qarğıdalı


156   1   0   0
qarğıdalı 2.nəsil yazar
reytinq xalı: 209
karma xalı:62
entry sayı:156
izləyənlər:1
sifariş sayı:1

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə/blog

3 oktyabr 2020 erməni əsgərlərinin əsir götürülməsi 13:30 radələrində sosial mediaya və mətbuata düşən fotoşəkilli məlumata əsasən, azərbaycan əsgərləri 1-i qaçmaması üçün ayağı zəncirlənib sonra öldürülən , 5-i isə canlı halda olan erməni əsgərlərini əsir götürüb. məlumat bu başlıq açılana qədər hələ ki müdafiə nazirliyi və digər mənbələr tərəfindən rəsmi təsdiqini tapmayıb.
dəlil kimi verilən şəkildən əsir götürülən əsgərlərin təslimçilik və sülh ifadəsi kimi ağ bayraq qaldırdığı görünür.
wandavision wanda maximoff (komikslərdə scarlet witch adı ilə də tanınır, elisabeth olsen canlandırır) və vision (daha əvvəl tony starkın yaratdığı süni intellekt jarvisin age of ultron filmində mind stone (zehin daşı) ilə təkmilləşdirilmiş versiyası, paul bettany canlandırır) obrazlarının müəyyən zaman kəsimində birlikdə keçirdiyi həyatı əks etdirən, marvelin yeni super-qəhrəman serialı. dekabr 2020-də "disney+"da yayıma başlayacaq.
wanda-pietro maximoff əkiz bacı-qardaş ilk dəfə captain america: the winder soldier filminin post-credit səhnəsində göstərilmişdi. hər iki obraza zehin daşı sayəsində xüsusi güclər verilmişdi. pietro maximoff "quicksilver" adı ilə də tanınır, eksta sürətli hərəkət edə bilən bir adamdır (dc comicsin flash obrazı kimi), hansı ki quicksilver obrazı həm də x-men seriyasının 3 filmində göstərilmişdi. age of ultron filmində quicksilverin ölümündən sonra tək qalan wanda ilə həmin filmdə ortaya çıxan vision arasında xüsusi münasibətlər formalaşır. captain america: civil war filmində cütlüyün birlikdə yaşadığını görürük, filmin ortalarında qarşı tərəflərdə yer alsalar da, infinity war filminin başlanğıcında cütlüyün şotlandiyada yenə birgə yaşadığını görürük. daha sonra məlum olduğu kimi, vision thanos tərəfindən öldürülür.
wandavision serialının ilk treylerindən sonra cütlüyün birgə fantastik macəralarına şahid oluruq. böyük ehtimalla, serial infinity war-a qədərki müddəti əhatə edən macəralar periodudur.
chadwick boseman a.k.a king t-challa black panther
28 avqust 2020-ci ildə 43 yaşında qalın bağırsaq xərçəngindən dünyasını dəyişib. "king is dead, long live the king"
gəncə-qazax-gürcüstan yolunun 4 zolağa genişləndirilməsi layihəsi azərbaycan avtomobil yolları dövlət agentliyinin sifarişi ilə xarici maliyyə əsasında həyata keçirilir. lender avropa yenidənqurma və inkişaf bankıdır. yolun uzunluğu 130.150 km-dir, yol gəncənin bitişindən başlayır, şəmkir, tovuz və ağstafa rayonlarından keçməklə qırmızıkörpüyə qədər uzanır. dövlətin infrastrukturunda yol tikintisinin miqyasını nəzərə aldıqda böyük önəm daşıdığı üçün hazırkı hərbi-siyasi vəziyyətdən təsirlənə biləcək sahədir.
layihə üç lota ayrılmaqla üç fərqli şirkət tərəfindən icra edilir. 2021-ci ilin sonuna qədər yekunlaşdırılması nəzərdə tutulur.
porno aludəçiliyi "sex sells"
paranoyakca səslənsə də, hal-hazırda dünyaya (bəşəriyyətə) yön verən axındır porno kulturası. artıq barmaq qatlayıb "bax, bu erotizmdi, bu isə pornoqrafiya" deyə biləcəyimiz məzmunlar və məhsullar yoxdu. hər şey pornoqrafikləşir. filmlər, cizgi filmləri, mahnı sözləri, kliplər, reklam çarxları, reklam posterləri və s.
yuxarıdakı "entry"yə istinadən, cinsəllik və cinsəlliklə qazanılan, doydurulan hisslərin, hormon vəzilərinin standartları pornoqrafiya sayəsində o qədər yüksəkdə saxlanılır ki, bu hədəfə gündəlik yaşayışı və performansları ilə nail ola bilməyən nəhəng bir quduzlar (quduzlaşdırılmışlar) ordusu yetişir. libido hissini təmin edə bilməyən fərdlər tək-tək azğına çevrilir. məsələn, umberto eko nəvəsinə tövsiyə məktubunda porno izləməməsini məsləhət görmüşdü:
"əgər təsədüfən ipad-ində iki insan övladı arasındakı və yaxud bir insan övladı ilə bir heyvan arasındakı əlaqəni göstərən yüzlərlə porno saytlardan birinə daxil olsan, çalış, seksin yalnız bundan ibarət olduğuna inanmayasan. bundan əlavə kifayət qədər monoton olan bu səhnəciklər, sənin çölə çıxıb həqiqi qızları görməməyin üçün təşkil olunub. diqqətini məktəbdəki və yaxud oynadığın yerdəki qızlara yönəlt, çünki həqiqi qızlar tv-də gördüyün qızlardan daha yaxşıdırlar və bir gün internetdəki qızlardan daha çox həqiqi qızlardan məmnun qalacağının şahidi olacaqsan. səndən daha təcrübəli birinin sözlərinə inan (əgər mən ancaq kompyuterdə seksə baxsaydım, sənin atan doğulmazdı, sən də kim bilir harda olacaq, hətta bəlkə heç olmayacaqdın)"
yaranmış (və ya yaradılmış) aqressiv azğınlar ordusu bir gün həqiqətən istəklərini təmin edə bilməyib böyük bir partlayışa səbəb olacaq.
yasamal yaşamaq üçün çox əlverişli mövqedi yasamal. bakının hər nöqtəsinə çıxışı var. axtarsan, əhmədliyə də avtobus gedir yasamaldan. bir gün fövqəladə vəziyyət olsa, apokalipsissayağı hallar yaşansa, şübhəsiz, seçib qala quracağım yer yasamal olar.
person of interest depressiv günlərimdə başladığım seriallardan idi. gündə bir seriya baxırdım. serialın füsunkar atmosferi var. 2-ci sezonun yarısına kimi baxdım, sonra eləcə qaldı. indi gündə 44 dəqiqə vaxt ayıra bilmirəm təzədən baxmağa. əslində vaxt olur, amma elə bilirəm serial personajları məndən inciyib.açığı, özüm də serial üçün, dialoqlar üçün, atmosfer üçün dəhşətli dərəcədə darıxıram (3 d). amma açıb baxmağa əlim gəlmir. bir bu serialdı, bir də ozark.
iron man --spoiler--
"avengers: endgame"də avengers əfsanəsinin sonuyla birgə özünü bəşəriyyətə fəda etmiş bir ədəd super-hero
sözaltı blog yaradılmasına artıq ehtiyac duyulan platforma.
gündəm entry'lərindən başqa yazılan bütün mətnlərin sözlüyü ağırlaşdırdığını düşünürəm. istədiyimiz mövzularda rahat və ürək açıqlığıyla yaza biləcəyimiz bir müstəvi olmalıdı
xəzər süleymanlı özünü qiraətçi kimi qələmə verən həvəskar şair. görünür, sevənləri, xüsusilə, qız fanatları bir xeylidi. sözün düzü, ilin-günün bu vaxtında bu məşğuliyyəti və buna könül verənləri başa düşə bilmirəm. yəqin ki, səfa mehdidən nisbətən yuxarı səviyyəli işlərlə məşğuldu.
əksər hekayə və filmlərin bir nəfərin gəlişiylə başlaması insanlığın genlərinə həkk olmuş ideologiya xəritəsidi bəlkə də. istər yaradılış hekayələri olsun, istər bədii ədəbiyyat, 90%-dən çoxunda bu plan işlənilir.
ssenari başlayır - durğunluq dövrü. gedişatın ssenariyə, əhvalata, qısacası, yazmağa dəyər hekayəyə çevrilməsi üçün mütləq bir nəfər əsas məkana təşrif gətirməlidi, bəzən də həmin bir nəfər başqa məkana getməlidi (bəzi alleqorik mətnlərə görə, bu bir nəfər bir əşya ilə də əvəzlənə bilir).
yaradılış hekayələrinin bünövrəsində məkan var, adəm var. bura qədər dişə dəyəsi bir hekayə yoxdu. gələcəyə nəql ediləsi bir rəvayət də yoxdu. rutində maraqlı heç nə yoxdu çünki. mütləq bir dəyişiklik olmalıdı ki, hadisəyə əlavə maraq qatılsın və hekayəyə çevrilsin. sonra nə olduğunu bilirik, həvva gəlir və hadisələr zavyazka yaşayır.
firon və yəhudi hekayələrində mütləq və mütləq bir adam gəlir, fələyin çarxına barmaq etdikdən sonra hadisələr cərəyan etməyə başlayır, çünki duru suda qəribə heç nə yoxdu. suyun diqqət çəkməsi üçün mütləq bulanması lazımdı.
"əhdi-cədid"i ("incil"i) isa yazmayıb. hər kəs bilir. amma isa hekayəsinin qəhrəmanı isadı. hardansa peyda olur və hekayə başlayır. hətta isanın ilk gəlişi ilə də başlamır. hekayə isanın ikinci dəfə gəlməsində yatır.

yaxşı deyiblər ki, bütün kitablar (hekayələr) incilin təkrarından başqa bir şey deyil. tam yerinə oturdulmuş fikirdi. eləcə də, "günəşin altında yeni heç bir şey yoxdu". yuxarıda qeyd etdiyim kimi, kodlarımız döngülərdən (buna dövran da deyilir) ibarətdi. çünki nəzəriyyələrdən birinə görə, zaman həm düzxətli həm də dairəvi hərəkət etməkdədi. bu da spiral döngüsü yaradır. necə ki günəş qalaktika boyunca spiralvari dövran etməkdədi.
əksər filmlərdə (dişə dəyəsi filmlərdə) də eyni ssenari yaşanmaqdadı. mütləq və mütləq bir nəfər və ya bir əşya gəlməli, suyu bulandırmalıdı ki, hadisələr hekayəyə çevrilsin. çox uzağa getmədən, "space odyssey 2001"dəki qara başdaşı, "arrival"dakı qara uno-lar və digərləri.
baxdığınız filmləri, oxuduğunuz hekayələri bir də xatırlayın.
oralarda mütləq bir gəliş olmalıdı.
yerli tvlərdə nifrət edilən simalar çöl adamı. köhnə qaladan zaddan tapır, yarım saat ora dırmaşır, arada guya büdrəyir, yarım saat da yemək bişirir. kulminasiyası da burdadı. broyler toyuğu və azərduz
ofis işlərində su yerinə işlədilən a4 kağızlarına heyifslənmək bənzərsiz təəssüf hissidi.
ilk olaraq, israf ən böyük qəbahətlərdən biridi, baxmayaraq ki, müasir dünyanı uçuruma aparmaqdadı və bu çarxın qarşısını almaq mümkün deyil. bu çarəsizlikdən doğulan təəssüf hissi də məhz buna görə bu dərəcədə qabarıqdı. mənə görə, yeddi ölümcül günahın içində ayrıca olaraq israf da yer almalıydı. düzdü, acgözlülük və ifrat köklük bu yeddiliyin ikisini təşkil edir. amma israf daha geniş anlayış olduğu üçün bu qənaətə gəlmişəm.
iki, çap kağızlarının xammalı hələ ki ağaclar olaraq qalmaqdadı. tualet və mətbəx salfetlərinin əvəzləyicisi, eləcə də, pul əskinasları üçün pambıqdan material kəşf edilsə də, çap kağızları hələ də qurban tələb etməkdədi. məsələnin ən acınacaqlı tərəfi də ağacların bizim zaman anlayışımıza görə gec böyüməsidi. laboratoriyalarda tez-bazar ağac yetişdirmək mümkün olsaydı, bəlkə də düşünəsi min dənə dərddən biri azalmış olardı.
üç, axı bu kağızlar həqiqətən boş yerə israf edilir. bir varlıq olaraq, insanın kainat qarşısında amal və hədəfləri hələ də bəlli deyil. və əlimizdəki nəticələrə baxdıqda böyük ehtimalla, belə bir hədəfimiz və missiyamız heç mövcud da deyil. olması üçün də hər hansı zərurət yoxdu. bəs sivilizasiya hansı məqsədlərə doğru yelkən açır? bu şüurun zirvəsi hardadı? bu istehlak sistemi daha nə qədər şişməyə davam edəcək?
insan özünü təbiətdən ayırd etdiyini iddia etsə də, təbiətin bütün ləvazimatlarından faydalanmaqdadı. adicə gündəlik üç dəfə qida rejimində belə uçan, qaçan, sürünən nə varsa, tutub yeməklə məşğuldu. otyeyənlərlə birgə (n qat artıq) ot yeyir, ətyeyənlərlə birgə (n qat artıq) ət yeyir, dənli bitki istehlakının sayı-hesabı bilinmir. yediyini yeyir, yemədiyindən yağ, pivə, məcun və s. istehsal edir.
a4-lə (nisbi olaraq. a3, a5 və digərləri, həmçinin) təşkil olunmuş cild-cild topluları gördükcə (axı onlar kitab da deyil), bəşəriyyətə olan ümid zəncirindən bir halqa da qopur.
on the road yaxın müddətdə azərbaycan dilinə tərcümə ediləcəyi barədə proqnoz verilən şahəsər. müharibədən sonrakı amerika həyatına, amerika insanlarına və daozismin, buddizmin, eləcə də, bir çox şərqsayağı mistisizmin amerikaya gəlib çıxdığı dövrlərə işıq tutur. qısaca, beat movement formalaşdıran beat generation və ya üsyankar nəsil. əsərin ilkin əlyazması (original scroll) 52-ci ildə nəşriyyata getsə də, mətnin jarqon ağırlığı və narkotik vasitələrin geniş istifadəsi səbəbindən təxirə salınmış, kerouac romanın avtobioqrafik strukturuna bir balaca əl gəzdirib real şəxsiyyətləri obrazlara çevirdikdən sonra ikinci əlyazma ilə 57-ci ildə geniş tirajlanmağa başlayıb.

əsərin məşhur olması barədə göstərilən səbəblərdən biri də müəllifin onu üçcə həftəyə, əlindəki bütün daktilo kağızlarını bir-birinə yapışdırmaqla və birnəfəsə, tam spontan yazmasıdır. bu versiyaya etibar edən oxucuların sayı yüz minlərlədir. lakin əsərin baş qəhrəmanı deyə biləcəyimiz neal cassady'nin (əsərdə dean moriarty) ikinci arvadı carolyn cassady'nin (əsərdə camille) yaxın keçmişdə verdiyi açıqlamaya görə əslində o məsələ heç də elə olmayıbmış. carolyn o prosesin sadəcə bir mif olduğunu və əsərin tirajını artırmaq üçün uydurulduğunu deyirdi. əsərdə dean'in camille'in başına açdığı oyunlara nəzər yetirsək, bu açıqlamanın qərəzli olduğuna qənaət gətirmək olar.

çox maraqlıdır ki, ölkədə bu qədər zir-zibil külliyyatının və "chick-lit" deyilən bulvar ədəbiyyatını tərcümə və nəşr edildiyi "book-boom" dövründə nə əcəbsə, belə bir xəzinə kənarda qalıb. sadəcə ümid etmək qalır ki, dilimizə tərcümə olunacağı proqnozu reallaşar. söz yox, indiyə qədər oxuyanlar oxuyub, rusca, türkcə, orijinaldan və sair. amma dilimizdə olmasının özü belə bir nailiyyət hesab edilməlidi.
1 2 3 4 5 6 7 8 9 10 11 12 13 14 15 16 17 18 19 20