adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

ikinci qarabağ müharibəsi Erməni lobbisinin təzyiqi ilə kanada, türkiyə'yə drone istehsalında istifadə olunan texnologiyanın ixracını dayandırıb. Səbəb kimi türk dronelarının qarabağda azərbaycan ordusu tərəfindən istifadə olunması göstərilib.
Mənbə: https://reut.rs/2GJEHBG
azərbaycanın geridə qalma səbəbləri Cahillik, savadsızlıq, "ali təhsilli savadsızlar", militarizasiya, müharibə, "qaqalar", əhalisinin keyfiyyətsiz yaşam tərzini normal qəbul etməsi, bölgələrin zəif inkişafı, ifrat mühafizəkarlıq, "ilham getsə hər şey düzələcək"çilər, alternativsizlik, sürü psixologiyası, cinslərə qeyri-bərabər münasibət, kasıbçılıq, sıfırdan nəsə etməyin mümkünsüz olması və s.
ikinci qarabağ müharibəsi Azərbaycan ordusunun böyük itkilər verdiyi müharibədir. Bir tərəfdə 30 ildir bələd olduğu dağlıq ərazilərdə müdafiə olunan erməni birləşmələri, digər tərəfdə zəif döyüş təcrübəsinə malik yaxşı silahlanmış hücum edən azərbaycan ordusu. Azərbaycan, şəxsi heyət sayı baxımından üstün olsa da erməni qoşunları taktiki olaraq daha əlverişli mövqelərdədir. Əgər azərbaycan hava qüvvələrindən səmərəli istifadə etməsə, və planlanmış hücumlar təşkil etməsə başlatdığı müharibənin məğlubiyyətlə nəticələnməsi qaçınılmazdır. Və bu məğlubiyyət qarabağın (arsax respublikasının) beynəlxalq hüquqda tanınmış müstəqilliyinə yol aça bilər.
Amma hərhalda müharibə pis şeydir, və müasir dövrdə müharibəyə yer yoxdur; ən səmərəli həll yolu sülhdür.
ikinci qarabağ müharibəsi yenidən başlamışdır. Bu dəfə azərbaycan sq hücuma keçərək, erməni qoşunlarına zərbə endirir. son görüntülərə görə erməni qüvvələri, zirehli texnika və canlı qüvvəni cəbhəyə doğru göndərir.
Birazdan ilham əliyev xalqa müraciət edəcək, səfərbərlik elan edə bilər.
26 oktyabr editi: ilham əliyev oktyabrın 25-də keçirilən iclasda, sentyabrın 27-dən başlanan hərbi əməliyyatları "ikinci qarabağ müharibəsi" adlandırdı. good call.
inkişaf etməmiş ölkədə yaşamağın dözülməz ağırlığı Dözülməz ağırlıq bir tərəfə insanın yaşam keyfiyyətini aşağı salan bir faktordur. Sən yaxşı pul qazanıb həyatdan zövq almağa çalışsan da ölkədə kasıbçılığın, sosial ədalətsizliyin yüksək həddə olduğunu düşünmən belə həyatdan aldığın zövqün içinə pox qoyur. Görəndəki aptekdə qoca pensiyaner ehtiyacı olan dərmanı ala bilmir, aptekçidən "bunun ucuzu var, əvəzedicisi var?" deyə soruşur, bu ölkəyə və həyatına nifrət edirsən. Yaxud da marketdə aldığı çörək və qatığa görə ödəməsi gərəkli əlavə 20 qəpik üçün cibini eşləyən görəndə də həmin hissləri keçirirsən. Eləcə də uşağına lazımı ləvazimatları ala bilməyən valideynlər, dilənçilər, salfetka satanlar, ali təhsilli fəhlələr və s. insanı həyatdan soyudur.
inkişaf etməmiş ölkədə ortabab bir ailədə doğulmusunuzsa müəyyən yetkinliyə çatanda görəcəksiniz ki, ailənizdə hər zaman "pul" müzakirə olunur. Pul bu ölkələrdə insandan daha dəyərlidir təəssüf ki, çünki insan çoxdur pul azdır.
Hələ rüşvəti demirəm bəh bəh.
Bu problemlər inkişaf etmiş ölkələrdə də var amma azdır, hərhalda inkişaf etməmiş ölkələrdəki kimi deyil, ən azından həmin ölkələrdə insanlar fəhləliklə belə normal pul qazanır.
Nəticə olaraq, inkişaf etməmiş ölkədə varlı olmaq da pox kimidir.
elgiz Elgizin verilişində evlənmək üçün ideal qadın axtaran vətəndaş:
(youtube: )
leaving las vegas 1995 abş istehsalı nicolas cage filmi. Bu filmdə elisabeth shue da yer alıb.
Mövzu belədir: ben (cage) içkiyə olan asılılığına görə həyatını məhv etməyə doğru gedir. içki üçün tanışlarından borc alır, hörmətini itirir, və nəhayət işini itirir. Las vegas'a gedərək ancaq içərək intihar etmək qərarına gəlir. Məhz orada fahişəliklə məşğul olan sera (shue) ilə tanış olur.

--spoiler--

Ən çox mənə təsir edən sera oldu bu filmdə. Ben özünü içərək məhv edir və sera isə öz bədənini sataraq. Ben hər dəfə içdikdə özünü daha da ölümə yaxınlaşdırır, və sera isə bədənini sataraq yavaş-yavaş öz gözəlliyini, insanlığını itirir. Sera ben'i sevir, etdiyi bütün hər şeyə dözür, davamlı içki içməsini belə sırf ben getməsin deyə qəbul edir. Çünki sera təklikdən qorxurdu, onu qoruyan şəxsin (yuri'nin) də öldürülməsi onu tamamilə tək qoymuşdu. sera ben ilə yaşasa da fahişəliyə pul qazanmaq üçün davam edir və ben də buna icazə verir. Ben əslində sera'nı sevir lakin alkoqolun təsiri bitən kimi ben özünü itirir. Davamlı içki sanki ben'in beynini də zədələyir. Anidən sera'nı başqa kişi ilə xəyal edən ben evə fahişə aparır. Sera bunu görür və ben'i qovur. Ben ucuz bir hoteldə davamlı içir; sera isə qorxduğu vəziyyətə düşür, tək qalaraq fahişəliyə davam edir. Artıq çox ucuz qiymətə çıxan sera, bir qrup gəncin evinə gedir və orada təcavüzə məruz qalır. Həmin səhnələrdə insan özünə nifrət edir. Döyülmüş, təcavüzə uğramış sera taksiyə minir və orada belə şoferin "sözlərinə" məruz qalır. Həyatına nifrət edən sera, evindən atılır. Tək başına küçələrdə ben'i axtararaq dolanır. Bir gün zəng gəlir və ben'in yaşadığı hotelə gedir. Ben artıq ölüm döşəyindədir ancaq o anda belə içir. ironiyadır ki, ben heç vaxt sera ilə seks eləməmişdi. Sera dəfələrlə cəhd etsə də ben icazə verməmişdi. Məhz ben son anlarında sera'nı sevdiyini deyir və ikili seks edir. Sera ben'i, ben isə sera'nı olduğu kimi qəbul edir. Ben ölür. Sera isə tək qalır yenidən... Həyat bağışlamır təəssüf ki.

--spoiler--
sprite "yenilənmiş dadı ilə" tərkibindəki şəkər miqdarı hər 100 ml-də 10 qrama qədər artırılmışdır. "Axtardığın dad yenidən səninlə" deyə də üstünə yazılıb, məncə "içində asılı olduğun şəkərdən boldur" yazsaydılar yerinə düşərdi. Ancaq hamı tərifləyir bu "dad dəyişikliyini", daha çoxunun xəbəri yoxdur ki şəkər miqdarını artırıblar. Qısaca almayın sanki şərbətdir. Əvvəlki sprite'dan əsər əlamət yoxdur.
azərbaycanda demo versiyası olan şeylər (bax: həyat)
Azərbaycanda hər şey demodur. Uşaqlıqdan tut, qocalığa qədər insan həyatı demodur, tam versiya qapalı betadadır. Gənclər var amma gənclik yoxdur, qocalar var amma təqaüd imkanı yoxdur, karyera yoxdur ancaq iş var.
Tam versiyaya keçid üçün "exclusive membership" lazımdır.
nə edəcəyini bilməyən insan Həyatda bir məqsədi olmayan, məqsədi olsa da heç vaxt ona nail olmayacağını dərk edən insandır. Həyatında addım atmağa qorxan, ən xırda bir qərarı verməkdə belə aciz insandır. halbuki səhv addım atmaq belə heç nə etməməkdən daha yaxşıdır.
Əsgərlikdə ehtiyata buraxılmağıma az qalmış yüksəklikdəki hərbi postdan hərbi hissəyə enəndə məhz orada bölüyün giziri belə bir şey soruşdu məndən:
- deməli, xidmət qurtardı adtapabilmədim, hə? Yaxşı, mənə maraqlıdır ki, bundan sonra nə edəcəksən?
+ əsas xidmət idi, o da bitdi. Bundan sonrası asandır.
- yox, əsas xidmətdən sonrakı həyatdır. Hər şey bundan sonra başlayır. Axı sən necə yaşayacaqsan bu həyatda?!
+...
Bunu deyib getdi və mən isə cavab verə bilmədim. Həqiqətən də bundan sonra nə edəcəyimi, necə yaşayacağımı bilmirdim. hərdən özümü aldadaraq "artıq hər şey gözəl olacaq" desəm də heç nə yaxşı olmadı. Hətta daha pis oldu. Pul qazanmaq, işləmək, bir həyata sahib olmaq lazım idi ki, mən də bunları etməkdə aciz idim. Bir tərəfdən də covid-19, və digər problemlər də məni daha da acizləşdirir.
Hamı deyir; öz həyatını özün düzəltməlisən, axı bir həyata sahib deyiləm. Doğrudur, nəfəs alıram, canım da var amma yoxdur həyat əlamətim. Canlı ölüyəm. Kömək lazım olduğunu dərk edirəm ancaq heç kim kömək etməyə könüllü deyil. Real həyat friends'dəki kimi deyil təəssüf ki. Bəlkə özümü iki yerə bölsəm belə bir hissəm digərinə kömək etmək istəməz. mary and max'dəki max kimiyəm sadəcə mary yoxdur və olsa idi belə yəqin ki filmdəki kimi gecikərdi kömək etməyə.
Sözlük bəlkə də yeganə köməyimdir, başqa dərdini açacağın bir yer yoxdur bu ölkədə; yerli psixoloqların 1 saatı 30-50 manatlıq "seansları" lap 'lame' gəlir insana.
wonder woman 1984 main trailer:
(youtube: )

nə vaxt nümayiş olunacağı hələ ki, bilinmir. koronavirusa görə kinoteatrlar bağlı olduğu üçün yəqin ki, virus bir zaman qurtarsa onda da nümayiş olunacaq.
justice league 2021-ci ildə hbo max-da yayımlanacaq zack snyder-in rejissor olduğu film. hər biri 1 saat olmaqla, 4 hissədən ibarət olacaq. 2017 mayında zack snyder qızının intiharı ilə bağlı filmdən ayrılmışdı, filmi joss whedon əlavə səhnələr çəkərək və 4 saat olması nəzərdə tutulan filmi 1 saat 47 dəqiqəyə qədər endirərək tamamlamışdı. 2017 oktyabrda nümayiş olunan film fanlar və kritiklər tərəfindən pislənmiş, warner bros 60 milyon dollar itirmişdi. məhz həmin vaxtdan fanlar filmin snyder versiyasının yayımlanmasını tələb edirdilər. nəhayət ki, bu baş tutdu, 20-30 milyon dollar xərclə justice league-in orjinal 4 saatlıq snyder versiyası (joss whedon-un çəkdiyi əlavə səhnələr olmadan) bərpa olunaraq hbo max-da yayımlanacağı açıqlandı.
ən son trailer:
(youtube: )
üçüncü dünya ölkəsində yaşamaq verilən 3 qəpiklik vətəndaşlığa görə hərbi xidmət keçməyə məcbur olmaqdır. hətta vətəndaşlıqdan imtina etmək üçün əlavə dövlət rüsumu ödəməkdir. ən azından kişilərdən o rüsumu tələb etməyin bari, adamlar 1 il, 1 il 6 ay xidmət keçir axı havayı yerə.
kasıblıq Hər şey atamın işlərinin pis getməsi ilə başladı. Düzdü kirayədə yaşayırdıq amma yemək, geyim elə də problem olmurdu. Həmin vaxtı mən universitetə qəbul üçün imtahan verdim, qardaşım da əsgər getdi. qardaşım ali məktəbdə oxumasına baxmayaraq son iki ilinin ödəniş haqqını verə bilməmişdik ona görə də əsgərliyə 1 il 6 ay üçün gedirdi. yığdığım bala görə ödənişli yerə düşürdüm, atam çox fikirli idi. Çünki artıq nəinki ödəniş ödəmək artıq çörək almaq belə iqtidarında deyildi. Amma mənim oxumağımı istəyirdi, fikirləşirdi ki, vaxtı ilə qardaşına kömək etdiyi üçün indi də qardaşı bizə ödəniş ödəməkdə kömək edəcək. Atamın xahişi ilə yollandım atamın qardaşının evinə (artıq qəbul olmuşdum və ödənişi ödəmək lazım idi) məni qarşıladı amma vəziyyətinin pis olduğunu deyərək sadəcə 500 azn verəcəyini dedi halbuki vaxtı ilə oxuduğu zaman, hətta evləndikdən sonra və hətta uşağı olduğu müddətdə belə bizdə qalırdı. Belə bir vəziyyətdə qaldığım üçün özümü söydüm, ağladım. Amma məcbur idim həmin pulu almağa. Pulu aldım, atam biraz əsəbləşdi amma heç nə etmədi. Bu dəfə də anam qardaşından borc istədi və qalan miqdarı da dayımdan aldım. Beləcə 1-ci kursa getdim. Mən uni oxumaq üçün evi tərk etdim. Bu arada ev kirayəsini ödəyə bilmədiyimiz üçün daha qıraq yerdə it damı kimi evdə yaşamağa başlamışdı ailəm. Mən də bu vaxtlarda bu qohumun qapısında 10 gün o birisi qohumun qapısında 20 gün kimi müddətlərdə qalırdım. Qısa müddət sonra atamın qardaşı məni qapının ağzına qoydu. axşam gəldim evə ki bəs paltarlarım çantada qapının ağzındadır. soruşdum nə məsələdir, əmim dedi ki, bəs güya evdə güvə var paltarlarıma ziyan verər deyə qapının ağzına qoyublar. Əslində bir neçə həftədir əmimgildə olan abu havadan evdə istənməyən şəxs olduğumu başa düşməliydim. Gec yeyilən yeməklər, əmim arvadının "sifəti" və kobud danışıqları, evdə yerli-yersiz qışqırıq zad...
Məcburi olaraq dayımın evində qaldım. Çox çətin vaxtlar idi həm mənim üçün həm də ailəm üçün. Əzilə-əzilə bir təhər həmin günləri yola verdim. dərsdən sonra təsərrüfat ilə məşğul olurdum, məcburən, çünki orada başqa cür yaşamağım mümkün deyildi. bununla belə yenə də təhqirlərə, aşağılanmalara məruz qaldığım olurdu. ancaq insan dözümlü canlıdır, yaşamaq üçün hər cür poxa razı olur. həmin günlərdə gündəlik yeməyim günorta 30 qəpiklik "petra" hazır vermişeli, axşam isə sadə makaron idi.
nəhayət, yayda geri döndüm və gördüyüm mənzərə məni çox üzdü. Ailəmin vəziyyəti çox pis idi. it damı kimi bir yerdə yaşayırdıq. Hər gün gizli-gizli ağlayırdım. Amma artıq çarə yox idi geriyə dönmək mümkün deyildi.
Atam deməli pirat taksi sürürdü, aylıq kirayə verirdi maşın üçün. tez tez xarab olan həmin maşını adətən itələyərək "xoddayırdıq". pis yaxşı yayı orda yola verdik. anam da kəndə qayıtmağa məcbur oldu, çünki universitetin illik ödənişini ödəmək üçün pul lazım idi və anam isə müəllim idi. bax beləcə kəndə geri qayıtdıq.
mən universitet illərini dərsdən sonra təsərrüfat ilə məşğul olaraq keçirdim. film, serial izləyərək, kitab oxuyaraq özümü inkişaf etdirdim. və universiteti bitirdim (#287310), anamın sayəsində.
hərbi xidmətdən sonra kəndə qayıtdım və bir neçə həftə sonra həmin "güvəyə görə paltarları qapının ağzına qoyan" əmim ailəsi ilə birlikdə məni görməyə gəldi. 1-ci kursdan sonra nə zəng etmişdi nə də ki məni görmüşdü. yox, bu dəfə saxta da olsa gülərüz idilər. dava qışqırıq da salmadı.
kasıblıq məni daha güclü biri etmədi, kim deyirsə ki, kasıbçılıq insanı gücləndirir, xeyr yalan deyir. tam əksinə insanı həmişə əzilməyə, hər cür sözü götürməyə məcbur edir. psixoloji problemlər yaradır. və kasıblıq, yaranmış vəziyyət, tənhalıq məndə sağalmaz yaralar qoydu.
Edit: bu entry reallığı əks etdirmir.
1 2 3 4 5 6 7 8 9 10 11 12 13 14 15 16 17 18 19 20