campingə başlayacaq olanlara məsləhətlər
![]()
bu başlıqda azərbaycanda 0 vəziyyətində olan, xaricdə isə (xüsusilə imperial ölkələrdə, abş, kanada, avstraliyada) olduqca məşhur yayılmış kamp qurma, yəni açıq təbiətdə gecələmək barədə tövsiyələrimi yazacam. öncədən onu deyim ki, bu sahədə təcrübəm və büdcəm elə də çox olmadığına görə yazacaqlarım əsasən yeni başlayanlara faydalı ola bilər.
ilk növbədə kamp vaxtı lazım olan avadanlığın siyahısını qeyd edim (adları ingiliscə yazacam ki, internetdə alış-veriş etdikdə sizə rahatlıq yaratsın):
-tent*
çadır
-sleeping bag*
torba şəklində yataq
-matress*
yatağın altına qoyulan matras
-bükülən stol (camping chair)
-headlamp*
başa taxılan lampa
-fənər
-stove*
soba deyək amk, yemək bişirmək üçün
-cooler*
soyuducu, ərzaqlar üçün
-solar charger*
günəş batareyası
-rain jacket (insulated)*
su keçirməyən, temperaturu tənzimləyən paltar
və digər adını yazmadığım şeylər.
başlayaq ən bahalı və lazımlı avadanlıq olan çadırdan.
çadır seçdikdə ilk olaraq diqqətinizi yönəltməli olan məqamlardan bir neçəsi - çadırın həcmi, materialı və qiymətidir. bu 3 faktor bir birinə qarşılıqlı olaraq dəyişə bilir. çadırın həcmi - çadırlar adətən internetdə həcmə görə yox, içinə sığa biləcək adam sayına görə satılır. amma istər təcrübəmdən, istərsə də internetdə araşdırdıqlarımdan onu deyə bilərəm ki, əgər şirkət öz çadırına 4 nəfərlik yazıbsa, bu o demək deyil ki 4 nəfər orda rahat yatacaq. 4 nəfər ancaq ağız-ağıza, tərpənmədən yerləşə bilir həmin çadıra. ona görə də çadırda qalacaq olanlar hamısı yetişkinlərdirsə, və komfortu gecə keçirmək istəyirsinizsə, həmişə çadır alanda ən azı 1 adam sayını çıxın,, yəni 2 nəfərsinizsə, çalışın 3 ya da 4 nəfərlik çadır alın. bu həm rahat yatmağa şərait yaradar, həm də içəridə gecə əşya qoymağa imkan verər. qısası, ölçü önəmlidir.
hava şəraiti. bütün çadırlar eyni hava şəraiti üçün nəzərdə tutulmayıb, habelə bir çadır bütün növ hava şəraitinə uyğun ola bilməz. yay çadırları nazik yüngül materialdan olur, çoxlu nəfəslikləri olur. 3 fəsil üçün nəzərdə tutulan çadırlar isə nisbətən qalın, adətən sukeçirməz olur, əgər ekstrimal şəraitə gedəcəksinizsə onda sizə xüsusi qış çadırı lazım olacaq və daha diqqətli və əliaçıq olmalısız. yayda kamp edəcək olanların bahalı və brend çadır almağa elə də ehtiyacları yoxdur, amma avqustun ortasında pirquluda fırtınaya düşmək sizin üçün problem yarada bilər.
istifadə rahatlığı. yəqin ki filmlərdə eşşək boyda, içində xeyir-şər mərasimi edə biləcəyiniz, qapılı, pəncərəli çadırlar görmüsüz. ilk baxışdan çox cazibədar görünsə də, qiyməti, daşınması insanı campingdən soyuda bilər. xüsusən də qurulması. səhərə qədər oturub palatka qurmaq, sonra da onu yığmaq istəməzsiz. xüsusilə də tez tez yerdəyişən qruplar üçün əsl başağrısı ola bilər.
material. ən önəmli zadlardan biridir. yağışa düşüb suyun içində qalmaq əsl faciə ola bilər. bir çox çadırlar sukeçirməz olur, amma onların da fərqləri var. bəziləri suyu keçirməsə də içinə çəkir və sabahkı gün o qədər ağır olur ki, onu daşımaq olmur. sintetik materiallardan olan çadırlar suyu özünə çəkmir, amma onlar da uzun müddət günün altında qalandan sonra keyfiyyətini itirir.
çəki. hava yollarında evimizi yıxan faktorlardan biridir. xüsusilə mən budget hava yollarından istifadə etdiyimdən cəmi 7-10 kq əl baqajı imkanım olur ki, onun da azı yarısını çadır aparır. böyük və qış çadırlarının çəkisi bəzən 7-8 kilonu keçir. ola bilər ki sizin avtomobiliniz var və onunla səyahət edirsiniz, amma bu halda da çadır baqaja yerləşməyə bilər və onu avtomobilin üstünə qoymalı ola bilərsiniz. problem budur ki, azərbaycanda adətən avtomobillərin üstündə rack olmur (lovğa xalqım rack sevmir, guya maşının görünüşün pozurmuş blee). əgər dağa dırmanacaqsınızsa, xüsusilə işiniz çətindi.
ventilyasıiya. bu barədə elə də məsləhət verə bilməyəcəm amma başıma gələnlərdən onu deyə bilərəm ki isti yay gecəsindən sonra səhərə yaxın gələn buz kimi hava buxarı çadıra doldurur və bütün içəri şeh olur. səhər yaş oyanmaq istəməzsiz*
swh
digər özəlliklər. təbii ki hər özəllik əlavə qiymət artımıdır, amma çadır alanda bu şeylər olsa daha yaxşı olar: 2 qapı rahatlıq yaradır, setkalı pəncərə mütləqdir, cib (itə bilən əşyaları qoymaq üçün) və s.
qiymət. təbii ki yaxşı çadırlar heç də ucuz deyil və orta statistik azərbaycanlının maaşının 2 qatı qiymətinə bərabər ola bilər. çalışın çadır alanda tələsməyin, heç vaxt öz qiymətinə almayın, xüsusilə bakıdakı dükanlardan heç nə almayın, 2 qat qoyurlar üstünə, adətən firmalar ildə 1-2 dəfə öz saytlarında yaxşı endirim edirlər, shipping məsələsi isə baş ağrıda bilər təbii ki.
hələlik bu qədər. ardında digər əşyalar haqqında yazacam.
)