farhad parvizi

iqtisadiyyatdan başım çıxmır onsuz da, iqtisadçı olaraq bilmirəm necədir. Amma onu deyə bilərəm ki, "redpill"çi dediyimiz axmaqların "azərbaycan alt qolu" olaraq fəaliyyət göstərir və təəssüf ki, bu günün gənclərinə təsir göstərməyi bacarır. bir dəfə də olsun, bu axmaqlar başa düşmədi ki, qadınların kişilərə ehtiyacı yoxdur.
maraqlısı odur ki, əksər hallarda "niyə ehtiyacı var?" sualını nəsil artırma ilə cavablayırlar. belə pis çıxmasın onda kişilər də qadından asılıdır. mənim * ümumi olaraq hər hansısa qadının rəhmim olmasa necə nəsil artıracaqsan aq?
bu hadisə ilə bir neçə dəfə qarşılaşmışam. Opşim yeni "red flag" fərhad pərvizi izləyən qadın və kişidir.

elmira ələkbərzadə

Bu gün "tənhayam" mahnısını kəşf etdiyim musiqiçi. Daha çox Sevda Ələkbərzadənin bacısı kimi tanınır. Yazıçı Çingiz Ələkbərzadənin qızı, Azərbaycan SSR Xalq yazıçısı Əbülhəsənin nəvəsi.

(youtube: )

yazar olmaq

çətin işdir. bunu getdikcə lap yaxşı anlayıram. əvvəllər çox yazmağa, dəftər-qələmə bağlı biri idim. hər şey üçün dəftərim vardı. hökmən bir köhnə dəftərim olardı, müəyyən hissəsi hansısa dərs üçün işlədilmiş, artıq lazım olmayan, amma boş vərəqləri qalan dəftər. yazılmş vərəqləri cırıb nazik dəftərə çevirərdim onu. sonra da ağlıma gələn hər şeyi yazardım: bəziləri araşdırmalı olduğum şeylər, bəziləri digər dəftərlərə yazmalı olduqlarım, bəzən də içimi tökərdim.
! Burada yazar haşiyəyə çıxır !
mühafizəkar ailədə böyüməyin nəticəsi olaraq hər şeyi gizlətmə ehtiyacı duymuşam, oxuduğum kitabları gizlədərdim, ya da masanın üstünə - onların gözü qabağına qoyardım ki, tez kitabı yoxlasınlar və canım qurtarsın, rahatlıqla oxuyum. rahatlıqla filmə baxa bilməzdim, ona görə filmə baxan adam olmamışam yəqin. həmişə özümün filmə baxandan çox kitab oxuyan olduğunu deyib öyünmüşəm. nəticədə kimsə hansısa filmdən danışanda gözümü döyüb baxmışam. ! haşiyəyə girilir ! eyni zamanda yazdıqlarımı da cırmışam ki əllərinə düşməsin. yazanda da hər şeyi yazmırdım, bəlkə də elə ona görə özümü yaxşı ifadə edə bilmirəm.
bu aralar isə ümumiyyətlə, yazıdan kənar düşmüşəm. özümü məcbur edib telefonda jurnal yazmağı sınadım, o da davamlı olmadı. bunu çox vaxt "digital" həyatla əlaqələndirirəm. nəsə səbrimiz çatmır artıq yazmağa.
dünən 2-3 saatlıq yolda o qədər şey düşündüm, amma yazmadım. əlbəttə, düşündüyümüz qədər sürətli yaza bilmərik. lakin mən əgər düşünərək yazsam, düşüncəmin yavaşlayacağını, fikrimi yazmağa verib hansısa gözəl fikri qaçıracağımı düşünürəm, ona görə də ancaq düşünürəm. ən yaxın dostum "amma yazsaydın daha uzunmüddətli olardı" . hə, haqlıdır, onun düşüncəsinə görə yaxşı fikirlər yazılacaqdı dəftərə və ya telefona. mən isə yazarkən fokuslanmaqdan fikirlərimin arxa plana atılacağından, bəlkə də yazmasaydım, daha fərqli şeylər düşünə bilmə ehtimalından qorxuram.
digər səbəb isə gün sonunda yazarkən "əşi nə mənası var?" deyə düşünüb yazmamaqdır.
toparlasaq, yazmaq çətin işdir, hələ sözlüyə yazmaq lap çətindir. yarğılanmaqdan qorxmaq var, səhv yazmaq qorxusu var, içindəki mühafizəkar ailənin verdiyi səlahiyyətə əsasən yarım-yamalaq yazmaq var. var da var.

yazarların 2024-cü ildə izlədikləri filmlərin siyahısı

Bu dəfə ənənəni mən davam etdirmək istədim -* :
inception (Axır ki, baxdım.)
your name
fresh 2022 istehsalı triller idi, o qədər də yaxşı deyildi. Sadəcə bir shorts-da görüb baxmaq istədim. Onsuz imdb xalı da 6.7-dir
mean girls
the descent Sonun qədər baxa bilmədim, amma bitirməyi düşünürəm. Ürək bulandırıcı səhnələr var idi, amma xoşuma gələn məqamlar da oldu.
zodiac əla filmdir.
a.r.o.g Gülməkdən yırtmadı, amma mənalı zarafatları var idi.
onun bəlalı sevgisi
howl's moving castle

Təkrar izlədiklərim:
interstellar
shrek 1 və 2
* Animelər və animasiyalar da bu siyahıya girir deyə düşünürəm

sözaltı günlük

Sevgili sözlük,
Bir müddət sənə ara verəcəm. Səbəbi isə "imtahanlar bitsin, yay gəlsin, partdacam, inkişafdan yerə-göyə sığmayacam, fövqəlinsan olacam" triplərinə girməyim idi. Guya kitab oxumaqdan, dil öyrənməkdən, ümumiyyətlə araşdırmaqdan boş şeylərə vaxtım olmayacaqdı.
Hələ tarixlə bağlı entrilər yazmaq istəyirdim, amma bu aralar tarix ehtirasım sönüb. Amma bilirəm ki, biz köhnə dostlar kimi bir-birimizi görəndə, bir az söhbətləşəndə yenə əvvəlki kimi səmimi olacayıq.
Bir az hər şeydən uzaqlaşsam yaxşı olar. Sözlüyün üstümdə təsiri var, dürüst olsam, gün içində düşüncələrimi "sözlüyə yazımmı? Hansı başlığa yazım? Necə yazım?" Deyə düşündüyüm olur * bunu bu entriyə yazmayacaqdım amma nəysə iş işdən keçdi .
Bir az özümlə zaman keçirməliyəm və etməli olduğum şeyləri etməyə başlamalıyam. Ona görə uzaqlaşıram səndən. Sözlük yazarları, siz də özünüzə yaxşı baxın

türk dilindən azərbaycan leksikasına atmaq istənilən kəlmələr

yetinmək
yarğılamaq
onsuz bu başlıqda "önyarğı" sözü hamının arzusu olub-*
hə, bu sözləri biz çox işlədirik normalda, amma təəssüf, bizim dilimizdə yoxdur. əslində, dilimizdə qarşılıqları var:
yetinmək - kifayətlənmək
yarğılamaq - mühakimə etmək, bəzən tənqid etmək ifadəsi də oturur.
amma gördüyünüz kimi hər ikisinin də qarşılığı ərəb-fars mənşəli sözlərdir. mən tapa bilmədim bu sözlərə milli mənşəli qarşılıq. amma onsuz yaxın zamanda lüğət tərkibinə daxil olacaq deyə düşünürəm. çünki bu sözlər çox işlənir. ona görə də mən çox da türkcə sözlərin nitqimizdə işlənməsinə qarşı deyiləm. əvvəl qarşı idim-* lakin indi görürəm lazımdır. işləndikcə bunlar da oturuşacaq.
bir də məlumat verim burda:
dilimizdə "şımarmaq" və "yansımaq" sözləri də yoxdur. bi çoxunun nitqində yer alır amma