yerlibazlıq

azərbaycan dövlət sistemini pisləyib, ölkəni pis hala saldıqlarını dilə gətiririksə, niyə dönüb bir öz əməllərimizə baxmırıq? hər hansısa məsələdə qalibiyyət əldə etmək istəyiriksə ilk öncə bir yumruq olmalıyıq. ancaq çox təəssüf ki, azərbaycanın hər ucu-bucağında belə yerlibazlıq, qohumbazlıq edən cahil,ancaq öz mənafeyini güdən insanlar var. mən bakılıyam amma fəxr etmirəm, axı niyə fəxr etməliyəm? bu mənə nə kimi bir ayrıcalıq qazandırır, digəri naxçıvanlı, bir digəri qərbi azərbaycanlı ( öz dilləri ilə desək yeraz) bu çox səhv və iyrənc anlayışlardır. xüsusən də niyəsə ölkədə naxçıvanlı və yeraz olmaq möhtəşəmlik əlaməti hesab olunur. hələ qərbi azərbaycanlılardan danışmıram. ətrafımda təəssüf bu cür tanışlarım var və niyəsə haralısan sualını soruşanda ermənistanlı deyirlərə . ala niyə dəə niyə, o boş başlarında olmayan beyinləri ilə özlərini bir zibil sanırlar amma tualet belə təmizləməyə yaramırlar
əzizlərim, hansı zonadan olmağımızdan asılı olmayaraq biz hamımız bir vətənin övladıyıq. eyni havanı qəbul edir, torpağında yeriyirik. onsuz da azərbaycan bölünmüş vəziyyətdədir daxildən də bölünməyək əgər gec deyilsə...
harda belə adamlar gördüz vurun şil-küt eliyin

susurluq qəzası

1996-cı il noyabr ayının 3-ü türkiyədə baş verən yol qəzası. ilk başlar sıradan yol hadisəsi kimi görünsə də, əslində türkiyənin ən böyük skandallarından biri olacaqdı. belə ki, susurluq qəzası qeyri-qanuni mafiya- polis əlaqələrini ortaya çıxarmış, türkiyədə dərin dövlətin açığa çıxmasına səbəb olmuşdu
qəzaya uğramış maşının içində sabiq dövlət xəfiyyəsi, mafiya abdullah çatlı və onun sevgilisi, polis rəisi hüseyn qocadağ və dyp millət vəkili sedat edip bucaq vardı. bu zaman abdullah çatlı interpol tərəfindən axtarışda olmuşdu. qəza zamanı çatlının üzərindən çıxan silahın o dönəm daxili işlər naziri postunda olan mehmet ağar tərəfindən verildiyi eskpertiza tərəfindən təsdiq olunmuşdu. bir versiyaya görə abdullah çatlı qəza yerinə gələn naməlum şəxs və ya şəxslər tərəfindən boynu qırılaraq öldürülmüşdü. müəmmalı ölümdən sonra çatlının əli olduğu bir sıra cinayətlər üzə çıxır. o dönəmlər azərbaycanın sabiq prezidenti əbülfəz elçibəy ilə yaxından əlaqədə olmuş, prezident heydər əliyevi iqtidardan devirərək çevriliş etməyə cəhd göstərmişdi.
üzərindən 24 il keçməsinə baxmayaraq hadisənin üstü hələ də açılmamışdır. hadisə ilə bağlı məşhur serial olan kurtlar vadisində söz açılır. hətta deyilənə görə, necati şaşmaz polat alemdar rolunda əslində abdullah çatlının həyatını canlandırmışdı.
(bax: abdullah çatlı) (bax: kurtlar vadisi)

michael haneke

mənim üçün ənlərin siyahısına daxil olmağı bacaran rejissordur. kino tarixində steriotipləri ustalıqla yıxmağı bacarmışdı. hər adamın işi deyil onun çəkdiyi filmləri izləsin, səbir, diqqət, sağlam psixologiya tələb edir. filmlərini izlədikcə içinizdə bədbin ruh hakim olacaq, həyəcandan birtəhər olacaqsız, sanki haneke bütün hisslərinizi alıb öz əlində saxlayır, istədiyi saniyə onlara təsir göstərir. şiddəti göstərmədən onu tamaşaçılarının iliyinə qədər yaşadır. özünün dediyi kimi, elə filmlər ərsəyə gətirir ki, asan və içiniz rahat şəkildə belə izləyə bilməzsiniz. mənim ən bəyəndiyim filmləri= 1997-ci ildə çəkilmiş variantı funny games , benny's video və la pianiste

sözlükçülərin ən sevdiyi aktyorlar

(bax: fəxrəddin manafov)

siyasi məhbuslar

bu gün beynəlxalq siyasi məhbuslar günüdür. 30 oktyabr tarixində , SSRi tərəfindən aparılan qırmızı terror qurbanları- repressiyalara məruz qalanlar yad edilir.
müasir dövrdə təəssüflər olsun ki, bu anlayış öz aktuallığını qoruyub-saxlayır.
vicdan məhbusları da adlandırılan bu şəxslər daha çox demokratiyanın boğulduğu ölkələrdə təqiblərə məruz qalırlar. ölkəmizdə qeydlərə keçən siyasi məhbuslar olmasa da, faktiki olaraq mövcuddurlar. 2014-cü il statistikasına görə, azərbaycanda 97 şəxs söz azadlığına görə həbs olunub. Aralarında tanımış olduğumuz Heykəl məhbusları Qiyas ibrahim, Bayram Bayramov, müsavat partiyasının sədr müavini tofiq yaqublu, blogger mehman hüseynov, real partiyasının sədri ilqar məmmədov da bu ünvana sahib olan şəxslərdir

elina hacıyeva

intihar edən azyaşlı məktəblilərimizdən biri idi.
intihar zəiflərin yox, cəsurların seçdiyi yoldu, hər adamın işi deyil öz canına qəsd etsin, öləcəyini bilə-bilə bu yola baş qoysun.
intihar cəsur olanların yox, zəiflərin çıxış yoludur. Bu həyatla üzbəüz döyüşmək, mübarizə aparmaq lazımdır. intihar bir növ qızğın döyüşü yarımçıq tərk edən əsgəri xatırladır.
hər kəs ən azı bir dəfə məktəb həyatında istər müəllimləri, istərsə də yaşıdları tərəfindən zorakılığa məruz qalıb. mənim oxuduğum məktəb tam bir cinayətxana hesab olunurdu. məşhur məhlələr olan sovetski və kubinkanın arasında yerləşdiyi üçün hər cür potensiyal manyak, xəstə burda olurdu. müəllimlərdən danışmağa belə dəyməz, qarşılarında oturan uşaqlar pullu papaların gül balaları olmadıqları üçün cındır kimi rəftar edirdilər. belə bir ortamda mən də elinaya qarşı edilən bullingdən dad almışam, özü də kifayət qədər. ancaq intihar fikri ağlımdan belə keçməyib, çünki sağlam düşüncəyə sahib olmuşam. məni sevən valideynlərim, xətrimi istəyən dostlarım olub. burdan belə nəticəyə varmaq olur ki, elina nə valideynləri nə də ətrafında olan insanlar tərəfindən sevilirdi. bu, 8-ci sinifdə təhsil alan qızcığaz üçün çox çətin anlardı. ana öz kefində, ata desən harada olduğu bilinmir, beləliklə elina analı-atalı yetimə çevrilmişdi. heç kəs onunla maraqlanmırdı deyə yavaş-yavaş düşdüyü çevrə onu daha da əridir, düzgün yoldan çəkindirirdi.
artıq o həddə gəlib çatır ki, bunlara yox demək yerinə əlvida deməyi seçir Elina...
bizlər burda günahı bir nəfərdə görməməliyik. elinanın ətrafında olan hər kəs onun ölümünə səbəbkardır, onu o pəncərəyə itələyən əllərin birinə sahibdir.
hamımız, istəmədən kimisə xor görür, yardım istəyən əli geri itələyirik. hər şey məndən, səndən, bizdən başlayır. azərbaycanda təəssüf ki, minlərlə elina var, hər gün zorakılığa məruz qalır, həyata küsürlər. bəlkə elə biri də bizim bacı qardaşımızdı? elina hacıyevanın intiharı hər kəsə bir dərs olmalıdır, artıq bir pəncərədən ətrafa baxmamalıyıq. yardıma ehtiyacı olan azyaşlılara hər cür dəstək olmalıyıq ki, mələk uşaqlarımız qurban getməsin. məkanı cənnət, ruhu şad olsun

bakı

keçmişdən bir alınmaz olubdur qala
təşrif buyuranlar da istəyir qala
məskəni olmusan çox milyonların
sənlə yaşayır doğmaların...

əzizlər bakımızı daim küləklər
tarixdir burda köhnə məhlələr
məskəni olmusan artıq çox milyonların
sənlə yaşayır doğmaların

bakı, bakı səslənir hər yerdə
bakı sən gözəlsən əzəldən
bakı hər an gözləyir bizləri
gözəllər şəhəri, şəhərlər gözəli...

hisslərimi ifadə edən şəhər, dünyanın heç bir guşəsinə dəyişmərəm bu məkanı.