son yazdıqları:










noorchester


67   2   0   0
https://soz6.com/sds-uploads/avatars/5e6c9102e2516874899be2fb45e0b89536019.png
6.nəsil yazar
reytinq xalı: 241
entry sayı:67
karma xalı: 953
izləyənlər: 2
sifariş sayı: 0







son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

yazarların ruh halı əvvəllər bu başlıqdakı yazıları oxuyub heç tanımadığım insanların hisslərinə ortaq olduğumu xatırlayıram. bəzən deyirdim ki, axı, yazarların ruh halı onların həyatına heç toxunmamış və ya toxunma ehtimalı az olan insanların niyə vecinə olsun ki? düşünürəm ki, bugün bunu anlamlandıra bilirəm. bu başlığa yazmaq əslində bir növ özünlə üzləşmək deməkdir. böyük ehtimalla, məqsəd insanlara nə düşüncədə, nə hissdə olduğunu bildirməkdən ziyadə beynində dönüb dolaşan şeyləri yazıya tökməkdir. asan görünsə də çətindir əslində. yazdıqca özünə etiraf edirsən, reallığa yaxınlaşırsan, qəbullanırsan. bugün qəbullanıram ki, hərkəslə müharibəyə girəcək gücüm varkən öz içimdəki savaşdan sürünərək çıxıram. bəlkə də heç çıxa da bilmirəm, bir yerlərdə ilişib qalmışam. amma sağam, nəfəs alıram yəni. sağam, amma məğlubiyyətin verdiyi hiss mənə ölümdən daha ağrılı, daha kəskin gəlir. məğlubiyyət. öz yerində, özünə qarşı məğlubiyyət.
ən poxdan hiss gözləmək. bəzən insanlardan nəsə gözləmək, bəzən də gəlməyəcək insanları gözləmək. bir yerdə dayanıb gözləmək qaçmaqdan daha yorucudur. dayanıb gözləmək çünki insanlar həyatlarına bir şəkildə davam eləyər, amma sən bir yerdə ilişib gözləyərsən. həyatın düzəlməyini gözləyərsən, insanların səhvlərini anlamağını gözləyərsən, sevgini gözləyərsən, ya da bir müddət sonra gözləməklə hədər etdiyin həyatının bitməyini gözləyərsən. insanlardan nəsə gözləyərsən. sən susanda susqunluğunun sorğulanmağını gözləyərsən, yoxluğunda yoxluğunun anlaşılmasını gözləyərsən və s. və sonda boşa keçmiş bir ömür...
uzaq məsafəli münasibət 11 saat fərqiniz varsa bərbaddır. hətta bərbaddan o yanadır. hər dəfə "uzaq məsafəli münasibət nədir e?!" deyib təkrar-təkrar bu bataqlığa düşürəm. 1 ay sonra bunun da bitəcəyindən o qədər əminəm ki. some unhinged person problems...
sözaltı günlük danışdığın halda səni anlamadılar və sən hələ də susqunluğunun anlaşılmasını, səbəbinin soruşulmasını gözləyirsən. üstəlik, bunun axmaqlıq olduğunun da fərqindəsən. çünki susmağının əsl səbəbi görünməz olmaq istəyi deyil, əksinə, insanların səni görməsi üçün etdiyin son cəhdlərdən biridir. nə qədər "güclüyəm" desən də, otağının bir küncündə gizlətdiyin göz yaşları olduğu müddətcə güclü deyilsən.
başqasının yerinə utanmaq azərbaycanda yaşayan insanların qarşılaşma ehtimalı daha böyük olan situasiyadır. şəhərə çıxmaq, lokal kanallara baxmaq, sosial mediada yazılan komentləri oxumaq bu şansı daha da artıra bilər.
qadının xəyanət etməsinin səbəbi kişinin xəyanət etməsi səbəbindən heç də fərqli deyil. ümumiyyətlə, xəyanətin arxasında xəyanət etmək istəyi xaric bir motiv ola bilməz. aldadılan, psixoloji və ya fiziki şiddətə məruz qalmış insanların mübarizə üsulları isə tamamən özlərindən asılıdır. şəxsən, mənim fikrimcə, şiddətdən qurtuluş üçün başqa bir "xilaskar" a ehtiyac duymaq insanın özünə şiddət göstərməsidir.
işləməyəcəyi halda universitet oxuyan qız əgər bu öz seçimidirsə, qərarına hörmətlə yanaşılması lazım olan qızdır. kiminsə universitet oxuyub, oxumamağı niyə başqalarını narahat etməlidir? nə gözəl, hərkəsin hər mövzu haqqında bir fikri var (!) görünür, insanlar hədləri xaric hər şeyi çox yaxşı bilirlər.
yazarların həyat prinsipləri həyat sadəcə yaşamımızı davam etdirmək üçün ona yüklədiyimiz uydurulmuş anlamlardan ibarətdir. bəsit səbəblərə və yaxud dəyərlə tutunma, sadəcə içindən yaşamaq istəyi gəlirsə yaşa.
sözaltı günlük not: bu entry normal bir beyinlə yazılmamışdır.

gecələr niyə günəş eynəyi taxdığını anlaya bilmirdim. çox az danışırdı, amma qarşısındakı insanı bir ömür ən xırda detalınadək dinləyə biləcək biri olduğunu düşünürdüm. bəlkə də elə bir təəssürat yaratmağı özü seçmişdi. eynəyi gözlərini oxumağım üçün yetəri qədər böyük bir əngəl idi. yox, bundan daha çoxu var idi. o və onunla bağlı hər şey 8 qədər uzaq idi mənə. 8. ruhsuz, sakit bir səs tonu ilə arxayın bir şəkildə " o, səni sevmir " dedi. o an ağzımdakı acı dadın şərabdan qaynaqlanmadığına əmin idim, boğazımı yandıran da bu deyildi. acizliyimin rəsmi eynəyinin şüşəsində əks olunurdu. özümdə cəsarət tapıb " məni incidəndə əlinə nə keçir? " deyə soruşdum. susdu ,,,
heç nəyə maraq və həvəsin olmaması çox insanda karantindən sonra baş qaldırsa da hər zaman mənim həyatımın bir küncündə, hətta bu aralar mərkəzində olan hiss. məsələn, bu haqda uzun-uzun yazılar yazıb danışmaq əvəzinə sadəcə qısa cümlələrlə ifadə edib gedəcəm. çünki nə hissləri, düşüncələri paylaşmağa, nə də ki, onları toparlamağa zərrə həvəs yoxdur. kaan boşnakdan bir misra ilə "zaten olsaydı bile ne farkederdi?" deyərək əslində yarım qoyduğum bu entryi tamamlamış kimi qoyub gedirəm. cheers !
P.S. yazar nəinki uzun yazdı, heç qısa da olsa bir şey ifadə etmədən getdi. (lol)
bu ilki son entry not: yazar bunları yarı ayıq beyinlə yazdığı üçün entry-də müəyyən mənasızlıqlar ola bilər.

2020-ni uzun-uzun müzakirə etməyimə ehtiyac yoxdur yəqin ki. zira hər birimizin hər zaman xatırlayacağı bir il yaşadıq. hər il bu il bunları yaşadım, bunları öyrəndim deyərək növbəti ildə əslində heç nə bilmədiyimi anlayıram. yəqin ki, 2021-də də bu belə olacaq. həyatıma heç nə qatmadı və çox xoşbəxtəm ki, heç nə aparmadı da. indilik bunlar mənə yetər. əziz 2021, səndən heç nə gözləmirəm. gəlsən də olar, gəlməsən də. cheers!
silah verilsə öldürüləcək adamlar finallara 10 gün qalmış heç bir mövzunu doğru düzgün keçməyib tətil günlərinə əlavə dərs salan, həyatdakı tək uğuru kəsdiyi uşaqların sayı olan egosu özündən böyük Harvard professoru olduğunu iddia edən şəxs, məncə, sənin yaşamağa haqqın yoxdur. bu dəqiqə bizə yaşamağa imkan vermirsən çünki. whatever, cheers.
yazarların hal-hazırda oxuduqları kitablar dostoyevski- idiot. həyatımda oxuduğum ən axıcılığı düşük əsər olmasına baxmayaraq bitirirəm. ideyasına söz yox, güclüdür. amma o qədər dolayı gedir ki... bəlkə mən orijinal dilindən oxumuram deyə də ola bilər.
sözaltı etiraf çox vaxt həyatda qalmaq üçün iki hissin birindən yapışırsan; ya sevgi ya nifrət. məndə vəziyyət ikinciyə doğru gedir. içimdə çox böyük xaos var və mən artıq bundan zövq alacaq həddəyəm. intihar fikri? qətiyyən. tam tərsi, yaşamaq istəyirəm. artıq nifrətmi yoxsa sevgimi fərqi yoxdur. hər gün bir sabaha oyanmaq yox, yaşadığımı hiss etmək istəyirəm. 1-2-3 başladıq...
sözaltı günlük bu dünyaya insanları məmnun etməyə gəlməmisən. heç dünyaya gəlməyi də sən istəməmisən, sənin seçiminə qalsa heç gəlməzdin bəlkə. amma burdasan. indi isə burax, ən azından bütün həyatın sənin seçimlərindən ibarət olsun.
1 2 3 4 5 6 7 8 9 10 11 12 13 14 15 16 17 18 19 20