depressiyada dinlənəcək musiqilər

Sükut. Sükutu dinləmək.

vərdişlər

Siqaret çəkənlərin stol başında oturarkən alışqanı dəqiqəbaşı qum saatı kimi başayaq çevirmələri. (Ümumiyyətlə ,siqaret çəkənlərin bu pis vərdişini şiddətlə qınayıram! iradələri zəif olduğu üçün siqareti ata bilmirlər)

kosmonavt

Gigiyena guşəsində ,yəni tualetdə mikroqravitasiya şəraitində çox eleqant görünən tozsoran şlanqı kimi bir vakuum nasos şlanqının ağzına taxılmış qıfa urin (yəni sidik) və ekskrement (yəni nəcis) ifraz edən peşə sahibləri,hələ əl boyda plastik torba dolanda həmin tuallantılarını kosmosa buraxırlar. Onların tualet avadanlıqlarından quraşdırmaq lazımdır Yer kürəsində hər yerdə , bununla içməli suya milyonlarca ton qənaət olar.

acı uşaqlıq xatirələri

Marketdə hər gördüyümdə import ,yəni idxal meyvəli yoqurt olan Früchtegut almağa pulun həmişə olmaması , ana-atanın isə evdəki adi qatığa meyvə və ya giləmeyvə üyüdüb Früchtegut düzəltməməsi.

ruslar

Adları həm rus,həm də ros olan ,Mirxonda görə , Yafəsi tayfalardır .

həyata dair gülümsədən detallar

Ailə üzvlərindən birinin ya da ikisinin şorba yeyib bitirənə yaxın qaşığı kənara qoyaraq boşqabın və ya kasanın dibində qalan bulyonu içməsi (el dilində buna "başına çəkməsi") .
***
Divarda hörümçəyin tor toxuması
***
Qarışqaların yatağıma ,isti yorğan altına girməsi .
***
Sahildə ləpənin,dalğanın birdən ayaqlarına dəyməsi.
***
Kəsilmiş qönçənin vazada çiçək açıb pardaqlanması
***
Külək. Əsasən də, yayda gecə mehi ,ya da payızın əvvəli sərin səhər səba yeli , boynumu qıdıqlayanda .

vərdişlər

Alına şillə vurmaq .
***
Metroda perronun eyni nöqtəsində durub ,eyni vaqonun eyni qapısından minib eyni oturacaqda oturmaq (əlbəttə,əgər tələsən yeriniz yoxsa)
***
Boğazı qarqara eləmək
***
Pulqabının (Cüzdanın) eyni cibinə eyni kartı qoymaq .
***
Qapını kilidləyəndən sonra dəstəyini bir daha yoxlamaq ,yaxud da açıb yenidən evi yoxlamaq.

kəklikotu

Əslində ,kəklik quşuna aidiyyatı olmayan ,botanikada latınca adı Thymus olan Kəkotu. sözün kökü "kək"dir.

şəhər uşağı

Əl qabarı və torpaqda zəhmət çəkib məhsul götürməyin necə gözəl olduğunu bilməyən tip. Ailəsinin müntəzəm gedib çalışdığı bağ evi yoxdursa,sırf mənzildə böyüyübsə, torpaq sevməyən , torpaqla və canlı təbiətlə ünsiyyət qura bilməyən , ana təbiətlə həmahəng yaşamayan bir canlı .

sözlük yazarlarının arzuları

"Arzu" sözünün bir çox mənbələr Fars dilindən gəldiyini ,istək ,dilək bildirdiyini deyir. Lakin Uyğur dilində Arzu Merkuri planetinin adıdır. Deməli , "arzuya çatmaq" dedikdə "merkuriyə çatmaq" kimi əlçatmaz niyyət başa düşülür. Əlçatmazdırsa ,daha neynirik arzunu ? Arzudansa,əhd daha yaxşıdır.

sağlam psixologiya ilə belə baxılması mümkünsüz olan filmlər

(baxma: Lea)
(Çexiya ,1996)

sözaltı etiraf

Keşiş zadsan məgər , etiraf edim ?

klassik kişi yalanları

Axşam saat 10 radələrində tıqqıldayır .
Oğul : Ata ,maşının açarları lazımdır ey !
Ata: Neynirsən gecə gözü?
Oğul : Heeç,qrup yoldaşım azarlayıb ,gedim baş çəkim,yoluxum, qayıdıram .
...və əslində o ,bazlığa gedir.

kaş ki ölməyəydi deyilən məşhurlar

(bax: Rafiq Babayev)

yazarların özlərinə notları

Do notu ,sonra da Lya notu .

klassik kişi yalanları

Dostlarla bir parç pivə içməyə gedirəm. (Əslində isə , gedib tez içib ,üstəlik , alibi olsun deyə pivə ilə şəkil çəkdirib qaçır özgə qadının yanına)

yelləncək

"izahlı lüğət" ə əsasən , ağac budağından və ya bir hündür yerdən asılmış müvazi qalın kəndirlərin ucuna bənd edilmiş oturacağı olan yellənmə qurğusu ;
Sinonimləri : salıncaq , uçuncaq.
Söz olaraq : düzəltmə isim -- kökü "yel" (isim) -lən (feil düzəldən ) -cək (isim düzəldən)

bir insana bağlanmaq

Bir tanışımın qorxduğu hal idi. Bağlandıqca qorxusu böyüdü və aralandı.

ilham əliyev

Son hekayələrindən bəlli olur ki , kolbasa (yəni qolbasa, çünki bağırsağın içinə qiyməni qolla basırdılar əvvəllər) və arağı murdar sayır və ya artıq allergiyası yaranıb . Görünür , Həccə gedəndə kolbasa və arağa tövbə edib , amma Azərbaycanda istehsal olunan halal sertifikatlı kolbasa yeyə bilər axı!