md5

tək istiqamətli şifrələmə alqoritmidir. əsasən kimlik doğrulama əməliyyatlarında istifadə olunur. tək istiqamətli olması hashdan əsil verilənə geri qaytarmağın mümkün olmadığı mənasına gəlir, yəni verilən, məsələn parolunuz, şifrələnərkən, daxilindəki bəzi informasiyalar itirilir, buna görə geri qaytarmaq mümkün olmur. verilənin ölçüsündən asılı olmayaraq md5 alqoritmi 128 bitlik bir hash yaradır ki, bu da 255^16 bənzərsiz verilən mənasına gəlir. həmçinin ssl şifrələməsində də istifadə olunur. md5 alqoritminin mənfi cəhəti ondadır ki, sonsuz bənzərsiz şifrəni bu alqoritm ilə şifrələmək mümkün deyil, bir yerdən sonra təkrar olacaq, səbəb isə sadədi, 128-bitlik bir sərhəd var. hal-hazırda md5 alqoritmi ən güvənilir alqoritmlərdən olsa da bəzi online databaselər var ki, burda əvvəlcədən müəyyən sözlərin hashlarını alıb yığıblar və siz həmin databasedə öz hashınızı axtarıb tapa bilərsiniz. məsələn:
admin sözünün md5 hashı 21232f297a57a5a743894a0e4a801fc3-dır. əgər bu hashı google vəsitəsi ilə axtarsanız bir çox databasedə olduğunu görəcəksiniz. xüsusi md5 hashlarını decrypt etmək üçün bəzi saytlar:
hashkiller
md5 online

yuxu iflici

yuxudan oyandıqdan həmən sonra yaşanılan keçici iflicdir. ümumilikdə bu iflic bir neçə saniyədən bir dəqiqəyə qədər çəksə də, bəzi nadir hallarda saatlar çəkə bilir. yuxu iflici ilə rem yuxugörməsi arasında əlaqə olduğu düşünülür. rem yuxugörməsi yuxunun ən dərin hissəsidir ki, bu zaman bədən təbii iflic vəziyyətinə düşür. düşünülür ki, yuxu iflici rem yuxugörməsi zamanı şüurun birdən oyanması ancaq bədənin iflic vəziyyətini davam etməsidir. şüurunuz oyanır, ancaq bədəniniz yox.
(bax: qarabasan)
(bax: lucid dreaming)

incubus

qadınlara yuxularında təcavüz edən erkək şeytandır. məqsəd qadınlara cambion doğurtmaqdır.
çox vaxt qonaq cildində gələr və qadına yuxusunda təcavüz edər, qadın bütün bu olanları sadəcə yuxu olaraq xatırlayar.
qadın gələn şəxsin incubus olduğunu anlaya bilər, əgər qadın yoxladığı halda erkəyin penisi soyuqdursa deməli incubusdu - * glş
incubuslar bir qadınla çox tez-tez cinsi əlaqəyə girsə yorular və ölər.
incubrusun dişisinə, yəni erkəklərin yuxusuna girib onlarla birlikdə olana isə succubus deyilir.
hə, bu arada burda çox maraqlı sperm transferi gedir, deməli incubusun özünün spermi yoxdu, spermi dişisi yəni succubus vasitəsi ilə insan erkəyindən alır. qısacası sperm insandan insana getmiş olur, ancaq övladlar cambion olur.
fərqli mədəniyyətlərdə bu şeytana fərqli adlar verilir. məsələn türklər karabasan deyir.
(bax: qarabasan)

açıq kod

məhsulun inkişaf etdirilməsini, dəyişdirilməsini hər kəsə açıq tutan, məhsulun pulsuz paylanmasına təşviq edən fəlsəfədir. demək olar ki, hazırda, internetdəki hər ödənişli proqramın açıq kod ekvivalenti, bənzəri vardır. belə desək, bilginin və virtuallığın hər kəsin haqqı olduğunu müdafiyə edən şəxslər tərəfindən ortaya atılıb, bu fəlsəfənin daşıyıcıları arasında böyük şirkətlərin ceolarından tutmuş hacker fəlsəfəsini həqiqətən anlamış olanlara qədər var. ən böyük nümunələrindən div əməliyyat sistemi olan linux, internetin yarısını əhatə edən apache veb serverlər, mobil bazarının divlərindən androidi misal göstərmək olar.

apache

open source web serverdir. apache software foundation tərəfindən inkişaf etdirilir. 2005-ci ildə ümumi veb saytların 70%-i apache ilə işləyirdisə, hazırkı tarixdə bu 50%-ə qədər düşüb. apache veb serveri unix, gnu, freebsd, linux, solaris, novell netware, mac os x, microsoft windows, os/2, tpf, ve ecomstation kimi əməliyyat sistemləri üzərində işləyə bilir. demək olar ki, bütün veb texnologiyalarını dəstəkləyir.
(baxma: apache tomcat)

fanzin

jurnaldan daha az informasiya saxlayan, heç bir qazanc məqsədi güdülmədən çap edilən, daha qeyri-peşəkarca olan nəşr. fanzinin dəqiq bir çap periodu yoxdur, əsasən əllə, seçilən kütləyə paylanılır. bir neçə fanzin növü var, bəziləri:
siyasi fanzinlər: hər hansı bir siyasi ideologiya daşıyan qrupun bu ideologiyalarını yaymaq üçün hazırladıqları fanzinlərdir. sosialistlər, anarxistlər və digər anti-kapitalistlər tərəfindən tez-tez istifadə edilir. azərbaycan üçün bir ara solfrontun siyasi fanzinləri yayılırdı.
ədəbiyyat fanzinlər: şeir, qısa hekayə kimi ədəbiyyat nümunələrini özündə saxlayır, ibrətamiz və ya marifləndirici səciyyə daşıyır.
qarışıq fanzinlər: içində hər növ informasiya olan fanzinlərdir.
erotik və ya pornoqrafik fanzinlər: əyləncə məqsədi ilə qapalı bir qurup arasında yayılan fanzinlərdir.

qoriot ata

honore de balzacın 1835-ci ildə yazdı romanıdır. əsər həmçinin insanlıq komediyası adlı lahiyəsinin* nə deyirlər ki buna? ilk kitabıdır. balzakın gələcək kitablarındakı personajlar qismən bu romandakı personajlarla əlaqəli olacaqdır.

--spoiler--

mehmanxanada qoca bir kişi peyda olur. bu qoca az danışır, otağından çölə ancaq yemək üçün bir də hərdən harasa naməlum bir yerə getmək üçün çıxır. hərdən bunun yanına fərqli qadınlar gəlir və mehmanxana əhli qocanı bu yaşda belə əməllərlə məşğul olduğuna görə qınayırlar. bir gün gənc və həvəsli bir gənc qoriotun sirrinə bələd olur; qoriot ata qızlarını dəlicəsinə sevir, əvvəllər imkanlı olub amma qızlarının və qızlarının ərlərinin bədxərcliklərindən müflis olub, vardan-yoxdan çıxıb. buna baxmayaraq qızları yaxşı yaşayırlar. gənc(adını xatırlamıram, gözəl adı vardı), bu qızlardan birini tovlamaq üçün əlindən gələni edir və nəhayət biri ilə bacarır. hadisələrin təsviri daha çox bu gəncin ətrafından edilir və qızlarının atalarına qarşı nə qədər laqeyd olduqlarını sadəcə bu cavan oğlan başa düşür. qoca əlində qalan son pullarını da qızlarına xərclədikdən sonra xəstə düşür, qızlarının adlarını sadalayaraq ölür. dəfnində isə həmin gəncdən başqa heç kim yoxdu.
mənə görə realizm cərəyanının ən yaxşı nümunələrindəndir, oxunasıdır, oxutdurulasıdır.

--spoiler--

siçanlar və insanlar

john steinbeckin 1937-ci ildə çap olunmuş əsəridir. əsər experimental səciyyə daşıyır və pyes ilə roman janrını birləşdirməyə çalışır. ingiliscə adı " of mice and men". həm film, həm də teatr versiyaları vardır ki, pyes olaraq əsər fərqli ölkələrdə sayısız dəfə oynanılıb. 1992-ci ildə üzərinə çəkilən film kann filim festivalında qızıl palma budağına namizə olmuşdur.

--spoiler--

bir fermada işləmək üzrə gələn iki dostdan biri cılız və bic, digəri isə abdaldır. kiçik olan corcun bir xəyalı var, öz fermasını və evini qurub, öz işinin ağası olmaq. yekəpər lenni səhvən sıxaraq öldürdüyü itinin yasını tutur. fermada keçirdikləri müddət ərzində corc daima xəyallarından danışır, lenni onu dinləyib sevinir. fermanın sahibinin arvadı isə ərindən narazı, ferma işçiləri ilə oynaşır. bir gün bu abdal lennini görür və ona da yaxınlaşmağa çalışır. lenninin onu saçlarından çox xoşu gəlir və saçlarını oxşamaq istəyərkən boynunu qırır və qaçır. corc lennini tapsalar onu döyərək öldürəcəklərini bilir deyə axtarış dəstəsinə özü də qoşulur və lennini özü öldürür.
əsərin çoxu dialoqlarını xatırlamıram amma lenninin cibində gəzdirdiyi ölü siçanı, corcun xəyallarını və corcun lennini öldürmə səhnəsini, deyəsən, həyatım boyu unuta bilməyəcəm.

--spoiler--