sözlük yazarlarının la liberta bookshop cafe görüşü

çox gözəl keçmiş görüşdür. ən azından ortamdakı yazarlar bunu təsdiqləyər. sadəcə "mən həmişə mafiada citizen olmuşam bu dəfə də elə olacaq" deyən xanım yazardan başqa hamı razı qaldı məncə.
görüşdə öz istəyindən asılı olaraq qatılmayanların, sözlüyü izləməyib kənardan söz atanların antipatiyası niyə ? yəni nə vadar edir sizə mənfi fikirlər söyləməyə ?
hə, yığışdıq, kofe içdik, mafia oynadıq və dağılışdıq. daha yaxşısını təşkil edə bilirsinizsə buyurun, meydan sizindir.
ilk görüşdək kimləsə içki və ya yemək masasına oturmaq məncə heç düzgün sayılmaz, mənə görə.

uğurlar.

kənan əhmədli

Turxan qarışqa tərəfindən ifşa olunmuş gənc. məlumatların nə qədər doğru və ya yalan olduğunu bilmirəm ancaq turxanın indiyə qədər yanlış bir məlumat paylaşdığına şahid olmamışam. bu da həmin o ifşa mətni:
--
Kənan Əhmədli adlı bu uşaq bütün ölkəni gülməli vəziyyətə salıb. Rəsmən camaatla məzələnir. Gic-gic saytlar da bunu xəbər ediblər. Camaat da sevinməyə, fəxr etməyə yer axtardığından sevinci yerə- göyə sığmır.
Çox istərdik, getsin də, təhsil də alsın. Amma fırıldaqçılıq etməsin. Deməli, bu gənc deyir ki, NASA-da intern (təcrübə) keçəcək. NASA-nın rəsmi saytı isə deyir ki, onlarda Azərbaycan və digər ölkələr üçün təcrübə programı yoxdur Təcrübə ölkələrinin siyahısı
Kənan deyir ki, təcrübə programını New York-da keçəcəkmiş. New Yorkda NASA-nın təkcə bir insitutu var - Goddard institute for space studies. Orda da ancaq iqlim dəyişiliyi və s. tədris olunur link
Camaatı aldadır ki, Robotics üzrə təlim keçəcək. Robotics sahəsində təlim və tədrisləri New York-da yox, ancaq California-da keçirlər - insitutun adı "Jet propulsion lab"
Belə xırda detallar çoxdur. Sadəcə bu qardaş görür heç kim anlamır, basır bağlayır.
Təbii, çox istərdim Azərbaycandan gənclər gedib oxusun, təhsil alsın. Amma camaatı dolmasınlar.
Ehtimal ki, bu gənc NASA zad adıyla özünü promote- reklam edir və şirkətlərdən pul qopardır.
NASA-ya məktub atmışam, yəqin yaxın günlərdə cavab da gələr -*
NASA-ya turist kimi getmək mümkündür- Turistik səfər var. Apply edib hamı gedə bilər
Bu müsahibədəki (16 saniyə) güya kod yazır) Pause edib, kodun bəzi hissələrini Google-də axtardım. Linux-un kernel kodu çıxdı :D

Məni tanıyanlar bilir ki, qərəzli, kinli, paxıl adam deyiləm. Sadəcə bunu yazmaqda məqsədim odur ki, aldanmayasız. Paylaşsaz xeyli adam oxuyar və xilas olar belə insanlardan

Əlavə qeyd: Kənan iddia edir ki, 1 həftəyə insan beyninin maketini programliyib. Deyək ki, bütün planetdeki ən ağıllı adamdir. insan beyninə oxşar kompleks bir süni intellekt proqramlaşdırmaq üçün super kompüter lazımdır. Bu da saniyədə 1 trilyon əməliyyat edə bilməlidir

p.s: adam ağdamlıdı :d

yazarların paylaşmaq istədikləri şeirlər

mənə bircə məktub yaz
mənə bircə məktub yaz
getdiyin o uzaqdan,
həsrət qoxusu çəkim
sətir-sətir varaqdan.
yaz, o təzə evindən
dənizi görürsənmi?
uzanıbmı saçların,
yenə tək örürsənmi?
yaz, tükənib hər şeydən
darıxırsanmı sən də?
düşürəmmi yadına
saçın külək öpəndə?
yaz, yenə sən güləndə
batırmı sol yanağın?
de, gələcəkmi sonu
bu sərsəm darıxmağın?
mənə bircə məktub yaz
yaz ki, bilim necəsən.
buz kəssə o məktubun
yandıraram, üşüsəm!

əhrəman göyüşov