16 mərtəbə - 9 mərtəbə binalar

ilk tikilən 16 mərtəbə, ilk axıdılan qanı təmsil edirdi..
yaradılışdan bu günə kimi bir-birlərindən barsa-real, stark-lannister, pub-pivnoy, captain america-ironman, tələbə-kirayəşin, harry potter-ruh əmicilər kimi nifrət edəcək qədər uzaq, ama bir o qədər də yaxın olan bu ikilinin aralarındakı mübarizənin keçmişi qədimdir.şəhərin ərköyün uşağı olan 16 mərtəbələr haqda danışmamışdan əvvəl, sizlərə şəhərin küçük emrahı olan 9 mərtəbəli binalardan danışacam.
9 mərtəbələrdəki köhnə, qırıq, sidik iyli liftlər raskolnikovun cırıq paltosu qədər zəngin həyat təcrübəsinə malik olur.məhlədən gələn "mama maaa mama" səsləri, məhlədəki uşaqların məhlə-məhləyə futbol və ya davaya getməmişdən əvvəlki xeyirdua və döyüş musiqilərini təmsil edir.avtobuslara qartopu atan, butulka satan, novruz bayramında taxta, məhləyə dəmir alan gələndə dəmir oğurlayan bu uşaqlar sicilya mafialarını qısqandıracaq qədər gözəl çətələnirlər.siqaretə də tez başlayan bu uşaqlar zaman zaman qonşu məhlələri ziyarət edirlər.bu məhlələrdən biri də 16 mərtəbə məhləsi olur..
şəhərin ərköyün uşaqları olan 16 mərtəbəli binaların süni, ruhsuz olan liftləri isə michael jackson'ın plastik əməliyyatlardan sonraki halını təmsil edir.ümumiyyətlə 16 mərtəbə məhlələri hər zaman səssiz olur, içinə qapanmış rap, rock dinləyən yeniyetmə kimi heç kimlə arası olmur.bu məhlənin uşaqları isə çox sakit təbiətli, soyuqqanlı və "mənnən başqa kimə nə olur olsun dünya qozuma deyil" fikirli olurlar.ailələrinim qorxusundan məhlədən kənara çıxmayan, yan məhləyə futbol oynamağa belə gedə bilməyən bu uşaqlar həyatı gec öyrənir və kompleksli olurlar.

universitetin dar şalvarlı rayban eynəkliləri

bu gün sizlərə metrolarda, avtobuslarda, azərbaycanlı vinerlərin getdiyi qəlyanxanalarda və daha çox da universtetdə qarşımıza çıxan və xalq arasında kaşelokuslar olaraq bilinən qaqaşlardan danışacam.daha çox evin tək uşağı və ya imkanlı ailə uşaqları olan kaşelokusları bizdən fərqləndirən əsas xüsusiyyətləri dar şalvar geyinib, qara rayban açki taxmaqlarıdı.hər il təzə modeli çıxan kimi iphone alan bu qaqaşları nə vaxt görsəz kimnənsə mesajlaşırlar.göt ciblərində düzbucaqlı kaşelok gəzdirən bu qaqaşlar elə nəsillərinin adlarını da buradan götürüblər.kaşelokuslar bir üst modeli olan parlamentçilərlə eyni nəsildən gəliblər sadəcə parlamemtçilərin fərqləndirici əlaməti kaşelok, parlament, maşın açarı olan müqəddəs üçlünü əllərində gəzdirmələridi.universtetin bütün qlamur qız təbəqəsini tanıyan kaşelokuslar sosial şəbəkə olaraq instagram istifadə eliyirlər və bütün günü oxuduqları universitetin etiraf səhifəsində fırlanırlar.son olaraq kaşelokuslar qorxulu deyil, mübahisə zamanı dava eləməyə belə ehtiyac yoxdu sadəcə yanınızda kitab varsa kitab göstərsəz qaçırlar əgər kitab yoxdusa bir iki elmi termin işlədin və ordan sürətli uzaqlaşacaqlar.beyinləri məlumat almamağa proqramlanıb.

topazçılar

topaz falan kimi mərc oyunlarından həmişə zəhləm gedib yəni heç vaxt ordakı söhbəti tam tutmamışam maraqlı olmuyub. amma taleh elə gətirdi ki, pulsuzluğumla bir tanışımın mənə şot ipucuları verməyi bir oldu və bir həftədən biraz uzun müddət həm kupon yazdım həm də bu topazı topazçıları müşahidə eləməyə imkan tapdım.
ilk öncə onu deyim ki topaz həyatımda gördüyüm ən qəribə yerlərdən biri idi.içəri girdiyin an elə bil tvsi olan kitabxanadasan çox adam qabağındakı qazetlərə baxır falan qalanları da tvyə.ümumiyyətlə mənim anladığım qədəriylə topazda iki tip insan tipi var.birinci tip mənim kimi o qədər də ciddiyə almayıb həqiqətən də bəxtini sınayanlardı.yəni bunlarda heç bir problem yoxdu məncə çünki məcr, təxmin oyunudu belə də olmalıdı.ikinci tip çox qəribədi bütün günü oyunları izləyən, analiz edən bu tiplər heç vaxt taleyin ümidinə buraxmırlar.nostradamusları, vanqaları qısqandıracaq təxminləriylə gələcəyi əvvəlcədən kuponlarına yazan bu tiplər pulla başqalarına kupon yazırlar yanıldıqları bir oyun olduqda da josikim işləmir kimi absurd bəhanlərdən olan qaqa 100% oyun satılıbee bəhanəsini işlədirlər.eyni zamanda da bu tiplər topazın qumar olduğunu heç vaxt qəbul etmiyərək həmişə vatsap profil şəkillərinə dini şəkillər qoyurlar.

yazarların başına gələn maraqlı hadisələr

oğlan olsam da nədənsə uşaq vaxtı oyuncaqlarımın arasında maşınlardan əlavə kuklalar da olub.həm də həmişə oyuncaqlarımı sökməyi xoşlamışam.hər nəysə deməli uşaq olanda bir gün bütün qohumlarımız bizə qonaq gəlib, hamı xoşbəxt, hamı sevincli, hamı deyib gülür falan mən də həmişə olduğu kimi otaqda təkcə oturmuşam, əlimdə veşılkaynan oynuyuram.birdən veşlkanın o qarmaq kimi olan dəmir hissəsi qaşımnan gözümün arasındakı yerə ilişir o saat da çıxır əslində heç ağrıtmır da ama uşaq vaxtı həmişə ağlamağa bəhanə axtardığım üçün başladım gözümü əlimnən tutub möhkəm ağlamağa.bu moment nənəm səsimi eşidib gəlir başlıyır o da ağlıyıb qışqırmağa qonağları falan çağırmağa.qohumlar falan gəlir mən də iki əlimlə bir gözümü bağlıyıb o biriylə ağlıya-ağlıya baxıram ki qohumlar falan da ağlıyır, papam vapşe kövrək adamdı gedib girib başqa otağa qışqırır eliyir.ala mən də söhbəti tutmamışam hələ sonra uzandığım kravatdan durub görürəm ki yerdə kravatın yanında kuklamın çıxardığım gözü var. sən demə bunnar elə bilib ki yerdəki mənim gözümdü.mən də özüm də ağlıyıram deyə heç kimə başa sala bilmirəm ki heç nə yoxdu zad sora bibim ağlıya ağlıya gəlib qoy baxım zad deyib əlimi çəkəndə gördülər ki gözüm yerindədi.ala qonaqlar gedəndən sonra məni elə döydülər ki, o hissələr beynimnən silinib.

qonaq gələn ailədəki uşaq

başda özünü utancaq aparıb sonradan evin bütün otaqlarını gəzən, tər içində qırmızı olmuş yanaqla evin içində qaçan və arada da mamasının çəkib koftasını şalvarının altına qoyduğu və çox tərlidisə belinə yaylıq qoyduğu bu uşaq tipləri texnologiyaya çox düşkün olur.otağınızdakı kompüterin, ya da telefonunuzun verilməməsin zamanı ağlayıb, mızıldayaraq sizi özünüzü tualetə qapatmağa vadar edər hətta intiharın beşiyinə gətirə bilər.otağlardakı bütün şkafları qurcalıyıb, suvinirlərinizi, kitablarınızı, uşaqlıq oyuncaqlarınızı döyüş qəniməti kimi özləri ilə aparmağa çalışan bu tiplər aldıqlarını geri qaytarmamaq üçün alıb tez sizin və öz valideyinlərinin yanına gedərlər ki, bu zaman da ətraflarında qorunma qalxanı yaranar, əlbəttə ki əşyavızı geri istəsəz də ala bilmərsiz.məsləhətim bu tip uşaqlar evinizə gəldikdə hər kəslə görüşdükdən sonra otağın qapısını kilidləyib təhlükə keçənə qədər otağdan çıxmamaq olardı.