azərbaycansayağı türkcə

dünən imtahana hazırlaşarkən ağlıma gələn düşüncənin dili. kitabxanada oturduğum stol ilə üzbəüz stolda iki nəfər türk qaqaş bərkdən söhbət edirdilər * gündəlik həyatdan * dərs müzakirə etsəydilər, bu qədər əsəbləşməzdim , mənim də fikrim yayınırdı. onsuzda yaxşı, istədiyim kimi oxuya bilmirdim dərsimi, bunlar da bərkdən söhbət edərək, mənə oxumamaq üçün daha çox bəhanə və şərait yaradırdılar. axırda əsəbləşdim, qaqaşlara səsləndim və biraz səssiz olmalarını xahiş etdim * mədəni şəkildə . sonra birdən-birə ağlıma başqa bir şey gəldi və öz-özümə gülməyə başladım. bunlara "yeter be, sabahtan beri dır dır dır konuşuyorsunuz. dil otu mu yediniz?!" dediyimi bir anlıq təsəvvür etdim. gülməyimin səbəbi isə "dil otu mu yediniz" söhbətinin türklərdə olmadığı üçün, qaqaşların bu ifadəni eşitdikdə verəcəkləri "error" idi -*
indi isə, bu entry'ni bura qədər yazdıqdan sonra, google-a türk dilində "dil otu yemek" yazaraq, əslində bu ifadənin türklərdə də olduğunu kəşf etdikdən sonra, hal-hazırda özüm error verirəm -*

eric theodore cartman

yəhudi olduğu üçün həmişə ilişdiyi dostu kyle'ın anasına "kyle's mom is a bitch" (az. "kyle'ın anası qəhbədir") -* adlı mahnı yazmış south park obrazı. cartman olmasaydı, yəqin ki south park bu qədər maraqlı və gülməli olmazdı. cartman'ın kyle'n anası haqqında oxuduğu mahnının videosuna buradan baxa bilərsiz

(youtube: )

əla geyim zövqünə sahib siqaret çəkən qısa saçlı gözəl qadınlar

(baxma: fransız qadınları)
(bax: fransa deyəndə ağıla gələnlər)
başqa ölkələrdə də bu tip görünüşlü qadınlar olur amma çoxunda alınmır * bacarana can qurban , saxta görsənirlər. türk dilində desək "özenti" olurlar. gərək damarlarında fransız qanı axsın -*

qarabağ əlilinin özünü yandırması

unudulmaması gərəkən hadisə. özünü yandıran qarabağ əlili, çoxları tərəfindən səhv başa düşülmüş adamdır. bayaq facebookda həbib müntəzir adlı aktivistin yazdığı statusu gördüm. status belədir:
"zaur hәsәnov hadisәsindәn sonra daha bir qarabağ qazisi prezident administrasiyası binası önündә özünü yandırmağa cəhd edib. amma prezidentin mühafizə xidməti tərəfindən öldürülüb. ictimailəşdirilməməsi üçün ailəsi təhdid və pulla susdurulub. məlumat dəqiqdir. öldürülən qazinin adı, soyadı bilinmir. araşdırıram, tapan kimi qeyd edəcəyəm. xahiş edirəm, paylaşın, ictimailəşdirək ki, bu nankor, əclaflar vətəndaşlarımızı, qazilərimizi məhv etməsinlər.
p.s. belə hadisələrin sübutu filan olmur. video, foto tələb etməyin, çünki yoxdur. şəxsin kimliyini müəyyən etmək lazımdır, onu da çalışıram..."
həbib müntəzir, məlumatın dəqiq olduğuna dair nə qədər israr etsə də, yenə də əldə tutula biləcək bir sübut ortaya çıxmadan, şəxsən mən hadisənin dəqiq olduğunu iddia edə bilmərəm. yenə də dəqiq olduğunu fərz edərək bəzi fikirlərimi yazmaq istəyərdim.
əgər həqiqətən də baş veribsə, çox kədərli bir hadisədir. çox bir şey deməyə ehtiyyac yoxdur, həbib müntəzir statusunda lazım olanı deyib. ancaq mən olduqca önəmli olduğunu düşündüyüm başqa bir nöqtəyə toxunmaq istəyirəm. birincisi özümüzə sual verməliyik ki, zaur həsənov nəyə görə özünü yandırdı? bunun hərhalda birdən çox səbəbi vardır, ki elə olduğuna inanıram. əlbəttə, adam çarəsiz bir vəziyyətdə idi, ailəsini dolandıra bilmədiyi üçün özünü öldürdü, onu bu həddə çatdırdılar. amma heç fikirləşirsinizmi nəyə görə özünü məhz yandıraraq öldürdü. yəni adam gedib özünü hündür bir binanın 9-cu mərtəbəsindən də ata bilər və yaxud özünü evindəcə asa da bilərdi. özünü yandırdı, çünki eyni zamanda da öz etirazını bildirdi, ona və onun vəziyyətində olanlara edilən haqqsızlığa qarşı etirazını... demək istədiyim, bu hadisəni adam özünü yandırdı, çarəsizliyinə təslim oldu deyib keçməyin doğru olmadığını düşünürəm. bu, o qədər bəsit bir şey deyil. mənə elə gəlir ki, adam bunu etməmişdən qabaq ətraflıca düşünüb (hər nə qədər, sizə bu cür bir ruh halında olmuş adamın ətraflı düşünə bilmiş olması inandırıcı gəlməsə də). niyə? çünki adamın vermək istədiyi bir mesaj var idi. hökümətə, onun vəziyyətində olan digərlərinə və xalqa. adam özünü qurban verdi ki, bəlkə xalq ayağa qalxar, hökümət bu hadisədən bir dərs götürər.
di gəl ki, həbib müntəzirin statusunda bəhs etdiyi hadisədə olduğu kimi zaur həsənovdan sonra daha çox adam özünü yandırır. əminəm ki, rəhmətlik zaurun məqsədi bu deyildi. o tam əksini istəyirdi, onun kimi zərər çəkmiş insanların - xalqın və vicdanlı hökümət adamlarının (varsa) köməyi ilə - oxşar vəziyyətlərdən qurtulmağını arzulayırdı. yəni, daha çox insan yanmalı deyil, daha çox insan meydanlara çıxıb səslərini yüksəltməlidir. amma baxıram ki, insanlar sosiyal şəbəkələrdə hadisəylə bağlı öz kədərlərini, əsəblərini ifadə edirlər. bu da olmalıdır, sössüz ki, amma təəssüf ki, yetərli deyil. fikrimcə, dərhal bir sonrakı mərhələyə keçilməlidir.