sözaltı günlük

23.03.2023 01:20

Salam günlük. Yenə pis gün dostu olaraq sən yanımdasan. Bu bir həftə içində başıma gəlməyən qalmadı. Hər günə pozitiv başlamağa çalışıb hər gün sonunda özümü balkonda siqaretlə tutmaqdan sıxıldığım üçün yazıram. Hər şeyin bu qədər pis, bu qədər ədalətsizcəsinə olmasına yanıram. Mən özümə gözəl bir həyat inşa etmək üçün nifrət etdiyim işdə günümün yarısını keçirərkən, bu iş mənim qarantiyamdı deyib "dişimlə-dırnağımla" çabalarkən, ətrafımda heç bir şey etmədən bəzi kiçik səbəblərə görə yaxşı yaşayan insanları gördükcə bezirəm. Bu gün məhkəmədən kağız gəldi və azərbaycan hökümətinin geri deportasiyamı tələb etdiyini öyrəndim. Və qəbul edilmə ehtimalı da oluqca yüksək görünür. Heç nəyə yox, sadəcə burda keçirdiyim 6 il ərzində yaşadığım travmatik dərəcəyə qədər gedən problemlərə heyfislənirəm. Bəlkə belə bitməyəcək. Mən yenə əlimdən nə gəlirsə edəcəm, yenə günümün tamamını dokumentlərimi ordan-bura, burdan-ora daşımağa davam edəcəm. Amma günün sonunda qalib mən olacam. Buna inancım tamdı. Lakin dünyanın g*t deşiyi olan qambiyadan yada müharibə var deyə bura gəlib 2 ay içində iqamətgah icazəsi alan ukraynalıları gördükcə öz həyatıma nifrət edirəm. Bəlkə də bu yaşda yaşadığım çətinliklər gələcəyim üçün daha güclü bir təməl atmağıma kömək olur amma mən bu yaşda bunları yaşamaq və yada ki, düşünmək istəməzdim.
Nəysə sözlük, dinlədiyin üçün yenə təşəkkür edirəm. Növbəti görüşədək!

Not: bu entry "azərbaycana nifrət etmə səbəbləri" başlığına da yazıla bilərdi.

severus snape

"Harry Potter" seriyasında ən çox sevdiyim xarakter. Heç kim, nəyi niyə etdiyini anlamadan və nifrətlə baxdı ona. Həmişə yalnız amma sevdiklərinə ölümünə bağlı bir şəxs idi. O qaranlıq görünümün altında necə hisslərinin yatdığını filmi izləyənlər yəqin ki, anlayırlar. bəlkə də həyatına bədəl olacaq hərəkəti, lily'ni sevməkdən üz çevirməyi bacara bilsəydi daha yaxşı ola bilərdi. Film boyunca ən çox empatiya qura bildiyim xarakter oldu. Bir növ öz yansımamı gördüm deyə bilərəm.

Nur içində yat mr.alan rickman!

sözaltı günlük

15.02.2022 23:40

Salam günlük, necəsən?
Mən o qədər də yaxşı deyiləm. Son dönəmlərdə iş arxasınca qaçmağdan ayağlarıma su torbaları yığılmağa başlayıb. Bir tək Yorğunluq və yuxusuzluq hələ də tərk etməyib məni!
Bu gün bu qədər problem arasında, yenə xoş olmayan bir xəbər aldım. Dünəndən etibarən həm xəstəliyin həm də allergiyanın verdiyi öskürək bütün günümü bərbad edir. Dünən axşam discord'da bayerlik və qaçaraddımdanenənanənanla danışarkən öskürəyim zirvəni oynayırdı. O qədər də önəmsəməyib, “xəstəlikdəndi, keçər„ deyib yatdım. Bu gün Sabah oyananda öskürəyin keçmədiyini, əksinə daha da şiddətləndiyini hiss elədim. Həmən saata baxdım və oyanacağım saatdan 1 saat daha tez oyandığımı gördüm. Anladım ki, öskürəkdəndi. iş yerinə həkimə getməyə qərar verdim. Saat 8də həkimə çatdım və xoş xəbər. Həkim allergik astma olduğumu dedi. Yenə başladıq dərmanlara. Yenə səy-səy fısfıs dərmanlar zad zud. Görəy nə vaxta qədər davam edəcək. Nəysə sözlük, yuxum gəlir. Sabah tezdən oyanmalıyam.
Gecən xeyrə!

mike ehrmantraut

Breaking bad Serialında ölməsini səbirsizliklə gözlədiyim 2ci xarakter (1ci skyler idi)

Köhnə polis məmuru olan, daha sonra gustavo fring’in yanında onun "şirkət qorumaçılığı" adı altında, əl altdan bütün pis işlərini görən biri idi. Serial boyunca Jesse'dən sonra Walter'ın gerçək üzünü(xarakterini) görmüş nadir obrazlardandı. Gus kimi birinə olan bağlılığı serial boyunca məni dəli etmişdi. O bar səhnəsində Walter'ı döydüyü yerdə bölümü yarıda bağlayıb youtube'a "breaking bad mike death scene" yazdığımı xatırlayıram.

Spoiler

Uzun sözün qısası, türklər demiş "su testisi su yolunda kırılır" misalı tam ölkədən qaçacaqkən Walter'ın üzünə qarşı, onun necə biri olduğunu deməsindən sonra Walter tərəfindən öldürülmüşdür.

bundeswehr

12.11.1955-ci ildə Qərbi Almaniyada qurulmuş alman ordunun adı. Çalışmaq / əsgər olmaq üçün alman vətəndaşı olmanız şərtdir və “bundesvea” olaraq tələffüz edilir.


Hələ bunun BND* (almaniya kəşfiyyat orqanı) versiyası var. Xəyalım orda çalışmaqdı...

Bundeswehr almanlar arasında bir işə yaramayan yada çox milliyyətçi insanların olduğu bir yer kimi tanınır. Son vəziyyətə görə:

Əsas xidmət: əsgər, 2 il xidmət = ayda 2,241,94 avro.
Əsas xidmət, əsgər, 11 il xidmət = ayda 2,368,58 avro.
Əsas xidmət, korporativ, 5 il xidmət = ayda 2,480,11 avro.
Orta xidmət, baş serjant, 2 il xidmət = ayda 2,481,41 avro.

Almaniyada minimum əmək haqqı 1,500 avro olduğunu nəzərə alsaq, bir çox insanın Bundeswehr‘da niyə çalışmaq istədiyini anlamaq olar.

mənbə:
Wirtschaftsforum

tünzalə ağayeva

Siyasi orientasiyasını bir kənara qoyub sadəcə musiqi yönünə baxsaq, zamanında Azərbaycan musiqisinə tövhə vermiş bir sənətçidir!
Özünə məxsus güclü bir səsi var. Bunun yanı sıra parçalarında Qərb musiqisini Azərbaycana xas musiqi alətləri ilə sintezləməsi təqdirə laiq bir işdir. Son dönəmlərdə çox da araşdırmadığım və özü də gündəmdən uzaq olduğu üçün nə etdiyini bilmirəm. Tək bildiyim şey, məndə xatirəsi olan və unutulmaz bir əsəri var.

(youtube: )

nevabigg

1 ilin ardından yeni bir albomla geri dönüş etmək gözəl bir hissdir!
Albom haqqında qısa bir məlumat verməli olsam Albomun adı "Atacama"dır. Bunun səbəbi isə albomda yer alan bütün instrumentalları ucsuz-bucaqsız bir səhrada yalnızkənmiş kimi hiss etdiyim zamanlarda hazırlamağımdır. Albomu hazırlamağa təxminən 6 ay əvvəl başladım və bitirmək yeni ilə nəsib oldu. Güman edirəm dinləyən hər kəs bəyənər. Əgər albomla bağlı sualınız və ya bir şərhiniz varsa mənə özəldən ya da YouTube şərhlərindən yaza bilərsiniz.
Dinləyib dəstək olan hər kəsə təşəkkürlər!

(youtube: )