yazarların ən sevdiyi yazarlar

deyəsən bura entry girə bilmək üçün yetəri qədər vaxt keçirmişəm burda.
(bax: derek)

eli cohen

1924 təvəllüdlü, misir yəhudisi və suriyada 1961-65-ci illərdə ciddi nöqtələrə təsir edə bilmiş mossad cəsusu. təhsilini misirdə almışdır (yarımçıq qoymuşdur). misirin anti-sionist təbliğatı ilə əlaqədar, orda yaşayan yəhudilərin israilə köçürülməsində və israil gizli polisinin planladığı əməliyyatlar keçirməsində rol oynadığı bilinir. israil tərəfindən misirdəki amerika və britaniyanın sahib olduğu sivil binaların hədəf alınması və bombalanmasında iştirak etmişdir. bunun misirlə qərb arasındakı əlaqələri pozacağı inanışı isə israilin əksinə işləmişdir.

bu hadisələr yaşanan zaman müdafiə naziri olan və bütün yük üstünə atıldığı üçün həmin əməliyyatı da istəmədən öz adına keçirən şəxs, pinhas lavon.


cohenin bu məsələdən sonra misir kəşfiyyatı tərəfindən tutulub, dindirilməsi məsələsi var. hansı ki 2 əlavə əlaqəli şəxsi edam etdikləri halda, cohenin bu işlə birbaşa əlaqəsi olduğunu sübut edə bilmədikləri üçün o, sərbəst qalır. israilə qayıdır və müdafiə nazirliyində əks-kəşfiyyat sahəsində işə götürülür. mossada işləmək üçün bir neçə dəfə müraciət etsə də, qəbul olunmur və sonralar mossad onu özü işə götürməyə qərar verir. cəsus olaraq yetişdirilməsi üçün mossadın məşqlərindən keçir və nəhayət ki, sahəyə göndərilir. əvvəl argentinaya, hansı ki orada yaşayan ərəblərlə əlaqə qurmağa, bəəs partiyasına pul tökməklə ( hansı ki bu partiya suriyada fəaliyyət göstərmirdi) hörmət qazanmağa çalışırdı. kamel amin thaabet adlı yeni kimliyi ilə 1962-də artıq suriyaya köçür və əsas cəsusluq fəaliyyəti başlayır. pulun gücü ilə çox yuxarı əlaqələr qurur, evində nazirlər, hərbiçilər və siyasətçilər üçün seks partiləri təşkil edir və siyasi güc qazanmağa başlayır. bu kontaktlarla apardığı söhbətləri telegrafla israilə göndərir, bu kəşfiyyat məlumatları arasında ən çox rol oynadığı düşünülən qolan təpələri işğalı ilə bağlı məlumatlardır. eli cohenin verdiyi bu hərbi baza, əsgərlər və texnika haqqındakı məlumatların israilin altı günlük müharibə zamanı işini asanlaşdırdığı ehtimal olunur. teoriya odur ki, cohen qolan təpələrində olan zaman günün altında dayanan əsgərlərə rəhm eləyib, onlar üçün altında sərinləyə biləcəkləri ağacların əkilməsini təmin edir (bu sadəcə onların gözünü boyamaq, güvən qazanmaq naminə edilən bir hərəkətdir məncə), ancaq o, əslində israilin bombalaması üçün ağaclar vasitəsilə koordinat verdiyi də ehtimal olunur.

qolan təpələri və ortada eli cohen

ancaq davamlı olaraq onun verdiyi məlumatların ertəsi gün suriyaya birbaşa israil tərəfindən zərbə olaraq qayıtması, yuxarıları ayıldır. ortada bir cəsusun olduğu bilinir və ssri tərəfindən verilən yüksək səviyyəli təqib təchizatları ilə kəşfiyyat apardığı ölkədə müdafiə naziri olma yolunda irəliləyən eli coheni israilə kəşfiyyat məlumatı göndərərkən iş üstündə tuturlar. uzun işgəncələrdən sonra 1965-də şamda şəhidlər meydanı deyilən yerdə edam olunur.

uzun illər boyu israilin eli cohenin nəşinin qaytarılması üçün suriyaya və rusiyaya etdiyi müraciətlər cavabsız qalır. türkiyənin vasitəçilik etməyə razı olduğu halda belə hər hansı bir təklif masaya qoyulmur. eli cohendən qalan tək yadigar yaxın illərdə mossadın gizli əməliyyatla taxdığı qol saatını qaytarmasıdır.

look how they massacred my boy

bu sifarişi mənim doldurmağım niyəsə ironik gəldi -*
michael'ın həmişə ən favorit uşaq olduğu bildirilsə də (kitabda da belə verilir), məncə vito üçün ən ideal oğul santino idi. ortancıl uşaq sendromundan əziyyət çəkən fredo kimi saf, yazıq oğul və ailəsini saymayan, aylarla evinə belə baş çəkməyən michael ilə müqayisədə santino ailənin salamat qalmasında ən önəmli adamlardan idi. sonny ləqəbinin özü də atasının daima qayğısına qalan, onu sevən oğul olduğu üçün verilmişdi. yaxşı don olmasa belə, ən hörmətli və ailə mövzusunda ən istiqanlı üzv idi, michael kimi ruhsuz deyildi. vito bunu özü də bilirdi məncə, ona görə sonny-nin bütün gərginliklərinə və məsuliyyətsiz hərəkətlərinə tab gətirirdi.


sifarişi verən: adsızinsan

böyük qardaş

özümü dərk edəndən bəri təmənnasız yanımda olan insan. şikayət etməyi, sızlamağı vərdiş etmək istəmirəm, səbəbkarı bəlkə də sənsən. neçə ildir yanımda deyilsən, çox gec-gec danışırıq, amma burda olduğunu bilirəm. hər hansı bir problemlə üzləşən kimi " görəsən, o nə edərdi" fikri ağlımdan çıxmır. çox az yaş fərqimiz olsa belə sanki atam imiş kimi məsafə saxlasan belə, həmişə daha anlayışlı olmusan. bunu sənə bildirə bilməmişəm, bəlkə də edə bilməyəcəm. hər nə yaşasan da, bunun fərqində olmasan da, həmişə mənim üçün qürur mənbəyi olacaqsan, səni həqiqətən çox istəyirəm.

spaccanapoli

napoli şəhərinin mərkəzindən keçən və onu ikiyə ayıran uzun küçələr silsiləsi. spacca sözü də bölünmək mənasına gəlirmiş, ona görə də napolini bölən küçə deyirlər. italiyanın şimalından fərqli olaraq sıx küçələrdə tarixi yunan xarabalıqlarına rast gəlinir.

həm də spaccanapoli adında eyniadlı əjdaha musiqi qrupu vardır.

(youtube: )

mild seven

sonralar adı mevius olaraq dəyişdirilən və seven stars adlı siqaretin yüngül versiyası olaraq 1977-ci ildə təqdim edilmişdir. kömür filtri ilə təqdim olunmuşdur.( bu siqaretin bir sıra zərərli maddələrini ayırmaq üçündür). yaponiya bazarında marlboro və camel dən sonra gələn jti tərəfindən buraxılan ən yaxşı siqaret markası idi. 1994-dən 2006-ya qədər benetton və o da renault f1 komandasının qanadları altına keçdiyi dövrdə renault üçün f1 sponsoru olmuşdur. bundan əlavə olaraq ən sevdiyim animelərdən olan great teacher onizuka da baş obraz onizukanın ağzından əskik olmayan siqaret markasıdır.

fernando alonso

onizuka

milli təhlükəsizlik

milli təhlükəsizliyin dövlət tərəfindən praktika edilməsi vacib hesab edilən sahəyə çevrilməsi erkən müasir dövrə ( təxmini ), 16-18 - ci əsrlərə təsadüf edir. dövlətin
əsas funksional fəaliyyət obyektini təşkil edən milli təhlükəsizlik termini hərbi
məzmunda abş prezidenti t.ruzvelt tərəfindən(1904) siyasi sözlər toplusuna gətirilib.
təhlükəsizlik konsepsiyası isə 1947-ci ildə milli təhlükəsizlik üzrə aktla abş-ın milli
təhlükəsizlik şurasının təsis edilməsinə təsadüf edir. ölkə üçün ən vacib məsələlərdən hesab olunur və azərbaycanda bu sahə üzrə ən yüksək səviyyədə fəaliyyət göstərən qurum dövlət təhlükəsizliyi xidmətidir. 2015-ə qədər fəaliyyət göstərən mtn ləğv olunandan sonra yerinə digər ölkələrdə olduğu kimi dövlətin milli təhlükəsizliyini həm daxildə, həm də xarici ərazidə qorumaqla mükəlləf iki qurum yaradıldı.
milli təhlükəsizlik anlayışının fəaliyyəti elə özü də birbaşa beynəlxalq təhlükəsizliyi müəyyənləşdirməyə kömək edir. bu ənənəvi təhlükəsizlik adlandırdığımız məsələ ( buna əhalinin maraqlarının daxili və xarici hədələrdən qorunması aiddir) beynəlxalq rejimdəki münasibətləri də tənzimləyir. qeyd edilən iki qurum :
(bax: dtx )
(bax: xkx )
sifarişi verən: krisnayayoxarcunayahe

miami vice

80-ci illərdə yaşamasam da, həmin illərin stereotipik havasını əla yansıtmış bir serialdır. məzmun o vaxt üçün çok aktualdır, narkotik problemi və iki polisin bu problemlə mübarizəsi. aktyorluq baxımından o qədər də yaxşı olmasa da süjet xətti və ümumi hadisələrin bir-birini izləməsi maraqlı idi. bu seriala çoxdan baxmışdım və bəlkə də spoiler sayıla biləcək bir məntiqsizlik yadımdadır, kəmərləri bağlayın. detective tubbs dediyimiz ikinci baş qəhrəmanın qardaşı digər baş qəhrəmanımız detective crockett kimi narkotik bürosunda işləyir ( new york ofisi ). crockett miami narkotikdə işlədiyi zaman həmin bu qardaş detective bir narko baronu həbs etməyə çalışarkən öldürülür. həmin narko baronun izi miamidə tapılır və həmin bizim bu əsas qəhrəmanlar tubbs ilə crockettin kəsişmə nöqtəsi bura olur. problem isə tubbsın narkotik büro ilə əlaqəsi yoxdur, qardaşının sənədləri ilə necəsə miamiyə gedir və hamı onu qardaşı kimi tanıyır. yəni bu dərəcədə hallanmış bir təşkilat necə ən yuxarıdakı narko baronu tutma hədəfi qoyur orası çatmır.
sifarişi verən: Derek

tony soprano

dimeo crime family don , həm də həmin ailənin soprano crewinin əvvəlki caporegime si . əslən napolidəndir, hətta ordakı uzaq qohumları ilə əlaqəsi serial boyu göstərilir. nə doğulduğu, nə də qurduğu ailədən yaramışdır, başına gələnlərin çoxu elə ailəsi ilə bağlıdır. tony soprano'nu digər xəyali mafia obrazlarından fərqləndirən onun psixoloji cəhətdən çəkdiyi əzaba birbaşa şahidlik edə bilməyimizdir. qıraqdan baxanda əslində heç bir problemin olmadığı düşünülür, yəni bu adam zəngindir, işi və ailəsinin gələcəyi tam sığortalıdır, narahat olmalı bir səbəb yoxdur. amma adam davamlı panik ataklar keçirir, dərmanlar qəbul etməyə məcbur olur və psixiatr ilə sessiyalardan keçməli olur. özünə doğru dürüst deyil və həddən artıq yığılmış egoya sahib bir sosiopatdır. beyni ilə balaca tony arasında pərdə yoxdur, serial boyu bir öz anası ilə əylənmədiyi qalmışdı, o da çox şükür ki olmadı. manipulyasiya və "diribaş"lığı əsas mənəvi keyfiyyətlərindəndir. özlüyündə çox yalnız adamdır, hörmət edilən yox qorxulan adamdır tony. hətta arvadı belə ona dostlarının olmadığını və zarafatlarına yalnız qorxduqları üçün güldüklərini deyir və tony bunun fərqinə varır. bu şəraiti bir baxıma özü də yaradır. yoldaşlarına səmimi gözlə heç cür baxmır, güvənməsə belə ( bu da bir taktikadır ) , bəzi vaxtlar güvən hissi aşılaya bilmir. sırf mafianın qoyduğu qadağalara uyğun hərəkət edərək ( halbuki dolayı yolla bəzi qaydaları pozur ) həm öz psixologiyasını, həm də "dostlarını" sarsır. bunu bilə-bilə etdiyi vaxtlar da olur və bu anlarda bunu həqiqətən bir manyak olduğu üçün yoxsa psixoloji vəziyyətinə görə özündən asılı olmayaraq etdiyini başa düşmək olmur. ümumi olaraq çox çətin və uzaq durulması vacib bir xarakterə sahib olsa da, çox ağıllı və eyni zamanda emosionaldır.
(baxma: he never had the makings of a varsity athlete )
sifarişi verən: ares

amsalak

özünü qızların qabağında gülməli göstərmək üçün ( niyə də ) dostunu "qatarın altına" atan adam. amın "salak" elədiyi adam da demək olar ahshsg. behzat ç - yə görə aseksuallıq amsalak olmaqdan daha yaxşıdır, niyəsə bu amsalak sözünü eşidəndə ağlım birdəfəlik o səhnəyə gedir.

(youtube: )