adtapabilmedim


958   1   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2430
entry sayı:958
karma xalı: -8
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

avengers: infinity war sadəcə 11 gündə 1 milyard dollar gəlir əldə edərək, ən qısa müddətdə 1 milyard dollar gəlir əldə edən film ünvanını ələ keçirən marvel filmi.
bundan əvvəl star wars: the force awakens filmi 12 gündə 1 milyard dollar gəlir əldə etmişdi.
infinity war'ın 2 milyard dollardan artıq qazanc gətirəcəyi gözlənilir.
breaking bad hərhalda 5 sezon breaking bad izləyib, buraya bir neçə söz yazmasaq düzgün olmaz. insanda narkotik kimi asılılıq yaradan vir serialdır. bitirdikdən sonra boşluğa düşürsən. bütün seriallar bir yana, (br)eaking (ba)d bir yana.

--spoiler--

walter white əslində bir qurban idi. qanunu pozmasında əsas səbəb ona qarşı edilən qəhbəliklər idi. heç nəyə dərman olmayan tibbi sığorta, "gray matter"in sayəsində milyonlarla dollar qazanan cındır elliot və dilənçi payı verməyə çalışan gretchen adlı arvadı, və white'ın qüruru. walt'ın pis yola əl atmasından başqa həll yolu yox idi. ancaq walt'ın da səhvləri oldu, hər insan kimi acgözlü oldu, daha çox istədi amma walt hər zaman ailəsini düşündü.
və sonda diqqət çəkən finaldan əvvəlki seriyada (14) walt'ın jesse'ni nasistlərə verməsi əslində, jesse'ni xilas etməsi kimi də götürmək olar. çünki walt bilirdi ki, todd onu öldürməyib, istifadə edəcək. və jesse'ni verməsəydi bəlkə də onu öldürməyə məcbur qalardı.
kaş ki, qəhbə todd'u daha ağır şəkildə öldürərdi jesse. bir də ki, risin adlı zəhəri niyə gizlədir deyə deyinirdim hər dəfə sən demə risin lylia'ya qismətmiş.

--spoiler--
azərbaycana nifrət etmə səbəbləri youtube'da trend olan ictimai-siyasi videolar, əlavə olaraq türk serialları. ərəb ölkələri kimi azərbaycan'da da keyfiyyətsiz türk seriallarının hər bölümü trend olur. axı əlinizin altında internet var, heç olmasa türkcə altyazılı xarici seriallar izləyin, ən azından cüzi də olsa dünya görüşünüz artar. ictimai-siyasi videolar isə 99% clickbait olur, hansısa müğənnini əri döydü, kimsə mini yupkada efirə çıxıb, ya da ki ilham əliyevlə bağlı hansısa axmaq video. təkcə trend videolara baxanda insan azərbaycan insanına nifrət edir. təsəvvür edin ki, interneti olan bu biabırçılığa baxırsa, bəs olmayan nə edir?
əlbəttə ki, inkişaf etmiş ölkələrin 17-20'ci əsrlərdə həll etdiyi problemləri üçüncü dünya ölkələrinin əksəriyyəti hələ də həll edə bilməyib. ərəb ölkələri, türk dövlətləri, afrika'nın keçmiş müstəmləkə dövlətləri diktatura şəraitində yaşayır. azadlıq yox, iqtisadiyyat yox amma rüşvət, yoxsulluq var. azərbaycan da bir üçüncü dünya ölkəsi kimi rüşvət və yoxsulluq bataqlığındadır. cəmiyyətdə hələ də orta əsr adət-ənənəsi qalmaqdadır. cahillik internetə, kitabların yayılmasına baxmayaraq pik həddədir. hərhalda artıq saymağa gərək yoxdur. yuxarıda deyildiyi kimi, heç kim üçüncü dünya ölkəsində yaşamaq istəməz. true detective'də nə gözəl deyilib: "layiq olduğun həyatı yaşayarsan."
courteney cox 15 iyun 1964'cü il təvəllüdlü amerikalı aktrisa. friends serialındakı monica geller roluna görə tanınır. 1999'cu ildə david arquette ilə evlənəndə adını courteney cox arquette olaraq dəyişmişdir (2013'də boşandı).buna görə də, məzə üçün, friends'in the one after vegas bölümünün ənənəvi girişində bütün heyətin adına 'arquette' adı əlavə edilmişdir.
friends serial dövründə (10 il) bir sıra hollywood filmlərində yer alsa da friends'dən sonraki dövrdə arxa planda qalmışdır.
there's something about mary 1998'ci il abş istehsalı romantik-komediya filmi. baş rolda cameron diazben stiller var.
imdb xalı 7.1 olan komediya filminə çox rast gəlinmir deyə şans verərək izləmək qərarına gəldim. və sonra "yaxşı ki, izlədim" dedim. klişe komediya səhnələri o qədər yaxşı işlənmişdi ki, qəhqəhə atdığım yerlər belə oldu. cameron diaz'ın gözəlliyi bu filmdə xüsusilə gözə çarpır.
coke the coca-cola company'nin abş və avropa'da coca-cola markasına alternativ olaraq çıxardığı tərkibi və dadı coca-cola ilə eyni olan məhsul.
abş filmlərində ümumiyyətlə coca-cola əvəzinə "coke" işlədilir.
breaking bad serialında da walter white belə demişdir; "sənin satdığın adi cola'dır, lakin mənim satdığım isə classic coke'dir."
yəni "coke", coca-cola deməkdir.
təkamülü qəbul etməmək Friends'in 2. Sezon, 3. Bölümündə phoebe təkamülə inanmadığını söyləmişdir. Ross isə buna əsəbləşərək, phoebe'yə təkamülün elmi fakt olduğunu söyləmişdir.
"Bir şeyə inanmamaq onun səhv olduğu mənasına gəlmir."
Phoebe və ross arasındakı 'təkamül' mübahisəsi:
(youtube: )
türkiyə azərbaycan'dakı növbədənkənar prezident seçkilərindən sonra türkiyə'də də 2019'da keçirilməli olan prezident və parlament seçkiləri iyunun 24'ünə təyin olunub. ərdoğan da "qardaş"ı ilham kimi tez-bazar məsələni həll edib prezident postuna oturmağı hədəfləyir. iqtisadiyyatın günü-gündən tənəzzül etdiyi türkiyə'də, akp hökümətinin mövqeyinin 2019'a kimi zəifləyə biləcəyini ehtimal edən ərdoğan seçkini qabağa çəkib. türkiyə'nin sonraki taleyində bu seçki mühüm rol oynayacaq.

--spoiler--

türkiyədə iyunun 24-də növbədənkənar prezident və parlament seçkiləri baş tutacaq, bu barədə ölkə prezidenti recep tayyip erdoğan açıqlama verib.
o, mhp lideri devlet bahçeli, daha sonra isə baş nazir binali yıldırım ilə görüş keçirdikdən sonra bu qərara gəlindiyini deyib.
mhp lideri çərşənbə axşamı qrup yığıncağında növbədənkənar seçkilər üçün 26 avqust tarixini təklif etmişdi.
prezident erdoğan açıqlamasında suriyadakı transsərhəd əməliyyatları, bölgədəki əhəmiyyətli hadisələri və köhnə sistemin problemlərini ən qısa zamanda həll edilməsi lazım olduğunu deyib.
"yeni rəhbərliyə keçid getdikcə daha tezləşdirilməlidir. cənab bahçelinin dünən etdiyi çağırışı səlahiyyətli qurumlar ilə eninə-boyuna müzakirə etdik. yoldaşlarımızla erkən seçki təklifinə müsbət yanaşmamız lazım olduğunu qəbul etdik", erdoğan deyib.
chp: bu idarə edə bilməmənin elanıdır
chp başqan müavini bülent tezcan, seçki tarixinin açıqlanması ardınca verdiyi şərhdə partiyasının seçkiyə hazır olduğunu deyib.
onun sözlərinə görə növbədənkənar səsvermənin elanı hökuməti idarə edə bilməməyin etirafıdır.
"bu erkən seçkiyə çağırış, idarə edə bilməmənin elanıdır".
iyi partiyası: hörmətli erdoğan siyasətdən silinəcək.
seçkilərin elanı ilə bağlı iyi partiyasının baş katibi deyib ki, "bahçeli akp ilə birlikdə türkiyəni idarə etmədiyini erkən seçki tələbi ilə təsdiqləmiş oldu."
aytun çıray seçkilərin önə çəkilməsindən razı qaldığını deyib.
partiyanın ümumi lideri isə hadisəyə münasibətini twitter vasitəsilə açıqlayıb.
"biz ölkə və bölgəmizin rahat bir nəfəs almasını təmin etmək üçün gəlirik. xeyirli olsun", - meral akşenerin tvitində deyilir.
(c) bbc azərbaycanca

--spoiler--
sosial şəbəkə istifadə etməyən insan asosialdır. özümdən bilirəm, iki ildən artıqdır ki, heç bir sosial şəbəkədən istifadə etmirəm. whatsapp'dan da facebook'dan da iyrənmişəm. instagram'ı onsuz da işlətmirdim, məlum tipim heç aynaya baxmağa icazə vermir qaldı ki şəklini paylaşmaq.
whatsapp'da güya bir iki tanışım var idi, məktəb vaxtından, ünsiyyət qurmağa çalışdım. keçmiş vaxtlardan zad yazdım amma qoz qoyulmadığını yavaş-yavaş fərqinə vardım. bir neçə gün heç kimə yazmadan gözlədim və gördüm ki, mən yazmasam heç kim mənə yazmır. əslində, axı kim mənə nə haqqında yazacaqdı ki? asosialın biriyəm, film və serial xaric bir mövzu haqqında ətraflı danışa bilmərəm, məlum azərbaycan insanı da xarici film, serial çox izləməz. yəni, insan münasibətlərindən falan danışa bilmərəm. hələ whatsapp'daki statuslardan da iyrənmişəm, görəndə qusmağım gəlir.
facebook'da whatsapp kimi, sadəcə bir neçə hesabım facebook ilə bağlantılı olduğuna görə silməmişəm. amma əvvəllər gündə ən azı 4-5 saat gündəlik başlıqlara baxırdımsa iki ildən çox müddətdir 3-4 ayda bir iki dəqiqəliyinə kontrol edirəm.
sizdə asosial'sınızsa lütfən, olmadığınız biri kimi davranmayın, kimləsə sırf söhbət etmək, yaxınlıq üçün boş yerə özünüzü aldatmayın. siz kimisə yox, kimsə sizi axtarsın. sizə "əzik" deyə bilərlər, icazə verin desinlər; amma əslində əsl "əzik" siz yox, kiminləsə dost olmaq üçün cilddən cildə girən insanlardır.
plan doldurmaq üçün ailə qurmaq (bax: dargörüşlü olmaq)
təəssüf ki, belə insanlar azərbaycan'da sayca çoxluq təşkil edir. səbəblər məlumdur, ortalama azərbaycan insanı cahildir; dünyagörüşü sıfır səviyyəsindədir; yeganə məqsədi evlənmək, ailə qurmaq, "diplom" alıb rüşvət və ya "day-day" ilə işə düzəlməkdir; axırıncı dəfə oxuduğu kitab 'həyat bilgisi'dir amma söz düşsə amerika'dan vurar, rusiya'dan çıxar. bunlara çoxlu əlavələr etmək olar amma fikir aydındır. fərqli yanaşsaq, ortalama azərbaycanlının cinsi ehtiyacını ödəmək üçün evlənməkdən başqa şansının olmadığını da görərik. cəmiyyətdə mədəniyyət formalaşmadığı üçün qızlarla ünsiyyət qura bilməyən azərbaycanlı həlli evlənməkdə görür.
azərbaycan'da heç bir mədəniyyət formalaşmayıb; nə vaxt ki, ortalama azərbaycanlı dargörüşlü ailə tabularını qıraraq gələcək nəsilləri sağlam düşüncəli, dünyəvi müasir formada yetişdirəcək məhz ondan sonra cəmiyyət inkişaf edəcək.
14 aprel 2018 abş-ın suriyaya hücumu 7 aprel 2017 abş-ın suriyaya hərbi müdaxiləsindən 1 il keçəndən sonra əsəd rejiminin öz əhalisinə qarşı yenidən kimyəvi silah istifadə etməsi nəticəsində abş başda olmaqla ingilis və fransız hava qüvvələrinin suriyanın əsəd rejimi altındakı sadəcə kimyəvi silah istehsalat bazalarına hücumudur. suriya höküməti 14 oktyabr 2013-də "kimyəvi silahlar haqqında beynəlxalq akt"a qoşulsa da öhdəliklərə əməl etməyərək növbəti dəfə dinc əhaliyə qarşı aprelin 7-də kimyəvi silah işlədərək 42 nəfərdən çox insanın (uşaqlar daxil olmaqla) ölümünə səbəb olmuşdur. belə vəziyyətdə əsəd rejiminə müdaxilə etməkdən başqa çarə qalmamışdır. rusiya və iran daxil olmaqla bir neçə müsəlman ölkəsi hücumu pisləmişdir. bu hücumu pisləyənlərin, əsəd rejiminin kimyəvi silahla qırğın edərkən niyə səssiz qaldıqları da bilinmir. bildikləri ancaq "ameriqa yenə oyun oynayır"dı.
uzun sözün qısası, bir il bundan əvvəl də belə bir hücum olmuşdu və çox da səs gətirməmişdi. bu da iki günə unudular.
11 aprel 2018 azərbaycanda növbədənkənar prezident seçkiləri reuters xəbər agentliyinin verdiyi məlumata görə, yeni azərbaycan partiyası'nın rəsmisi əli əhmədov açıqlayıb ki, ilham əliyev 80 faizdən çox səs toplayaraq 4'cü dəfə azərbaycan respublikası'nın prezidenti seçilmişdir. xəbərdə həm də bəzi trolların əllərində azərbaycan və yap bayraqları ilə siqnal verərək yüngüllük elədiyi də qeyd olunmuşdur. adamın özü belə qeyd eləmir "qələbəsini" sizə nə olub?
recep tayyip erdoğan "ümid ona qalır ki, erdoğan putinin onu alət etdiyini başa düşsün…"
britaniya mətbuatı türkiyənin regiondakı vəziyyətindən də yazıb.
"the economist" jurnalı yazır ki, donald trump-ın nato-ya sadiqliyi məsələsində yaranmış narahatlıq, habelə rusiyanın getdikcə artmaqda olan təcavüzkar hərəkətləri alyansın gündəliyində birinci yeri tutan mövzudur.
lakin bağlı qapılar arxasında müzakirə olunan daha ciddi problem də var. getdikcə özünü daha çox təcrid edən türkiyə təkcə nato-nun ikinci böyük silahlı qüvvələrinə malik ölkə yox, həm də qərblə şərq arasında yatan geosiyasi çat xəttinin üstündə dayanan müttəfiqdir, qəzet qeyd edir.
ankaranın millətçi gündəliyi türkiyəni müttəfiqlərinə münasibətdə öhdəlikləri ilə üzbəüz qoyur.
ən son gərginlik türkiyə və amerika arasında ankaranın şimali suriyaya müdaxiləsinə görə yaranıb. əslində bu nato-luq bir məsələ də deyil. amma iş burasındadır ki, suriyadakı abş qüvvələri nato müttəfiqi türkiyənin birbaşa hücumuna məruz qala bilər, "the economist" qeyd edir.
"the economist" yazır: "ola bilsin, cənab erdoğan düşünür ki, bu regionda marağı türkiyədən daha az olan amerikaya üstün gələ bilər. erdoğan bəlkə də haqlıdır, amma suriyada toqquşan maraqlar türkiyənin nato ilə narahatedici münasibətlərindəki faktorlardan yalnız biridir".
məqalədə deyilir ki, hətta 2016-cı ilin iyul çevriliş cəhdindən əvvəl də türkiyənin avtoritarlığa yuvarlanması nato üzvləri arasında narahatlığa səbəb olmuşdu. baş tutmayan çevriliş cəhdindən sonra isə bu narahatlıqlar daha da artıb.
bu çevriliş cəhdi zamanı onun nəzərində rusiya prezidenti vladimir putindən fərqli olaraq, qeyri-səmimi davranmış qərb erdoğanın kin-küdurətinə səbəb olub.
türkiyə generallarının 38 faizi qovulub
bunun ardınca erdoğan öz ölkəsində fethullah gülenlə bağlılıqda şübhəli bildiyi 50 min insanı həbs etdirib, daha 110 min insan işdən çıxarılıb. bunlardan təxminən 11 mini hərbi zabitlər və pilotlardır.
bir türk hərbi təhlilçinin dediyinə görə, türkiyə generallarının 38 faizi ordudan qovulub. bunlardan bir çoxu qərbpərəst, dünyəvi baxışlı olduqlarına görə hədəfləniblər.
türkiyənin nato-dakı 400-dək müşaviri vəzifəsindən azad edilib və ya geri çağrılıb. onların əksəriyyəti repressiya burulğanına düşməkdənsə, öz vətənlərindən qaçaq düşmək yoluna üstünlük verib.
orduda bu zabitlərin yerlərini erdoğana loyal, lakin əksər hallarda nato-ya düşmən, nato-nun düşmənlərinə rəğbətli şəxslər tutub. alyansın ali baş komandanı general curtis scaparrotti türkiyə silıahlı qüvvələri baş qərargahının deqradasiyada olduğunu deyib.
başqa bir epizodda isə almaniya millət vəkillərinə türkiyənin incirlik və konya hərbi bazalarındakı alman kontingentinə baş çəkmək icazəsi verilməyib. təhlilçilər buna səbəb kimi erdoğan nazirlərinə almaniyada keçirilən akp mitinqlərində iştirak etmək imkanı verilməməsini göstərirlər.
bu məsələyə yalnız nato-nun baş katibi jens stoltenberg müdaxilə edəndən sonra ankara almaniya deputatlarına konyadakı awacs ekipajlarına baş çəkmək icazəsi verib. bu güzəştə baxmayaraq, almaniya incirlikdəki tornado təyyarələrini iordaniyadakı müvəffəq salti bazasına köçürüb. bu, nato-ya 143 milyon dollara başa gəlib.
özü kimi "güclü kişi" putin
çevriliş cəhdindən sonra türkiyənin rusiya ilə yaxınlaşması xüsusi narahatlıq doğurur. erdoğan suriyadakı problemlərin həllində özünə müttəfiq kimi kremli seçib.
erdoğan putini özü kimi "güclü kişi" hesab edir. türkiyə prezidenti putinlə yaxınlaşmaqla sanki nato-ya başqa variantların da olduğu barədə mesajlar göndərir. lakin cənab putinin nəzərində erdoğan nato-nu parçalayaraq zəif salan alətə çevrilib.
cənab erdoğanın yanussayağı ikiüzlü siyasətinin daha bir göstəricisi ankaranın moskva ilə s-400 raket sistemlərinin alınması barədə bağladığı saziş olub. s-400-ün nato sisteminə inteqrasiya olunmaması bir yana, bu sistemi ən azı ilkin mərhələdə türkiyə ərazisində elə ruslar idarə edəcəklər.
"the economist" yazır ki, məhz buna görə də nato istər-istəməz türkiyəni özünün informasiya mübadiləsi şəbəkəsindən kənarda qoya bilər. bu isə özlüyündə türkiyənin nato ilə vidalaşması demək olacaq.
bunu baxmayaraq, nato rəsmiləri özlərini o yerə qoymamağa çalışırlar. onlar bildirirlər ki, türkiyə havadan müdafiə raket sistemlərinin alınması üçün avropanın eurosam konsorsiumu ilə müqavilə bağlayıb. onlar bunu da vurğulayırlar ki, türkiyə alyansın missiyalarını - məsələn, kabul aeroportunun mühafizəsini davam etdirir. ankara həm də nato-ai təhlükəsizlik sazişinə maneçilik törətməyib, halbuki istəsə bu razılaşmanı bloklaya bilərdi. və ən nəhayət türkiyənin terrorla bağlı narahatçılığı onun nato müttəfiqləri tərəfindən bölüşdürülür.
bu da qeyd olunmalıdır ki, bütün deyilənlərə və yazılanlara baxmayaraq, türkiyənin nato üzvü kimi əhəmiyyəti bu gün hər zaman olduğundan daha çoxdur.
ümid onadır ki, erdoğan putinin ondan öz məqsədləri üçün alət kimi istifadə etdiyini biləcək, "the economist" yazır.
(c) bbc azərbaycanca
həyat “görürsünüzmü, həyat nə biz düşünən qədər yaxşı, nə də pisdir...” bu cümlə fransalı yazıçı gi de mopassanın ilk romanı olan “həyat”(‘une vie’) əsərində yazılıb. roman həmin cümlə ilə sonlanır.
mopassan ən sevdiyim yazıçıdır. onun kitabı daim yatağımın yanında olur və ara-sıra, təkrar-təkrar mopassanın novellalarını oxuyur və xoşbəxt oluram. dilimizdə 1989-cu ildə çap olunmuş 'həyat’ romanını böyük həvəs və hərisliklə oxumuşdum. 1883-cü ildə yazılmış həmin əsər möhtəşəmdir və onu oxumağı hamıya məsləhət görürəm.
həmin şedevr romanı bu yaxında bakı kitab klubu cəmi 50 tirajla yenidən çap edib. yəqin ki, nəşriyyat bunu maddi vəziyyətə görə elə az çıxarıb. istənilən halda bu, mənim üçün ağır və dəhşətdir.
“həyat” 50 tirajla nəşr olunacaq kitab deyil. vallah, buna görə nəinki pis oluram, həm də utanıram. dostumuz bilal həsən də keçən dəfə o kitabı bizdə görəndə arxasına baxıb bərkdən gülməyə başladı: “mopassanın kitabı azərbaycan dilində 50 tirajla nəşr olunur, mopassan və 50 tiraj e, a kişi”.
əlbəttə, bilal məhz istehza ilə, acı reallığın tamını aydın hiss etdiyi üçün elə gülürdü. çox pis oldum. nitqim qurudu və heç bir rəy verə bilmədim. nə deməli idim?! bu, azərbaycandakı həyatın açıq-aşkar qara, yeknəsək çalarıdır. şişirdib eləmirəm. bu sətirləri yazarkən belə həmin kədəri hiss edirəm.
niyə kədərlənir və dəhşətə gəlirəm?
çünki dilimizə tərcümə olunmayan sonsuz sayda kitab var. günəş şüasının canlı təbiətə nə qədər ehtiyacı varsa, azərbaycanlıların da kitablara o qədər ehtiyacı var. günəşsiz səhər açılmadığı kimi, bizim cəmiyyət də kitabsız dirçələ və inkişaf edə bilməyəcək.
statistika da göstərir ki, kitab az oxuyan ölkələrdə cinayət hadisələrinə daha çox rast gəlinir. bu, çox təbiidir. kitab inkişaf üçün əsas lokomotiv güc sayılır. “bədənin vitaminlərə ehtiyacı olduğu kimi, ruhun da vitaminlərə ehtiyacı var”. bu cümlənin müəllifinin adını unutmuşam, ancaq onun sözlərini heç unutmuram. ruhun ən vacib vitaminləri isə heç şübhəsiz, kitablar arasında olur.
məsələyə belə həssas yanaşmağıma səbəb həm də odur ki, ətrafda mədəni və ağıllı adamların sayı kəskin şəkildə azalıb. ağıllı adamların çoxu ölkəni tərk edib. aydınların sayı azaldıqca, ölkə daha da qaranlığa dönür. qaranlıqda isə həyat daha da çətin və ağır olur. yaşamaq çətinləşir.
onsuz da həyat çətindir. kitabdan, filmdən, teatrdan uzaq olanlarla həyat daha da çətinləşir. bu, doğurdan da, belədir.
mopassanın “həyat” romanı 18-ci əsrdə yaşayan baronun təmiz, qəşəng və günahsız qızı jannanın həyatından bəhs edir. 17 yaşlı qızın təbiətə olan ehtiraslı sevgisi, xoşbəxtlik arzusu romanın ilk başlarından aydın təsvir olunur. qapalı kilsə təhsili alıb evinə dönmüş janna həyatdan “bayram” gözləyir. o, sevgi istəyir, həm də diqqətli və qayğıkeş oğlanla rastlaşıb onunla evlənməyi arzulayır. evləndən sonra isə janna xəyallarında yaratdığı illuziya ilə vidalaşmalı olur. çünki sevib ərə getdiyi əri jülyen xəsis, kobud və jannanın özünə qarşı diqqətsiz biri olur. jülyeni qulluqçu qadınla bir yataqda görəndə dünya jannanın başına yıxılır sanki. bundan sonra məlum olur ki, həyat “bayram”dan ibarət deyil. növbəti ‘zərbəni’ janna anası öləndən sonra onun məktublarını oxuyarkən alır. təsadüfən xəbər tutur ki, anası gənc yaşlarında olanda atası ilə evli ola-ola başqa yad bir kişi ilə görüşürmüş.
roman əsas etibarı ilə həm də personajların daxili iztirablarının təsvirindən ibarətdir. ən əsası da jannanın sevincləri, xəyal dünyasının həyəcanlı və səmimi illuziyaları, kövrək ruh dünyası və getdikcə artan xətlə inkişaf edən narahatlıqları əsərdə çox detallı şəkildə qeyd olunub. romanda o qədər emosiya var ki, həmin emosiyaların dalğası məni başdan sona qədər çulğadı və təsir altında saxlaya bildi. ona görə əsərdən böyük həzz aldım.
əslində romanda böyük hadisələr xətti və ağrılı faciə yoxdur. jannanın həyatının bütün tarixi əsasən xəyal və ümidlərdən ibarət olur və o, bu illuziyaya uzun müddət inam bəsləyir. ərə gedəndən sonra, o, anlamağa başlayır ki, evli cütlüklər arasındakı xoşbəxtlik utopiya və fantaziya imiş. qüsursuz cütlük saydığı validenynlərinin də xoşbəxt tablosu, anası ilə məşuqu arasında olan isti, səmimi bağları tərənnüm edən məktubları oxuyandan sonra puç olur.
oğlu pol anadan olandan sonra janna bütün ümidlərini onun üzərində qurmağa başlayır. o, fikirləşir ki, pol “böyük insan” olacaq. pol böyüdükcə isə jannanın ümid binası yenidən dağılmağa başlayır.
bir çox ədəbiyyat araşdırmaçısı hesab edir ki, daxilində “lirik faciə” daşıyıcısı olan janna, mopassanın öz daxili dünyası ilə böyük yaxınlığa malik olub. onun da həyat tarixçəsi belə qabarma və çəkilmələrlə zəngindir. bəli, burda avtobioqrafik motivlər sezilir. mopassanın öz valideynlərinin evliliyi uğurlu və xoşbəxt olmayıb. bundan əlavə, hadisələrin baş verdiyi normandiya, onun təbiətinin təsvirindəki rəvan nüanslar, uşaqlıq xatirələri, miromenil qalası ətrafında keçən günlər, dənizin özü və onun gətirdiyi külək – bütün bunlarla bağlı aydın təsvirlər onu sübut edir ki, müəllif normandiyaya nə qədər sıx bağlı olub.
dərin pessimizmdən ibarət “həyat” romanında insanın əsas həyat motivi olan xoşbəxtlik təşnəsi və ehtirası, mərhəmətə və gözəlliyə təbii meyili jannanın daxili dünyasının təsvirləri ilə birgə təşkil olunub. mopassanın bəşəriyyətdə daimi görmək istədiyi şeylər məhz bütün bu xoş motivlər idi.
mopassan 43 yaşında vəfat edib. seymur baycan demişkən, bu qədər qısa ömür sürən birinin həyatı bu qədər dərin anlamağı heyrət doğurur. dahi rus yazıçısı tolstoy da “həyat” romanını çox bəyənib. hətta o, hesab edib ki, “həyat” hüqonun “səfillər”dən sonra fransız ədəbiyyatındakı ən yaxşı ikinci roman sayılır.
bu romanı oxuduqdan sonra yenidən həyat barədə təsəvvürlərim üzərində bir daha təhlillər apardım və fikirləşdim: həyatın mənası nədir?
belə qənaətə gəldim ki, əslində həyat o qədər də mənalı və gözəl deyil. önəmli olan bizim həyata müsbət olan yanaşmağımızdır. onda həyat mənalı və gözəl olur.
həyatı doya-doya, çətinlikləri və gözəllikləri ilə birgə xoş və məhsuldar yaşamağı arzu edirəm sizə...
(c) orxan adıgözəl - meydan tv
coca-cola zero bəzi ölkələrdə coca-cola zero sugar, coca-cola no sugar kimi adlarla satılır. azərbaycan'da "coca-cola sıfır kalori" adı ilə satışdadır. tərkibində şəkər yoxdur.
bakı'da super-marketlərdə asanlıqla tapmaq olur amma bakı kənarı qəsəbə dükanlarında və bölgələrdə tapmaq müşkül məsələdir. inkişaf etmiş ölkələrdə şəkərli coca-cola classic'in satışlarının kəskin aşağı düşməsi nəticəsində, hərhalda inkişaf etməmiş ölkələrə şəkərli cola'nı sırımaq istəyirlər. cola içmək istəyirsinizsə içində zibil kimi şəkər olan "classic"i yox, "zero"nu için.
ruby sparks (bax: az bilinən mükəmməl filmlər)
2012'ci abş istehsalı, zoe kazanpaul dano'nun baş rolda olduğu romantik-dram filmi. ekran əsərini zoe kazan'ın özü yazmışdır.

son zamanlarda film qıtlığı yaşadığımdan izləməyə maraqlı film tapa bilmirdim. cherryask me anything filmlərindən sonra təsadüfən imdb'də gördüyüm ruby sparks filmi son vaxtlarda izlədiyim ən yaxşı film oldu. elə bir filmdir ki, izləyəndən sonra insan əsər yazmaq istəyir; "kaş filmdəki hadisələr real olardı," deyir.
film, asosial bir həyat keçirən calvin weir-fields adlı yazarın yeni əsərini yazmaq istəyərkən yuxusunda gördüyü qıza aşiq olub, yeni romanını həmin xəyali qızın üzərində qurması ilə başlayır. calvin'in qardaşından başqa dostunun olmaması, aosial həyat tərzi keçirməsi onu yuxusunda gördüyü qıza bağlayır. bütün günü otağında həmin qız haqqında roman yazır ancaq bir gün bayıra çıxmaq istəyərkən əsərdəki qızın canlı olaraq evdə olduğunu görür. əvvəlcə xəyal gördüyünü düşünsə də qızın real olduğunu dərk edir. bundan sonra calvin'in həyatı dəyişir.
izlədiyim ən yaxşı filmlərdən biri oldu. mütləq izləyin.
cherry 2010'cu il abş istehsalı britt robertsonlaura allen'in baş rolda olduğu dram filmi. film, universitetə yenicə başlayan aaron'un (kyle gallner) təsadüfən rəsm dərsində 30 yaşlı bir qadınla tanış olması ilə başlayır. aaron ailəsi tərəfindən həmişə nəzarət altında tutulan bir növü "mama uşağı"dır. anası şablon məsləhətlər verərək dərslərini oxumasını deyir, atası isə yaşaya bilmədiyi universitet həyatını oğlunun yaşamasını istəyir. başı qarışıq olan aaron, hansı yolu seçəcəyini bilmir. linda (laura allen) ilə tanış olduqdan sonra isə ona aşiq olur, ancaq sonradan qadının 14 yaşlı bir qızı olduğunu görür. linda'nın qızı beth (britt robertson) aaron'u anasının sevgilisi zənn etsə də hər şey çox fərqli olacaqdır.

təsadüfən britt robertson'un filmoqrafiyasına baxarkən gözümə ilişdi. izləmək qərarına gəldim, və yaxşı ki, izlədim dedim. bir daha imdb'yə güvənməməyi dərk etdim. sevimli aktrisam britt, bu filmdə mükəmməl rol sərgiləyib.

--spoiler--

universitet həyatını qızlar, partilər, seks kimi göstərən klassik hollywood filmlərinin əksinə bu filmdə reallıq var idi. ailəsi tərəfindən əzilən bir oğlanın özünü tapmaq uğrunda apardığı mübarizəsi görülməyə dəyərdi. linda'nın sevgisini qazanmaq üçün gündəlik sözlərin yerinə daha elmi sözlər işlədən və özünü ağır aparan aaron'un bir növü daxili görkəmi açılırdı. əslində, linda'ya olan hissləri sadəcə seksdən ibarət idi. linda'nın qızı beth'in aaron'a vurulması bir eşq üçbucağı yaradırdı. lakin bu "eşq üçbucağı" sadəcə geçici hisslərdən ibarət idi. qızına baxmayan, əvvəllər içki problemi olan linda'nın aaron'un anası tərəfindən təhqir olunduqdan sonra içməyə başlaması, aaron'u ailəsinin qabağında öpməsi eləcə də aaron'un anasının linda'ya vurduğu şillə çox təsirli idi. beth isə ən məsum xarakter olaraq yadda qalır. anası tərəfindən baxılmayan beth, pis yollara düşməyə çox yaxındır. burada bir təzad var: hər şeyi idarə etməyə çalışan ana və heç nəyi qozuna almayan ana. hər ikisi pis nəticələr doğurur. eləcə də aaron yolun ortasını tapır, həm ailəsiylə münasibət yaradır, həm də universiteti yoluna qoyur. beth'ə isə söz verir ki, onu heç vaxt unutmayacaq... amma hamı bilir ki, "people are shitty with their promises."

--spoiler--
1 2 3 4 5 6 7 8 9 10 11 12 13 14 15 16 17 18 19 20