sözaltı etiraf

salam, sözlük.

ola bilər yazdıqlarım yazarlara itici gələr, gülərlər. amma bu mənim hisslərimdir. sizcə bir insanın hissləri başqasına necə gülünc gələ bilər ? bəlkə də gülünc gəldiyi üçün hisslərimizi gizlədirik, paylaşmırıq. hər şeyi içimizdə yaşayırıq. çox çətin dönəmlər keçirdirəm. işimdən ayrılmışam. artıq hər gün sözlüyə daxil oluram. hər gün sözlüyü dəfələrə yeniləyirəm. amma oxunulası heçnə yoxdur və mənim də yazıcılıq qabiliyyətim də yoxdur. deyəsən yazarlar tətilə çıxıb. yoxdular. keçən dəfə ən çox oxuduğum iki yazarın adlarını ifşa etmişdim. (bax: graviton)

sözaltı etiraf

iki yazarın başlığına qeyd etdiyim kimi sözaltı sözlüyü çox sevirəm bir oxuyucu kimi. hər gün oxumağa çalışıram. amma yazılar çox azdır deyə bəzən həftələrlə girmirəm. çünki girərkən saatlarca oxumaq istəyirəm. avtobusda, metroda hər yerdə. bu gün əslində yenə heçnə yazmayacaqdım və oxuyucu kimi dəvam edəcəkdim lakin graviton adlı yazarın yoxa çıxmağı həmçinin fikirlərinin silinməsi məni dərindən üzdü. köhnə yazarlar isə demək olar ki, yazmır. yazan keyfiyyətli yazarlar əvvəlki illərə nisbətən azlıq təşkil edir. çalışın sözlüyü qoruyun, inkişaf etdirin. azərbaycanda burdan istifadə edən kütlə çoxdur. iş kollegiyam o dəfə #177849 belə bir yazı oxudu. o qədər güldük, daha sonra #51970 bunu oxudu o qədər təsir etdiki izah edə bilmirəm. daha sonra #187467 fikrində o qədər özümüzü o xanım kimi hiss etdik ki..hərdən motivasiya lazım olanda o qədər dəstək olur ki #195108, yoxa bunu deyim ? #135581 həddindən artıq çoxdur. xahiş edirəm əlinizdəkilərin qədrini bilin. sözlük bir həftə bağlı qalanda həyatınızdakı boşluğu anlacaqsınız.

ürəyimi boşaldandan sonra oxuyucu kimi özümü daha rahat hiss elədiyim üçün oxuyucu olaraq qalmaq istəyirəm. mən yazar olmaq istəmirəm sadəcə bir anlıq duyğusal boşluğa düşdüm. amma hər zaman sizi kənardan oxuyan oxuyuculardan biri olaraq qalacam.

anyone

istər filmlərlə bağlı yazmış olduğu fikirlər istərsə də kitablar haqqında yazmış olduğu fikirlər haqqında ən çox oxuduğum 5-ci nəsil yazarlardan biridir. amma həddindən artıq az yazır. hərdən növbəti yazdığını oxumaq üçün bir neçə gün gözləməli oluram. hərdən aylar belə çəkir. hətta müəllimin ən boş vaxtı yay aylarıdır. demək olar ki, heç bir şey yazmırdı. təbii olaraq eksisözlük yaxşı ki, var çünki ən azından insan öz doyumsuzluğunu ordan ala bilir. hərdən iki ay sözlüyə girmirəm daha sonra isə girib bir-bir izlədiyim yazarların başlığını axtarıb yazdıqlarını oxuyuram. təşəkkür edirəm sözaltı sözlüyün yaradıcılarına ki, belə bir layihə yaradıblar. inanın mənim kimi kənardan oxuyucular çoxdur sadəcə istəmirlər özlərini birdən tanımadığı insanların əhatəsindən günahkar kimi hiss eləsinlər. bu yazar da çox tənqid olunub. amma yaxşı ki, var. hərdən seçib-seçib yazdığı filmlərə göz atıram. şəxsi yazacaqdım lakin istədim ki, hər kəs görsün. sözlüyün bu tip yazarlara ehtiyacı var. əfsuslar olsun ki, əvvəllər bu tərz yazarlar daha çox idi. indi isə sadəcə bir-ikisi qalıb və hal-hazırda qalanların ən yaxşısıdır. ümid edirəm dayandırmaz.

graviton

heç biriniz məni tanımaz amma mən 2013-cü ildən burdayam bir oxuyucu kimi. çox zaman həzz almışam, çox zaman isə küsmüşəm, yazarlara nifrət etmişəm. amma yenə də ayrılmaz bir hissəmdir sözaltı mənim üçün. təbii olaraq hər yazar kimi mənim də izləyən yazarlarım var idi. kimisi deaktiv etdi, kimisi səssizcə getdi. bir fizika müəlliməsi kimi gravitonun digər sözlər edüardın yazdıqlarını həzz alaraq oxuyurdum. özünə yazmasamda belə idi. bu gün görürəm ki, silinib. axı niyə ? yazar olmağımın tək səbəbi izlədiyim yazarlar haqqında bir-iki kəlimə yazmaq idi. birini itirdik. mesaj yazacaqdım hər-birinə lakin yazarlığım hələ bu gün təsdiqləndi. hətta yazdıqlarını belə tapa bilmirəm. hansı ki, favorit seçmişdim ki, oxuyum. qalsın istifadə edim.