we didn't start the fire

1949 və 1989-cu il arasında olan böyük hadisələri və məşhur insanların adlarını xronolojik olaraq sayan billy joel mahnısı.
Deyilənə görə, billy joel 40 yaşında olarkən, 20-li yaşlarda olan bir gənclə söhbət edirmiş. Gəncin 21 yaşında olmaq üçün dəhşətli bir zamandır sözünə, billy joel də qatılaraq "mən də 21 yaşında olanda dünyanın dəhşətli bir yer olduğunu düşünürdüm" deyə cavab verir. Gənc də buna qarşılıq olaraq, billy'nin 50-ci illərdə uşaq olduğunu və o illərdə heç bir maraqlı hadisə baş vermədiyini deyir. "Bir dəqiqə, Koreya savaşı və ya süveyş kanalı böhranını eşitməmisiz" deyə cavab verən billy joel, daha sonra bununla əlaqədar bir mahnı yazmağa qərar verir və 1989-cu ilə kimi, hər il baş verən önəmli hadisələrin adını mahnı sözü edir.
Bu mahnı həmin il grammy'ə namizəd göstərilir, ancaq mükafatı ala bilmir.
sözləri

alphazero

alphazero google'un sahibi olduğu deepmind şirkəti tərəfindən yaradılmış süni intellektdir. Əslində deepmind şirkəti daha əvvəl Go oyununu mükəmməl oynayan alphago adlı yazılımını yaratmışdı. alphazero isə şahmat üçün yaradılmış bir alqoritmadır və alphago'dan 100 qat daha təkmilləşmiş yazılıma malikdir.
2017-ci ildə yaradılan alphazero ilə o vaxta kimi dövrünün ən yaxşı şahmat süni intellekti sayılan stockfish arasında bir oyun təşkil edildi. oyundan əvvəl alphazeronun sisteminə yalnızca şahmatla əlaqədar olan təməl bilgilər kodlaşdırıldı. alphazeronun bu bilgiləri mənimsəyib, sıfırdan şahmatı öyrənməsi sadəcə 4 saatını aldı. 4 saatdan sonra stockfish ilə aralarında 100 oyun oynandı və bunlardan 28-i alphazeronun qalibiyyəti ilə sona çatdı. digər 72 oyun isə bərabərə bitdi. Əslində stockfish'in bazası alphazerodan daha böyük idi, lakin alphazeronun üstünlüyü onda idi ki, o, oyunu oynayarkən həm də öyrənirdi. bir digər fərq isə, saniyədə baxılan ehtimal sayıdır, belə ki, stockfish bir saniyədə 70 milyon ehtimalı nəzərdən keçirə bilir, alphazero isə 80 min, ancaq alphazeronun 80 min ehtimalı oyuna daha uyğun seçildiyi üçün, nəticə daha uğurlu olur.

palm sunday

bu sifarişi verən: luna Palm sunday xristianların Pasxadan əvvəlki bazar gününə təsadüf edən bayramıdır. Palm sunday-də Pasxanın gəlişindən əvvəl xristianların müqəddəs həftəsinin ilk günü qeyd edilir. Hər il fərqli vaxtlarda qeyd olunur, lakin əsasən mart-aprel aylarına düşür.
Əksər ayin kilsələrində palm sunday, məsihin önünə səpələnmiş kütlənin xurma budaqlarını və ya xurma budaqlarını təmsil edən digər yerli ağacların budaqlarını paylaması ilə qeyd olunur. Əlverişsiz iqlim şəraitində xurma almağın çətinliyi onun zeytun, söyüd kimi yerli ağacların budaqları ilə əvəz olunmasına gətirib çıxarmışdır.
Xurma budağının seçilmə səbəbi qədim Yaxın Şərq və Aralıq dənizi dünyasında zəfər, barış, sülh və əbədi həyatın simvolu mənasına gəldiyi üçündür.

myers-briggs xarakter göstərgəsi

iki amerikalı: Katharine Cook Briggs və qızı isabel Briggs Myers tərəfindən yaradılmış xarakter göstəricisi.
Bu göstəriciyə görə xarakterə 5 aspektdən yanaşılır:
Düşüncə, Enerji, Qərarvermə, Davranış, Şəxsiyyət
Düşüncə
Düşüncə aspektinə görə xarakter 2 qrupa bölünür: içəqapalı -i (introvertion) və ünsiyyətcil - E (extravertion). içəqapalı xarakterə malik şəxslər, əsasən, təkliyə üstünlük verir və sosiallaşmaq onları yorur. Ünsiyyətcil xarakterə sahip şəxslər isə, yalnızlığa deyil, qrup fəaliyyətlərinə üstünlük verir, sosiallaşmaqdan həzz alırlar.
Enerji
Bu aspektə özü də 2 qrupa bölünür: hissi - S (sensing) və intuitiv - N (intuition). Birinci qrupa aid olan insanlar göz önündə olan, duyğular vasitəsilə qavranıla bilən məlumatlara inanırlar. Onlar detallara və faktlara inanır, hardan gəldiyi bilinməyən məlumatları qəbul etmirlər. Digər tərəfdən intuitiv insanlar isə, hislərdən daha az asılı olan və bir-biri ilə əlaqələndirilə bilən, daha böyük nəyinsə parçası olan məlumatlara güvənməyə meyillidirlər.
Qərarvermə
iki qrupa bölünür: məntiqli - T (thinking) və duyğusal - F (feeling). 1-ci qrup şəxslər üçün rasionallıq və obyektivlik hislərdən daha üstündür. 2-ci qrup şəxslər isə həssas və emosioaldırlar, məntiqli şəxslərdən daha çox empatiya qabiliyyətinə malikdirlər.
Davranış
Digər aspektlər kimi 2 qrupa bölünür: tənqidi - J (judging) və rahat - P (perception). Tənqidi şəxslər qərarlı, dəqiq, artıq dərəcədə planlıdırlar. Planlara və qaydalara uymağı bədahətən davranışlardan üstün tuturlar. Rahat şəxslər isə, anlıq qərarlar verməyi sevir, qayda-qanuna tabe olmağı istəmirlər.
Şəxsiyyət
Asertiv (-A) və Turbulent (-T) olmaqla 2 qrupa ayrılır. ilk 4 aspektə görə yaranan 16 tipin hər biri asertiv və ya turbulent ola bilir. Asertiv qrupa daxil olan insanlar özgüvənli, soyuqqanlı, stressə qarşı davamlı olurlar. Turbulent qrupa daxil 0lanlar isə utancaq və stressə qarşı davamsızdırlar. Onların ruh halı gün ərzində dəyişir, uğur qazandıqca özlərini yaxşı hiss edirlər.
Yuxarıda verilən ilk 4 aspekt xarakter rollarının əsasını təşkil edir. Buna görə 4 rol vardır:
1. Təhlilçilər;
2. Diplomatlar;
3. Mühafizəkarlar;
4. Kaşiflər.
Myers-briggs göstəricilərinin əsasında xarakter testləri təşkil olunub. Bu testdən, şəxsiyyət tipini öyrənmək olar.
Test üçün link - link

piaje nəzəriyyəsi

bu sifarişi verən: la jolie fille
Jean Piaget'in idrak inkişaf nəzəriyyəsi, uşaqların zehni inkişafın dörd fərqli mərhələsini keçməsini təklif edir. Onun nəzəriyyəsi yalnız uşaqların necə bilik əldə etdiklərini anlamağa deyil, həm də zəkanın təbiətini dərk etməyə yönəlmişdir.
Piagetə görə bu mərhələlər aşağıdakılardır:
Sensomotor mərhələ: 0 - 2 yaş
Əməliyyat öncəsi mərhələ: 2 - 7 yaş
Konkret əməliyyatlar mərhələsi: 7 - 11 yaş
Mücərrəd əməliyyatlar mərhələsi: 11+ yaş
Sensomotor mərhələ
bu mərhələ uşağın xarici aləmi ilk dəfə kəşf etməyə başladığı vaxta uyğundur. Bu kəşf təqlid və sınama-yanılma yolu ilə reallaşır.
Əsas xüsusiyyətlər və inkişaf dəyişiklikləri:
Körpə dünyanı hərəkətləri və hissləri ilə tanıyır;
Uşaqlar əmzik, tutma, baxma və dinləmə kimi əsas hərəkətləri öyrənir;
Körpələr əşyaların görünmədiyi halda belə mövcud olmağa davam etdiyini öyrənirlər (obyekt qalıcılığı);
8 aylıqdan sonra onlar özlərinin ətrafdakı insanlardan və obyektlərdən ayrı varlıqlar olduqlarını anlayırlar;
Hərəkətlərinin ətraf aləmdə hadisələrin baş verməsinə səbəb ola biləcəyini başa düşürlər.
Əməliyyat öncəsi mərhələ
Öz növbəsində 2 mərhələyə ayrılır:
1. Simvolik mərhələ: 2 - 4 yaş
2. intuitsiya əsaslı mərhələ: 4 - 7 yaş
Simvolik mərhələdə söz ehtiyyatı 200 sözdən 2000-ə kimi artır, lakin cümlələr hər hansı bir qrammatik quruluşa malik olmur. Bu dövrdə əşyalar da öz mahiyyətində işlənilmir. intuitsiya əsaslı mərhələdə isə, uşaqlar çoxlu suallar verir, öz bildiyi şeyləri necə bildiklərini açıqlaya bilmirlər.
Əsas xüsusiyyətləri:
Dil mənimsənilir və simvollarla düşünmə yaranır;
Məntiq yürütmə yaranır, ancaq hadisələrə yalnızca bir aspektdən baxılır;
Mən mərkəzli olub, başqasının fikrini mənimsəyə bilmirlər (eqosentrik düşüncə).
Monoloq tipli danışma;
Animizm - canlı və cansız varlıqları bi-birindən ayıra bilməmə;
Tərsinə çevirmə işinin olmaması, məs, 10-a qədər saymağı bacardığı halda, 10-dan geriyə doğru saymağı bacarmama.
Konkret əməliyyatlar mərhələsi
Əsas xüsusiyyətləri:
Uşaqlar artıq tərsinə çevirmə əməliyyatlarını apara bilirlər;
Əşyaların ümumi həcmini, ölçüsünü qavraya bilirlər, onları bütün xüsusiyyətlərinə görə qruplaşdıra bilirlər.
Mücərrəd əməliyyatlar mərhələsi
Əsas xüsusiyyətləri:
Mücərrəd hadisələri məntiqli şəkildə düşünüb, həll etmə bacarığına yiyələnirlər;
Ətrafında olan hadisələrin səbəbi haqqında düşünüb, nəticələri haqqında fikir yürüdə bilirlər.
Tanım editi : insan zəkasının təbiəti və inkişafı haqqında nəzəriyyə.

qriqori təqvimi

Dünyanın əksər ölkələri ilə yanaşı, Azərbaycanda da istifadə edilən təqvim.
Papa 13-cü Qriqorinin göstərişi ilə tərtib olunmuşdur. Özündən əvvəl istifadə olunan Yuli təqviminin islah olunmuş formasıdır. 4 oktyabr 1582-ci ildən ilk dəfə tətbiq olunmağa başlanılmışdır. Belə ki,  həmin vaxt sonrakı gün olacaq 5 oktyabrın 15 oktyabr olacağı elan olundu.
Təqvimin yaranmasına səbəb təbiət hadisələrinin Yuli təqviminə görə geri qalması idi. Yuli təqviminə görə, bir il 365 gün 6 saat idi. Bu da bir ilin həqiqi uzunluğundan 11 dəqiqə, 14 saniyə çoxdur. 1600 il keçdikdən sonra isə, bu fərq 12 günə çıxdı. Bu səbəblə də Qriqori təqvimi yaranmış oldu. Bu təqviminə ilk keçən ölkələr ispaniya, italiya, Portuqaliya, Reç Pospolita dövləti oldu. Azərbaycanın Qriqori təqviminə keçməsi isə Gürcüstan və Ermənistan ilə birlikdə 1 may 1918-ci il tarixində baş verdi.