seymur baycan

Uşaqlıqdan yanında olmaq şansım olmasa da arada bir görüşmə imkanım olub. Uzaqdan sufi day-daya oxşasmağına baxmayaraq yaxınlaşıb saqqal stilinin səbəbini soruşsanız, maraq xətrinə elədiyini deyəcəkdir. Özünün dediyinə görə uşaqlarla münasibəti həmişə uğursuz olub, yəni uşaqlar bunu həmişə söhbətdə sındırıb. içində böyük bir ideoloji çoşqu var. Stevanq Sveyqdən danışarkən tez-tez dayanıb, düşünüb, sonra nəyisə söhbətə əlavə edir. Dediyinə görə hələ insanların başına gələn hadisələrin bir çoxunun qismət yoxsa insanların öz seçimləri olduğunu tapa bilməyib. Maddi vəziyyəti mənə görə həmişə imkanlı kimi görsənir. Amma həqiqətən də bəzən qəpiyə güllə atır. Nə qədər aydın və intellektual təsir sahəsinə sahibmiş kimi görsənsə də ən çox effektiv olduğu sahə köşə yazarlığı və fərdi söhbətlərdir. Dinə qarşı sərt tutumu olan birisi kimi görünməyinə baxmayaraq buna bənzər bir sistemin varlığına müəyyən qədər inanır. Düzdür yazılarında bunun adına vicdan deyir amma əslində bəzən “yol” deyərək daha dərin karmik sistemin varlığının mövcudluğundan mesaj verir. Qadınları ciddi şəkildə tənqid edir, lakin həqiqətdə onların özlərindən aslı olmayaraq aşağı təfəkkürdə olması həqiqətini qəbul edir. Bir maraqlı məqam da var ki, hər bir qadın, ona “qeyri ciddi varlıqsan” deyildiyi halda özünü təhqir olunmuş hiss etsə də, nədənsə Seymur Baycanın dilindən bu komplement kimi qəbul olunur. Məsləhətlərinə ən çox qulaq asmayan adam Ülvi Həsənlidir. Adətən məsləhət verdiyi mövzu enerjisini necə xərcləyəcəyidir. Tək şikayətləndiyi şey liberalının da, solçusunun da, dindarının da, ateistinin də onurğasız olmasıdır. Bəzən baxışlarından “yetişdirmiyimiz nəsil bu debillər ola bilməz” ifadəsini çözmək olar. Siqareti buraxmasının səbəbini cana ziyan və əqidəsizlik kimi dəyərləndirir. Lakin mənim fikrimcə bu davranışın kökündə insanlara yol göstərən bir kamil insanın hər şeydən əvvəl öz sağlamlığını qoruya bilməməsi kompleksidir. Əsərləriylə bağlı eşitdiyim ən maraqlı şərh “yaxşı yeyib içib” rəyidir. Əgər bir gün soruşsalar ki bu adam ölkəni nəynən dəyişib, deyərdim ki köşə yazısıyla. Evlənməməsinin səbəbini qarşısına normal uyğun bir insan çıxmadığı və sadəcə qismət olmadığını deyir. Azərbaycan qadının böyük nifrətini toplayıb. Bulvarda gəzinti etməyi xoşlayır. Hər dəfə o baş, bu baş vuranda ayaqlarını çatdığı yerin son maneəsinə tappıldadır. Ən gec anladığı xətalardan biri səhv tənqid metoduna sahib olmasıdır. Unutmadığı qadınlardan biri gənc yaşlarında sahib olduğu yumru babat qarnına baxmayaraq onu sevən bir qızdır. Hər nə qədər dindarları ağır tənqid etsə də heç bir zaman kamil bir inanclı onun üçün düşmən olmayıb. Düşüncələrində ziddiyət az olduğu üçün yuxu rejimi yerindədir. Görünüşündən aslı olmayaraq (kök, arıq, uzun, balaca) tanıdığım bir çox xanım Seymurun onlara “padxod” etdiyini deyiblər.

mənbə: http://qeybet.wordpress.com/2013/09/01/seymur-baycan/