həyatın nə qədər cındır olduğunun anlaşıldığı anlar

Qanlı qanunlara qan qarışanda qanım donur.
Qəhbəlik insanın südündə yaxud qanında olur demiş Okaber — Molotow Cocktail də
Təxminən 2 aydır düşünürəm, indi hansında daha çoxdur. Bu gün cavabı tapdım, deyəsən. internetdə gördüyüm videoda qaqaş əlindəki telefon vasitəsilə çəkdiyi və mobil şəbəkə ilə internetdə yayımladığı video ilə yaşadığı əraziyə GPON internet şəbəkəsinin çəkilməsini pozğunçuluğu yaymaq deyə şərh edirdi. Rəydə isə bunu dəstəkləməyə çalışan bir oğlan daha var idi, demək dəstək rəyində belə əsaslandırılır ki, baboş kimilər bu internetlə təbliğ edilir və geylik yayılımış. Axı maraqlıdır, bu baboş internetin olmadığı vaxtlarda öz şəxsiyyət kimi inkişafının əsasını tamamlamış biridir, o necə ilk ola bilir əgər bunu internet yayırsa? Həmçinin tək pozğunluq budurmu? iki fərqli və xarici dildə kontent izlədim, aydın oldu ki, dünyanın geri qalanında bizim kimi xiyar deyillər və sosial şəbəkədə hər hansı kimsənin əxlaqsız hərəkəti ilə uşaqlara təsiri olarsa belə buna valideyn məsul olur. Niyə? Çünki ailə sosial institut kimi qurularkən burda həmdə gələcək nəsillərin tərbiyəsidə əhəmiyyət daşıyıb. Bizdə isə nədir? Kiminsə emosional ehtiyacının ödənməsi, cinsi ehtiyaclarının ödənilməsi, qohum-tanışla göstəriş mübarizəsidir. Ailəni romantikləşdirmək, bunun nəsə ali bir şey olduğunu düşünmək sadəlövlükdür, ancaq ailəni real başa düşməkdə bizim cəmiyyət üçün çətindir anlaşılan. Həmçinin elə bütün dünyada bu gün ailə instituna, kişi və qadın anlayışlarına fəal hücum var. Bütün bunları anlamaq və oxumaq tək çarədir.
Söhbət niyə qəhbəliklə başladı? Çünki qəhbəliklə qurtaracaq, bəs qəhbəlik nədir?
itirəcəyin bir şey olmayanda baş qoyacağın sənət. Dünyanın bir çox yerində bu işi zorakılıqla, yalnızlaşdırma ilə etdirirlər, kiminsə altına yatırsan və s. Bütün bu dəyərlər, yəni həm milli həm insani dəyərlər bizdən alınanda, sosial şəbəkələrdə gördüyümüz saf qəhbəlik tam üzə çıxacaq və bütün istiqamətlərdə önümüzə çıxacaq. Artıq Azərbaycan üçün bu dövrə girməyə az qalıb, zənnimcə yeni ildə yeni dəyərlər formalaşıb, ləyaqətsizlik ayaq açacaq. Bu səbəbdən, əziz ləqayətli bacı və qardaşlar, ölkədən qaçmışların və qaçmaq fikri olanların yolu açıq , bəxti gözəl olsun. Yerdə qalanlar isə, əziz gənc bunu yalnız sağlam mənəviyyatla deyil, həmçinin savadla, biliklə üstələmək mümkündür. Buna görə, əgər qaçmaq planınız və imkanının yoxdursa, salamatı oxuyun və bir birinizi taparaq oxuduqlarınızı yayın. imza:diplomat

sözaltı günlük

#364926 bəhsi keçən entyrdə qarşıya qoyulan məqsədlərin tamamlanması üçün az bir müddət qalıb. Dedim öncədən bir yoxlama edim))
1)siyahıda ilk can sağlığı gəlmişdi, düşünürəm ki, bu mövzuda o qədərdə uğurlu il olmadı və yenədə sağlıq olsun düzələr
2)magistr dissertasiyamla bağlı vəziyyət yaxşıdır məncə, bir fəsil tamamlanıb razılıq verilib elmi rəhbər tərəfdən, həmçinin 3 cü məqaləmi də artıq çap üçün göndərməyin sevincini yaşayıram. pedaqogika tarixindən yeni bir məqaləni hazırlamaqdayam, amma hələdə bəzi problemləri var)) burda da üslubu tutmaq çətin gəlir
3)dostların əsgərlikdən sağ salamat gəlməsi ilə bağlı növbəti gözlənti də özünü doğrultdu- ancaq bunu gördüm ki, iqlim cəhətdən sərt yerlərdə xidmət edənlər psixoloji olaraq daha sağlam gəldilər nəinki nisbətən rahat qoşun növü və xidmət yerinə düşənlər
4)Yeni dil ilə bağlı məsələ zəif irəliləyir, ancaq rus-ingilis dillərində tərcümələr və redaktələr etdikcə sözlər öyrənmək əyləncəlidir.Həmçinin yeni iş olaraq digər magistrantlara məqalə,tezis və dissertasiyadan parçalar yazaraq yolumuzu buluruq
5)hər hansı sahədə mükafat almağı niyə arzulamışam bilmirəm ancaq bu indi nədənsə lazımsı gəlir, həyat mükafatlardan daha böyükdür
6)Naxçıvanı gəzməklə bağlıda bir neçə irəliləyiş etmiş sayılıram məncə, Şərur, Şahbuz- (badamlı, batabat), Ordubad (şəhəri, dəstə,parağa,sabirdizə,ağdərə,parağaçay mədənləri), Culfa,duzdağ və s kimi yerlər xatirimdədir
7)Bu kilo almaqla bağlı idi ancaq tərəzim olmadığı üçün nə qədər uğurlu olduğunu bilmirəm, sadəcə günə ən az 2200 kalori almağa çalışıram
8)Qardaşımla xarici ölkəyə getməklə bağlı isə birlikdə getmək deyəsən mümkün olmayacaq amma vaxt var hələ bakacaz
9)Tovuza getməkdə hələki mümkün olmayıb, ancaq ümid edirəm ki, dekabrda gedəcəm
10)boş danışan insanların sözlərindən daha önəmli olan özünü dinləmək bacarığını qazanmaq və özünü sevmək, heç bir kaltağın fikrinin maraqlı olmaması ilə bağlı düşüncələrimin dəyişməməsi kimi bir şey idi. Və hələdə elədir, çoxda fifi idi axı
bura qədər oxuduzsa öpürəm, Naxçıvandan salamlar

21 sentyabr 2023 azərbaycan və erməni icmaları arasında görüş

21 sentyabr 2023, Naxçıvan şəhəri, xatirə

Hər şey şəhərin ara küçələrindən birində 3 nəfər oğlanın qara rəngli sedanlarını Azərbaycan-Türkiyə bayraqları ilə bəzədiklərini görməyimlə başladı və ilk ağlıma gələn fikri də dilimə gətirdim, “insanlar çox tez qaza gəlir, hələ sonu bəlli olmayan durumda belə artıq kimlərsə qələbə keçidi üçün maşın bəzəyir” deyə dedim, qrup yoldaşım yanımdaydı və o, məsələyə fərqli tərəfdən baxmışdı və mənə “bəlkə də şəhərə şəhid gətirirlər deyədir” dedi. O an qrup yoldaşımın yanılmasını çox istərdim, ancaq saat meydanından aviakassaya tərəf qalxarkən yolun sağında maşın dayanacağında bir neçə maşın və yanlarında əsgərlər dayanmışdı, elə bu vaxtda həmdə bayraqlarla bəzənmiş bir neçə maşın hava limanı tərəfə getdi. Qarşıda yolun solunda şəhər qəbirstanlığı qarşısında isə çoxu əsgərlər və polislərdən ibarət topluluq vardı. Şəfa xəstəxanası qarşısındakı insanlardan eşidərək tam dəqiqləşdirmiş olduq, həqiqətən şəhər bir azdan şəhidini qarşılamağa hazırlaşırdı. Qrup yoldaşımı evə ötürdüm və özümdə dəfnə iştirak etməyə qərar verdim. Daha əvvəldə belə bir imkan əlimə düşmüşdü, 44 günlük müharibə zamanında ancaq belə bir mərasimdə iştirak etmək çox çətin gəlmişdi. Qəbirstanlığın qarşısına gəldim və ordakılarla birlikdə gözləməyə başladıq, bəziləri prosedurlara görə şəhidin gecə belə gələ biləcəyini düşünürdü, bir çox adam bir birini tanıyır və tanıdıqları ilə bildiklərini bölüşürdülər.
Bir yandan isə hələdə bura əsgərlər gəlirdi, bəzisi öz şəxsi maşınları ilə bəziləri isə kazarmalardan tağımlarla. Şəfa xəstəxanası qarşısında bütün olanları izləyirdim,mənimlə birlikdə bir çox adam ordaydı və gözləyirdi. Bunların bir çoxu sadəcə yoldan keçərkən hadisəni görüb mənim kimi dəfndə iştirak etmək qərarı verən kəslər idi. Mən orda gözləyərkən səssizliyi şəhər üzərində uçan təyyarənin səsi pozdu, alçaq məsadəfə olmasından və hərəkət trayektoriyasından enişə keçdiyini anlamaq olurdu, təyyarə şəhərdən kənarlaşdı və Qıvraq üzərindən geri qayıdıb hava limanına endi. Bu dəqiqələrdə naxçıvanlı qrup yoldaşlarımın 44 günlük müharibə dövrü ilə bağlı xatirələrindən biri xatirimə gəldi. Müharibə dövründə bura gələn hər təyyarədə şəhid olduğunu bilən insanlar, təyyarələri göz yaşı ilə qarşılayarmışlar.
Təyyarə şəhərə eniş etdikdən sonra ortalıq daha da hərəkətləndi, saat 20:32-də hərbi tibb maşını qəbirstanlıq qarşısında dayandı, dərhal bayaqdan bəri orda gözləyən 8 əsgər bayrağa bürünmüş tabutu maşından çıxardı. Yavaş addımlarla ordakı hər kəslə birlikdə içəri daxil oldular, elə yaxın qohumları və valideynləri də bu an gəldi. Molla dualar oxudu, insanlar rəhmət diləndi və dəfn mərasimi başladı.
Ətrafda yaşı gənc olub sakitcə hər şeyi izləyəndə, yaşını başını alıb bir dəqiqə ağzını yummayanda vardı. Ancaq buna rəğmən belə mərasimlərdə arzuolunmaz hesab etdiyim sloqanların bağırılmaması məni çox sevindirdi. Bir neçə dəqiqə sükutdan sonra qalın bir səs ucaldı və “Azərbaycan respublikasının ərazi bütövlüyü
Uğrunda şəhid olanların şərəfinə” 3 dəfə yayılım atəşi açıldı.
Şəhidin fotoşəkilləri ordakı əsgərlərin sinələrində asılmışdı və beləcə bu yaraşıqlı və idmançı görünüşlü şəhid qardaşımızı görmüş oldum. insan belə şeylər gördükcə heyrət edir, bir şey qalmayıb zəifdilər və s dediyimiz ermənilər yenidən bizdən canlar alır.
Mən ermənilərə qarşı güclü nifrət bəsləmirəm, ancaq bunu edənlərə yəni nifrət edənlərə haqq verirəm. Düşünürəm, bütün bu olanlardan sonra indi bu erməniləri amnitsiyaya salmaq, azadlıqda yaşamalarına icazə vermək çətindir. Ən azında bu cinayətdir.

diplomat

əziz sözlük əhli,bu gün diplomatla vəda zamanıdır.artıq 3 ildir ki, buranı izləyirəm və yazıram.bu zaman ərzində çox şey öyrəndim,buranı çox sevdim və s. duyğular.bütün bunlara görədə daim ətrafımdan birilərinə bura barəsində danışıb həvəsləndirməyə çalışırdım.hətta ən cəsarətsizləri belə bura üzv olmağa vadar edə bildiyim üçün sevincliyəm,nəticədə bu gün 5 yazar,2 umbayı bura qazandırdım.ümidvaram ki,onlar burda sevərək yazmağa davam edəcəklər.
Diplomat isə uzaqlaşıb,özü ilə daha çox baş başa qalmağa vaxt ayırmalıdır.Sözlükdən çox dəyərli derek və hər zaman hər şeyi təxirə salan zəncirlənmiş prometeyy kimi 2 insanı tanıdım,və digər onlarla insanla qısa söhbət etdik.Hesabı deaktiv etməyəcəm,yəqinki.
Burda olduğum müddətdə də,özüm oldum və heç bir roleplay gərəyi duymadım.Ümidvaram ki, kimlərəsə nəsə qata bilmişəm və özümdə öyrənmişəm.
hamınızı sevirəm,bağrıma basıram.