydanında keçir, qardaşlarını itirirlər və s. oxşar hadisələr baş verir. sonralar bir yerdə bir məskən, bir çənlibel qurma həvəsinə girsələr də, madara hashirama kimi məsələyə rasional yanaşa bilmir. məsələ təkcə qardaşlarının ölümü deyil, həm də ego məsələsidir. adamda qoyduğu ürək qədər ego da vardır, rəqibi kimi ailəsinin, clanının gözünün qabağında ölməsinə dözmək istəmir. ortalığın anasını ağladır və yenə də hörmət görür. səbəb isə madaranın verdiyi reaksiyalarda özümüzü görməyimizdir. hashiramanın etdiyi qəbullanmanı qardaşı tobirama belə etmirsə, deməli burda xarakter məsələsi var. madara bədbəxt biridir, amma "ıssız adam" deyildir, bir şeyləri düzəltmək üçün əlini daşın altına salmağa hazırdır.

(youtube: )

serpico

1973-cü ildə sidney lumetin rejissorluq etdiyi, baş rolunda al pacino olan film nypd polisi olan frank serpiconun xidmət boyu başqa insanlarla və departmentin dərinləşmiş korrupsiya əməllərini ortaya çıxarmaqla mübarizəsindən bəhs edir. digər əməkdaşlardan fərqli olaraq işini sevərək görməsi və rüşvətxor olmaması frank’in əsas xüsusiyyətlərindəndir. uzun saç və saqqalı, fərqli geyim tərzi və pula etiqad etməməsi idarədə onun əleyhinə işləyir. filmi daşıyan süjet xətti və çəkiliş lokasiyaları yox, elə məhz al pacinodur. film real həyata əsaslandığı üçün, pacino frank serpico ilə daha çox vaxt keçirir. hətta daha yaxşı rola girə bilmək üçün maşın sürərkən səsboğucusundan davamlı tüstü çıxaran bir sürücünü saxlatdırıb həbs etməyə çalışır.
(bax: metod aktyorluğu )
(baxma: sanatçı dediğin deli olur )

jake adelstein

90-cı illərdə yaponiyaya ədəbiyyat oxumaq üçün sophia universitetinə gəlir və sonralar yomiuri shimbun adlı qəzetdə jurnalist kimi işə başlayır. məsələni maraqlı edən isə jake’in yaponiyanın ən böyüklərindən olan bu qəzetdə işləyən ilk yapon olmayan işçisi olmasıdır. 10 ildən çox burada işləyib sonralar ölkənin ən böyük yakuza klanı olan yamaguchinin bir “hissəsi”nin lideri olan tadamasa goto adlı yakuzanın fbi ilə qaraciyər transplantı qarşılığında işbirliyi içində olduğunu bildirən bir yazı paylaşır. sonralar serial üçün ilham mənbəyi olan tokyo vice adlı kitabı (memuar) çıxarır və burada ölkədə jurnalist olduğu vaxtlarda başına gələn hadisələrdən və işi ilə bağlı olaraq yakuzadan davamlı ölüm təhdidləri alması haqda danışır. hbo-nun çıxardığı serial baxımlı olsa da, “real zəminlər əsasında” hissəsi biraz çaşdırıcıdır. spoiler vermədən onu demək olar ki, serialda olanların heç olmasa çox az bir qismi yaşanmış olsa idi, nə tokyo vice, nə də jake adelstein fılan qalardı. uzağı, yaponiyada bir qəzetdə işləyən ilk və yeganə gaijinin öldürülməsi xəbəri fılan olardı. amma serialın da məqsədi elə maraqlı olması və izləyicini ekranda saxlamaq olduğu üçün burada elə də pis bir şey yoxdur.

initial d

Bir çox animedəki kimi burda da danışılan mövzunun görünməyən tərəfləri ən asan yolla çatdırılır, ya da çalışılır. elə baxılmalı yönü də təkcə bu səbəb ola bilər, çünki süjet xətti olaraq emosionallıq daha çox sürücülərin yarışdığı zaman göstərilir, bundan əlavə təkcə yaponyanın 90-cı illər abu-havası sizə ləzzət edə bilər, başqa da bir şey yoxdu. müqayisə etsəm mafia 1 və mafia 2 ilə oxşadıqlarını deyərdim. Necə ki mafia oyunlarında əsas missiyaları keçib hekayədə irəliləməkdirsə, ( verilən hekayədən qırağa çıxıb əlavə fəaliyyətlərlə məşğul olmaq məhduddur) bu animedə də ümumi olaraq maşına necə hakim olmaq və tanınmayan biri olmaqdan rəğbət görən bir insana çevrilmək təsvir olunur. Vaxt öldürmək üçün idealdır, belə di ki, sırf bu mövzu ilə maraqlanırsınızsa baxmağınız tövsiyyə olunur. idman animesində hajime no ippo nədirsə, burda da initial d odur.