roma

2 ilimi k keçirdiyim şəhər. 2-ci vətən, dostlarımın, oxuduğum universitetin, möhtəşəm müəllimlərin olduğu şəhər. xoş günlərlə bərabər, çətin, problemli günlər də yaşadığım şəhər. bəzən 15 dəqiqə avtobus gözləyərdim, sonda 2 avtobus arxa-arxaya gələrdi, saat 12-dən sonra atapleniyanı söndürərdilər, gecəni donaraq dərs oxuyaraq keçirərdim, bəzən də saç ustasıla futboldan danışardım.
ama ümümilikdə həyatı anlamağımda böyük rol oynamış şəhərdir. əgər bir gün yolunuz bu möhtəşəm şəhərdən keçərsə, dediklərimi edin. dadını çıxardın. 1 dəfə romanı görən adam mütləq amma mütləq bir daha geri dönəcəkdir romaya. avropanın paytaxtıdır. gəldinizsə bu şəhərə, xırda butiklərdə pizzaların dadına baxın, heçvaxt amma heç vaxt restorana gedib pizza istəmiyin, sizə çox pis baxarlar, italyan mətbəxindən anlayışınız olmadığını düşünərlər. türkiyədə dönər butikləri kimi romada da pizza dükanları var. hər nəqədər izzanın ən dadlısını napolidə yeyə bilsəniz də, romada möhtəşəm pizzacılar var. ən sevdiyim vatikanın yaxınlığında yerləşən pizzarium adlı yer idi. sahibi francisko adlı orta yaşlı oğlan idi, 2 metr boyu var idi, 120 kilo idi, ama adam qatı roma fanıydı, pizzaları və homemade pivələri əla idi. onun yaxınlığında dondurma dükanları var, romaya gəlib də dondurma yemədən getmiyin. kinderli, nutellalı, şərablı, pivəli, zeytunlu dondurmalardan dadın, bir ölkə mətbəxinin nə dərəcədə möhtəşəm ola biləcəyini görün, italyanların nədən gülərüz olduqlarını anlıyın.
şəhəri gəzin, böyük meydanları, kilsələri. ilk öncə fontana de trevi, yəni eşq çeşməsinə gedin, bi arzu tutun, qəpik atın, arzunuzun reallaşmasını gözlüyün. ispan pilləkənlarına gedin, oturun, sizdən aşağıda ortalıxda gəzən minlərlə insanlara baxın, həyat ailə sevdikləriniz haqda düşünün, pilləkənlardan enib dünyaca məşhur mağazaları gəzin, o yol sizi venesiya meydanına qədər aparacaq, bir meydanın və bir dövlət idarəsi binasının nə qədər möhtəşəm ola biləcəyini görün.
trastevereyə düşün, küçə ortasına masalar düzülmüş restoranlarda möhtəşəm homemade şərablardan, pastalardan və ən əsası da pendirlərdən dadın. vatikan kilsəinə gedin, bazar günləri ayinlərə qatılın, 12 muzeyin olduğu bu kiçik şəhərdə muzeyləri tək-tək gəzin, din və tarixin ahəngini hiss edin, mikalancelonun şahəsəri sistinye şapelinə baxın, uzun bi sırada gözləyəcəksiniz, ancaq dəyər! pantheon, əziz peter kilsələrini, del popoloç vittorio emanuelle meydanlarını gəzin, ən əsası qladiatorların məbədi, romanın tam mərkəzindəki kolizeyə gedin, tarixi hiss edəcəyiniz yerlərdən biridir. necə deyərlər, all roads leads to rome! əyləncənin dadını çıxardın.