ana

Yazıb sildim, düşündüm yazmadım amma bilmirəm niyə. Gündəliyə yazmaq istəyirdim amma burda ifadə edəcəm. Ana deyəndə xoş xatirələr yaxşı hisslər oma qurban olum ağlınıza gəlirsə mənim ağlıma qocalıq, döyülmək, məcburiyyət, varlıq içində yoxluq, dostların içində aşşağılanma, adam içində fəxr ediləsi şəxsiyyət, əsəb xəstəsi, overthinking, ətə batırılmış dırnaq və s gəlir. Niyəsə mənə saxta gəlir. Sırf rəqabət üçün döyüldüyüm anlar yadıma düşür. illər keçir qocalır o, məni sevir, mən ona təccüblənirəm. Həqiqətən sevirsən ki, guya məni? Mənə görə boşanmadın. Amma mən olmayanda evləndin. Bu gün sən xoşbəxt deyilsənsə günahkar mənəm? Ad gününü belə xatırlamıram, axtarmasan axtarmıram. Üst üstə düşməyən fikirlərimizdə mənə dəli, xəstə damğası vurursan. Akademik uğur qazanan kimi mənimsəyir, telefonu gec atanda rədd edirsən. Özüm elədiklərimdən peşman olmuram, amma ömrümdən ömür getdi. Bu dəqiqə mənim sənlə danışdığım kimi milyonlarla insan istəyir anasıyla belə münasibəti olsun. Çox insan üçün qısqanılacaq cütlüyük, amma saxtasan. Ruhumu çürütmüsən, istədiyim kimi sevə bilmirəm səni. Bəlkə yoxluğunda axtaracam, amma saxtasan. Mənə natiq kimi danışmağı, alternativ düşüncəni, hamıdan fərqli olmağı öyrətmədin. Sən istədin büküləm başımı aşağı salam etmədim, sən istədin hamı deyənlə razılaşam razılaşmadım, sən dedin hamı kimi olmaq lazımdı mən istəmədim. Buna görə döydün, söydün, psixologiyamı məhv elədin amma gün gəldi bunlar mənə kömək olanda sən arxamda oldun ki, mən böyütmüşəm. Qınamıram, bizim ailənin tələbi bu idi. Həm qınasam guya illərim qayıdacaq ki? Sadəcə insanlar necə qarşılıqsız sevir, necə bu qədər rəğbət bəsləyirlər analarına anlamıram. Ruhum çürüyür kimi hiss edirəm anlayırsan? Psixoloq psixiatr mənə kömək olmayacaq və mən həyatımın sonuna kimi bu düşüncədə qalacam. Əziyyət verir bu mənə anla! Dözə bilmirəm daha. Ölüm xəbərimə ağlasan inanmaram. Hər şeyin saxtadır kimi gəlir.

evlənmədən öncə bərabər yaşamaq

Yenə kimsə özünə qərbli dərdi götürüb gic-gic şeylərlə məşğul olur. Evlənmədən öncə birlikdə yaşamaq pul və vaxt itkisidir. Həm də deyək ki, evlənənə kimi 9 adamla eyni evdə qaldı amma alınmadı onda nolacaq?. Ha desəniz ki, evlənmək ehtimalı yüksək olan biri ilə eyni evdə qalmaq lazımdır, onda bir başa gedib evlənin də nə özünüzə macera axtarırsız? Çox gərəksiz, içi dolu kimi görünən boş hərəkətdir. Evliliyə də bu qədər dəyər vermək istəyirsizsə gedin ömürlük yazılı əqd imzalayın.
Əgər kimsə desə ki, sən səhvsən və s. Qələt edir mən evlənmədən öncə bərabər yaşadığım adamdan boşanmış biriyəm.

görücü üsulu ilə evlənmək

Mənim bununla bağlı çox gözəl hekayəm var. 2019cu ildə maaşımda artım oldu və ailəm məni evləndirmək istədi. Nəysə anamgilin kəndindən bir dənə qız tapdılar tibbdə oxuyurdu çox savadlı qız idi. Normalda görüşməzdim amma sırf atam dedi ki, "mən zəng eləmişəm sözümü yerə salma" ona görə məcbur getdim. Gəldi görüşdük 170 boyunda qaraşın qız idi. Dedim yəqin kənddə böyüyüb malın biri olar. Nə kənd? bildiyimiz bakıda gənclikdə böyüyüb. Mən də o dövrlər depresiyadan təzə-təzə əziyyət çəkirəm bu qız da guya çox bombadı deyə psixolojik suallar vermək istəyir. Pessimizmin dibinə vurduğum dönəmlər idi deyə səs küy olmayan bir dənə şəhərdən azca xaric romantik restorana taksi ilə getdik. Yolda birinci dedi ki, "şəkillərdən qəşəysən" düzünü desəm özümə də ləzzət elədi bu sözü amma fikir verdim qız nəsə o deyil. Nəysə taksi azca gecikdi bu qız dedi ki, "niyə maşınla gəlməmisən" məndə artıq beyin çönür ki, bu nə danışır. Dedim ki,"sürücülük vəsiqəm yoxdur" , qız gülümsədi göz süzdürdü axırda taksiyə mindik. Yol boyu maddiyat güdən suallar verdikcə əsəblərim tarıma çəkildi həm də ailələr tanışdı deyə incidə bilmədim. Düz gün batımında restorana çatdıq və balıq sifariş elədim özümə dedi ki, "bəs mən" mən də dedim "öz zövqüncə balıq yoxdu ki?" Bu yenə gözlərini süzdürdü. Başladı ki, semaşkada anistezoloq olaraq işə başlayacam bu qədər aylıq qazancım olacaq belə dağıdacam belə edəcəm. Bu danışdıqca fikir verirəm ki, həyatı boyu bu qızı kimləsə yarışdırıblar. Mən o qədər sıxıldım ki, bilmədim necə qaçam buradan. Birdən yaxın uşaqlar zəng vurdu ki, bəs futbola baxacıq gəlirsən? Mən normalda telefonu qızın yanında açmazdım amma lənət saa kor şeytan.Amma bu söhbət rusca olub deyə dialoqu yazıram zəngdə olan
Zəng edənlər(z e): hardasan
Mən(m): sizə demişdim qız var idi onunla
(Z e): axşam futbola çatacan?
(M): fstyaşka var?
(Z e): var gəlirsən?
(M): mənə vaqifin telefonundan zəng elə denən kimsə yaralanıb xəstəxanaya gəl
(Z e): ok
Birdən qız qayıtdı ki, "denən yığmasın" Soyuq tər axdı bədənimdən. Durdu çıxıb gedənə kimi axrasıyca getdim ki, gözlə də bəs üzür istəyirəm. indi ordakı dialoqu olduğu kimi yazıra
Mən(m): dayan, bağışla .
Qız(q): nə bağışla xəstəsən?
(M): belə olsun istəmirdim gəl qayıdaq aydınlaşdıraq
(Q): vallah bağışlayardım amma fstaşkaya fistiyaşka deməyin məni dəli elədi
(M):nə?
(Q); get danışmaq öyrən
Ayda həmin an dedim qoy getsine görücü üsulu bir də görüşənin var yoxunu.

yaxşı oğlan

Çox nisbi anlayışdır. Pulu az olanlar arasında, pulu və sosial statusu yüksək olan varsa və aşağı təbəqəyə 2,3 manat lazım olanda verirsə bu yaxşı oğlandır. Çünki belə fikirləşirlər ki, pulu çox olub mənə siqaret alırsa sadədir. Qısaca göt günündə söhbətlərdir. Yaxşı oğlan lokal anlayış ola bilər maksimum. Çünki yuxarı səviyyə adama görə də yaxşı oğlan, yuxarı səviyyəyə ən çox hörmət edəndir. Hər keçən gün anladığım budur ki, sosial status qazandığımdan daha çox pul qazanmalıyam. Amma yaxşı oğlan söhbətini ciddi olaraq edənlər isə nəaliyyətləri az olan təbəqədir(maaşı az olan, akademik səviyyəsi və ya dünya görüşü az olan şəxslər).

azərbaycanda müəllim olmaq

Azərbaycanda müəllim olmaq fərqli mənalar daşıyır. Bəzi yaşayışsız fikirləri çıxıb bir ziyalı kimi yazıram. Atam mühəndis anam müəllimdi nənələrim də müəllimdir mən də müəllimən. Onların ən böyük özəllikləri məktəbdə müəllim işləməkləridir. Mən isə universitetdəyəm. Sizə bu nisbəti izah etmək üçün yazıram. Anam ,nənəm pulu çox qazanmaq istəyəndə reptiror fəaliyyəti ilə məşğul olur mən isə gedib layihələrdə özümü cırıram. Çünki alternativim yoxdur. indiyə kimi heç kimi rüşvətlə keçirməmişəm. Amma belə baxıram cır cındır əysik adamlardı. Amma smestr sonu mənə bal üçün yalvarırlar. Əslində kəssəm onlardan faiz götürürəm amma ürəyim gəlmir hər dəqiqə hər adamı kəsə bilmirəm. Əvəzində etiraf səhifələrində haqqımda yazılana baxıram görürəm yazıblar ki balı süründürüb verən müəllimdir. indi oturun düşünün bunlar belə fikirdədilərsə mənə nələr söyürlər kənarda? Bax elə bunlara görə tüpürüb çıxacam işdən amma özümün boş boş danışaraq pul qazanmaq xoşuma gəlir deyə qalmışam. mühəndis olsam da o qədər pul qazanacam kimi bir şeydir. Sadəcə özümə yazığım gəlir ki, hər hansı öz cibinə pul qazana bilməyən oğlan öyrənmək istəməyi bəs deyilmiş kimi mənə bozarır. Hələ bir dəfə bir qrupun qızları konvertdə pul gətirdilər ki bunu qızlar adından sizə gətirmişik. Özüm uzun müddətdir müəlliməm, amma dərəcəli şəkildə(dosent) 4 smestrdi dərs deyirəm. Magistr oxuyanda da müəllim işləmişəm düşünün o dərəcədə ləzzət edirdi mənə. Amma magistr 2kursda bir natiq müəllim var idi ona qulaq asmadım deyə çox peşmanam. Dedi xaricdən gəlmə orda get işlə burda ailə dolanmaz. Çox sevdiyim bakıya gəldim ailəmdən aralandım yarımçıq həyat qurdum, sıfırdan özümə nələrsə aldım doktaranturaya qədər oxudum . Geriyə baxanda görürəm ki 6 ilim boşa gedib (müəllim kimi). Ona görə bu ölkəyə nifrət edirəm ki, belə peşənin içinə pox qoydular hörmətsiz elədilər . indi qohum içində deyirlər ki, bizim filan uşağı tapşıra bilərsənmi? Buna görə mən gecəmi gündüzümə qatmışam?
Bunu da bu saatda yazıram ki, gecə saat 3də mənə zəng elədilər ki."mən sizin kəsdiyiniz tələbəyəm 25% olacaq ayın 8i nəzərə alarsız" . Düşünün də, insana qoyulan hörmət budurmu? Onsuz da 25dən uşaq kəsmirəm özünə demişəm. Amma müəllim kimdi ki qulaq asasız.

pul

Bəşər tarixində pul 6-7 min əvvəl mövcud olub. Pul hər hansı bir şəxs tərəfindən ixtira edilməyib. ilk pul maldarlıqla məşğul olan tayfalarda meydana gəlib. Məhz buna görə də, hesab edirlər ki, latın sözü olan Pekunya-pul, Pekus-mal-qara sözündən yaranıb.Tarixdə ilk pulu döymə üsulu ilə miladdan öncə VII yüzillikdə Anadoluda yaşayan lidiyalılar, çap ediblər.Kağız pul isə 618-ci ildə Çində istifadə olunmağa başlayıb. Kağız puldan istifadə ticarətdə tacirlərin işini asanlaşdırıb. Avropada isə kağız puldan ilk dəfə 1661-ci ildə isveçdə istifadə edilib. Pul insana niyə lazımdır? O, bizim həyatımızda hansı rolu oynayır? Bu sualın cavabı hamı üçün müxtəlif ola bilər. Bəziləri üçün - bu yaşama, sağ qalma vasitəsi, digərləri üçün qarşıya qoyulmuş məqsədlərə nail olmaq üsulu, digər bir qrup üçün isə həyatın ən vacib tərkib hissəsi, elə məqsədin özüdür.

Pul yaxşı qulluqçu, lakin pis ağadır. Frensis Bekon

Hər bir kəsin pula qarşı münasibəti olduqca individual, fərdidir. Biz pulu sevsək də, sevməsək də müəyyən dərəcə də ondan asılıyıq. Hətta demək olar ki, o müəyyən mənada bizi özünə tabe edir. ilk baxışda insan və pul anlayışları tamamı ilə fərli görünür, amma əslində onlar kifayət qədər yaxındırlar. Pulun danılmaz və özünəməxsus gücü bizim zəmanəmizin insanlarını zəhmət çəkməyə və daha çox pul qazanmaqdan ötrü çalışmağa vadar edir. Əvvəllər pul qazanmaq yolları daha az idi. indi isə əgər böyük istək olarsa və siz öz bacarıq və qabiliyyətlərinizi lazımı məcraya yönəldə bilsəniz, böyük maliyyə uğuruna nail olmaq mümkündür Xüsusən də nəzərə alsaq ki, bizim zamanda pul qazanmaq üsulları olduqca fərqli və rəngarəngdir. Gəlin razılaşaq ki, nə qədər deyilsə də ki, "pul əl cirkidir" " çoxun çox dərdi var" həyatımız puldan asılıdır. Əlbətdə sizin hədəfləriniz maddi baxımdan olmaya bilər amma müəyyən mənada asılıyıq.

araq

Günahdı içməyin. Müsəlman olub mənim yazımdan sonra tamah salan varsa allah hasil etsin!

Ruslar və polşalılar arasında olan mübahisədən sonra SSRi qalib gəlmiş və arağı (vodka) özününküləşdirib. D.i.Mendeleyevin dissertasiya mövzusu olmuş bu içkinin ən ideal halı 40% spirtlə olan halıdır. Spirtin suda məhlulunun aktivləşdirilmiş kömürdən keçməsi ilə hazırlanan bu içkinin meyvələrdən çəkilən spirtlə hazırlanan növləri də vardır. Həzmi rahat olan alkaqdur
Qayıdaq mənim subyektiv fikirlərimə. Bu dünyada azərbaycanlıların ağız və damaq dadına uyacaq yeganə içkidir. Evdə çəkilmiş halına samaqon deyirlər və tovuz, qazax, ağstafa zonasında minimum 70% olur. Elə bir içkidir ki, haqqında şairlər şeir yazıb, analar atalar qarğış töküb. Bir dəfə dadına baxsaz ayrıla bilməyəcəyiniz ləzzətdir. Həyatda viski, pivə, tekila, likör sevə bilərsiz. Amma araq onların şahıdır. Cibinizdə çox pul varsa bahalısını yeməklə, az pul varsa ucuzunu meyvəylə dadına baxılacaq içki. Araq içməkdə əsas məqsəd meyxoş olmaq olmamalıdır, elə araq içməyin özü olmalıdır. Əgər araq içirsizsə önəm verməli olduğunuz şey arağın qiyməti olmamalıdır. Çünki arağın bahalısından ucuzuna çox da dad fərqi yoxdur, amma baş ağrı vermək məsələsi var. Siz bu içkiyi öz sevdiyinizlə, dostlarınızla, düşmənlərinizlə, yeni tanışlarınızla rahat içə bilərsiz. Araq səmimiyyət açarıdı. Araq içən şəxslərin qəlbi açıq olur.
Bu qədər arağı təriflədikdən sonra necə içə bilərsiz onu da izah edim. ilk öncə deyim ki, əsl araq içmək istəyirsizsə araq rumkada qatqısız içilməlidir. Aromalı araqlar çox da məsləhət görünmür. Araq içəndə çalışın ağzınız məşğul olsun, yağlı yeyin. Yağlı yeməyiniz yoxdursa meyvəylə vurursuzsa çalışın arada zaman dilimi saxlayın. Önəm verməli olduğunuz şey tez-tez vuran adam deyilsizsə yerindəcə sərxoş olacaqsız. Sərxoş olmamaq üçün sizə məsləhətim budur ki, ağartı məhsulları. su və ya sok için. Dozunuzu çox keçməyin və özünüzü tuluğa döndərməyin. Və unutmayın qurtumlamaqdansa bir başa udmaq daha məsləhətlidir. içəcəyiniz adamları isə düz seçin, araq zarafat deyil. Son sözüm isə sağlıq deyə bilmirsizsə öndəki sağlıqları siz deməyin. Deyilən sağlıqlara..!!!

bacarana can qurban

Bu entry şiddətlə doludur. Əgər qohumlarınız məmurdu deyə imtiyazlarından böyük dərəcədə sui istifadə etmisizsə oxumuyun bunu cındırınızı çıxaracam.
Deməli bu söz əsasən və böyük çoxluqda qeyri-qanuni hərəkət edən adamlara irad bildirilən şəxslərə cavab olaraq deyilir. Amma sırf bununla bağlamaq olmaz. Məsələn bir insan çox ağırlıq qaldırır deyirsən eləmə deyir bacarana can qurban.
Mən əsas danışmaq istəyirəm qeyri-qanuni hərəkəti ilə fəxr edən əysiklərdən. Bir insanın həyatda ən böyük uğuru qayı olan yolda əks istiqamətdə sürmək ola bilər? Əlbətdə yox. Bəs bu şərəfsizlər niyə fəxr edir?
Çünki şüuraltı alçaqlıq var onlarda və bizim ölkədə düzgün işləyən adama cındır kimi baxırlar. Ay şərəfsizlər, rüşvətlə böyük və əhəmiyyətli mövzuların həll olunması sizi qorxutmur?
Düşünün ki, hansısa məmur sizin əziziniz saydığınız adamı maşınla vurub öldürdü. Qanun qarşısında cavab vermək yerinə pulla işi bağladı. Onda da bu sözü deyəcəksiz? insafınız olsun. Onsuz da yaşayacağınız 70 il ömür var. 10 il qocalıq 15 il uşaqlıq deyək. 45 il yaşanılacaq gözəl çağlarınızı düzgün düşüncələrə sahib olaraq yaşayın.