buraq

ərəbcə ildırım sürətli kimi məna verən əfsanəvi qanadlı minik heyvan. müsəlman əfsanəsinə əsasən buraq məhəmmədi bir anın içində məkkədən yerusəlimdəki əl-məscid əl-əqsa məscidinə çatdırmış sonra isə səmaya qalxmışdı. bu hadisə həm də merac olaraq da bilinir. orta əsrlərdə buraqın belində uçan məhəmmədin təsvirləri geniş yayılmışdı

sədiyyə

sədəddin civabinin (yeri gəlmişkən civabiyyə olaraq da bilinir) adı ilə adlandırılan sufi cəmiyyəti. cəmiyyətin əsası dəməşqdə qoyulmuşdu. orada onun zaviyəsi vardı. x-xı əsrlərdə sədiyyə tərəfdarlarının sayı xeyli artmışdı , cəmiyyətin başçıları dəməşqin ictimai-siyasi həyatında böyük təsir göstərirdilər. sonralar cəmiyyət öz nüfuzunu misirə və türkiyəyə yaymışdı. orta əsrlərdə sədiyyə şeyxləri ağılsızlığı (dəliliyi) müalicə edən təbiblər kimi şöhrət qazanmışdılar. türkiyədə sədiyyənin istanbul və həndəvərlərində ibadətxanaları vardı , cəmiyyətin üzvləri uzun saç saxlayırdılar. türkiyə sədilərini xüsusi sarı əmmamələrindən tanımaq olurduş misir tarixçisi əl-cəbərtinin verdiyi xəbərə görə xıx əsrin əvvəllərində misirdə şəhərlərin qara camaatı sədiyyəyə daxil idi. həmin dövrdə sədiyyə tərəfdarları geniş sürətdə dusə mərasiminə (tapdama mərasimi yəni sədilər üzüqoylu yerə uzanır onların şeyxi isə ata minib onların belinin üstündən keçirdi). habelə allah həyy (allah həmişə canlıdır) və ya daim (ey əbədi) formullarını dəfələrlə təkrar etməklə zikr mərasiminə geniş əməl edirdilər

qiymət qayçısı

müəyyən dövr ərzində əmtəə istehsalçıları tərəfindən satılmış əmtəələrin qiymətlərinin dinamikasının müqayisəli təhlilinin nəticəsini xarakterizə edən və bu qiymətlər arasında uyğunsuzluğu göstərən termin. daha çox sənayə və kənd təsərrüfatı arasında məhsul mübadiləsi sahəsində qiymətlərin hərəkətinin öyrənilməsi zamanı işlədilir. adətən şəhərlə kənd arasında mübadilənin qeyri-ekvivalentliyini göstərmək üçün istifadə edilir. qiymət qayçısı bir tərəfdən kənd təsərrüfatı istehsalçılarının realizə etdiyi ərzaq və xammalın , digər tərəfdən onların istehsal və qeyri-istehsal istehlakı üçün sənayeçilərdən aldıqları əmtəələrin qiymətlərinin hərəkətində , konkret meyllərdən asılı olaraq , genişlənə yaxud darala bilər. qiymət qayçısı problemi ilkin kapital yığımı , sənayeləşdirmə dövründə , böhran , müharibə zamanı daha da kəskinləşir. ölkənin milli gəlirində kənd təsərrüfatının payı nə qədər çox olarsa qiymət qayçısı probleminin iqtisadi-sosial əhəmiyyəti də mühüm olur

tarif şurası

bu gün keçirilmiş iclasda daşıyıcı şirkətlərin müraciətlərinə baxılaraq ictimai nəqliyyatda sərnişindaşıma xidmətləri üzrə yeni tariflər təsdiq edilib. Aparılan müzakirələrdən sonra 10 qəpik artırılmaqla metroda sərnişindaşıma tarifi 1 gediş üçün 40 qəpik, ölkə üzrə tarifin yuxarı həddi şəhərdaxili avtobus marşrutlarında 40 qəpik, şəhərətrafı və qəsəbələrarası avtobus marşrutları üzrə məsafədən asılı olaraq 0,40-1,00 manat təsdiq edilmişdir. Şəhərlərarası avtobus marşrutlarında isə tarifin yuxarı həddi 1 kilometr üçün 3 qəpik səviyyəsində müəyyən olunub. (əvvəlki tarif 2,4 qəpik). Qərar 3 fevral 2023-cü il tarixindən qüvvəyə minəcək. "on qəpiklə heç nə olmaz"çılar düşəcək ortaya