yaralı barmağa işəmək

nə qədər qəribə olsada mən bu hadisənin iştirakçısı olmuşam sözlük. uşaqlıq travması deyirsən nə deyirsən de. balaca vaxtı evimizdə sovetski televizor var idi. təəsüf ki adı yadımda deyil. qəşəng televizor idi. yeganə çatışmayan cəhəti naqillərinin açıq vəziyyətdə olması idi. bir gün evdə qardaşımla bu televizora baxırdıq. evdə də heçkim yoxdu. birdən televizor öz özünə qatıqladı. aşağıdakı naqillər də tüstülənməyə başladı. əvvəllər də olmuşdu atam aşağıdan buna barmaq eliyirdi düzəlirdi. səncə mən nə elədim ? bəli məndə eləmədim tənbəllik durdum gəldim televizorun yanına. gördümki şnurlar bir-birindən ayrılıb. onda hələ məktəbə getmirdim. amma fikirləşdimki bunları birləşdirsəm hər şey əvvəlki kimi olacaq və qardaşımla mən öz cizgi filmimizə baxmaqda davam edəcəyik. amma bir şeyi də bilmirdim ki bu şnurlar izolyasiya olunmamış idi. və mən nə etdim ? bəli elə onuda elədim. əllərimlə hər iki naqili götürdüm. birləşdirib bağlamağa çalışırdım. elə bir birinə yaxınlaşdırdım. və o unudulmaz birləşmə baş verdi. televizordan partlayışa oxşar səs çıxdı. elektrikin böyük qüvvə olduğunu onda anladım. çünki məni dayandığım yerdən 5-6 addım arxaya atmışdı. gözümü açanda dəli oldum. əllərimə baxanda barmaqlarımın üstündə naqilin izləri görünürdü. və əlim çox pis yanmışdı. və o izləri yadigar olaraq hələ də saxlayıram. bir əlimə baxdım, bir televizora. başımda qarışıq fikirlər var idi. ən pisi də o idiki mən əllərimi yox atama nə deyəcəyimi fikirləşirdim. fikirləşirdimki gəlib televizoru xarab elədiyimi görəndə məni nə hala salacaq. özümü topladım. qardaşımda qorxudan ağlamağa başlamışdı. durdum ayağa, qapını açıb çıxdım. tez qonşunun qapısını döydüm. asdfghj xala qapını açdı əllərimi açıb göstərdim. arvad dəli oldu. elə əsasıda burda oldu . tez saldı məni evə. ilk sözü də : a bala tez ol şalvarını çıxar - oldu. məndə buna əllərimi göstərdim. sanki yuxdan ayıldı asdfghj xala. tez şalvarımı açdı qaçdı hardansa bir kraska qabına oxşar qab tapıb gətirdi.
asdfghj xala : tez ol əlivi tut qaba işə üstünə tez.
mən : gəlmir axı. ( o qədər qorxmuşdum ki orda, bunu eləməyim mümkünsüz idi)
asdfghj : tez ol işə bura .yoxsa barmaqlarını kəsəcəylər.
mən : .... ( kəsəcəylər sözünü eşidən kimi işəyəcəyim var idisə də , yerli dibli kəsildi)
bu xala da eləmədi tənbəllik çıxdı yanımdan. 20 saniyədən sonra qardaşım qucağında gəldi. və bu dəfə qardaşımın şalvarını çıxardı. onu mənim əlimin, barmaqlarımın üstünə işəməyə məcbur edirdi. o da ağlayırdı. sonda bu baş verdi... qardaşım mənim barmağıma işəməyə başladı. özüdə yaralı barmaqlarıma ... bu halda onun işəməyini görüb məndə başladım işəməyə ... təsəvvür elə qardaşım mənlə bir yerdə mənim barmağıma işəyir. bu mənim beynimə hər anı ilə qazınmış hadisə oldu. bəzən fikirləşirəm ki, bəlkə də yaralı barmağa işəmək deyimi mənim başıma gələn bu hadisədən sonra ortaya çıxıb. sonra düşünürəmki elə olsaydı asdfgh xala bizi barmaqlarıma işəməyə niyə məcbur eləsinki ? hər halda yəqin ki bu cür hadisə təkcə mənim yox başqalarının da başına gələ bilər . ya da bəlkə də gəlib .