karnage93


106   0   0   0
karnage93 4.nəsil yazar
reytinq xalı: 139
karma xalı:-175
entry sayı:106
izləyənlər:0
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə/blog
fuck

stevie ray vaughan görüb-görə biləcəyimiz ən yaxşı gitarislərdən olub. heyif ki, aramızda yoxdur.
(youtube: )
bu videoda yeri o qədər görünür ki.
astrix qafqaz doğumlu, dağ yəhudilərindən olan və tel avivdə böyümüş psychedelic dj. psytrance deyiləndə ağıla ilk gələn odur. musiqiləri aşmışdır. maddə təsirində olmasan belə o təsirə salır. bunun kimi:
(youtube: )
həmçinin ən məşhur musiqisidir. içində incildən bir parça da var: "they fill you with false hopes they speak visions from their own minds"
5 studiya albomu var. işlərində ən sevdiyim he.art-dır. shamanic tales ilə başlayır, conquistador ilə bitir. lsd və ya marixuana təsiri altında tamam ayrı bir dünya yaşadır.
bir şans verib dinləyin.
i got the same old blues j.j. cale-in okie albomunun son və ən möhtəşəm mahnısı. saf blues dinləmək istəyənlərin keçə bilməyəcəyi bir şeydir. mahnıdakı gitar, drum, bass, klaviş və vokal elə səviyyədədir ki, hər birinə ayrıca diqqət yetirmək olur. bunu j.j. cale-in bir çox mahnısında rahatlıqla görə bilərsiz. neqativ və kefim olmayan zamanlarımda dinləmişəm həmişə. verdiyi pozitivlik və rahatlıq hissi çox qəribə bir şeydir. sanki, "qoy götünə getsin", həyat nəyəsə ilişib qalmaq üçün çox qısadır deyir. qulaq asdığın zaman rahatlıq və kayf yaşayırsan. hələ siqaret və viski, pivə ilə kayfın son hədlərini yaşayırsan. (bax: seksdən daha yaxşı şeylər)
(youtube: )

belə bir maraqlı və gözəl cover-i də var:
(youtube: )
j.j. cale əsl adı john weldon cale olan fransız əsilli amerikan gitaristi. çox adam bu insanı tanımır. halbuki yaradıcılığı ilə bluesrock musiqisinə öz töhfələrini vermişdir. sakit və özünəməxsus tərzi olub həmişə. buna görə də çox tanınmayıb. və özü də bundan heç vaxt narahat olmayıb. eric claptonmark knopfler kimi bugün əjdaha kimi tanınan gitaristlərə hər zaman ilham olub. onsuz da eric clapton jimi hendrix və onu həmişə üstün tutub və bugünkü yerə gəlməyində böyük ilham olublar. mark knopfler belə onu tanrı kimi görüb. yaradıcılığı zamanı da heç bir skandala qarışmayıb. sadəcə öz sevdiyi işlə - musiqisi ilə məşğul olub. belə sakit və təvazökar həyat tərzi olduğu üçün də çox insan tanımayıb onu. öz ölkəsində belə çox dinlənməyib. musiqiçilərin dinlədiyi bir musiqiçi olub. bundan daha yaxşı bir şey? drum-lara da önəm verdiyindən və bunu öz bəstələrində yayğın istifadə etdiyindən rock musiqisinin də formalaşmasına köməkliyi olmuşdur. məşhur cocaine, after midnight, i got the same old blues kimi mahnılar bu insanındır. dinləyin bu insanı. blues sevirsizsə mütləq dinləyin.
26 iyul 2013-cü ildə infarkt nəticəsində vəfat etmişdir.
molla nəsrəddin hardasan ay molla. əjdaha yazar. coca-cola entry-də çox babat gülmüşdüm. kaş tanıya bilsəydim müəllimi.
pneuma yunancadan tərcümədə "nəfəs", "ruh" mənasını verən söz.
tool-un fear inoculum albomunun ən möhtəşəm mahnısı. tool-u çox gec kəşf eləmişəm və peşman olduğum şeylərdən biri də budur. lateralus albomunu dinləyəndə aldığım zövqdən ağlamaq səviyyəsinə gəlib çatmışdım. pneuma isə qrupun yaradıcılığı və danny carey-nin tanrı səviyyəsinə çatdığını göstərir. sözlər həmişəki kimi fərqli hislər və düşüncələrə vadar edir. o ritmlər, o sözlər.. hər şeyi ilə mükəmməl mahnıları olan qruplar çox azdır. elə ona görə də özlərinin sadiq dinləyici kütləsi var. biri də mən olmuşam.
(youtube: )

burda isə mahnının canlı versiyası danny əmi tərəfindən göstərilib. həqiqətən, dünyanın ən yaxşı drummer-lərindən biridir. 59 yaşında musiqidə tanrı səviyyəsinə çatmaq hamıya qismət olmur. bu mahnını ikinci dəfə dinləyəndə ağlamışdım. çöx möhtəşəmdir. sözlərlə ifadə edə bilməyəcəm özünüz qərar verin.
eşqin metafizikası metafizika məsələsi çox qəribədir. nə qədər araşdırsan, içinə girsən axır-əvvəl sonu eşqə də gedir. bundan qaçış yoxdur. “meta” yunancadan tərcümədə “sonra, o tərəfə” deməkdir. yəni, fizikadan, elmdən o tərəfə bir şeydir. bəs elmdən o tərəfə nə var? hələ bilmədiklərimiz və günü gəldiyində öyrənəcəklərimiz? yoxsa bilməyimizin imkansız olduğu və heç vaxt bilməyəcəyimiz və hal-hazırda fərqində olduğumuz şeylər? hər ikisi də var. ancaq metafizika kəliməsinin fəlsəfədə də daxil olmaqla bügün “hələ bilmədiyimiz amma günün birində biləcəyimiz” şeylər mənasını qarşılamır. metafizika bilinməz olanı və sonsuzadək bilinməsi mümkün olmayanı ifadə edir. tanış gəlir? məsələn tanrı kimi, eşq kimi, ruh kimi. bütün bunların səbəbləri nədir bəs? nə üçün varlar? uydurulmuş nağıllardır? tanrı və ya eşq nədir?
tanrı kimi eşq də səbəbsiz bir iman gərəkdirir. iman olan yerdə də ağıl, şüur bağlanır. yenə tanış gəlir hə? çünki, hər bir insan həyatında bir dəfə də olsa aşiq olub. hansısa dinə inanıb və ya hal-hazırda inanır, onu müdafiə edir. “bir şeyin səbəbini, içini və hətta var olub-olmadığını bilmədiyin halda doğru olduğuna inanmaq, özün-özünü inandırma” vəziyyətində “iman”, “inanc”, “inanmaq” ifadələri metafizikanı var edən və nəsildən-nəsilə daşıyan konsepsiyalardır. tanrıya olan imanını itirən, yəni, dünya əhalisini nəzərə alsaq ən çox inanılan bir şeyə iman etmə qabiliyyətini itirən birinin eşqə iman duyması və ya ümumi olaraq hər-hansı bir şeyə iman duyması, iman etmək, inanmaq sözlərini ifadə etməsi bir ziddiyətdir? madam ki, səbəbsiz nəticələrin var ola biləcəyinə özünü inandıra bilmirsən. madam ki, tanrının olmadığına, onun bir nağıl və ya əfsanə olduğuna inandın, bəs o zaman eşq nədir? guya o tanrıdan fərqlidir ki? əgər eşq, insanın doğuşdan gətirdiyi motivləri, instinktləri, bədənindəki hüceyrələrin kimyəvi, biolojik nəticələri və sonradan qazandığı sosial özəllikləri, sosial təcrübələri səbəbi ilə hormonal,psixiatrik, psixolojik, yayılma, çoxalma mərkəzli, təbiətin ona yüklədiyi bir missiyanı yerinə yetirmə mərkəzli bir şey deyilsə, bunu çox daha o tərəfində, çox müqəddəs, çox daha “metafizik”, əfsanəvi, bilinməz, özlüyündən səbəbsiz yerə olub-bitən, ilahi bir şeydirsə, o zaman bir sual ortaya çıxır: bunun bir əfsanədən nə fərqi qalır?
içində təpəgözlərin, var olmayan uçan atların, yarı heyvan tanrıların olduğu əfsanələr də müqəddəs görünür, bilinməz olduqları deyilir, içində metafizika var. eşq yerinə hər-hansı bir əfsanəyə inanmaqla eşqə inanmaq arasında da fərq yoxdur. eşqə bir bilinməzlik, səbəbsizlik yükləmək səmim deyil. “sənin üçün olərəm, eşqim üçün ölərəm” kimi ifadələr sadəcə söz yığınıdır. bunları deyib də həqiqətən ölənlər, özlərini öldürənlər yenə də eşq üçün ölmədilər. bəlkə bir inanc uğruna, necə böyük aşiq olduqlarını sübut etmək üçün, bəlkə yaşadıqları rədd edilmişlik, dəyərsizlik hissi psixolojik böhranlar yaratdı və rasional düşünmə bacarıqların itirdilər, canlarına qəsd etdirlər.
-sənin üçün ölərəm.
-səbəb?
-çünki, sənə böyük bir eşq duyuram. sənə aşiq olmuşam. sənin üçün nələr eləmərəm. bugünə kimi olan aşiqlər mənim yanımda yalan qalacaq. bugünə kimi edilməyən şeyi edəcəm sənin üçün. görəcəksən, əsl eşq budur deyəcəklər. əsl eşq nədir anlayacaqsan.

əsl...əsl eşq də elə əsl islam kimidir. onun kimi minlərcə növü və başında “əsl” sifətinin olduğu versiyası var. bir teoremə görə biz insanları bizə ən yaxın olan primatlardan fərqləndirən əsas fərqi, yəni “qurğulaya bilmə bacarığı”nı var edən danışma qabiliyyətimizi inkişaf etdirən, yəni sapiensin danışa bilən və qurğulayan bir heyvana çevrilməsinə kömək edən tək şey qiybət idi. bəli, bəli qiybət, dedi-qodu. “filankəsin qızını keçən dəfə filan yerdə oğlanla sarmaş-dolaş görüblər” tərzində dedi-qodu. meymunlar da yalan danışa bilirlər. öz aralarında çıxardıqları səslərlə danışan meymunlar üzərində işləyən insanlar meymunların bir-birlərinə təhlükəni xəbər edəbildiklərini və bunu hər dəfə eyni səslə etdiklərini tapıblar. məsələn, meymun “muhmuh” deyə bir səs çıxarır, bu səs yaxınlaşan aslan və ya hər-hansı yırtıcı heyvanı xəbərdar edir. və hər dəfə yırtıcı heyvan gəldikdə bu səsi çıxarırlar. maraqlı məqam isə bəzi meymunların yırtıcı heycan olmasa belə bu səsi çıxardıqları və ortalıq qarışan kimi başqasının əlində olan bananı aldığı müşahidə olunub. biz insanlarda isə bu qurğulama çox-çox inkişaf edib: miflər, dastanlar, əfsanələr və tanrılar. ölümdən sonra belə sonsuz yaşam və bir dünya qurğulayırıq.
əsl eşq deyilən şey filmlərdə və ya kitablarda oxuduğumuz kimi olan eşqlərdir? eşqinə görə dilsiz, danışmayan insanlardır? bir ömür boyu çəkən eşq acısı və ağrısı, bu da qurğudur, hekayədir? bir insanın həyatına təsir edən bu cür eşqlər də hekayədir? təəssüf ki. remiz quşu səmimidir misalçün. dürüstdür. çünki, bu quş təbiidir: determinizm nə desə onu da edir, etməyə məhkumdur. çünki, təbiət determinizmdir, səbəbsiz nəticələr deyil təbiət. determinizm səbəbli nəticələrdir. səbəbli nəticələr bizim hər şeyimizdir, ağlımızı itirmirik və bir axmaq kimi yaşamamağımızın səbəbi səbəbli nəticələrdir. səbəbsiz nəticə də yoxdur bu arada.
erkək remiz quşu həftələrnən məşğul olub biz insanlara möhtəşəm görünən bir yuva düzəldər və dişi bir remiz quşu ilə “sevişməyə” o zaman haqq qazanar. yuvanı nə qədər gözəl düzəldərsə, ən sağlam və dözümlü dişi remiz ilə cütləşə bilər. bizim cəmiyyət misalı. işlə, çalış ev al, maışn al, yaxşı işin olsun sonra evlən. yəni genetikasını, biolojik özünü, varlığını bir sonrakı nəslə risksiz ötürə biləcəkdir. biolojik özü yaşamağa, var olmağa davam edəcəkdir. erkək remiz quşu dişisini xasiyyətinə görə seçməz. biolojik olaraq ən yaxşı balaları dünyaya gətirəcək dişini istəyər. dişi remiz də balalarına ən yaxşı yuvanı düzəldən, ən sağlam olan və ən yaxşı yerdəki yuvanı seçər. təbii olan budur. bizim eşq anlayışımız yox. rasional olan budur. arxasında heç bir əfsanə, mif və ya metafizik heç bir şey boşboğazlıq yoxdur. səmimidir, dürüstdür və əsas əxlaqlı olan da budur. sapiens növünün qurğulam və danşmaq bacarığı sonunda “eşq” deyə bir kəlimə yaratmış və buna real dünyada qarşılığı olmayan bir müqəddəslik yükləmişdir. remiz quşu qurğulama bacarığına sahib deyil. onun yerinə sənət əsəri kimi yuva düzəltmək bacarığına sahibdir. sapiens erkəyi dişisinə təsir etmək və onunla nəslini davam etdirmək üçün mövzusu eşq olan, eşqə ilahi müqəddəslik qazandıran bəzəkli şeirlər yaza bilir. dişisini saatlarca tərifləyərək, onun necə bir bənzərsiz gözəllikdə olduğunu deyə bilər. gözləri və bədən dili ilə ona olan marağını və heyranlığını bəlli edə bilər. sapiens erkəyinin şeir yazması ilə remiz quşunun erkəyinin yuva düzəltməsi arasında əxlaqi cəhətdən fərq yoxdur. ikisi də təbiət nə fəzilət veribsə onu edir.
ancaq remiz erkəyi ilə sapiens erkəyi arasında və bu iki növün dişiləri arasında başqa fərq var. sapiens erkəyinin dişisini əldə etmək üçün elədiyi şeyi müqəddəs, insanüstü, ilahi hesab edərkən və dişisi də bunun belə olduğuna inanarkən remiz quşusunun dişisi və erkəyi arasında yaşadıqları şeyə bir müqəddəslik aid edəcək qabiliyyətdə deyillər. təbiətdə sapiensdən başqa sonunda uşaq əmələ gələn cinsəl davranışlara müqəddəslik, ilahilik yükləyən başqa növ yoxdur, çünki, təbiətdə qurğulama bacarığına və ifadə etmə qabiliyyətinə sahib başqa canlı növü yoxdur. biz təbiətdə öz halımızda canlılar idik. ovumuzu edirdik, gətirirdik mağaraya yeyirdik və günlər belə davam edirdi. sonra ağıl sahibi olduq, danışa bildik, münasibət qura bildik və böyük qruplar halında yaşaya bildik və hələ də yaşayırıq. sonunda təbiət bizim bugünümüzü yaratdı, determinizm işləndi, nəticələr bizi heyvanların nəslini tükətdiyimiz, günəş üzü görməyən inkubatorlarda 30 günə maşınlarla toyuqları böyüdüb yeyən və şümal qütbünü əritdiyimiz bugünə gətirdi. bugünümüz içində eşq deyilən şey qurğusal konsepsiyanın da var olduğu bir yer. ona görə də filmlərdə, kitablarda, şeirlərdə olan eşq məfhumu bütün səbəbləri və nəticələri ilə bugünümüzə aid, var olan gerçəklərdir. eşq deyilən yalan da elə din kimi həyatımızın bir parçasıdır artıq. dinlər necə yox olmursa eşq də elə din kimi yaşamağa davam edəcək. ancaq əsas olan məsələ odur ki, təbiətə baxaraq eşqin metafizik, qurğu, nağıl olduğunu və bunu rəğmən insanın eşq deyilən kor quyuda bir bilinməzlik örtüyü altında çabalamasını qavramaqdır.
bir sapiens erkəyi təbiətdə var olan digər növlərin erkəklərindən böyük bir fərqə sahib olduğu üçün, söz gəlişi şüur və danışmaq bacarığına sahib olduğu üçün digər növlərin məhkum olduğu heçbir biolojik, kimyəvi, genetik basqıya məruz qalmadan bir sapiens qadınını xoşbəxt etməyə çabalaya bilər. bunun arxasında mütləq rasional/deterministik bir səbəb-nəticə əlaqəsi olmaq məcburiyyətində deyil. ancaq bu zəncirin varlığı eşqi, bu zəncirin varlığını inkar edərək bir yalana endirəndən daha az müqəddəs etməz. müqəddəslik deyilən şey doğurdan varsa əsas müqəddəs olan sevgi deyilən duyğunun, sevmə hadisəsinin saf su kimi tərtəmiz bir səbəb-nəticə əlaqəsi sonunda var olduğunu qəbul etməkdir. misal:
-səni sevdim çünki, sən var idin uyğun olan. səni sevdim çünki, qalan 3.5 milyard qadının 3.499 milyardını həyatım boyunca görmədim və görə bilmədən də öləcəm. səni sevdim çünki, görə bildiyim 0.00001 milyarda qadının tanış ola bildiyim, danışa bildiyim, yaşıma uyğun olanlarında məni istəyə biləcəklərindən ən optimalı sən idin. səni sevdim çünki, rasional idi. səni sevdim çünki, determinizm bunu tələb edirdi.
bax budur. aldatma yox, yalan yox. var olduğuna “hiss etməkdən” başqa sübut tapıla bilinməyən eşq deyilən bir yalana qurban etmək yoxdur. eşqin ömrü 7 ildir əfsanəsi doğrudur. eşq bitən bir şeydir çünki. eşq insanların özlərini təbiətüstü saymaqları nəticəsində bir-birlərinə dedikləri bir yalandır. əfsanələşmək, leyla və məcnun, romeo və culiet olmaq istəyənlərin, əfsanə və nağıllara öykünənlərin, özlərində əfsanələşə biləcək yəni tanrılaşa biləcək bir öz olduğunu hesab edənlərin, özlərini bir pox hesab edənlərin uydurmasıdır. nəhayətində adi səbəblərlə, xəyanətlə ya da sıxılmaq kimi sadə bir səbəblə həmin an bitə bilən, 7 illik ömrü olan və əslində heç də müqəddəs olmayan bir qurğudur. ilk başlarda həyəcanverici gəlsə də getdikcə özünü öyrəşməyə və bayağılığa buraxan bir şeydir. ruh deyə bir şey olmadığı üçün ruh ekizi də romantizmin icadıdır. insan duyğusuz maşın deyil onsuz. duyğuludur. duyğular vardır, ancaq duyğular da mexanikdir. sevgi də mexanikdir və növləri vardır. bir ananın öz övladına duyduğu sevgi ilə iki qarşı cinsin bir-birinə duyduğu sevgi bir-birindən tamamilə fərqlidir. ananın öz övladına sevgisi doğuşdan gəlir, eynilə heyvanlarda olduğu kimi. iş yerim inşaat sahəsi olduğu üçün pişiklər çoxdur. heç kim də qovmur əksinə hamı yemək filan verir. bizim ofisin də bir pişiyi var idi. çox maraqlı və sakit pişikdir. bir neçə ay bundan əvvəl doğum etmişdi. işə gələndə gördüm üzündəki sevinci. biz balalarına zada baxırdıq o da fərəh hissi ilə o tərəf bu tərəfə qaçırdı. sanki sevincini bizimlə bölüşürdü. heyif o balalardan çoxu öldü, birini sağ qalmışdı onu da apardılar. bu yaxınlarda yenə doğum eləmişdi. 4 balası oldu. anasının ilk vaxtdakı sevinci elə bil yox idi.çox qəribə bir şey idi. balalarına olan sevgisini görə bilirdim. təmizləyir, əmizdirirdi. bu təbiətin verdiyi şeydi. instinkt olaraq edir bunları. bir dövrə kimi özü baxır və bir növ onları hazırlayır həyata. ona görə də sevgi mexanikdir. çünki, bu pişik də öz balaları üçün öz canını təhlükəyə atar, sevər onları. çünki, onun da hormonları var, şirin balasının estetik üzü, balaca burnu və balacalığı göz və burun reseptorlarını oyadır və qanına hormonların keçməsinə imkan yaradır. və nəticədə beynində balasına qarşı bir qoruma və onu bəsləyib yaşatma komandaları gəlir. bu pişik bunları etməlidir. çünki, beynindən gələn komandalar budur və o bədən bunu eləməlidir. çünki, o hormonların iş məqsədi budur. bəs insan qanı pişiyin qanından fərqlidir? kimyası hardasa eynidir element olaraq. bəlkə də eyni atomlardan ibarətdir. insanın övladına olan sevgisi ilə pişiyin balasına olan sevgisi arasında heç bir fərq yoxdur. tək fərq bu sevgini qurğulama bacarığıdır.
şopenhauerin balaca bir kitabı var: eşqin metafizikası. o kitabı məsləhətdir hamı oxusun. o dövr üçün təkamülün və təbii seçmənin bilinmədiyi dövrdə belə eşqin metafizik boş söhbət olduğunu rahatlıqla demişdir. və bununla da öz dövrünün çox-çox irəlisini görən böyük bir filosof olduğunu göstərmişdir. ola bilər deyərsiz, qadınlarla bağlı dedikləri absurddur. razıyam. absurddur. çünki, o dövr avropa qadınları evdə olur, işləmir və kişiyə möhtac bir həyat yaşayırdı. indiki dövrdə bu çox dəyişibdir artıq. bugüb bir qadın öz ayaqları üstündə dura bilir rahatlıqla keçmişə baxdıqda. şopenhauerin təbirincə desək, qısa ayaqlı, balaca boy, geniş ombalı, iki üzlü, riyakar, yalançı və kişilərə hər mənada möhtac varlıqlar deyillər. bu gözlə görüləndir.
ancaq şopenhauerin eşqin arxasında yazarların, şairlərin gördüyündən çox ayrı bir metafizika gördüyünü demək lazımdır. şekspirin,
mənim sevgim belədir varlığım sənindir həmişə,
hər günahı üstlənərəm, yetər ki haqlı çıx sən...

ifadələrində sevgi, eşq qarşılıqsız, özlüyündən, plansız, səbəbsiz kimi dayanır. guya o dərəcədə müqəddəs və qiymətlidir. eləbil ilahi bir toxunuşun təzahürüdür. şekspirin burda dedikləri küçədə adi bir adamın eşqə, sevgiyə yüklədiyi metafiziklə eynidir. ikisi də qurğudur. sadəcə insanlar yalan dinləməyi sevirlər. ancaq şopenhauerin bəhs etdiyi eşqin arxasındakı metafizika, eşqin əfsanəvi halı və ya nağıl halı deyil, onun arxasındakı iradənin metafizikasıdır.
təbiət qanunları var və bunları bilirik. və bu qanunlar hər-hansı bir nizama uyğun olaraq çalışır. əgər bunu qəbul ediriksə deməli eşq və sevgi də eyni nizama uyğun çalışmalıdır. elə də olur. birini görürsən, hormonların tavan edir, planlar qurursan belə olacaq, elə olacaq. şüuraltı da təbiətin verdiyi instinktlə öz təsirini göstərir. uyğun olub-olmadığını müəyyən edir və səni ona görə yönləndirir. sən hiss etməsən də bədən qoxusu, öpüşərkən dodaqlarda olan fermentlərlə bir-birinizə uyğun olub-olmadığınızı müəyyən edir. və nəticəsindən asılı olaraq bundan sonra ya davam edir, ya da etmir. ya şeir yazırsan, ya da əldə edə bilməməyin acısını çəkirsən. əslində maraqlı olan onu əldə etmək üçün etdiklərin və sərf elədiyin vaxtdır. eyni remiz quşu kimi, o yuva düzəldir, biz insanlar mədhiyələr qoşuruq. bu da bir nizamdır artıq. ortada özlüyündən, nizamsız, səbəbsiz heç bir şey yoxdur. olmamalıdır. çünki, tanrı varsa da, yoxsa da ortada bir zər atmaq məsələsi yoxdur. təbiətdə, kainatda və insanda heç bir şey zər atmaq prinsipi ilə çalışmır. hər şeyin bir qanunauyğun nizamı var və ona görə davam edir hər şey. insan daha da ağıl əldə etdikcə bunun pozulmağa və məhvə doğru getdiyini də görürük açıq-aşkar. hər dəfə bu nizam dəyişirsə, eşq də dəyişir. insanlar fərqli olsa da. keçmiş və indiki münasibətləri müqayisə etsək bunu rahatlıqla görə bilərik. bunu gözləməkdə məntiqi olaraq bir problem yoxdur. ancaq təbiət qanunlarını var edən iradənin nə olduğu bilinmir. bu isə ən maraqlı hissəsidir. metafizikanın başladığı yer. şopenhauerin eşqin metafizikasında dediyi eşqin növün davamı, cinsəl çəkim səbəbli, təbii bir vəziyyət olduğu iddiasında növün davamının kim və ya nə tərəfindən tələb edildiyi ya da növün davamı istəyinin insan motivlərində necə var ola bildiyi sadəcə metafizikadır. geri qalanında metafizika yoxdur. o iradənin nə olduğu isə məchuldur. bəzisi tanrı deyir, bəzisi kainat. einstein də spinozanın tanrısını görür o iradədə: təbiəti.
şopenhauerə görə təbiətdə hər canlı özünü həyatda tutan silahlara sahibdir. onsuz da bu silahlar olmasa həyatta qala bilməz və növün davamı olmazdı. fillərin iri cüssəsi, qalın dərisi və dişləri, aslanların və pələnglərin pəncələri, qartalların qanadları və möhtəşəm iti gözləri. sapiensin öz içində, balansında isə qadınların sadəcə gənclik vaxtlarında sahib olduğu gözəllik silahı vardır. qadınlar kişilərə bir şeylər etdirə bilmək üçün öz gözəlliklərini və kişilərin mərhəmət duyğularını manipulyasiya etmək variantını istifadə edirlər. bunun da nəticəsi aydındır: nəslin davamı. bütün səhnə və dekorlar, evlər, maşınlar, xarakterlər, şeirlər və romanlar sadəcə həyatta qala biləcək uşağın dünyaya gəlməsi üçündür. bunun üçün erkək mantis cütləşmədən sonra dişisinə yem olmağı və ölüb-getməyi gözə alırsa, sapienslərdə də qadın və kişi bir çox şeyi gözə ala bilər. bunu açıq-aydın görmək olur.
tanrı öldü, yaşasaydı zər atmazdı. leyla və məcnun heç yaşamadılar. gilqamış utnapiştimi, utnapiştim də ölümsüzlük otunu heç vaxt tapmadı. tanrıça thetist oğlu axillesi topuğundan tutub ölümsüzlük çayında yumadı. isis qardaşı osirislə heç evlənmədi, horus doğulmadı. məlikməmməd divlərlə döyüşmədi, basat təpəgözü öldürmədi. insanlar pandoranın qutusunu açmadı. athena bakirə deyildi. elə məryəm də. afrodita atasının dənizə atılmış və didilmiş penisindən yaranmadı. vikinglər öləndə valhallaya getmirlər. thor-un çəkici ildırım çıxarmırdı, o qədər də ağır deyil idi. zevs prometeyi qafqaz dağlarına zəncirləmədi. ygdrassil ağacı, yeni il ağacı, dilək ağacında qeyri-adi bir şey yox idi. adi ağacdırlar. yarpaqları varsa fotosintez edirlər, kəssən odur olur. bu qədər. kral arthur da o qədər də güclü deyil idi. hind tanrıları da yox idi. hamısı mükəmməl heykəltaraşlıq işi nəticəsində oyulmuş şəkillər idi. əjdahalar da yox idi.
insanoğlu qurğulamanın dibinə vurub. əfsanələr, miflər, dastanlar, dinlər, adət-ənənəyə geydirilən müqəddəsliklər. dünyanın harasına getsən də eynidir. sadəcə ayrı nağıllar və ayrı əfsanələr. eşq də onlardan biridir. coğrafiyadan coğrafiyaya, mədəniyyətə görə fərqlilik göstərir sadəcə. kökü eynidir: insanın qurğulaması. çox qurğu var. insanoğlunun da ən böyük problemi elə budur.
yaxşı. tanrı yoxdur, eşq yoxdur, din yoxdur, iman yoxdur. nə var ala bəs göt? deyə bilərsiz. deyəcəksiniz də. bir iradə var. metafizik deyil bu. öyrənmək və başnı ağrıtmağa da dəymir. və bunu öyrənmək üçün də heç kimə ehtiyacın yoxdur. bir də buz kimi, ləzzətli həqiqət var. yeməsini bilirsənsə ən şirin şeydən də şirindir. bilmirsənsə zəhərdən də acıdır. bax insan oğlunun ən böyük problemi budur elə. həqiqəti qəbul edə bilməmək. qəbul edə bilsə özünü də qəbul edəcək. hər şeyi də. bunu qəbul edə bilmədiyi üçün də qurğulayır dayanmadan. çünki, həqiqəti dərk edə bilmir. hər şeyin əslində sadə bir qanunauyğunluq, bir nizam olduğunu anlaya bilmir. anlamaq da istəmir. çünki, o zaman hər şeyin mənasızlaşacağını düşünür. və bunun nəticəsində özünü qəbul edib sevə də bilmir. mənasız bir şeyi niyə sevsin elə deyilmi? halbuki, alan watts-ın dediyi kimi: biz bir bütünük. kainatla, yer kürəsi ilə, heyvanlarla və ən ümumiləşdirsək təbiətlə bir bütünük. həm fiziki, həm kimyəvi cəhətdən. bax bunu qəbul etmək lazımdır. insan həmişə özünü çox kiçik bir zərrə olduğunu qəbul edir. və bunun timsalında da bütün canlıları. halbuki deyilik, deyillər. bir bütünük və çox möhtəşəmik. bunu qəbul edək və bundan zövq alaq. bütün sənətçilər, musiqiçilər, rejissorlar hamısı, bu boşluğu doldurmaq üçün illərlə özləri ilə mübarizə aparıblar. bəlkə də öləndə həqiqəti qəbul ediblər. ancaq bu boşluq hər bir insanın içində var. bir zaman olur bunu hiss edirsən. düşünən, sorğulayan, öz daxili mübarizəsini aparan insan bunları araşdırır, öyrənir və həqiqəti görəndə onu qəbul etməyə çətinlik çəkir. illərdir genlərlə gələn qurğulamaq bacarığı buna imkan vermir. o boşluq dolmalıdır mütləq. bəlkə də buddanın nirvanası da elə bu idi. həqiqəti qəbul etmək. çünki, bunu qəbul edib özünə həkk etsən o zaman hər bir şeyi edə bilərsən. nəslini davam etdirməməyi, material dünyadan ayrılmağı və s. ancaq özünü aldatmamalısan. məsələ budur. səmimi ol, təbii ol.

not: bu yazı ekşisözlükdə izlədiyim və fikirlərimizin üst-üstə düşdüyü yazarlardan birinin yazısının bir hissəsinin tərcüməsi və mənim əlavə etdiklərimdir. qarışdırmışam ikisini də. o yazar hal-hazırda ekşisözlükdən ayrıldığı üçün entry də silinib, qoya bilmirəm bura. bütün bunlar illərdir araşdırdığım, oxuduğum kitablar, məqalələr, araşdırmaların nəticəsində gəldiyim fikirlərin bir hissəsinin nəticəsidir.
sarma siqaret dekabr ayından keçdiyim tütün növüdür. hal-hazırda siqaret çəksəm də bugün yenidən qayıdacam. günündən asılı olaraq 1-1.5 paket siqaret çəkirəm. həm verdiyi dadı sevmirəm artıq, həm də aylıq xərci çox çıxır. ilk dəfə qərar verdim ki, yoxlayım dekabr ayında. son paketi bitirib, tütün maqazininə getdim. internetdən də xeyli araşdırma etmişdim. tütün, filtr və kağız növləri üçün. yəni, gedəndə artıq bilirdim nə alacam. ilk öncə əldə sarmaq variantı üçün aldım. aldığım tütün mac baren firmasına məxsus idi. başlanğıc üçün onu məsləhət görmüşdülər. mən də seçimlər arasında bir ekzotik, bir də alma aromalı tütün aldım. kağız paketin üstündə olur onsuz. mən ayrıca aldım. raw-78 markalı. organik kağızdır, nisbətən yağlıdır. amma yaxşı yanır, sintetik dadı vermir. filtr isə gizeh marka, qalın 8 mm-lik filtr aldım. ilk öncə əldə hazırlama qaydası ilə bağlı videolar izlədim, təsəvvürün formalaşması üçün. daha sonra özüm yoxladım. ilk başlarda ucu nazik, ortası yoğun şəkildə alınırdı. və ya yaxşı yapışdıra bilmirdim. getdikcə əlim öyrəşdikcə daha rahat və daha yaxşı bükürdüm. bir siqaret üçün olan tütün normasını artıq heç baxmadan qoyurdum içinə və bükürdüm. dadına gəldikdə isə, mac baren markalı tütünlərin adisi o qədər də yaxşı deyil. mən daha çox aromalıları sevirəm. həm ağızda acı dad vermir, həm də çəkməyi rahatdı, ağırlıq vermir. daha sonra filtri dəyişdim və nazik filtrə keçdim. o filtri də adi süngər tipli olanından yox, qəhvəyi rəngdə organik olanından aldım. digəri tütünün dadını hiss etməyə imkan vermir. organik olan isə içində deşiklər var və tütünün aromasını daha rahat hiss edirsən. aparatla sarmaq da mümkündür. hazır makaronlar var, alırsan aparatı da var. kağıztikən kimidir bir növ aparatı. tütünü qoyursan, qabağa və arxaya edirsən və hazır, adi siqaret kimi çıxır. o qədər də yaxşı gəlmir dadı. yəni mən sevmədim. başqa aparat isə qab kimidir tütün və filtri qoyursan, kağızı da isladıb daxil edirdən və qapağı bağlayanda hazır çıxır. bu çəkilə bilir. mənim ən sevdiyim əldə sarmaqdır. həm çox çəkmirsən, həm də sarması zövq verir.
qiymətlərə gəldikdə isə. aromalı tütün 11 azn, aromasız 10 azn. hər biri 30 qramdır. kağız raw-78 2 manat. 50 ədəd olur paketində. başqa tip kağızlar da var. ona görə əldə sarmaq daha sərf edir. hər ləzzəti yoxlaya bilirsən. filtr organik olanı 6 azn. paketdə 120 ədəd edir. gəldik ən maraqlı yerinə. siqaret sərf edir yoxsa sarmaq? təbii ki, çəkilən siqaretə, adamına və ağız dadına görə dəyişir bu. mənim çəkdiyim siqaretin bir paketi 3.70 azn-dir. aylıq təxmini xərci 150 manata yaxındır. bir paket tütündən əllə sarma yolu ilə təxmini 50 ədəd siqaret çıxır. yəni, 2.5 paket siqaret. bu siqaret olaraq 9.25 azn edir. tütün olaraq 2.5 paket üçün 11 azn tütün 2 azn kağız 3 azn filtr. 16 azn. amması var. siqaret olaraq günə bir paket çəkirəm. ancaq 1 paket tütün təxmini 10 gün gedir. çünki, hər dəqiqə və hər yerdə sara bilmirəm deyə avtomatik olaraq az çəkirəm. ümumi aylıq tütün xərcim bugünə kimi max. 80 azn çıxıb. o da təzə vaxtlarda. sonraları 60 azn-ə düşdü. tütünün bir şeyi yaxşıdır ki, həm ağız dadın dəyişmir, üstündən iy gəlmir, çox çəkmirsən, bu da sağlamlıq cəhətdən kömək edir. adi siqaretin verdiyi öskürək və tıxanmanı vermir. həm də pul cəhətdən qabaqda olursan. başqa tütün markalarını da yoxladıqda yazacam.
gecə dənizə girmək çox yaxın olan dostlarla qarajda oturub məclis edirdik. səbəbkarlar əsgər gedəcək qardaşım və bir dostumuz idi. nəysə. çox içdik. yanımızda olan və olmayanlara da. bəzilərinə zəng etdik, danışdıq. edə bilmədiklərimizi içimizdə yad etdik. məclis sonlarına yaxın yenə müzakirələrimiz başlamışdı. sona çatandan sonra mən və mənim kimi plansız və o an ağlımıza gələni edənlərlə qərara aldıq ki, gedək dənizə. saat 2-ə işləyirdi. etiraz edənlər oldu, risk edə bilməyənlər. amma çifayda. getməliydik. taxi çağırdıq, sürücü ilə danışdıq ki, bizi gözləyərsən orda, girib-çıxarıq. yola düşdük. içkinin verdiyi zövqlə başımı pəncərədən çıxardım. maşın sürətli getdiyindən külək möhkəmcə üzümə dəyirdi. təxminən 1 həftə əvvəl 1.5 ildir uzatdığım saçlarımı gecə saat 2-də ani bir qərarla dibindən kəsdim. bütün yorğunluqlarımı, kədərlərimi, illərdir yığılıb-qalan neqativlik hissini saçlarıma yığıb dibindən yox elədim. the wall filmində pink-in etdiyi kimi bir növ. sanki biraz rahatlamışdım və dəyişmişdim. amma elə deyilmiş. o hislər içimdən çıxmayıbmış. maşında başımı pəncərədən çıxarıb gedərkən, sanki külək bütün keçmişimi və necə insan olduğumu və ya olmaq istəmədiyimi şillə kimi üzümə vururdu. amma çox möhkəm. bütün uşaqlıq, yalnızlıq, kədər, yığılıb qalan və bəsləndiyim neqativliyi. hamısı gözümün önündən keçirdi. hiss etdiyim peşmançılıq idi. ancaq peşmançılıq hiss etmirdim. çünki, bütün bunları özüm etmişəm və səhv-doğru qərarı özüm vermişəm. ancaq artıq belə davam etmək istəmirdim. çünki, bu məni yorur və içimdə daim tüğyan edən kədər hissini sönməyə qoymurdu. bu isə düzgün fikirləşməyə mane olur və səbirsiz, tələsik qərarlar verməyimə səbəb olurdu. həmişə. bir növ qısa müddət ərzində nəyinsə baş verməyinə və içimdəki bu hissi basdırmağa kömək edəcəyini düşünürdüm. amma yalnız özümü aldadırmışam. bütün bunlar məni sadəcə dibə çəkirdi. sonsuzluğa. maşın dənizə yaxınlaşırdı artıq. ətrafda polisin olmadığına əmin olduqdan sonra əraziyə daxil olduq. məlum, karantin dövrüdür. maşının altı alçaq və yol da daş-kəsək olduğundan sürtürdü. arxadakı adamlarla birlikdə düşüb piyada getməyə qərar verdik. gedərkən torpağa hər ayaq basdığımda bu gecənin və bundan sonrasının fərqli olacağını hiss edirdim, görürdüm. hər addımda. artıq dənizin o meditasiya effekti verən sakitləşdirici və yüngül dalğa səsləri gəlirdi. sahilə çatdıqda durub biraz seyr etdim. gecə doğurdan möhtəşəm bir zaman dilimidir. insanın özü olduğu bir zaman dilimi. əslində necə olmalı olduğunu və ya istədiyini düşündüyün bir zaman dilimi. göydə ulduzlar və xəfif buludlar, dənizin ucsuz-bucaqsız möhtəşəmliyi və səsi, gecənin zil qaranlığı da bunu tamamlayırdı. paltarları soyunub suya tərəf getdik. sahil tərəf daşlıq və sürüşkən olduğundan hamımız yıxıldıq və deyəsən barmağımı əzmişəm. indi çox vecimə də deyil. yıxılan vaxtı gülümsəyirdik onsuz. suya girəndən sonra, sanki dəniz yeni mən və sahil də köhnə mən idi. və getdikcə köhnə mən-dən uzaqlaşırdım. hər şeyi arxada qoyurdum. amma bütün hər şeyi. hisləri, özümü, kədəri, neqativliyi, yalnızlığı. hər dəfə üzdükcə keçmişi xatırlayır və suya girəndə onları təmizləyirdim özümdən. vikingsdə rahibin ragnarı müqəddəs xaç suyuna salması kimi. düşündükcə dərindən hər şeyi mənasız və robotlaşma kimi gəlirdi. sanki, nəyisə etmək və ya demək xətrinə demək kimi. təbiətin möhtəşəmliyindən və sonsuz göy üzündən zövq alırdım. uzanıb dayanmadan qaranlıq səmanı seyr edirdim. gecə doğurdan da möhtəşəmdir. və bu möhtəşəmliyi zövq alaraq izləyərkən, artıq dəyişdiyimi və köhnə məni suya qərq etdiyimi və bədənimdən çıxdığını hiss edirdim. sudan çıxmaq vaxtı idi artıq. sahil isə köhnə mən yox, yeni mən idi artıq. dəniz isə neytral olub, qərar verdiyim zona. üzərək sahilə doğru yaxınlaşırdım. ayıq idim onsuz. içki çox tutmur. amma bu daha fərqli idi. ayılmışdım. 27 il davam edən yorucu yuxudan ayılmışdım sanki. öz daxili mübarizəmi anlayırdım. özümü qəbul etmişdim. artıq heç bir şey əvvəlki kimi olmayacaq. dəyişdiyimi hiss edirdim. sahilə çıxarkən və maşına doğru addımlayarkən beynimdə bu mahnı
(youtube: )
gedirdi. üzümdə isə anın verdiyi xoş bir təbəssüm. evə gəldikdən sonra buz kimi soyuq su ilə duş alaraq bunları özümə daha möhkəm həkk elədim.
the who (bax: niyə də ala) tarixin ən möhtəşəm qruplarından biri haqqında başlıq açılmayıb bugünə kimi. onsuz #290027 bu entry-də dediyim kimi bu qrupa azərbaycanda qulaq asan çox az adam görmüşəm. halbuki, qrup üzvləri ayrı-ayrılıqda məşhurdurlar. ona görə bir sevəni olaraq məni üzərimə düşür bu barədə məlumat vermək və tanıtmaq.
the who 1960 və 1970-lərin ən məşhur ingilis rock qruplarından biridir. janr olaraq hard rock ifa edirdilər zamanında. ilk olaraq 1959-cu ildə solo gitarist roger daltrey londonda "the detours" adlı qrupu yaradır. davam edən illərdə bas gitarist john entwistle və gitarist pete townshend qrupa qatılır. 1964-cü ildə eyni adlı qrupun olmasına görə adlarını the who olaraq dəyişirlər. daha sonra drummer keith moon qrupa qatılır. 1964-cü ildə ilk mahnıları olan "i'm the face/zoot suit"i bəstələyirlər. ilk maraq oyadan hərəkətləri televiziya proqramında instrumentləri parçalamaqdır. bundan sonra gənc nəslin daha çox diqqətini cəlb edirlər. ilk albomları "my generation" 1965-ci ilin dekabr ayında çıxır. albomdakı mahnılar sırayla:

1. "Out in the Street"
2. "I Don't Mind"
3. "The Good's Gone"
4. "La-La-La-Lies"
5. "Much Too Much"
6. "My Generation"
albomdakı mahnılar gənclər üzərində pozitiv təsir yaradır və qrup getdikcə daha da məşhurlaşır. siyahılarda da artım davam edir. digər albomları:
A Quick One (1966)
The Who Sell Out (1967)
Tommy (1969)
Who's Next (1971)
Quadrophenia (1973)
The Who by Numbers (1975)
Who Are You (1978)
Face Dances (1981)
It's Hard (1982)
Endless Wire (2006)
Who (2019)
hal-hazırdakı qrup üzvləri:
Roger Daltrey - əsas və back vokal, ritm gitarist.
Pete Townshend - ritm gitarist, əsas və back vokal, klaviş.
keçmiş üzvləri:
John Entwistle - bas gitarist (2002-ci ildə vəfat edib.)
Doug Sandom – drumer (2019-cu ildə vəfat edib.)
Keith Moon – dünyanın ən məşhur drummer-lərindən biri olub. öz stili və xarakterinə görə həmişə sevilib və fəaliyyətdə olduğu dövrlərdə qrupa çox şey qatıb. həm musiqi, həm də stil baxımından.
Kenney Jones – drummer (1978-1983, 1985, 1988, 2014)
mənbə:
https://en.wikipedia.org/wiki/The_Who


#300345 burda dediyim kimi. bu qrup hər zaman insana pozitivlik aşılayıb. həm musiqi, həm sözlər, həm də stil baxımından mənim üçün hər zaman öz yeri var.
baba o'riley the who qrupunun who's next albomunun açılış parçası. möhtəşəm, möhtəşəm və yenə də möhtəşəm. the who özü çox fərqli qrup olub həmişə. məndə də yeri ayrıdır. lakin bu mahnı tamam başqa bir şeydir. istər musiqi, istər söz, istər verdiyi hislər baxımından. açılışında onsuz bilirsən ki, bu fərqlidir və çox pozitiv bir şey olacaq. elə də olur. insanın içindəki sıxıntını dartıb çıxarır. bəzən də keçmişdə elədiyin səhvlər üçün "kaş" deyirsən. ən çox da 'i don't need to fight / to prove i am right' sözləri təsir edir mənə.
mahnı demək olar 3 hissədən ibarətdir.
1. açılış. bu hissə o zamanlar üçün qeyri-adi sayıla biləcək synthesizer hissəsidir. hətta o vaxt söz-söhbət gəzirdi ki, guya pete townshend öz beyin dalğalarını record edib və bu şəkildə synthesizer-də ifa edib. john entwistle-dan bu barədə soruşulanda isə o demişdi ki, "onda beyin nə gəzir". bu hissəyə qulaq asanda heç bitməməsini istəyirsən.
2. gitar solosu. bunu sizə buraxıram.
3. kaman solosu. bu hissə insana böyük enerji verir. bir növ mahnı səninlə danışır. içindəkiləri dinlədim, məsləhətimi verdim. artıq ayağa qalx və mübarizə apar. hər zaman irəli bax.
(youtube: )

dinləyin, dinlətdirin.
perfect blue the wedding present adlı qrupun çox sakit və axan mahnısı.
(youtube: )
1 2 3 4 5 6 7 8 9 10 11 12 13 14 15 16 17 18 19 20