itsmeSabi


281   5   0   0
9.nəsil moderator & #sözaltı artist
entry: 281
reytinq: 2,239
karma: 1,867 karma
izləyən: 43
oxunma: 178,039
sifariş sayı: 25





feu chatterton

Son 3-4 aydır grand blanc-la birlikdə aralıqsız dinlədiyim fransız pop-rock qrupu.

Qrupun adı "feu! Chatterton" şəklindədir və thomas chattertonun adına ithafən belə adlanmışdır.

ilk öncə bunu deməliyəm ki, vokalın səsi əfsanədir. Həm güclüdür, həm də təsirlidir. Bu bir yana, mahnılarda sanki kimləsə söhbət edir, ya nitq söyləyir, amma musiqi kimi çıxır.

Qrupla yenə də youtube sayəsində (la malinche) mahnısı ilə tanış oldum. Nə iləsə məşğul idim, birdən məni "madame je jalouse" deyərək oyandırdı. -*

"Grand blanc"la "feu!chatterton" alman dilindən bir an öncə qurtulub fransız dilini öyrənmək istəməyimə səbəbdir. Uzun sözün qısası, gedin dinləyin.

2 əjdaha! itsmeSabi

27.06.2022 - 15:33 #352601 mesaj facebook twitter

1 əjdaha! itsmeSabi

27.06.2022 - 15:12 #352597 mesaj facebook twitter

backfishroman

digər adı ilə- Mädchenliteratur alman uşaq və gənc ədəbiyyatında 19-cu əsrdə yaranmış janrdır.

19-cu əsrə qədər alman uşaq və gənc ədəbiyyatı üçün kitabları cinsiyyətə ayırmaq kimi bir şey yox idi, məhz bu dövrdə Backfishliteratur-un yaranması ilə kitablar 2 yerə bölündü. bununla da cinsiyyətlərin bərabər təhsili bir-birindən ayrıldı.

backfishroman janrında olan kitablar 12-16 yaş aralığındakı qızlara təhsil, daha doğrusu, əxlaq təhsili vermək məqsədilə yaradılmışdı. kitabımdakı materiala əsasən, "bu janrdakı əsərlər yeniyetmə yaşına çatmış qızlara həyatı öyrətmək, nəsihət və məsləhət vermək, ana, həyat yoldaşı və ev xanımı olmağa hazırlamaq məqsədi daşıyırdı".

ən məşhur backfishroman əsərlərinə emmy von rhoden-in "der trotzkopf", enid blyton-un "hanni und nanni" və patricia schröder-in "beste freundin, blöde kuh!" aiddir.

bu janra aid olan əsərlərdə qadın duyğuları və davranışlarına sahib, cinsiyyətinin gətirdiyi problemlərin üstəsindən ustalıqla gələn qadın obrazlar uşaqların onları özlərinə model seçəcəkləri şəkildə yaradılırdı. bu modellər üçün mülayimlik, itaətkarlıq və təvazökarlıq kimi xüsusiyyətlər əsas idi və uşaqlara da bu aşılanırdı.

19-cu əsrə qədər qızları "filankəsin filanı" olaraq böyütmək üçün çalışan bu janr, bundan sonra daha çox əyləncə məqsədi daşıyan hekayələrə çevrilməyə başladı. 20-ci əsrdə isə backfishliteratur-un əhatə etdiyi mövzular daha da genişlənmişdi və artıq əvvəlki nəsihətlərdən danışılmırdı.

6 əjdaha! itsmeSabi

11.06.2022 - 21:01 #351447 mesaj facebook twitter

möhtəşəm fransız mahnıları

grand blanc-ın bütün mahnıları. xüsusən də bu ikili:

bütün günü bu nəqarəti mırıldanıram:
Et tu donnes l'amour
De ceux qui n'ont pas d'amour
À ceux qui n'ont plus d'amour
Et moi j'ai besoin d'amour



4 əjdaha! itsmeSabi

08.06.2022 - 11:50 #351213 mesaj facebook twitter

3 əjdaha! itsmeSabi

07.06.2022 - 22:10 #351164 mesaj facebook twitter

1 əjdaha! itsmeSabi

29.05.2022 - 01:27 #350467 mesaj facebook twitter

yazarların ən pis pərt olduğu an

Bir neçə saat əvvəl bəlkə eyni qatarda olub gördüyünüz və bəlkə də söydüyünüz andır.

Həmişəki soyuqdəymədən və yemək saatını ötürmədən nəticələnən dəhşətli mədə ağrımla metroya mindim. Bilirsiniz saat 6-7 arası sıxlığı. Mindim və özümü guya sakitləşdirməyə çalışıram: "sakitləş, bir azdan düşəcəksən. Nəfəs al, nəfəs ver. Qollarımı niyə hiss etmirəm? Ayaqlarım niyə bu qədər böyüdü? Niyə yerləşmirəm? Deyəsən ortadan-mədə hissəsindən iki yerə bölünmüşəm" deyə-deyə onsuz da hallı idim, sıxlıqda daha da hallandım və metroda qrupyoldaşlarıma "ulduzda düşək, dözə bilmirəm" deyəcəyim yerdə qatarın ortasında yerə oturub qusdum. Ciddi-ciddi qatarın ortasına qusdum. Elə-belə də yox ha. Kruassan qalıqları, çeynəmədən udduğum böyük-böyük simit parçaları, hamısı gözümün önündə qatar hərəkət etdikcə sağa-sola gedirdi. Ağrıdan və əsəbdən ağlamağa başladım, ulduzda düşdük. Üçümüzün də ayaqqabısı qusmaq, gülməkdən ölürük.
Heç kəs də iyrənib düşmədi ha, yenə eyni sıxlıqda qatar qusmağın içində yoluna davam etdi. Artıq "qatara qusmamışam" da demərəm heç.

49 əjdaha! itsmeSabi

19.05.2022 - 20:21 #350052 mesaj facebook twitter

sözaltı günlük

Bu entry qəhqəhə içində yazılmışdır:

Nə 1-ci semestr, nə də 2-ci semestr özümə verdiyim sözləri yerinə yetirə bilmədim. Yanımda olan hamını da özümdən uzaqlaşdırdım. Sözün əsl mənasında uzaqlaşdırıram: dilimin iti olması ilə, kobudluğumla, hamının görüb susduğu şeyə mənim ortalıqda dava qaldırmamla hamı məndən uzaqlaşdı. Əvvəl elə bilirdim ki, yaxşı edirəm, buna görə də kim məndən uzaqlaşırsa, uzaqlaşsın, sikimə də deyil, ki hələ də elədir, amma nə bilim. Təklik də bir pox deyil. Hələ də iyrənirəm hamıdan, hələ də dediklərimi edirəm, amma içimdə. Çünki ətrafdakıların mənim üçün artıq bir önəmi qalmadı, nəinki onlarla söz dalaşına girmək.

Bəzən də özümə sözün əsl mənasında yazığım gəlir. Acıyıram özümə. Ki nə gündəsən ala. Gündən-günə sikdirirsən. Gündən-günə əlin-ayağın daha çox boşalır, ayaq üstə durmaq çətinləşir. Gündən-günə daha çox titrəyirsən, daha çox yanındakılara "narahatlıq" olursan, bəlkə özünə baxasan?

Yazmağı da yadırğamışam əməlli-başlı. Nə sözlüyə yaza bilirəm, nə də oturub düzgün tezis zad yaza bilirəm. Olan bacarıqlarımı da itirirəm. itirirəm, itirirəm, itirirəm. Hər şeyi, əlimdə olan hər şeyi. Başqa deyəcək nəyimsə yoxdur.

13 əjdaha! itsmeSabi

04.05.2022 - 22:53 #349427 mesaj facebook twitter

sözaltı etiraf

Sırf pis olduğum yadımdan çıxsın deyə şitlik edirəm. Yerli-yersiz danışıram, zarafat edirəm, öz zarafatlarıma gülməkdən ölürəm zad. Normalda qətiyyən belə olmadığım üçün Hamı da mənə baxır ki, buna nə olub, özündədirmi.
Acınacaqlı haldır.

14 əjdaha! itsmeSabi

04.05.2022 - 22:12 #349425 mesaj facebook twitter

copie conforme

abbas kiarostaminin 2010-cu ildə ərsəyə gətirdiyi, incəsənətdən evliliyə qədər mövzular müzakirə olunan film.

filmdə baş rollar- juliette binochewilliam shimell uzun müddətdir münasibətdə olan cütlüyü oynayırlar. lakin onlar evli deyillər, evliliyin "surətini" canlandırırlar.

filmin əvvəlində onlar arasında bir münasibət olduğunu heç sezməmişdim belə. james-i sadəcə kitab yazıçısı, elle-i isə onun kitabı ilə maraqlanan biri kimi düşünürdüm. hətta nə məntiqsə, kofe içdikləri yerdə james-in çölə çıxması ilə elle-in satıcı qadınla olan söhbətində belə -evli olduqlarını öz dili ilə deməsinə də baxmayaraq- filmin adından bu nəticəyə gələrək onların evli imiş kimi rol apardıqlarına özümü inandırmışdım. sonradan elle-in çarəsiz emosionallığında özümü taparaq (özlüyündə rol olsa da) "yox, bu rol ola bilməz" deyərək həqiqətən münasibətdə olduqları gerçəyini gec olsa da, sonunda ki anladım.

filmin çoxu səhnəsində toscana-da gəzən cütlüyün qarşısına evli cütlüklər çıxır. istər yeni evlənmiş, istər ortayaşlı, istər qoca, hamısı onların yanından keçir və elle-ə "biz də belə ola bilərdik, biz də həqiqətən evlənə bilər, orta yaşlarımızda başqa ölkələrə gəzintiyə gedə bilər, qocalığımızda isə bir-birimizə sahib çıxa bilərdik" fikrini düşündürür. james isə daha realist olduğundan bunlara fikir vermir. onlarla şəkil çəkdirmək istəyən cütlüyün təklifinə belə müsbət cavab vermir. elle ilə gəzmiş, dincəlmiş, vaxt keçirmiş olduğu yerləri belə xatırlamır.

filmi film kimi izləmək yerinə kitab kimi oxumaq daha yaxşı olar, fikrimcə. çünki dialoqları çox möhtəşəm olduğundan bütün diqqəti ora vermək lazımdır. film bəziləri üçün sıxıcı ola bilər; çox səssiz və dinc irəliləyir. lakin mən özlüyündə çatdırılan fikri çox sevdim və tövsiyəmdir.

7 əjdaha! itsmeSabi

14.04.2022 - 08:51 #348621 mesaj facebook twitter

təkcə mənmi edirəm deyə düşünülən şeylər

Başdan-ayağa qara geyinmək.

Rəngli nəsə geyinsəm, özümü yarımçıq hiss edirəm. Nəsə "o deyil"dir da. Bütün qara geyinəndə həm rahat, həm də özgüvənli hiss edirəm.

Sırf kombinləməsi asandır deyə hər gün qara geyinmirəm. (Ona qalsa, qara məxmər parça ilə qara denim parçanın qəti əlaqəsi yoxdur, əsas olan rəng deyil, parça uyumudur.) Rəngli geyinəndə daha basic göründüyümü hiss edərkən qara geyinmək extra hiss etdirir.

Qara geyinmək Ruhun qocalması, həyatdan bezməyi, depressiya içində boğulmağı göstərmir.

5 əjdaha! itsmeSabi

07.04.2022 - 21:31 #348391 mesaj facebook twitter

4 əjdaha! itsmeSabi

04.04.2022 - 08:09 #348296 mesaj facebook twitter

oblomovçuluq

"Obomovçuluq" 1859-cu ildə ivan Qonçarovun "Oblomov" əsəri ilə ortaya çıxmış, tək "tənbəllik" açıqlaması ilə kifayətlənməyən, üstündə daha uzun düşünmək lazım olan məfhumdur. "Oblomovçuluq" görünənin əksi olaraq şüurlu ətalət, ekzistensial tragediya, cəmiyyət və dünya sisteminə passiv üsyan olaraq dəyənləndirilə bilər. Qonçarovun bu obrazın simasında bizə aydınlatmaq istədiyi mövzu sadəcə "tənbəllik"dən ibarət ola bilməzdi, lakin bir müddət sonra rus ədəbiyyat terminindən çıxıb rus məişət dilinə qədər yol alan bu məfhum səhv anlaşılaraq V.i. Leninin belə "Rusiya üç inqilab etdi, lakin biz hər dəfə Oblomovluğun qarşısında məğlub olduq, çünki Oblomovluq təkcə rus burjuasına deyil, ümumilikdə rus cəmiyyətinə xasdır" sözləri ilə toxunduğu mövzu olaraq məhz tənbəllik və işəyaramazlıq olaraq anlaşılmışdır.

Məfhumun aid olduğu baş qəhrəmanın bu fəlsəfəsi bizə əvvəlcə keçici bir dövr kimi görünür: yeniyetməlik yaşında bir çox mühüm elmlərə yiyələnən Oblomov gənc yaşlarında məmurluğa alışa bilməyərək işi buraxır, bütün fəaliyyəti yeyib-içmək və yatmaqdan ibarətdir. Lakin daha sonra Olqa ilə tanış olur. Sevginin gətirdiyi aktivlik fikri ilə ona qarşı bizdə ümid işığı yaranır. Oblomov fəlsəfəsinə əks olaraq aktiv həyat keçirməyə, oxuyub-yazmağa, gəzməyə, əsas da maraqlanmağa başlayır, hətta köhnə xalatını da bir kənara atır. Bununla biz Oblomovun əslində tənbəl olmadığını, istədikdə bacardığını görürük. Olqa kimi Oblomovun dəyişəcəyini, özünün daha yararlı bir versiyasına çevriləcəyi günü gözləyirik. Amma Oblomovun fəlsəfəsi keçici bir dövr deyildi, bu onun istəyi üzrə seçdiyi bütün bir həyat tərzi idi. Elə bir həyat tərzi ki, var-dövlətinin müəyyən qismini, sağlamlığını, burjua həyatının üstünlüklərini və həyatından bir neçə ilini əlindən aldı.

Yenə də "Oblomovçuluq" məfhumunun məğzinə qayıtsaq, biz bunu şüurlu tənbəllik halı olaraq götürə bilərik. "Oblomovçuluq" hər şeyin bir addım öncəsini hesablamaq, bütün işləri ən incə detalına qədər planlaşdırmaq, hər şeyin və hər kəsin fərqində olmaq nəticəsində gələn tükənmişlikdir.

Hər birimizin həyatında tükəndiyimiz, başımızın qarışıq olduğu, heç bir planımızın olmadığı, buna görə də situasiyanı atlada bilmədiyimiz anlar olur. Bu zaman çıxış yolu tapıb vəziyyətdən çıxırıq, düşünüb o planı yerinə yetiririk. Oblomovçuluq isə bunun əksidir. Onlar aktiv düşüncə halında olarkən, tamamilə passiv hərəkət halında dayanırlar. Daim problemləri düşünür, qarşılarına maneə qoyur, o aktı yerinə yetirməkdən vaz keçirlər.

Oblomovçuluğu psixoloji cəhətdən depressiya, travma, motivasiya əksikliyi və s. ilə əlaqələndirmək olar. Lakin "Oblomov" əsərində bu daha çox onun böyümə şəraiti və ona qarşı olan davranışların- fərd kimi yetişməsinə, azad şəkildə hərəkət edib seçim haqqı tanınmasına icazə verilməməsi nəticəsində meydana gələn əskiklikdir. Nəticə etibarilə "Oblomovçuluq"- Həyatdan geri qalma, həyata və özünə yadlaşma, sözün əsl mənasında "rəfə qaldırılaraq" bir kənarda, insanlıqdan uzaq bir ömür sürməkdir.

20 əjdaha! itsmeSabi

31.03.2022 - 08:40 #348175 mesaj facebook twitter

fəlsəfə dərsindən çıxandan sonra gələn mən heç nə bilmirəm hissi

Azərbaycanda oxuyursunuzsa, gəlməyən hisdir. Zira müəllimlər gender bərabərliyi və klassik ailə içi münasibətlərdən başqa "öyrədəcək" mövzu bilmirlər.

Həmçinin pedaqogika fənni üçün də keçərlidir. Hamının onsuz da bilməli olduğu haqq-hüquqlarını bişirib-bişirib qarşımıza qoymağın nəsə mənası yoxdur, tell me something i don't know.

Və təbii ki, bu da daxil olmaqla bütün ümumiləşdirmələr yanlışdır.

7 əjdaha! itsmeSabi

23.03.2022 - 20:20 #347839 mesaj facebook twitter

sözaltı günlük

Salam, günlük. Uzun zaman sonra sənə qayıtmaq çox gözəl hiss etdirir.

Bura yazası çox da bir şeyim yoxdur, əslində boş dərd-bəlalarla oxuyan kəsləri sıxmaq, həyatımda dəfələrcə təkrarlanmış və davam edəcək ailə problemləri ilə də buranı zibilxanaya çevirmək istəmirəm.

2 gün öncə dərsin ortasında panik atak keçirməmə baxmayaraq hal-hazırda çox rahatam. Nə qədər çətin olsa da, əlimdəki hər saniyədən həzz almağa çalışıram. Beynim zorla dopamin salgılayır, amma yenə də nəsə etməyə, insanlarla danışmağa, gülməyə, daha az ignore edib daha çox accept etməyə çalışıram.

Melanxoliya ilə yaşamaq həqiqətən çətindir. Hər iki dəqiqədən-bir bu dialoqun qurulması da bezdirir:
-nəsə olub?
-yoo, niyə ki?
-bayaq deyib-gülürdük, üzün düşdü.

Bipolar deyiləm, nəsə olmayıb, tərəzi bürcü isə heç deyiləm. Hər zaman gülmək, sevinmək, enerjik olmaq məcburiyyətində deyiləm. Hər zaman insanlarla danışa bilmirəm, ciddən enerjim yetmir. Bunları qəbullandıqdan sonra isə daha da rahatlaşdım sanki. Əvvəllər özümə gic kimi yük edirdim, pis hiss edirdim bunlara görə, indi yox. Hər şeyi olduğu kimi qəbullandıqdan, gözləntiləri max aşağı saldıqdan sonra adam özünü üzmür. Bir də ki, özümü çox vaxt başqaları yox, elə özüm üzürmüşəm, eh.

Entry yazmağı yadırğamışam, bu günlük bu qədər yetər, təşəkkürlər.

10 əjdaha! itsmeSabi

18.03.2022 - 21:14 #347611 mesaj facebook twitter

oruç aruoba

"Yaşam, kendiyle çatışmadır- çarpışma, savaşma: ki, sonunda da, tabii, kaybetmektir- savaşı da, kendini de..."

6 əjdaha! itsmeSabi

21.02.2022 - 15:35 #345984 mesaj facebook twitter

sözlük yazarlarının hobbiləri

Kefim olmayanda ailəni bir-birinə qatmaq.

Xüsusən də uzun müddətdir evdə otururamsa, lap bezirəm, onda daha yaxşı xaos başladıram. Xaosdan həzz alıram sanırım.

8 əjdaha! itsmeSabi

12.02.2022 - 22:45 #345473 mesaj facebook twitter

the unknown vlogs

(bax: maraqlı youtube kanalları)

Möhtəşəm stil sahibi kofi-nin içində moda ilə bağlı videoları olan youtube kanalı.

Daha çox "what are people wearing today?" Və "how much is your outfit?" Seriyaları izlənir. Bu videolar Hər şəhərin öz street style-nı göstərir. Çox orijinaldır və bəzən sabah nə geyinəcəyimi də hansısa paris videosuna baxaraq rahatca seçə bilirəm-*.

Kofi-nin hədsiz xoş enerjisi və gülərüzlülüyü, tez sosiallaşması videoları not so blonde-unkulardan daha maraqlı hala gətirir.

4 əjdaha! itsmeSabi

10.02.2022 - 23:39 #345386 mesaj facebook twitter

həzz verən şeylər

Savadlı, dünyagörüşlü insanlarla söhbət etmək.

Hələ ki də poxa batdığın, ümidsizlik içində pərişan olduğun vaxtlarda gözləmədiyin anda kef açan, ümidi geri qaytaran şeylərdəndir. Söhbət qısa olsa belə, "hələ də məni anlayan kimlərsə var" deyə düşündürür.

13 əjdaha! itsmeSabi

10.02.2022 - 20:38 #345365 mesaj facebook twitter

yazarların 2021-ci ildə oxuduğu kitablar

2021-ci il həyatımda keçirdiyim ən az produktiv il ola bilər; tənbəllik, ruh düşkünlüyü, motivasiyanın olmaması səbəbilə oxuduğum kitabların çoxu hekayə, bədii ədəbiyyatdır.

1. stefan zweig- "bir çöküşün öyküsü" *
2. stefan zweig- "yad qadının məktubu"
3. ethel lilian voynich- "ovod"
4. james joyce- "the dead"
5. charlotte bronte- "jane eyre"
6. honore de balzac- "gobseck"
7. oscar wilde- "the picture of dorian gray"
8. anton çexov- "altı nömrəli palata"
9. fyodor mixayloviç dostoyevski- "cinayət və cəza"
10. nikolay gogol- "diary of a madman"
11. mixail bulgakov- "genç bir doktorun anıları"
12. ilhami algör- "fakat müzeyyen bu derin bir tutku"
13. oruç aruouba- "zilif"
14. mine söğüt- "deli kadın hikayeleri"
15. knut hamsun- "torpağın bərəkəti"
16. william shakespeare- "romeo və cülyetta"

yenə yadıma düşsə, əlavə edəcəm.

8 əjdaha! itsmeSabi

25.12.2021 - 08:45 #342133 mesaj facebook twitter

/ 20 »

blok -   başlıqlarını gizlət

Son bəyənilənlər