bugün wiki təsadüfi son
sözaltı sözlük
məsləhət postlar mesaj Profil

dasein


270   1   0   0


blokdan çıxar başlıqlarını gizlət

Notice: Undefined variable: thisuser in /var/www/soz6/profilson.php on line 166
gözlənti

Fərdin müəyyən hərəkəti edəcəyinə dair inanc, fərziyyə. Həmçinin onu hərəkətə gətirən bir qüvvədir. Çünki gözlənti bir növ inancdırsa, inanc və inanca yönəlik müəyyən edilən
həeəkətin yerinə yetirilməməsi dissonans duyğusu və davamında narahatlıq doğurur. Narahatlıq duyğusunu aradan qaldırıb, düşüncə və hərəkət arasındakı ahəngi bərpa etmək üçünsə, insan gözlənti doğrultusunda iş görür. Həmçinin önəmli sosial qüvvədir. insan adətən başqalarının və cəmiyyətin gözləntilərini yerinə yetirməyə meyilli olur filan.

(bax: cognitive dissonance)

5 əjdaha! dasein

05.07.2024 - 20:59 #385617 mesaj facebook twitter

12 əjdaha! dasein

29.06.2024 - 20:08 #385523 mesaj facebook twitter

reaction forming

(baxma: reaksiya formalaşdırma)
insanın hiss etdiyi emosiyanın əksini ifadə etməsi. Məs: qəzəbli ikən sakit görünməyə çalışmaq, qəmgin ikən şən davranmaq, qısqanarkən əslində dəstəkli görünmək və s. Yenə qeyri-olğun müdafiə mexanizmidir (yenə deyəndə nəyi nəzərdə tuturam acaba-*). Daxildə güclü dissonans/çaxnaşma hissi yarada bilir, çünki hiss etmədiyi kimu davranır insan, o hissi sağlam ifadə edə bilmir ki, məncə, bu əksər insanlar üçün çətin təcrübədir.

Tam olaraq bilmirəm bunu nə ilə əvəz etmək olar, o qədərini araşdırmadım. Yəqin ki, self-reflection və daxildəki əsl duyğunu şüurlu şəkildə yaşamaq və ifadə etmək kömək edə bilər. Məncə, reaction forming bilərəkdən qeyri-səmimi fikir ifadə etməkdən fərqlənir. Çünki reaction forming edən insan həqiqətən də özünü o duyğuya salmağa çalışır. ikincini edən isə yalandan etdiyini bilir zatən, ona görə də çaxnaşma duyğusu çox yaşamır filan.

16 əjdaha! dasein

19.06.2024 - 03:45 #385324 mesaj facebook twitter

4 əjdaha! dasein

19.06.2024 - 00:27 #385317 mesaj facebook twitter

splitting

ağ-qara düşünmə tərzinin məhsullarından biri, obyektə yönəlik qavrayışın haçalanması, qütbləşməsi; obyektin ya sadəcə yaxşı, ya da sadəcə pis olaraq qavranılması. Obyektin fərddə yaratdığı təəsürata qarşı yaranan qeyri-olğun reaksiyadır, fərdin obyekti tam şəkildə həm pozitiv, həm də neqativ cəhətlərlə qavrama bacarığının inkişaf etmədiyinin göstəricisidir.

Misal üçün dostum mənə yaxşılıq etdikdə onu yaxşı, mükəmməl biri kimi görüb, səhv etdikdə isə pis, xəyanətkar və s. Kimi görürəmsə, onun hər iki cəhətlərini birləşdirib onu ağlımda tamam bir varlıq kimi qurğulaya bilmirəmsə, splitting edirəm deməkdir və bu cür tamamlayıcı qurğulamanı etmə bacarığımın inkişaf etmədiyini, bunun mənə öyrədilmədiyini və ya bir şəkildə öyrənə bilmədiyimi də göstərirəmdir. Bəli, splitting qeyri-olğun bir reaksiyadır və ideal halda vaxtında daha sağlam bir mexanizmlə əvəz edilmiş olmalıdır (psixoanalitiklərə görə).

Object relations nəzəriyyəsinə görə, splitting hələ çağa ikən baş verir. Körpə südverən döşə (və ya biberon) qarşı splitting sərgiləyir. Döş süd verdikdə, o yaxşıdır, körpənin ehtiyaclarını qarşılayır. Nə vaxt ki, südvermə dayanır, körpə döşü pis obyekt olaraq qavrayır, onu məhv etmə phantaziyası (fantaziyadan fərqlənir) qurur, çünki onu doyuzdurmağı dayandırır. Çağa hələ ağlında böldüyü iki əks döşü tam obyekt kimi alğılamağa qadir olmur, daha sonra sağlam inkişafla bərabər bu bacarığı qazanır.

Splitting borderline narcissistic şəxsiyyət pozuntularının simptomları arasındadır. Digər insanlarla münasibətə mənfi təsir edən, daha sağlam bir bacarıqla əvəz olunmalı bir reaksiyadır.

7 əjdaha! dasein

18.06.2024 - 01:57 #385306 mesaj facebook twitter

0 əjdaha! dasein

28.03.2024 - 13:00 #383510 mesaj facebook twitter

qabağa getmək

Cəmiyyətin uğur olaraq tanımladığı müəyyən cığır üzrə unidirectional hərəkət. "Qabağa getməyin" əsas indikatoru, əlbəttə, daim artan maddi imkan və ya maddi imkan potensialıdır. Məsələn, bazar tələbatı yüksəl olan ixtisas üzrə təhsil almaq, işə qəbul olmaq, kariyerada yüksəlmə, vəzifə artımı və s. Amma bu pozisiyalarda sabit qalmaq bəs etməz; daim artış olmalıdır, çünki "getmək" sözü hərəkət bildirir. istiqamət də önəmlidir, qabağa getmək üçün imkanlar üzrə artan istiqamətdə hərəkət etməniz lazımdır. Sabit durmaq və ya istiqamətin əksinə hərəkət etmək olmaz.

Təbii, qabağa getməyin ənənəvi və innovativ yolları var. Ənənəvi yol cəmiyyətin artıq təyin və qəbul etmiş olduğu mərhələlərdən keçməkdir; oxudun, işin oldu, vəzifən artdı, müdir oldun və s. Ənənəvi yol linear artımı təcəssüm etdirir və bunun sadəcə qabiliyyət və əzmlə başa gələcəyinə inanacaq qədər naivdir. Bir də var innovativ yol, yəni müəyyən qısa yollardan istifadə edərək linear yox da, daha kəskin və qısa zamanda başa gələn artımla hərəkət etmək. Bunun leqal və qeyri-leqal yolları vardır. Anlamışsınızdır.

"Qabağa getmək" üçen ən güclü metod networking və kommunikasyiadır. Doğru insanlar, doğru kontaktlar sizi çox qabağa apara bilər. Təəssüf ki, çox vacib olsa da, networking olmadan səlt qabiliyyət sizi müəyyən limitə kimi qabağa aparacaqdır.

Qabağa getmək kültürdən kültürə müəyyən cür şərh olunan bir qavramdır. Məsələn abşda qabağa getməyin pik nümunəsi "american dream"dir.

capitalism is the plague.

1 əjdaha! dasein

21.03.2024 - 22:39 #383366 mesaj facebook twitter

sözlük yazarlarının səyahət xatirələri

Dostumla Varşavadan Praqaya 10 saatlıq yolu avtobusla gedib saat səhərin 5də yolda düşüb şəhər mərkəzinə getməyimiz. Tabi öncədən idrak etməmişik ki, hər yer bağlı olacaq hotel coffeeshop hər şey. Buz kimi havada 3-4 saat starbucks qabağında gözləmişik ki, içəri girib isinib nəsə yeyək. 9a 10 dəqiqə qalmış bizə yazığı gələn starbucks işçisi gəlib 100 metr aralıqda saat 8dən açıq olan starbucks var dedi. Biz də nası yani deyib mal kimi qaldıq. Bu da böyle bir anımdır-*

2 əjdaha! dasein

21.03.2024 - 22:11 #383364 mesaj facebook twitter

emosiya

Emosiya qavramı müxtəlif yollardan ələ alına bilər. Əlbəttə, mən koqnitiv psixologiyanın tərifini buraya yazmaq yerinə, ondan ilhamlanaraq öz birinci şəxs təcrübəmi ifadə edəcəm və fenomenolojik yanaşma ilə emosiyanı ifadə edəcəm. Bu səbəbdən tamamilə subyektiv və nüanssız olacaq.

Emosiya subyekti hərəkətə gətirməyə yönəlmiş bir qüvvə, daha dəqiq desək, bir "drive" olaraq interpretasiya oluna bilər. Emosiya düşüncə və ya alğıdan tətiklənir, təyinatı üzrə fizioloji proseslərə təsir edir, bədənə siqnal ötürür, diqqət çəkir, çünki bir reaksiya gözləyir. Düşüncə və ya alğını input, reaksiyanı output kimi götürə bilərik. Məsələn, otaq yoldaşımın məndən icazəsiz əşyalarımı istifadə etdiyini alğılayıramsa, təcrübə etdiyim emosiya qəzəb olur. Burada emosiyanın mənə çatdırmaq istədiyi mesaj sərhədlərimin pozulduğu və onları bərpa etməyimin gərəkli olduğudur ki, əşyalarımı itirməyim, yəni resurslarımı qoruya bilim ki, yaşam keyfiyyətim düşməsin. Qəzəbi ifadə etmək və şəxsi sərhədlərin bərpasına nail olmağa çalışmaqsa, reaksiyadır.

Buradan "emosiyalarla yox məntiqlə hərəkət etmək lazımdır" ritorikası ilə eqo orqazmı yaşayan fərdlərinsə emosiyanı nə qədər yanlış qavradıqları nəticəsini çıxara bilərik. idrak/məntiq və emosiya arasında ziddiyyət yox, əməkdaşlıq əlaqəsi var. Emosiya siqnal, mesaj ötürərək reaksiyanın vacibliyinə diqqət çəkir, idrak yolu ilə də münasib reaksiyanı veririk. Emosiya tətiklənməsə, məntiqi işə salıb hərəkət etmərik, çünki ortada bir siqnal və ya drive olmaz.

Emosiyaları dinləmək, verdiyi siqnalı anlamaq önəmlidir. Emosiyaları yox saymaq self-amputation kimidir. emosiyalar iqnor edildikcə daha da güclənir. Əlavə olaraq, emosiyaya reaksiya bildirmək ağla ilk gələn şeyi etmək deyil, əlbəttə. Bəzi emosiyalara reaksiya olaraq onun varlığını qəbul etmək, bir şey etməməyin ən uyğun variant olduğuna qərar vermək kafidir. Anxiety misal üçün, kontekstdən asılı olaraq, əlbəttə.

1 əjdaha! dasein

15.03.2024 - 00:15 #383231 mesaj facebook twitter

sözaltı günlük

Əziz sözlük,

Buradan uzaq olduğum müddətdə şəxsi inkişafımda uzun yollar qət etdiyimi fərq etmişəm. Özümü bir qaranquş qədər azad, bir çinar ağacı qədər müdrik hiss edirəm. Amma ağaclar ayaqda ölər, bunu da bilirəm. Burada random yabancılarla danışıb, yeri gəldikdə polemikaya girib, yeri gəldikdə müzakirə etməyin şəxsi inkişafa çox fa faydalı olmadığını hiss edirəm artıq. Lakin bunları yenə də edərəm, çünki ürəyim elə istəyir və sözlüyü sevirəm.

Şebnem Ferahın artık kısa cümleler kuruyorum dediyi nöqtədəyəm sanki. Paraqraflarla yazıb özümü ifadə etmək və ya bir şeyin müzakirəsini aparmaq mənasız gəlir artıq. Ola bilsin mən bunları yenə də edim, özümlə tutarsız olum, fəqət tutarsız olmağım özümü sevməyə əngəl deyil ki. Seviyorum, sevmiyoruuuum.

Hörmətlə,
dasein

6 əjdaha! dasein

14.03.2024 - 18:53 #383226 mesaj facebook twitter

mənim gey dostlarım da var

Adətən cis-hetero insanların homofobiya ilə ittiham edildikdə qurduqları cümlə. "Homofob deyiləm, mənim gey dostlarım da var." Və yaxud açıqfikirli, tolerant və s. Olduğunu bildirmək üçün də sərf olunur. Halbuki belə cəhdlərə heç ehtiyac yoxdur, homofob və ya ümumiyyətlə anti-lgbt olmamaq üçün lgbt haqlarını müdafiə etmək və onların cəmiyyətdə bərabər olduqlarını qəbul etmək bəs edir. Gey dostlarının olması şəxsə homofobiyaya qarşı immunitet vermir. Heç gey olmağın özü də vermir. Gey olub homofob olmaq mümkündür və hətta yayğındır. Geyləri bərabər görməyən, haqlarını müdafiə etməyən hər kəs homofobdur. Gey dostu oldu-olmadı, Gey oldu-olmadı.

12 əjdaha! dasein

08.08.2023 - 02:05 #377166 mesaj facebook twitter

2 əjdaha! dasein

31.07.2023 - 19:36 #376695 mesaj facebook twitter

0 əjdaha! dasein

24.07.2023 - 09:50 #376143 mesaj facebook twitter

sözaltı music

Uzun bir aradan sonra yenidən ifa paylaşmağı qərara aldım.

Summer '78 by Yann Tiersen

19 əjdaha! dasein

15.07.2023 - 14:07 #375461 mesaj facebook twitter

intihar edənlərin 80% kişi olması

müasir cəmiyyətin və gender sisteminin heç kişilərin özünə də xidmət etmədiyini göstərən fakt. Ən azından cəmiyyətin imtiyazlı təbəqəsindən olmayanlara. Kişi belə olsanız, imtiyaz sahibi olmadıqda sistem tərəfindən əzilmə təcrübəniz olur.

Həmçinin bu nisbətin bu cür olması feminizmin problemi deyil. Həm mövcud gender sistemini dəstəkləyib, həm də intihar nisbətindən şikayətlənmək çox absurddur. Feminizm zatən mövcud gender sisteminin - patriarxiyanın əleyhinədir.

3 əjdaha! dasein

06.07.2023 - 15:44 #374791 mesaj facebook twitter

dasein

An etibarilə modluqdan təqaüdə çıxan yazar. Sözlüyə ayırdım vaxtın böyük hissəsini texniki dəstəyə və codingə həsr etmək istəyirəm. Zira coder team ilə sözlüyün arxitekturasında köklü dəyişikliklər etmək planlarımız var və bütün enerji, vaxtımı bu planlara kanalizasiya etməyi düşünürəm. Daxili işlərlə bağlı olmasa da, texniki dəstək üçün həmişə özəldən yaza və ya sözlüyün tech support kanalına müraciət edə bilərsiniz -*
t.me/soz6_technical

24 əjdaha! dasein

10.05.2023 - 22:49 #372195 mesaj facebook twitter

5 əjdaha! dasein

06.05.2023 - 03:12 #371827 mesaj facebook twitter

həyat fəlsəfəsi edilə biləcək ən gözəl cümlə

(baxma: Ceci n'est pas une pipe)
Tariçxəsinə, adına-filan girmədən direkt aşağıdakı rəsm əsərini təqdim edəcəm:

Bir pipo şəklinin altına fransızca "bu bir pipo deyil" yazılıb. Niyə? Sənıtkar burda nə demək istəyib? Sırf sürrealist olsun deyə və ya tərs köşə yaradaraq rəsmə tamaşa edəndə qıcıq hissi yaratmaq? Əslində, heç biri. Rəssamın yazdığı cümlə tam olaraq gerçəkliyin, bir faktın altını cızır; bu bir pipo deyil. Bu sadəcə bir pipo rəsmidir. Piponu təmsil edən bir imajdır eləcə, onun özü deyildir.

Psixoloq Susan David emotional agility * emosional çeviklik kitabında bu rəsmi nümunə göstərərək deyir; düşüncələr və emosiyalar reallığı təsvir etməyə çalışan imajlardır, fakt deyildirlər. Hansısa neqativ düşüncə və ya duyğu içimdən keçirsə, bu sadəcə hazırda elə bir düşüncə və ya duyğu yaşadığımı göstərir, həqiqətin elə olduğunu yox. Məsələn, "imtahandan kəsiləcəm" - bu düşüncədir, fakt yox. Sevdiyim birinə əsəbiləşirəmsə, bu bir duyğudur, mənim həmin insanı sevmədiyim anlamına gəlmir. Düşüncələr və duyğular fərdi əmələ gətirən şeylər yox, onun sahib olduğu, üzərində kontrol sahibi ola bildiyi fenomenlərdir. Hər şeydən öncə, onlar obyektiv faktlar yox, sadəcə imajdır. Qərar verərkən onlara istinad edib-etməmək bizdən asılıdır.

18 əjdaha! dasein

30.04.2023 - 17:22 #371455 mesaj facebook twitter

emilie autumn

Amerikalı rock goth müğənni. Tam janra baxmağa ərinirəm hal-hazırda. ilk dəfə qulaq asanda da belə yaradıcı, fərqli, estetik, emosional, damarı tutan mahnıların bəstəçisinin necə unudulub getmiş olduğunu anıaya bilməmişdim. Necə belə bir müğənni indi də relevant olmaz yəni? Bəlkə də, mahnıları böyük kütləyə xitab eəcək cinsdən deyil. Əslində, öz səylərinin də yetərsiz olması, düzgün qərarlar verməməsi underrated qalmağına səbəb olub. Ən azından apardığım 5 dəqiqəlik google araşdırması belə nəticəyə gəlməmə səbəb olur. Həmin araşdırmada həmçinin media personajının çox sevilmədiyini, təkəbbürlü, eqoist olduğunu da anladım.

Okay, bir şəxsiyyət olaraq çox da sevə biləcəyim bir tip deyil. Lakin musiqi və geyim tərzini çox sevirəm. Mahnıları çılğın, emosional və qeyri-stabil, üsyankar, insanın içindəki basdırılmış duyğuları üzə çıxaran vibe-lar verir.
Hətta bəzi insanlar ərgənsayağı hesab edir mahnılarını yeniyetmələrin bu cür qarışıq duyğular yaşadığını hesaba qataraq. Məncə isə bu çox öküzsayağı yanaşmadı. Əvvəla, ərgən deyilən insanların yaşadığı duyğusal çətinliklər olduqca real və onların həyatı üçün formalaşdırıcı təcrübələrdir. Bunu kiçik görüb, invalidate etmək də aşırı cahillik kimi gəlir mənə. ikinci olaraq, bunlar yetkin insanların da olduqca çox çətin duyğusal təcrübələri ola bilir ki, normaldır. Hələ mental xəstəliklərdən əziyyət çəkən insanları demirəm belə. Emilie Autumn özü də bipolar olduğunu deyib dəfələrlə. Belə caselərdə, mahnılarla duyğusal boşalım yaşamaq çox rahatladıcı və reflektiv olur.

Nəysə bir Emilie Autumdan haralara gəldik-* Əlavə olaraq, geyim tərzi - gothic, victorian, o rənglər çox cəlbedicidir. Mahnılarındakı harpsichord ilə çalınan hissələr isə ayrı bir orijinal.

Sevdiyim bir mahnısının sözləri:
"Misery loves company,
Company loves more,
More loves everybody else,
But hell is others"


Müğənni burda "hell is others" deyərək sartre-a da bir göz qırpır.
(bax: cəhənnəm başqalarıdır)


(youtube: )

4 əjdaha! dasein

29.04.2023 - 00:11 #371377 mesaj facebook twitter

5 əjdaha! dasein

23.04.2023 - 08:54 #370955 mesaj facebook twitter

/ 20 »
Notice: Undefined variable: user_id in /var/www/soz6/sds-themes/vengeful-light/profile.php on line 1356


blokdan çıxar -   başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1363