telefonla sözlüyə yazmaq

hazırda etdiyim şey.o da məcburiyyətdən.azərbaycan şriftləri ilə yazmaq kimi bir prinsipim var sözlükdə.ancaq telefonumda azərbaycan şrifti niyyətinə ancaq ə hərfi var.* swh burdakı hərflərdən istifadə də çətindir.belə bir məsələ də var ki, telefonda olarkən sol framedəki başlıqların hər biri haqqında ağlıma nəsə gəlir və yaza bilmirəm.* swh * qara bəxtim kor taleyim

bermud üçbucağı

haqqında izlədiyim sənədli filmə görə tək olmayan üçbucaqdır.dünyanın müxtəlif yerlərində, məsələn, yaponiya sahillərində* səhv eləmirəmsə və s. belə aktiv bölgələr mövcuddur.haqqında metan qazı, maqnit sahəsi, axıntılar, hava kimi bir çox açıqlamalar var.böyük ehtimalla məntiqli bir açıqlaması da var.ancaq bəzən -kaş başqa məkana keçid olsun -filan dediyim olur.düşünməyə daha bir mövzu olar, rəngsiz həyatıma rəng qatar zad* ehe

içki içərkən dinlənəcək mahnılar

ahmet kaya - kendine iyi bak

(youtube: )

(youtube: )

oxu tar

mikayıl müşfiq şeiri.

oxu, tar, oxu tar!
səsindən ən lətif şeirlər dinləyim,
oxu tar, bir qadar,
nəğməni su kimi alışan ruhuma çiləyim.
oxu tar!
səni kim unudar?
ey geniş kütlənin acısı, şərbəti,
alovlu sənəti!
gözləri qibləyə açılan hasarlı binalar,
dinləmiş əzəldən səsini.
papaqlı atalar, çadralı analar,
ötürmüş sayəndə köksünü:
düşmüşlər gah şirin, gah acı toruna,
sevinə-sevinə, qoruna-qoruna.
çarparaq çargahın divardan divara,
yolçunu yolundan eyləmiş avara.
çalxalanmış dərələr, təpələr,
səs vermiş səsinə ləpələr.
oxu tar:
fikrimdə oyansın,
baharın, seyidin qəzəli;
oxu, tar, ruhlansın
şirvanın, gəncənin mehriban gözəli!
damağdan düşənlər,
ürəyi şişənlər,
ilkbahar seyrinə çıxmayan,
özünü dağların döşünə yıxmayan
sinəsi dağlılar,
vəfasız bir eşqin dağınıq zülfünə bağlılar,
dəxilin olmuşlar,
qapında təsəlli bulmuşlar.
zilin var, vəsətin, bəmin var;
sənin də quşların dəmindən ayrılan
bir özgə dəmin var.
səni də avara eyləmiş
dağınıq telli bir “zərəfşan”.
onunçün segahın danışır,
pərişan, pərişan.
səsini dinləmiş
şahların, xanların sarayı;
səninlə birlikdə inləmiş
əsirlər alayı.
bəzən də simlərin qəmləri ovudar,
olardın onların sirdaşı
sən ey tar!…
gülləri əməkçi barmaqlar qanından
rəng alan xalçalar,
xalçalar üstündə uzanmış
dodağı qönçələr,
“- hey, saqi, mədət qıl, soyudu şərabın,
incitmə könlünü bu xanexərabın!”
söyləyən tox sözlü şairlər,
həvəsdən doymayan ac gözlü şairlər:
nədimlər, vaqiflər,
gözəllik sirrinə vaqiflər
hep səni dinləmiş;
oxumuş, inləmiş.
indi də bizimçin oxu, tar!
səni kim unudar?
sən qulluq etmədin məscidə, axunda,
çalışdın, həyatı sevməyin uğrunda.
çoxları üzünə durdular,
könlünü qırdılar.
nə deyim o yekəbaşlara?!
çaldılar ruhunu daşlara.
üstündən bir qara yel kimi əsdilər,
səsini kəsdilər,
daşlandı çəkənlər nazını,
böyləcə qırdılar aşığın sazını.
sən xalqa “gül!” dedin.
“ey qüssə, öl!” dedin.
başladı məsciddə mərsiyə.
sarıqlı çıxınca ərsəyə
qüssəmiz ölmədi,
xalqımız gülmədi.
ağladıq daima, ağladıq,
ey qədim aşina, ağladıq,
oxu, tar! dəyişdi zamana,
bax indi radio səsini
dağıdır cahana.
ey tarçı, çal, oxu!
könlümü al, oxu!
vur sazı döşünə, ey aşıq!
qalmamış nə əba, nə qaba, nə sarıq.
oxu ,tar! alovlu izlərin
əcəba, neçə sıx dilbərin
yasəmən üzünü pul kimi qızartmış?
o sarı simlərin lisanı
salmazmı heyrətə insanı?
oxu, tar! mən səndə
istənən havanı çala da bilərəm.
mən səndən bu günün zövqünü
ala da bilərəm.
sən bu gün silahsan əlimdə,
səni mən hansı bir hədəfə
istəsəm, çevirə bilərəm.
qəlblərdə gizlənən keçmişi
bir yeni nəğmənin əliylə
devirə bilərəm!
oxu, tar!
fabrikdə, zavodda,
traktor başında.
bu saat qarşında
nə qədər adam var!
utanma, oxu, tar!
mədənli bakımın
pambıqlı gəncəmin,
ipəkli şəkimin
acısı, şərbəti
alovlu sənəti.
oxu, tar, oxu, tar!…
səsindən ən lətif şeirlər dinləyim.
oxu, tar, bir qadar!…
nəğməni su kimi alışan ruhuma çiləyim.
oxu, tar!
səni kim unudar?
ey geniş kütləmin şirini, şərbəti,
alovlu sənəti!..

galip derviş

kanal ddə yayımlanan, baş rollarını engin günaydın və algı ekenin paylaşdığı serial.monk serialının türk versiyasıdır.obsessiv kompulsiv pozuntu sahibi bir insanı canlandırmaq üçün engin günaydın olduqca uğurlu seçimdir, məncə.

qadınları ikinci dərəcəli cins olaraq görən insan

#58735 nömrəli entrydə olduğu kimi ikinci dərəcəli olmaq məsələsini ömür boyu bir kişiyə aid olma istəyi ilə əlaqələndirən insandır.ancaq məsələyə başqa aspektdən yanaşsaq, bunu qadın təbiəti ilə əlaqələndirmək də olar.məsələn, schopenhaur deyir ki, kişi ildə müxtəlif qadınlardan 100 uşaq da dünyaya gətirə bilər, ancaq qadın nə qədər kişi ilə birlikdə olsa da, dünyaya 1* əkiz ehtimalını çıxsaq uşaq gətirə bilər, buna görə də 1 kişidən yapışır* ehe kimsə bunu ikinci dərəcəlilik kimi qəbul edə bilər, ancaq burdakı ikinci dərəcəlilik aşağılama mənasında olmamalıdır, məncə.hər halda bizdən fərqli təbiətə malik olması kimisə aşağılamaq haqqını vermir bizə.