send anywhere

link
iki fərqli cihaz arasında fayl göndərişi etmək üçün proqram. proqramı cihaza yüklüyürsüz. kompüterə yükləməyə ehtiyac yoxdu. saytda işlətmək olur. "send" hissəsindən lazım olan faylı seçirsiz. fayl serverə yüklənir və sizə 6 rəqəmli kod və qr kod verir. digər cihazda "recieve" hissəsində 6 rəqəmli kodu daxil edərək ya da qr kodu skan etməklə faylı yükləyə bilirsiz. 10 dq sonra fayl silinir. proqramda hesab yaratsanız fayllarınızı 48 saatlıq linklərə də yükləyə bilərsiz.
mənim kimi usb taxıb fayl axtarmaqdan nifeət edənlər üçün mükəmməl proqramdı. əvvəl snapdrop işlədirdim. o bundan da yaxşı idi. kod filan istəmirdi heç. amma axır vaxtlar nəsə problem yaradır. heç nə göndərmək olmur ona görə buna keçid elədim.

həqiqi zaytung xəbərləri

keçən dəfə cəlilabad işğal olunmuşdu (#334392) indi də lahıca hücum olunub. sfsfaüeq kubada partlayış olsa quba yazcaqlar bu gedişlə

cüdo

müstəqil azərbaycanın qeyri-rəsmi də olsa qazandığı ilk qızıl medal cüdodan gəlib. 1992 barselona yay olimpiya oyunlarında nazim hüseynov birləşmiş komandanın tərkibində 60 kq çəki dərəcəsində çempion olmuşdu.
sonra 2008-ci ildə elnur məmmədli çempion olanda cüdo bir də diqqət mərkəzinə gəldi. azərbaycanda cüdoya axın başladı. üzərində cüdo yazılan köynəklər basmışdı hər yeri.
indi tokioda qazanılan 6 medaldan 1 bürünc medal cüdodan gəlib. paralimpiya oyunlarında da qazanılan 11 medaldan 6-sı cüdodan gəlib. hamısı da qızıl. yəni yenə cüdodan fayda gəldi bizə. ölkə də cüdoya "qayğı" nə qədərdi bilmirəm amma daha çox olmalıdı. çünki güclü olduğumuz sahələrdən biridi. indi necədi bilmirəm mən uşaq vaxtı məşğul olanda köhnə bir məktəb binasında, balaca, soyuq bir otaqda məşq keçirdik.

cüdo yəqin ki, əlbəyaxa döyüş növləri arasında izləməsi ən zövqlü olan idman növüdü. ən estetik güləş burda gedir. ən azından mənə görə elədi. həddindən artıq sadədi qaydalar. rəqibin belini yerə vurursan xalını alırsan. fəndin düzgün tətbiqinə görə də birbaşa "ippon" xalı alıb udmaq mümkündü. o vaxt elnur məmmədli 13 saniyəyə filan udurdu matçalarını. imkan olanda rəqibi "osaekomi" adlandırılan çıxılmaz vəziyyətə salmaqla ya da boğucu və ya ağrıdıcı fəndlər tətbiq etməklə də məğlub eləmək olar. day güləşdəki kimi rəqibin arxasına keçdin bir bal, belə fırlatdın iki bal yoxdu. ya rəqibi təslim elə ya da fəndi düzgün tətbiq elə.

cüdoda tatami üzərinə çıxdıqdan sonra danışmaq qadağandı. hətta hakimə etiraz eləmək belə olmaz. digər bir maraqlı qadağa passivliklə bağlıdı. əgər bir tərəf aktiv şəkildə hücum edir, digər tərəf isə sadəcə passiv şəkildə müdafiə olunursa passiv tərəfə "şido" cərimə balı verilir. bir neçə cərimədən sonra da həmin şəxs diskvalifikasiya olur. əsas vaxtda bərabərlik yaranarsa qızıl xal tətbiq olunur. ilk xal qazanan qalib olur. əgər burda da xal əldə olunmazsa hakimlər tərəfindən səs vermə ilə qalib seçilir. hakimlər də görüş ərzində ən aktiv tərəfə səs verirlər. yəni cüdo aktiv şəkildə hücum etməyi tələb edir.

2010-cu ildə beynəlxalq cüdo federasiyası əllə ayağa edilən hücumları qadağan edib. əvvəl bunu edən idmançı birbaşa diskvalifikasiya olurdu, sonradan şido cərimə balı ilə əvəzlədilər. bu qadağanın gətirilməsinin əsas səbəbi cüdo etikası, estetikası artıq adını nə qoyursuzsa odur. cüdo güləşə bənzəməyə başlamışdı. iki idmançıda başlarını aşağı salıb bir-birinin ayağından tutmağa çalışırdı. çünki beləsi daha asan idi. bunu qadağan elədilər ki, iki tərəf də şax dayanıb əsl cüdoda nəzərdə tutulduğu kimi güləşsinlər

yazarların başına gələn maraqlı hadisələr

əskərlikdə baş verən sistemli qarın ağrıları -*
deməli hərbi xidmətdə yuxu norması 8 saatdı. ancaq xidmət olduğunuz gecə 4 saat yatırsız. bizdə əskər sayı az olduğuna görə hər sutka xidmət çıxırıq. yəni bir gecə 8, bir gecə 4 saat yatırıq. 8-4-8-4-8 belə. yuxu sistemi məhv olub təmiz. mən də bu 4 saat yatmaq işinə nifrət eliyirəm. normalda yuxusuz qalmaqla bağlı problemim yoxdu. amma hərbi xidmətdə məcbur yuxusuz qalıram deyə əsəblərimə toxunur. gecə 4 saat yatanda dəli oluram elə bil.
nəysə. bir gecə 4 saat yatdım qalxdım. qarın ağrısı məhv edir məni. ölürəm ağrıdan. bir təhər sıraya durdum getdim yeməkxanaya. dedim bəlkə soyuq olub. qaynar-qaynaq kaşanı yedim. özümə gəldim yavaş-yavaş. axşam 8 saat yatdım, oyandım. problem yoxdu. sabahı gün yenə 4 saat yatdım. oyandım ölürəm yenə ağrıdan. qııvranıram yataqda. getdim yeməkxanaya bu dəfə kaşa yoxdu. qaynar çay-filan xeyri olmadı. tibb məntəqəsinə getdim. həkim deyir soyuqlamısan yəqin. sirop verdi yola saldı. özümə gəldim sonra. gecə 8 saat yatdım oyandım problem yoxdu. sabahı yenə 4 saat, yenə ağrıdan ölürəm. yenə həkimə getdim. (növbəli olduğuna görə başqa həkimdi artıq). yenə sirop verdi, dedi ki, soyuqlamısan. yola sadı məni. mən də dəli oluram. necə yəni soyuqlamışam? elə ancaq 4 saat yatanda üzə çıxır bu soyuqlama? -* həkim də deyir yox elədi. özünə qulluq elə filan.
bu hadisə 3-4 dəfə təkrar olundu. axırda tibbdən anlayışı olan bir əskər yoldaşıma açdım dərdimi. dedi ki, insan psixologiyası, sinir sistemi çox qəribə şeydi. necə ki, qorxudan insanda allergiya filan yarana bilir səndə də əsəb, stress ya da yuxusuzluq səbəbi ilə ağrılar yaranmış ola bilər. "özünü çox əsəbiləşdirmə" dedi. -*
həmin an məndə lampa yandı elə bil. "vay amk belə şeylər də var imiş" dedim. allergiya söhbətini əvvəldən eşitmişdim deyə ağlıma batdı. ağrıların səbəbi soyuqdəymə yoxsa stress, əsəb idimi bilmirəm amma oğlanla söhbət edəndən sonra bir də ağrı olmadı. sdfsf elə bil bədənim terapiya istəyirmiş -*

speed of lobsters

meme növü. orijinal meme-in üzərindəki hərfləri ya da bütöv sözləri silməklə ortyaya yeni meme çıxartmaq üsulu. subreddit
(bax: bone hurting juice)

bone hurting juice

meme növü. orijinal meme-in üzərində dəyişiklik edib tamamilə fərqli konkteksdə meme ortaya çıxarmaq üsuludu. maraqlananlar bonehurtingjuice və boneachingjuice subredditlərini izləyə bilərlər.
(bax: speed of lobsters)
nümunə:

the power of the dog

baş rollarında Benedict Cumberbatch və Kirsten Dunst olan western dram filmi. yanlış anlamadımsa Benedict Cumberbatch qəddar bir fermeri, Kirsten Dunst isə fermerin qardaşının evləndiyi dul qadını canlandırır. istənməyən gəlin hekayəsi.

(youtube: )

mehriban əliyeva

bu gün doğum günü olan birinci xanım. təəssüf ki, telekanallarımız onu təbrik edərkən düzgün xitabı seçə bilməyiblər. ən düzgün xitab üçün (bax: xanım sərkərdəm)

saints row: the third

hazırda epic games-də pulsuz olsan əfsanəvi oyun.
açıq dünya, action, macəra oyunudu. bildiyiniz gta tərzi bir şetdi. ancaq gta-dan fərqli olaraq oyun heç ciddi olmağa çalışmır. dildo ilə adam döyə bilirsiz oyunda. bunu gta-da eləmək üçün axtarıb tapmalısız dildonu. burda adi silahdı.

(youtube: )

(youtube: )

(youtube: )