beyond

random access memoriesin gizli mücəvhəri, həyat fəlsəfəsi edilə biləcək mükəmməl sözlərə sahib, albomun ən saf, ən dərin parçalarından biri, hətta birincisi. Uzun müddətdən sonra dinlədikdə aldığım zövq tərif edilməzdir -*

(youtube: )

plague inc.

manyakcasına asılılıq yaradan möhtəşəm android və plague inc. evolved versiyası ilə steam-də də yer alan oyun. və (casual səviyyə xaric) qalib olmaq həqiqətən çox çətindir. dünəndən bəri saatlarla oynayaraq nəhayət ki bu gün hələ normal səviyyədə qalib gələ bildim. amma sıxıcı bir oyun oldu çünki, etdiyim sadəcə gözləyib bütün dünyanı infeksiyaya yoluxdurandan sonra bakteriyanın letallığını artırıb (favorilərim hemorragik şok və total organ failuredir ehehe) bütün dünyanı 1 dəqiqədə qırmaq oldu. hardasa 2 saat rahat vaxtınız gedir, bu müddətdə də çay serial filan vaxt keçirirdim. amma tez-tez kontrol etməlisiniz ki plague öz-özünə hansısa simptom mutasiya etməsin. bir də mən ən sadə patogen olan bakteriya ilə oynayırdım.* camaat nanovirus, bio-weapon filan düzəldir (ilk başda seçim ancaq o olur, pul ödəyib premium oynamaq fikrində deyilsinizsə) bakteriyada simptomları devolve etdikcə dna point qazanırsınız. virusda isə tam əksinə point itirirsiniz. simptom demək dünya tərəfindən kəşf olunmaq deməkdir, ona görə çox ehtiyatlı olmalısınız. ağır strategiya oyunudur və xüsusilə elmi cəhətdən çox möhtəşəm qurulub, ağzım açıq qaldı. və görünən odur ki, tək heyran olan mən deyiləm -* amerika xəstəliklərin kontrol mərkəzi oyunun yaradıcısını dəvət edib infeksiya modelləri haqqında intervyu alıblar.
https://blogs.cdc.gov/publichealthmatters/2013/04/plague-inc/

məsləhət görürəmmi? həm hə, həm də yox. hə ona görə ki oynaya biləcəyiniz ən realistik, ən elmi simulyasiya oyunlarından biridir. yox ona görə ki çox pis bağlılıq yaradır və çox vaxtınızı alır. mən özümə norma olaraq ancaq həftəsonları oynamağı planlayıram. amma yəni saatlarınızı bir oyuna sərf edəcəksinizsə də bu oyuna sərf edin -*

ps: yuxarıda çıxan dünya xəbərləri də əfsanədir * gangam style rewritten as major broadway musical * penguin spontaneously combusts in zoo

the letters

king crimsonun islands albomundan iliklərə işləyən sərtlikdə robert fripp manyakının möhtəşəm istedadını ortaya qoyduğu * mənə görə proqressiv rok şahəsərlərindən sayılan underrated parça. peter sinfieldin yazdığı sözlər musiqinin təsirini lap artırır. ən sevdiyim versiyası

(youtube: )

tetanus

clostridium tetani bakteriyaları tərəfindən törədilən infeksion xəstəlik.

clostridium tetani də bu cinsin bir çox nümayəndələri kimi anaerob olduğu üçün (bax: botulizm)

battlestar galactica

1978-ci ildə eyniadlı serialla glen a. larson tərəfindən yaradılan science fiction franchiseı. sonradan bir neçə film və serialla davam etmişdir. 2003-cü ildə köhnə ssenari əsasında əvvəlcə 2 bölümlük miniseries (hansı ki bunu izləməsəniz temanı tutmayacaqsınız) * ben değil yaa bir arkadaş , sonra isə 4 sezonluq (fərqli bir çox detallar əlavə edilmiş) yeni serialı çəkilmişdir. bundan başqa spin-off serialı caprica və web serial blood and chrome yayımlanmışdır.

it

it başlığında 2, pişik başlığında isə 7 səhifə entrynin olması da bu heyvanların nə qədər layiq olduğu sevgidən qıraqda olduğunu göstərir. insan təbiət olaraq nankor olduğu üçün həmişə özünü sevməyəni sevməyə meyillidir. Pişiklər hədsiz dərəcədə şirin ola bilərlər, amma içimdə bir səs nə vaxtsa pişiyim olsa belə məni heç vaxt sevməyəcəyini deyir, ona görə də pişikləri heç cür sevə ya da bağlana bilmirəm. Amma itlər elədirmi? insan ürəyinin içinə qoymaq istəyir az qala, o dərəcə sevimli, saf və məsumdurlar. Bir qab yemək versən, biraz qayğı göstərsən sənin verdiyin sevgini artıqlaması ilə sənə qaytarırlar. Adamın sözün həqiqi mənasında içi isinir bu heyvanlara, itlər candır. Bir gün öz evimdə saxlaya biləcəyim itim olsa axtardığım hüzur və sevginin yerini tapacağını düşünürəm.
Eynilə bu musiqinin sözlərində də deyildiyi kimi

(youtube: )

çobanyastığı

son günlərdə zəncəfil çayı ilə birgə sevimli bitkimə çevrilib. ikisini birlikdə dəmləyib içirəm, xüsusilə mənim kimi həzm sistemi sarıdan bəxtiniz gətirməyibsə daha çox faydasını hiss edəcəksiniz. bundan başqa əsəblərə də sakitləşdirici təsir göstərir. qadınlar üçün mensturasiya ağrıları zamanı nanə çayı ilə birgə ən güclü sakitləşdirici və rahatlaşdırıcı təsir göstərən vasitələrdən biridir. * arada böyüyün sözünə də qulaq asmaq lazımdır ehehe
həm də qəşəng çiçəkləri var -* * daha nə olsun

heç nə oxumamışam deyib 100 alan insan modeli

Ehem-ehem, indiyədək bu tip bir tələbə olduğum üçün 1-2 kəlam edib vəziyyəti aydınlaşdırmaq ehtiyacı hiss etdim. Deməli, gözəl yoldaşlar, məsələ belədir ki, o cümlədəki heç nə sözü tam olaraq heç nə anlamına gəlmir. Sadəcə insanların günlərlə hazırlaşdığı imtahana bir gecə hazırlaşanda istər-istəməz adam heç nə oxumamışam ala mood'una girir. Bu nəticə 3 yolla alına bilər:
1. Yuxarıdakı entrydə qeyd olunduğu kimi semestr ərzində oxuyub, qeydlər aparıb, 40+ bal yığıb imtahana yaxın qeydləri gözdən keçirib yuxarı qiymət alanlar (hansı ki heç vaxt bunlardan ola bilmədim)
2. imtahan gecəsi gecəsi 2-4 saat hardcore sualları oxuyub yüksək qiymət alanlar.
3. Bir də normal dərsini oxuyub "göz qaytarmaq" məqsədilə artistlik edənlər. Hansı ki, məncə də çox qıcıqverici hərəkət edirlər. Məqsədləri özlərini dahi kimi göstərməkdir. (baxma: oxumamış alim)

Zira keçən semestrə qədər 2-ci yolla oxuyub çox yuxarı olmasa da özümə görə okay dediyim bir ortalama ilə unini yola verməkdə idim, ta ki biokimya imtahanından 54 balla kəsrdən çox kiçik fərqlə xilas olandan sonra tövbə etdim. Əslində hormonların təsirilə müəyyən dərəcədə stress altında beyin daha yaxşı işləyir, amma məndən sizə məsləhət bu yola əl atmayın, çox risklidir, vaxtınız çox az olur çünki. Həmin biokimya imtahanının gecəsi kefim heç amma heç dərs oxumaq istəmədi və iradəmlə savaşda uduzub oturub gecəni yatmayaraq (o stressdə necə yatım ala) gah bədii əsər oxuyaraq gah da internetdə boş-boş veyillənərək imtahana girdim və 21 bal yığandan sonra yenə də bir fənnin balının aşağı olması ilə zərbəçiliyi qaçırtmağın verdiyi əsəblə tövbə etdim və bu semestr oxuyacağıma söz verdim. Bu semestr də oxudum, amma bəzi müəllimlərin mənlə qəsd-qərəzliyi tutduğu üçün bəzi qiymətlərim istədiyim kimi olmadı, amma olsun, söz vermişəm sessiya dövründə də oxuyacam, dirəşmişəm qardaş mən o zərbəçi təqaüdünü alacam!

Alsam editləyəcəm -*

Ala bilmədim, sözlük, yenə imtahan gecəsi oxumaqdan başqa hər şey elədim, 54 oldu yenə * :d

məğlubedilməz

Stanislaw Lemin hard science fiction janrında yazdığı öz janrının klassiklərindən hesab edilən möhtəşəmüstü romanı. Kitab haqqında saatlarla danışmaq istəyirəm, sadəcə sözlərlə düşüncələrimi ifadə etməkdə çətinlik çəkirəm, amma cəhd edəcəm.
Əvvəlcə əsərin məzmunu haqqında:

Regis 3 planetinə etdiyi elmi-kəşfiyyat məqsədli uçuşdan sonra yoxa çıxan və heç bir xəbər alına bilməyən "Kondor" kosmik gəmisi və heyətini axtarmaq üçün eyni planetə yola çıxan "Məğlubedilməz" heyətinin Yer planetiylə əlaqəsi bilinməyən səbəblərdən kəsilir. Uzun axtarışlar nəticəsində Kondor tapılır, lakin qarşılaşdıqları mənzərənin absurdluğu qarşısında heç bir təxmin yürüdə bilmirlər və gördüklərinin hələ başlanğıc olduğunun fərqində deyillər. Məsələ burasındadır ki, bu planetdə təkamül və "canlı" həyat çox fərqli səbəblərdən və çox fərqli istiqamətlərdə inkişaf edib. Və bu vəziyyət qarşısında heyət çox çətin qərarlar vermək məcburiyyətindədir.


- insan, bilgisinin sərhədlərinin fərqinə vardıqda nə qədər məntiqli qərarlar verə bilər? -

Məğlubedilməz Lemin yaradıcılığından oxuduğum ilk əsər idi və bu əsərin məni bu qədər heyrətləndirəcəyini heç vaxt düşünməzdim. Adam elm və fəlsəfəni o qədər möhtəşəm harmanlayıb ki, o qədər bir-birilərini tamamlayırlar ki, heç Aristotelin dövründə fəlsəfəni elmə bu qədər yaraşdırmamışdım. Və anlatmağa çalışdığım şey uzun-uzadı monoloqlar ya da varolmanın dözülməz yüngüllüyü və ya ağırlığı kimi marjinal, və ya klassik dövrün fəlsəfə klişeləri deyil. * kunderaya salamlar * nifrət edərək sevdiyim tək yazardır kendisi Təbiətin, təkamülün, elmin, canlı təbiətinin fəlsəfəsidir bu. Və bu fəlsəfəni hekayənin gedişinə çox kiçik cümlələrlə, kiçik "toxunuşlarla" yalın bir şəkildə "gizlədib".
Son olaraq, Sevdiyim kiçik bir hissəni paylaşacam. Amma Orjinal dildən çox gözəl şəkildə türkcəyə tərcümə olunduğu üçün bir də tərcümə edib effektini itirmək istəmədim.

-- spoiler --


..bir düşme sesi geldi, daha üstteyken okumaya başladığı kitap yere düşmüştü. Sayfa ayracı olarak beyaz bir kart koymuştu arasına amma tek bir şiir bile okumamıştı, ne zaman okuyacaktı ki? Ranzasında doğruldu. O anda bulutları yok etmeye ilişkin planlar yapan stratejistleri hatırladı ve ağzı küçümseyici bir tebessümle büzüldü. Bunun bir anlamı yok, bütün bunların diye düşündü. Bulutu yok etmek istiyorlar.. biz de öyle, hepimiz bu bulutu yok etmek istiyoruz, ama bunu yaparak hiç kimseyi kurtarmış olmayacağız. Regis insansız, insanın burada bir işi yok. O halde bu inat niye? O adamları bir fırtınanın ya da bir depremin öldürmüş olmasından bir farkı yok bunun. Hiç kimsenin bilinçli bir niyeti, hiçbir düşmanca düşünce çıkmadı ki yolumuza. Ölü bir öz örgütlenme süreci işte.. sırf daha en başından onu saklandığı yerden çıkıp önce Kondor'a, sonra da bize saldıran pusuya yatmış bir düşman olarak kabul ettik diye elimizdeki tüm gücü ve enerjimizi onu yok etmek için harcamaya değer mi? Evren böyle daha kaç inanılmaz, insan kavrayışına yabancı olgu gizleyebilir içinde?..


-- spoiler --

cep hikayeleri

Hər dəfə videolarını izlədikdən sonra içimdə təəssüf və xoşbəxtlik qarışımı qəribə hisslər yaşadığım kanal. Ən çox yaddaşıma həkk olunmuş və ən təsiredici videosu isə taksi şoferinin xatirələrini anlatdığı videosudur. Adam sözün həqiqi mənasında həyat dərsi verir:
" Çünkü bu enflasyonda o paralar bizde kalmayacaktı, ama sayfalar sende kalıcaktı. Anıları pekiştiriyorsun böylelikle. Böyle işte, bizim hazinemiz de bu. Her kesin bir hazinesi vardır yani -*"
"Bilgisiz insan yaşaya bilir mi?"
"Ölürken, acı çekerken bile insan mutlu olabilir"

(youtube: )

botulizm

Clostridium botulinum (lat. botulus-kolbasa) bakteriyaları tərəfindən törədilən ən güclü zəhərlənmə hallarına səbəb olan infeksion xəstəlik.

Clostridium botulinum anaerob (oksigensiz mühitdə yaşayan) bakteriya olduğundan konserv qutularında, qurudulmuş balıq, donuz ətində və s çox rast gəlinir. Bu bakteriyalar ətraf mühitə Botulotoksin adlanan xüsusi ekzotoksinlər ifraz edirlər. Hansı ki hal-hazırda ən güclü bioloji zəhər hesab olunur. Belə ki təmiz kristallik formada bu toksinin 6 kiloqramı bütün bəşəriyyəti məhv etmək gücünə malikdir. Zülal təbiətə malik bu zəhər disulfid rabitələrlə birləşmiş 2 protein zəncirindən ibarətdir və həzm fermentlərinin təsirinə davamlıdır. Buna görə də peroral yolla həzm sisteminə düşmüş toksin nazik bağırsaqlardan qana sorularaq sinir sisteminə seçici olaraq təsir göstərir. Yüngül zəncir adlanan A komponenti motor neyronların presinaptik membranındakı reseptor zülallarla birləşir və bu neyronlara daxil olur, nəticədə neyromodulyator olan asetilxolinin sintezini tormozlayır və əzələlərin iflici baş verir.

Bu toksinin çox az və zəiflədilmiş miqdarı isə "botoks" estetik proseduralarında istifadə olunur. (baxma: qadınlardan qorxmaq üçün səbəblər) camaat gözəl olmaq üçün üzünə toksin vurdurur, ilginç. Hər nəsə mövzuya dönək * glş

orqanizmdə inkubasiya dövrü 1-3 gün, hətta bəzən bir neçə saat çəkir və bu müddətdən sonra kliniki təzahürlər müşahidə olunur. Bunlara misal olaraq əvvəlcə ürəkbulanma, qusma, qarında ağrılar daha sonra isə əzələ ifliclərini göstərə bilərik - göz qapaqlarının sallanması, iki görmə, boyun, ətraflar, ürək, tənəffüs əzələlərində ağrılar və s müşahidə olunur.

Tənəffüs əzələlərində ifliclərdən və ürək çatışmazlığından baş verən ölüm yüksək həddə, 50-60 faizə çatır.

Yoluxma yolları: suda, torpaqda, ətraf mühitdə bol miqdarda rast gəlinir. Bura heyvanların və balıqların fekalisi ilə düşür və çox güclü spor əmələgətirmə xüsusiyyətinə malikdir. Belə ki, bu bakteriyalar özü 5 saata qədər qaynadılmağa davam gətirə bilir. Sporları isə 160-170 selsi temperaturda məhv olurlar.

Müalicə yolu olaraq tez bir zamanda polivalent antitoksik zərdab vena daxilinə yeridilməlidir.

Son olaraq, konserv məhsullarından istifadə etdikdə ehtiyatlı olun, çünki digər zəhərlərdən fərqli olaraq botulotoksinin xüsusi bir göstəricisi yoxdur, heç bir spesifik iyə malik deyil, qidada görünüş və dad cəhətdən heç bir fərqlilik törətmir. Hər ehtimala qarşı konserv qutusunu qaynar su ilə yuduqdan sonra istifadə etməyiniz məsləhət olunur.

the crystal ship

the doorsun the very best of the doors albomundan 2.35 dəqiqəlik çox möhtəşəm sözlərə sahib, qrupun ən sevdiyim dadı damaqda qalan musiqisi.

(youtube: )

sıradan bir gün

çox saf və sadə səsə malik türkiyəli caz ifaçısı jülide özçelikin * nadir hallarda qadın səsilə ifa olunan musiqilərə bağlana bilirəm indiyə qədər eşitdiyim ən gözəl sözlərə sahib musiqilərdən biri.

(youtube: )

yada sal məni

mübariz tağıyev tərəfindən ifa olunan möhtəşəm mahnı. musiqisi eldar mansurova, sözləri isə piruz dilənçiyə aiddir.

(youtube: )

welcome to my dna

blackfieldin 2011-ci il çıxışlı, çox sakit və hüzur verən parçalara sahib, steven wilsonun təsirinin az olduğu bu səbəbdən də daha çox art rock, alternative rock janrlarında olduğu hiss edilən albom. musiqi sırası:
1. "Glass House"
2. "Go to Hell"
3. "Rising of the Tide"
4. "Waving"
5. "Far Away"
6. "Dissolving with the Night"
7. "Blood"
8. "On the Plane"
9. "Oxygen"
10. "Zigota"
11. "DNA"