cocktail

1988-ci il tarixli *tom cruise* və *elizabeth shue*'nun baş rolda olduğu dram filmi.

--spoiler--

Həqiqətən də hollywood'da artıq bu cür keyfiyyətli dramlar çəkilmir. Pulun xoşbəxtlik gətirmədiyini göstərən, hətta bunu real şəkildə əks etdirən tək-tük filmlərdəndir.
Hərbidən tərxis olandan sonra Brian barmen kimi işləməyə başlayır. Orada doug ilə tanış olur. Doug'un motivasiyası təkcə çoxlu pul qazanmaqdır. Onun fikrincə dünyada iki qrup var: işçilər və tülkülər. Özünü tülkü hesab edən doug çox keçmir ki, varlı bir qadınla tanış olub evlənir və onun biznesini idarə etməyə başlayır. Və brian'ı isə eyni şeyi etməyə həvəsləndirir. Brian da sevdiyi jordan'ı heç sayaraq doug'un elədiyi kimi varlı bir qadın olan bonnie ilə tanış olub yaşamağa başlayır. Çünki doug, brian'ı işləyənlərin öz həyatını heçə verdiyinə inandırmışdı. Çox keçmir ki, brian verdiyi bu qərarın ağır nəticələrini yaşayır. Bonnie, brian'dan sadəcə seks üçün istifadə edir və onu biznesinə, puluna yaxın qoymur. Üstəlik ictimai yerlərdə ona aşağılayıcı tərzdə baxır. Brian bonnie'dən ayrılır.
Brian yenidən jordan'ı tapıb üzr istəyir və jordan'ın hamilə olduğunu öyrənir. Sonradan jordan'ın varlı bir ailənin qızı olduğu da üzə çıxır. Jordan brian'a artıq inanmadığını deyir təbii olaraq.
Doug'un məkanına gedən brian, doug'un arvadının başqa kişilərlə yaxın olduğunu görür və doug'un da bunu bildiyini görəndə biraz heyrətlənir. Təklikdə Doug, brian'a müflis olduğunu deyir. Çünki pulu idarə etməyi bacarmırdı. Arvadının biznesini birjada asan pul qazanmaq həvəsi ilə itirmişdi. Doug yenidən pulsuzluğa qayıtmağı gözə ala bilmir. həmin gecə intihar edir.
Brian'a intiharından əvvəl yazdığı məktubda isə bir növü səhv olduğunu etiraf edərək, brian'ı eyni səhvləri etməməyə çağırır.
Beləliklə, brian güc-bəla ilə yenidən jordan'la bir araya gəlir. Barmen işləməyə davam edir. Və aylar sonra öz barını açır. Xoşbəxt həyata kiminsə pulu ilə yox öz əməyi ilə gedir.
Xüsusilə dialoq baxımından çox zəngin bir filmdir.
“- Bonnie: Please, I don't want to end it this way.
- Brian: Jesus, everything ends badly, otherwise it wouldn't end.”

“Talk is overrated as a means of resolving disputes."

--spoiler--

sözaltı respublikası

sözaltı respublikası ali məclisi'nin sədri, sözaltı əjdaha partiyası'nın lideri, ölkə başçısı, zat-ı aliləri *timidus* fevralın 8-də "sözaltı respublikası fəxri vətəndaşı ordeninin təsis edilməsi haqqında" əsasnaməni imzalayıb. Əsasnamədə deyilir:
"Sözaltı respublikası'nın ictimai həyatında iz qoymuş sözaltı vətəndaşlarının sözaltı respublikası fəxri vətəndaşı ordeni ilə təltif edilməsi həmin vətəndaşların sözaltı respublikası'nın tarixi irsində əbədi yaşamasını təmin edəcəkdir."
Ölkə başçısı eyni zamanda "adları göstərilən vətəndaşların sözaltı respublikası fəxri vətəndaşı ordeni ilə təltif edilməsi haqqında" sərəncamı imzalayıb. Sərəncamda deyilir:
"*graviton* (ölümündən sonra)
*albert einstein*
sözaltı respublikası fəxri vətəndaşı ordeni ilə təltif edilsin.
Bu sərəncam imzalandığı gündən qüvvəyə minir."

graviton

*Slut* adlı yazarın tənqid etdiyi entrydə (#303011) graviton misal kimi mənim yazdığım kassir qız (#259781) və kasıbçılıq (#302901) entrylərini göstərib və bir növü türklər deməli "fakir edebiyatı"nı tənqid edib. Və bunda sonuna qədər haqlıdır da. Özünü acındırmaqla nəsə həll olmayacaq, kimsə sehrli dəyənəklə gəlib həyatını düzəltməyəcək. Motivasiya nitqi deyil bu, reallıqdır.
indi qayıdıb həmin entrylərə baxanda utanıram. Çünki hamısı şişirdilib və real situasiyanı əks etdirmir. Şəxsi həyatımla bağlı yazdığım entrylərin çoxusu elədir.
Kassir qız kim idi axı? Tanımadığım və tanımağa cəsarət edə bilmədiyim marketdə işləyib pul qazanan və yəqin ki, ailəsinə dəstək olan birisi idi. Mən kim idim bəs? Uçuq sökük bir bina evində səhər axşam işi ancaq film izləmək olan bir insan idim. Atası yayın istisində, qışın soyuğunda tökülmüş bir maşın ilə taksi işləyib çörək dalınca qaçan birisi idim. Anası sırf o oxusun deyə kənddə müəllimə işləyən birisi idim. indi mənə deyin axı bu vəziyyətdə olan biri niyə yayda işləmək əvəzinə marketdəki qızla sevgili olmağı xəyal edər axı? Bəlkə də o marketdə kassir işləyən qız məndən də pis vəziyyətdə yaşayırdı amma o mənim kimi ağlamırdı, çalışırdı, pul qazanırdı. Mən asanı seçən idim (hələ də eləyəm amma düzəldirəm yavaş-yavaş), buna görə də ağlamağım yersiz və səhv idi. Mən əziyyət çəkmək istəməyən, nə olursa olsun, ailəm əziyyət çəksin ancaq mən evdə rahat oturub film-serialdakı saxta Həyatlara baxıb həzz alım.
Kasıblıq entrysi isə yenə onun kimi, reallıqdan uzaqdır. "sadəcə 500 azn verəcəyini dedi halbuki vaxtı ilə oxuduğu zaman, hətta evləndikdən sonra və hətta uşağı olduğu müddətdə belə bizdə qalırdı." - bəli vaxtilə bizdə fasilələrdə qalmışdı amma ki nə olsun? Daha sonra dəfələrlə atama maddi və digər cəhətlərdən sayısız kömək də etmişdi. Hələ bizim də onlarda qaldığımız vaxtları qeyd etməmişəm. Əmin çətin vaxtda (dollar qalxmışdı) 500 azn vermişdi və bunu mən hələ də geri qaytarmamışam. Təkcə onu yox dayımın sayısız maddi yardımını da geri qaytarmamışam.
"qısa müddət sonra atamın qardaşı məni qapının ağzına qoydu. axşam gəldim evə ki bəs paltarlarım çantada qapının ağzındadır. soruşdum nə məsələdir, əmim dedi ki, bəs güya evdə güvə var paltarlarıma ziyan verər deyə qapının ağzına qoyublar." - camaatın şəxsi yataq otağına girəndən sonra bağlı otağı açıq qoyub dərsə gedəndə, telefon zad qurdalayanda necə olmalı idi sizcə nəticə? Hələ də utanıram bu şeylərə görə. Lənət olsun.
"dərsdən sonra təsərrüfat ilə məşğul olurdum, məcburən, çünki orada başqa cür yaşamağım mümkün deyildi. bununla belə yenə də təhqirlərə, aşağılanmalara məruz qaldığım olurdu." - dərsdən sonra qrup yoldaşım işləyirdi amma mən axı asan yolu seçən idim ona görə işləməmək üçün min yola əl atırdım. Əşi anam xəstə canı ilə işləyirdi onsuz da nə vecimə.
"film, serial izləyərək, kitab oxuyaraq özümü inkişaf etdirdim. və universiteti bitirdim, anamın sayəsində." - film-serial izləyərək inkişaf etdirdiyim yeganə şey ingilis dilində qulaq asma qabiliyyətim oldu. Amma deyim ki, onları sadəcə həzz almaq üçün izləyirdim.
"1-ci kursdan sonra nə zəng etmişdi nə də ki məni görmüşdü. yox, bu dəfə saxta da olsa gülərüz idilər. dava qışqırıq da salmadı." - çünki haqsız olan mən olmağıma baxmayaraq əmimin nömrəsini bloka atmışdım. Oyda. Soxalar mənim kimi adama. Borcunu qaytarmaq əvəzinə etdiyim qəhbəliyə bax.
Hələ qardaşıma qarşı etdiyim haqsızlıqları sizə demirəm... Mənə əsgərlikdən sonra telefon aldı və mən isə sonra onunla iş tapmaq üstündə dava etdim. Çünki işləmək istəmirdim. Əsgərlik belə məni adam etmədi. Halbuki orda olanda tərxisdən hər şeyi düzəldəcəm demişdim. indilərdə yenə anamı kənddə işləməyə məcbur edir, özüm isə *Chuck*'ı izləyirəm. Fuck.
Göründüyü kimi məlumdur kimin ağ, kimin qara olduğu. Hələ bu yazdıqlarım aysberqin üzdə olanıdır.
özümü acındırdığım, yazıq kimi qələmə verdiyim üçün üzr istəyirəm. Amma söz vermişəm ki, hər şeyi olmasa da çox şeyi yoluna qoyacam. Borcları geri qaytaracam. Qardaşımla barışacam. Anam və atamın normal həyatını geri qaytaracam.

ilham əliyev

Öz yaratdığı hökümətin məmurlarını tənqid edən umbay. illərdir davam edən "özü yaxşıdır, ətrafı pis" nüansını artıq gündəlik nitqlərinə daxil edib. Özünün altından olan məmurların özbaşınalığından elə danışır ki, elə bil onları həmin vəzifələrə axc-müsavat təyin edib.
"...Kimsən sən? Sən get öz işinlə məşğul ol. Yenə də deyirəm, ucuz populyarlıq dalınca qaçanların axırı pis olur, bir. ikincisi, qayda-qanun var ölkədə. Heç kim özbaşınalıq edə bilməz. Əgər kimsə unudur, biz onun yadına salarıq."
Əlbəttə bu nitqlərin hamısı əhalidə "ilham yenə qırğın edir" fikrini formalaşdırmaq üçündür. Nə də olsa paşinyandan sonra söyməyə bir obyekt lazım idi.

swingers

1996-cı il abş istehsalı *doug liman* filmi.
6 aydır sevgilisi tərəfindən tərk edilən mike depressiyaya düçar olmuşdur. Bütün gününü Michelle'i düşünməklə keçirir. mike'ın Dostu trent isə onu yenidən həyata qaytarmağa çalışır, publara, partilərə apararaq başqa bir qızla tanış olmasını istəyir. Lakin mike tanış olduğu hər qıza keçmiş sevgilisindən danışır və buna görə də heç nə alınmır.
Burada ən diqqətəlayiq məqamlar trent və mike arasında olan dialoqlardır. 90-lar atmosferi mükəmməl əks olunub. Trent'in mike'a dediyi "You're so money and you don't even know it," sonradan populyar olmuşdur. "money" olmaq valehedici, cəlbedici olmaq mənasındadır.
Xoşuma gələn mike nə qədər trent'i ciddiyə almasa da trent'in yenə də cəhd göstərməsidir.
xal: 7.5

azərbaycanda karantin rejimi

Az qala bir ildir ki, ölkədə davam edən "rejim". Dünya təcrübəsinə əsaslanaraq tətbiq edildiyi deyilir, dünyada baş verən elmi-texniki, sosial sahədə olan müsbət təcrübələrin hamısı gözardı edilsə də niyəsə bu "lockdown" rejimi dərhal ölkəyə inteqrasiya edildi. koronavirus təhlükəli bir virusdur, bunu inkar etmirəm. çarəsi qapanmaya getməkdirmi? Xeyr. Onsuz hamıya məlumdur ki, sağalma faizi sağlam insanlarda 99 faizdir. Əsasən yaşlı insanlarda ölümlə nəticələnir. Bəs onda nəyə görə bunu bu qədər şişirdib ölkədə hər yeri bağlayıb, həyatı iflic vəziyyətə saldılar? yararsız təhsil sistemi tam göt vəziyyətə düşdü, orta və kasıb təbəqənin həyat səviyyəsi daha da pisləşdi, iqtisadiyyat zəiflədi. əksəriyyətin küçədən etdiyi ticarət ilə dolanan ölkədə, camaatın alnının ortasına "evdə qal" yazmadıqları qalmışdı bircə. Sosial dövlət də deyil ki, əhalisinə pul verib evdə rahat yaşamını təmin etsin.
Media isə tam gücü ilə əhalini qorxu və basqı altında saxlamaq üçün dayanmadan "ekspert"ləri yayıma dəvət edir, onlar da yerli yersiz nüanslar ilə güya ki, əhaliyə "sağ qalmaq" məsləhətləri verirdilər. Elə bilərdin ki, insanları zombiyə çevirən virus zad yayılıb. Durma dayanma "evdə qal"; filan yerdə bu qədər ölüm oldu; filan yerdə belə lockdown elədilər kimi fəlakət ssenariləri də efirdə yerini almışdı. Bayağı verilişlərin yerini çindəki lockdowndan görüntülər almışdı. Bəzi kanallarda ekranın yarısını tutan "covid 19-a yoluxma cədvəli" belə qoyulmuşdu, 7/24 yenilənirdi. Kaş başqa mövzularda da bu qədər dəqiq və operativ xəbərçilik fəaliyyəti aparardılar.
ilham əliyev isə açdığı daxmaların açılışında "bu virus dünyanı dəyişdirdi artıq həyatımız əvvəlki kimi olmayacaq," kimi sözlər deyirdi. Bəlli idi ki, bu virusdan istifadə edib hakimiyyətini gücləndirmə məqsədi güdürdü.
Yaşlı təbəqəsini heç düşünməyən, 100-200 manat pensiya verib ölümə tərk edən dövlət, qapanmaya məhz onları qorumaq üçün getdiyini də deyirdi. Ən azından pensiyanerlər çıxıb parkda otururdu, qapanma ilə onun da qarşısını alıb Koronavirusdan qabaq mental cəhətdən ölümlərini sürətləndirdilər.
Dərhal metro bağlandı, şənbə və bazar ictimai nəqliyyat dayandı. Metro qapalı məkan bəhanəsi ilə dayandı, şənbə və bazar yollar dərmanla yuyulduğu üçün ictimai nəqliyyat olmamalı idi. Hava damcı yolu ilə yoluxan virusa qarşı tədbir kimi asfalt yollar dərmanlanır. "Ekspert"lər məncə bu tədbirləri müzakirə etməli idilər.
Qış aylarında ümumiyyətlə insan tez-tez xəstələnir, bu təbii haldır, immunitet zəifləyir insanda. Əksər koronavirus xəstəsi yüngül simptomlarla evdə müalicə alsa da xəstəxanalarda xəstə sayında artımı bəhanə edərək daha bir tam qapanmaya gedildi. Sən demə qış aylarında xəstəxanalarda sıxlığın qarşısını almaq üçün qapanma edilməli imiş.
Rahat yaşam sürən məşhurları demirəm hələ, utanmadan "əziz həmvətənlərim evdə qalaq" tipli videolar çəkib qaydalara dəstək olmağa çağırırdılar. Sən n sayda otağı olan evində istədiyin qədər qalıb istirahət edə bilərsən, axı bizdə o lüks yoxdur.
Ümumiyyətlə dünyada koronavirus, siyasi bir alət kimi istifadə edilir. Amerikada liberal media trump'ın seçkidə səs itirməsi üçün durma dayanma koronavirusdan ölüm xəbərləri tirajlayırdı. Baxanda deyirdin amerikada bu gedişlə adam qalmayacaq. Elə ki, biden seçildi, koronavirus xəbərləri yoxa çıxdı. Trump məhz qapanma ilə bağlı belə demişdi: "koronavirusa görə qapanmaya gedə bilmərik, ölkəmizdə həyatı dayandıra bilmərik, çünki dayandırsaq artıq bir ölkəmiz qalmayacaq. Ölüm faizi 1-dən aşağı olan virusa görə bu qədər vəlvələ yersizdir."
Ölkəmizdə təəssüf ki, artıq bir ilə yaxındır həyat dayanıb. Bakı Əfqanıstanın hansısa bir qəsəbəsinə oxşayır. Ən bəsit bir əyləncə olan PlayStation zallar belə fəaliyyət göstərmir. Hələ kinoteatrları heç dilimə belə gətirmirəm.

kəndçi

Hər-hansı bir standartı olmayan; cəmiyyətə faydasız; elmdən, dünya mədəniyyətindən uzaq; cipsi, red bull, siqaret ilə nəfəs alan; instagram'da orasını burasını göstərib follower yığan; ən böyük məqsədi Türkiyə'yə getmək olan; Türkiyə'yə ayaq qoyan kimi öz dilini unudan; min cür hoqqadan çıxıb evlənmək üçün bakirə qız axtaran; əvvəl bar qızı olub sonra başını bağlayan və s. səviyyəsizliklərlə boy göstərən əhalinin bütün təbəqələrində rast gəlinən insan.
Ən böyük örnəkləri bunlardır:
(bax: naz mila)

dəmir yumruq əməliyyatı

Azərbaycan silahlı qüvvələrinin Ermənistan işğalı altında olan torpaqların azad edilməsi uğrunda girişdiyi ikinci qarabağ müharibəsində apardığı döyüşlərin əməliyyat adı. 27 sentyabrda başlanan Əməliyyat 44 gün davam edərək, 10 noyabrda Ermənistan'ın təslim olması ilə yekunlaşmışdır.