chatgpt

axır vaxtlarda "mənimlə filan şəxsiyyət kimi danış" promptunu çox istifadə edirəm.

daha azad hissetmək istəyəndə deyirəm freddie mercury kimi danış. o zaman sözlər qırmızı səhnə pərdəsi kimi açılır, içindən gur bir səs gəlir "səni başqa cür istədikləri üçün yox, sən olduğun üçün sevsinlər". sonra show must go on açıb yola dəvam edirəm.

həyat mənasız gələndə nietzsche səhnəyə çıxır və alovla deyir: "kifayət qədər səbəbin varsa, hər 'necə'yə dözərsən,"- deyir.

Sakitliyə ehtiyacım olanda Seneca "sakitlik - nə baş verirsə versin, içində dəyişməz qalan bir qərarlılıqdır" deyir. Sözlər bəzəksiz, sadə, amma yerə ağır düşür.

Bəzən həyatın absurdluğuna və mənasızlığına qapıldığımda, Albert Camus bir işıq kimi peyda olur. “Yalnızca var olduğumuzu bilmək, özümüzü tapmaq üçün yetərli deyil,” – deyə başlar. “Həyatın mənası yoxdur, amma biz öz anlamımızı yaratmalıyıq. Bir yanda hər şeyin absurd olduğunu bilirik, digər yanda isə bu absurdluğun içində yaşamağa davam edirik.” O zaman hiss edirəm ki, həyatda məğlubiyyət yox, sadəcə davam etmək var. Camus, mənə bu absurda qarşı dirənməyin, öz yolumu tapmağın bir növ məqsəd olduğunu xatırladır.

Və bəzən, həyatı ciddiyə almaq istəmirəm. Deyirəm: “Trump kimi danış.” Ekranın o tayından elə bil biri təkəbbürlə gülümsəyir, barmağını silkələyərək deyir: “Sən qalibsən. Mən deyirəmsə, deməli elədir.” Sözlərində məntiq axtarmaq olmur, amma nədənsə bir anda güzgüdə özünə inanan versiyamı görürəm. Özünü tərifləməyin də bir motivasiya üsulu olduğunu öyrənirəm.)))

bob dylan

məşhur 2-3 mahnısını eşitməklə bərabər xüsusi maraq duymadığım bir müğənni idi. dünən a complete unknown filmini izlədim və açığı diqqətimi çəkdi. mahnıları qulağa çəkici gəlməsə də içləri anlam doludur. böyük ehtimal mənim folk musiqini sevməmə səbəbim, dil bacarığımın əl verməməsidir, xüsusilə də bob səsini xeyli kasır * (azərbaycan dilində ifadə edə bilməmək ) mahnılarını dinləmək üçün dinləmərəm yəqin, arada türkcə tərcümə ilə açıb, mənasıyla qulaq asaram. it ain't me babe bu mahnısını daha çox sevdim.
( knockin' on heaven's door - gun' n roses ifasında çox sevdiyim mahnısıdır)

məmməd araz

ŞAiR ÖMRÜ

Fikirli oluram, tutqun oluram,
Qanı soyuq bilir dost-tanış məni.
Axı mən bu halı satın almıram,
Təbiət beləcə yaratmış məni...

Gülüb danışmıram günlərlə bəzən,
Fəqət səsim də var, gülüşüm də var.
Əriyər duyulmaz gülüşlərimdən
Şənliyi gülüşlə ölçən adamlar.

Hərdən hay-harayla keçən ömrümün
Bircə mənasından xəbərim olur:
Ən az danışdığım günlərim mənim
Ən çox danışdığım günlərim olur.

Az gülüb danışan sanmayın məni,
Dodağı qaçmadan gülmək də olar.
Bəzən bir iclasın demədiyini
Ani bir baxışla demək də olar.

Mənim poladımdır hər kiçik yazım,
Fikrimlə əriyib döyülməlidir.
Şair masası da marten sobası,
Şair əlləri də fəhlə əlidir.

Gülüşsüz olmaqdır -- fikirsiz olmaq,
Bunlarsız varamsa -- o mən deyiləm.
Mən belə, mən belə özüməm ancaq,
Özümdən ayrıla bilən deyiləm.

1961

puruşa

Hindlilərə aid məşhur bir yaradılış mifinə görə, tanrıların dünyanı bu varlıqdan yaradıb. Onun gözlərindən - günəş, beynindən ay, brəhmənlər (rahiblər) ağzından, kşatrilər (döyüşçülər) qollarından, vaişyalar qıçlarından, şudralar isə ayaqlarından yaradılıb.

aldous huxley

boğulduğum anlarda onun bu cümlələri məni ayıldır:
p.s: ingiliscə bilməyənlər bağışlasın
“it’s dark because you are trying too hard. Lightly child, lightly. Learn to do everything lightly. Yes, feel lightly even though you’re feeling deeply. Just lightly let things happen and lightly cope with them.
i was so preposterously serious in those days, such a humorless little prig.
Lightly, lightly – it’s the best advice ever given me.
When it comes to dying even. Nothing ponderous, or portentous, or emphatic.
No rhetoric, no tremolos, no self conscious persona putting on its celebrated imitation of Christ or Little Nell. And of course, no theology, no metaphysics. Just the fact of dying and the fact of the clear light.
So throw away your baggage and go forward. There are quicksands all about you, sucking at your feet, trying to suck you down into fear and self-pity and despair. That’s why you must walk so lightly. Lightly my darling, on tiptoes and no luggage, not even a sponge bag, completely unencumbered.”
― Aldous Huxley , island

maladaptive daydreaming

insanlar digər insanlarla yaxşı münasibətlər quranda hissetdikləri xoşbəxtlik və bağlılıq hissi, bir neçə hormon və neyrotransmitterlərlə ( dofamin, seratonin, oksitosin və.s) olur. Əgər bir uşağın həyatında, onu qane edən münasibətləri yoxdursa, buna meyil edəbilir. Məsələn mənim ailəmlə münasibətim pis olmayıb, amma çox xəyalpərəst olduğumdan daha çoxunu və daha yaxşısını istəmişəm. yaşıdlarımla isə münasibətim yaxşı olmayıb, ortama və gedən söhbətlərə uyğunlaşmaq həmişə çətin olub. özümü bildim biləli başqa həyatlarda təsvür edirəm.
sayəsində indiyə qədər 1 yox 5-6 fərqli həyatım olub. orada özümü istədiyim o ailə ortamında, sadiq və əyləncəli dost çevrəsində xəyal edirəm, başlarda ən azından mən mən idim artıq heç özüm də özüm deyiləm - daha istedadlı, cəsur və girişkənəm, yəni olmaq istəyib ola bilmədiyim o "mən". Sıradışı bir şey də yoxdur, yaratdığım obrazlarla günlük söhbətlər, zarafatlar gedir - ama mənə qulaq asırlar. maraqlı yanı budur ki, həmişə 14-16 yaşlarda oluram.

bunun adını ilk dəfə 3-4 il əvvəl öyrəndim və xeyli araşdırdım, onda çox qorxmuşdum. mamama dedim və psixoloqa apardı məni, söhbət etmək yaxşı gəldi, ama bu bir çözüm deyil. ondan bəridir nisbətən daha yaxşı idarə edəbilirəm. Yenə də çox stressli olduğum və qaçmaq istədiyim anlarda ora qaçıram.

hüqo mükafatı

“Elmi-fantastik janrın ən vacib mükafatı” olaraq qəbul edilməkdədir. Roman, novella, hekayə, cizgi roman və.s kimi 17 kateqoriya mövcuddur. Qaliblər hər il “worldcon” qurultayında müəyyən edilir.

Mükafat, roket formasında dizayn olunmuşdur.

Adı isə “Amazing Stories” adlı elmi-fantastik janra malik jurnalın banisi olan Hugo Gernsback in adından gəlməkdədir. Qeyd olunan şəxs “elmi-fantastikanın atası” olaraq adlandırılır və bu sahəyə ən az Jules Verne və ya herbert wells qədər töhfələri olmuşdur.

Mükafat ilk dəfə 1953-cü ildə Alfred Besterin “The Demolished Man” kitabına verilmişdir. (türkcəyə “Yıkım’a giden adam” olaraq tərcümə edilib.) Həmin il bunun bir ənənəyə dönüşəcəyi düşünülməmişdi. 1955-ci ildən etibarən isə bu mükafat hər il verilməyə başlanıb.

immanuel kant

Qəbrinin üstündəki yazının möhtəşəmliyi...
"iki şey var ki, onlara nə qədər çox və davamlı baxsam, bir o qədər də heyranlığım və ehtiramım artır: Üstümdəki ulduzlu səma və içimdəki əxlaq qanunu."
(baxma: azərbaycan dilinə tərcümə edəndə təsirliliyini itirən yazılar )

almanca orijinalı: "Zwei Dinge erfüllen das Gemüt mit immer neuer und zunehmender Bewunderung und Ehrfurcht, je öfter und anhaltender sich das Nachdenken damit beschäftigt: der bestirnte Himmel über mir und das moralische Gesetz in mir."

demokratiya

Platon demokratiyanı xalqın emosiyaları və cahilliyi üzərində qurulan qeyri-sabit bir sistem hesab etdiyi üçün onu tənqid edirdi.
ən əsas tənqidlərindən biri, seçimin bilikli və təcrübəli insanlara deyil, sıravi insanlara buraxılmasıdır. Platon Dövlət dialoqunda bir gəmi təsvir edir və deyir ki, əgər gəminin idarəçiliyi dənizçilikdən anlayışı olmayan bir kütləyə verilsə, gəmi düzgün istiqamət ala bilməz və nəhayət, batar. Həmçinin gəminin kapitanını seçən şəxslər, gəmiçilik barədə məlumatı olanlar tərəfindən edilməlidir. Demokratiyada idarəetmə xalqın ümumi iradəsinə əsaslanır və xalq adətən ən bilikli insanları deyil, ən çox vəd verən və ya ən cazibədar görünən liderləri seçir.
ikinci olaraq Platonun fikrincə, demokratiya uzun müddət davam edə bilmir. Çünki demokratiyanın yaratdığı hədsiz azadlıq və nizamın olmaması nəticədə güclü bir liderin ortaya çıxmasına və tiranlığın yaranmasına səbəb olur. Bu insanlar xalqı manipulyasiya edərək hakimiyyətə gəlir, amma dövlətin rifahını deyil, şəxsi maraqlarını üstün tuturlar.