yağışdan sonra gələn torpaq qoxusu

(bax: petrichor )
Hər birimiz bu qoxunu torpaq qoxusu hiss etsək də əslində bu bir bakteriyanın yumurtalarının ətrafa yaydığı qoxudur. Yağıntılı havalarda sürətli şəkildə çoxala bilən göbələyə bənzər olan bu bakteriyalar isti və quraq havalarda öz yumurtacıqlarını torpaqda mühafizə edərək yağışın yağmasını gözləyirlər. Yağışın yağması isə bu yumurtacıqları aktivləşdirir və onların qoxusu ətrafa yayılır. Beynimiz isə bu qoxunu torpaq qoxusu olaraq qəbul edir.
Alimlərin digər araşdırmalarına görə bu qoxunun yağış damlalarının torpağa dəyməsi nəticəsində meydana çıxan bir sıra kimyəvi maddələrin və yağların qoxusu olduğunu iddia edirlər.

toy etmək istəməyən qadın

Azərbaycanda edilməsi çətin bir məsələ. Keçən dəfə də ölməsini istədiyim adət-ənənələrimiz haqqında yazanda da qeyd etmişdim bunu. Biz nə qədər istəməsək də nə yazıq ki ailələrimiz indiyə qədər toylara saldığı pulları toplamaq istəyir. Onlara maraqlı deyil qızları bunu istəyir və ya istəmir. Təbii ki mənə də xoş deyil. Mən də istəmərəm toyumda bütün tanımadığım qohumlar yığılsın ətrafıma.
Bu yaxınlarda anamla bu mövzuda danışanda dedim yaxşı ki karantin oldu toylar yığışıldı. Heyif deyildi asan xidmətin 10 nəfərlik nikah mərasimi. Ancaq özünə ən yaxın olanları çağır olsun bitsin yığışdır. Nəyə lazım toy filan. Anam mənə elə bir üz ifadəsi ilə baxdı ki elə bildim başım qaçıb ona reaksiya verir.
Mən də böyük (300-500nəfərlik) toyları dəstəkləməsəm belə bunların yığışdırlmasına bizdən böyük nəsillər hələ hazır deyil.

karantin dönəmində rejimi qorumağa çalışmaq

bu sifarişi verən: doqquz canlı dümsüy
Bu işdə bizə ilk lazım olan yuxunu qaydaya sala bilməkdir. Yuxu düzəlirsə rejimin Əlli faizi demək olar ki hazırdır. Səhər işim ya da dərsim yoxdur deyib bütün gecəni oyaq qalıb səhərə yaxın yuxu tutub günün normal olan saatlarında yatmaq rejimimizi alt üst edən əsas səbəbidir. Çünki gün boyu yatan adamın nə normal qidası olur nə də düz-əməlli gün üzü görüb havaya çıxır. Uzaq başı saat 10 da durub ya həyətdə ya da balkonda hava almaq olar. Sonra da səhər yeməyi. Artıq gecə sizi oyaq saxlayan səbəblərlə doyunca məşğul ola bilərsiniz oyunlar, filmlər və s. Sonrakı saatlarda ama icazə istifadə edib hava almağa çıxa bilərsiniz hər gün olmasa belə üç gündən bir mütləq. Hava alan yeriyən insan enerji itirdiyi üçün qidaya ehtiyac duyacaq. Bu sizin həm normal çəkinizə kömək edəcək həm də qida rejiminizi qaydaya salacaq. Daha sonra artıq ev işləri, gündəlik gördüyümüz işlər və s. Artıq axşam düşür. Səhər normal oyana bilən insanı da 12yə qədər yuxu tutmuş olur. Hətta daha tez. Yuxu öncəsi telefondan whatsapp dan uzaq durmaq daha məsləhətlidir ki daha gec yatmayasız yoxsa yuxunuz yenidən korlanmağa başlayar. Bu da tək rejimi yox psixologiya və sağlamlığımıza karantin azmış kimi böyük zərbə vurmuş olar.