tələbələr üçün sadə yemək reseptləri

tomat + yumurta

sadə şəkildə desək, tavada tomatın üstünə yumurta vurub bişənə kimi qarışdırırsan, olur yemək.

daha detallı:
tavaya bitki yağı töküb tavanı ora bura döndərirsən yayılsın. nazik yağ təbəqəsi əmələ gəldi bəsdi. bir xörək qaşığı tomat töküb tomatı yayırsan - nazilsin. yağda azca qovrulanfason * haha olan kimi kənarda kasada çalıb ağını sarısına qarışdırdığın yumurtanı üstünə töküb tez ikisini bir-birinə qarışdırırsan. qarışımın canın sululuğu çıxana kimi qarışdırırsan və elə o əsnada da bişmiş olur. vəssalam, ye getsin

sözaltı etiraf

bir azərbaycan qadınının təcavüz gündəliyi başlığındakıları oxuyub bir balaca şok keçirtdim valla. ola bilər düşünəsiz ki, çoxmu naivəm, ola bilər amma bu qədər də olduğunu heç düşünməmişdim. oxuyanda sadəcə düşünürəm ki, görəsən burda yazılanlar hamısı dordan olub azərbaycanda, yoxsa özlərindən qoşurlar bəzilərini. əgər hamısı həqiqətdirsə, onda belə insanlarla eyni cəmiyyətdə yaşadığım üçün utanıram. belə şablon kimi çıxacaq, amma onların yerinə mən utanıram. "insan bu qədərmi mənəviyyatsız ola bilər" deyə çox təəccüblənirəm. xüsusilə içlərində oxuduğum bir hadisə daha çox belə düşündürdü məni. bilirsiz, hər gün evə gəlib yaxını öldürən filan eşidirik, çox vaxt narkomaniyadan əziyyət çəkənlər filan olurlar. o "şey"in vaxtı çatanda pul lazım olur və gözlərinə heç nə görünmür (ən azından mən elə düşünürəm). bəs bu alçaqların gözünü bağlıyan, qəlblərini qəflət quyusunun dibinə salan nədi? doğrudanmı bir neçə saniyəlik yaranan ehtiras aclıqlarını basdıra bilmirlər. yəni doğrudanmı özlərini idarə edə biləcək 1 qram iradələri yoxdu? bu dərəcədə mənəviyyatsızlıq mənə çatmır. başa düşə bilmirəm.

(bax: qatil olmaq istəmək)

aşura günü aksiyaları

aşura günü ölkənin bir çox şəhərlərində və rayonlarında müxtəlif servislərin pulsuz işlədiyi aksiyalardı. bəziləri hər gün satdığı çörəyi pulsuz satır, avtobus şoferləri pulsuz xidmət göstərir və s.

biz ailəlikcə rayondan qayıdanda bu gün (aşura günüdü) rayonlar arası yolda maşını saxladıq çay içək. 2 çaynik içdik və duranda pul almadılar ki, "bu gün imam ehsanıdı, pul lazım deyil".
həmçinin bu (#184740) entrydə deyilən avtobus şoferi.

və belə neçə-neçə pulsuz xidmət göstərən insanlar.

sevinirəm ki, belə faydalı sosyal işlər yayılmağa başlayır, artıq adət halına keçir, insanlar daha düzgün düşünməyə başlayır. bunu "inkişaf" kimi qiymətləndirirəm mən. əvvəllər az-az olurdu belə şeylər. hiss eliyirəm ki, ildən ilə aşura günü təmənnasız xidmətlər artmağa başlayır. ümid edirəm ki, hər şey ancaq və ancaq müsbət istiqamətdə dəyişəcək.

(baxma: aşura günü)
(bax: aşura günü marşrutların pulsuz olması)