Notice: Undefined variable: querycheckrows2 in /var/www/soz6/sds-themes/vengeful-light/header.php on line 161

robot229


94   1   0   0
robot229
9.nəsil yazar
reytinq xalı: 197
entry sayı:94
karma xalı: 346
izləyənlər: 4
sifariş sayı: 7







son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

davamlı dava edən ailədə böyümək 10 yaşıma qədər mən də belə ailədə böyümüşəm. həqiqətən uşağın psixologiyasını məhv edir. uşaqlığım həmişə məktəbdə dava edərək keçib. vasmoyun məktəbləri hamısı belədi. ağlım kəsməyə başladığında anladım ki nə atam qədər şiddət göstərməliyəm nə əmim qədər psixopat olmalıyam nə də dayım kimi beta. bir yol bulduk gidiyoz. yaxşı ki çətinlik görmüşəm. keçmişə baxıb təəssüf hissi keçirmirəm. çünki bu məni daha güclü edib
azərbaycanda karantin rejimi o qədər uğurlu idarə olunur ki, gündəlik ölüm saylarında isveçi ötmüşük. hansı isveç ki, pandemiya başlayandan düzgün bir karantin belə etməyib. bizim karantin rejimimizin digər inkişaf ünsürləri kimi analoqu yoxdur. biz dünyanın heç bir yerində olmamış "Şirəliyev" məntiqindən istifadə edirik. Avtobusda 50 nəfərlə birgə, basa-basla 3 saatlıq sms icazə alıb gedirik, 100 nəfərin bir yerə yığışdığı iri bir marketdən alış-veriş edirik və maska taxdığımıza görə virus yayılmır. amma, məsələn, gündə 5 müştəri girən mebel salonuna, 10 müştəri gələn avtomobil ehtiyat hissələri mağazasına, 15 alıcı gələn tikinti malları dükanına maska ilə girsək virus yayıla bilər. buna görə də hamısı bağlanıb. Metroların bağlanması isə gizli bir sirr olaraq qalır. yəqinki, bunun tövsiyəsini də ramin müəllim verib. o çox yaxşı bilir ki, terroristlər və virus bakubus avtobuslarına yaxın dura bilmir.
azərbaycan polisi telefonumu oğurlayan narkomanları tapmayan insanların mənsub olduğu qrupa aiddirlər. danışığını bilməyənləri və ya qanunsuzluqla məşğul olanlarını gördükdə hirslənib, dözə bilmədiyim yeganə dövlət işçiləridir. icra başçısı xalqdan oğurlayanda heç belə qəzəblənmirəm. bir də küçənin ortasında özlərini dartaraq gəzənləri var. bunları çıxsaq heç də pis peşə ilə məşğul olmurlar.
əli insanov babamın yerlisi. qohumlarda rəhmətə gedən olanda yas mərasiminin həmişə baş küncündə əyləşdirirlər, sanki böyük bir siyasətçidir.
rus sülhməramlılarının azərbaycana gəlməsi Rusiya əsgərlərinin Qarabağa girməsini "sülhməramlı" adlandırmaq doğru deyil. Çünki onlar sülhməramlı deyil.
1. sülhməramlı missiya icra edilməzdən öncə hansısa beynəlxalq təşkilat (BMT, ATƏT və s.) tərəfindən mandat alınmalıdır.
2. Sülhməramlılar kefləri istəyən kimi nəzarət etdiyi yerləri dəyişdirə bilməzlər.
3. sülhməramlı missiyanı icra edənlər onlara bu missiyanı tapşıran beynəlxalq təşkilat qarşısında hesabatlı olurlar.

Rusiyanın azərbaycandaki fəaliyyəti bu meyarların heç birinə uyğun deyil.

Bəlkə Rusiya burada "qoruyucu güc" və ya "qoruyucu dövlət" kimi iştirak edir? Xeyr.
"Qoruyucu güc" ("Protecting Power") cenevrə konvensiyalarına əsasən müharibədə olan dövlətlərin hansısa bir neytral dövlətə müraciəti əsasında hüquqların üçüncü dövlət tərəfindən icrası üçündür.
Rusiya bura da uyğun gəlmir. niyə?
1. rusiya neytral dövlət deyil, ermənistanın hərbi müttəfiqidir.
2. müharibə edən ölkələr rusiyaya dövlət səviyyəsində müraciət etməyib. digər məsələləri Beynəlxalq Qırmızı Xaç Komitəsi etməlidir. ancaq ona da müraciət olunmayıb.


hal-hazırda azərbaycan hökuməti öz ərazilərinin 3%'ə yaxın hissəsini öz ordusu ilə nəzarət edə bilmir. həmin ərazilərdə rusiya sülhməramlıları, ermənistan və qondarma dağlıq qarabağ respublikasının ordusu var. artsax bayrağı da öz yerində. bundan sonra hökumətin nə qərarlar alacağı, necə addım atacağını bilmirəm. sərt karantin tətbiq edib, iqtisadiyyatı məhv edən hökumətdən uzun vadəli plan gözləmirəm. yəqin, həmin ərazini sərhəd xidməti ilə əhatəyə alıb təxribatın qarşısını almağa çalışarlar. çünki, vizyonları bundan artıq deyil.
təbib nazirlər kabineti yanında operativ qərargahın məlumatına əsasən azərbaycanda 09.12.2020 tarixinə qədər covid-19dan 1755 ölüm halı qeydə alınıb. Amma əsl rəqəmin bundan bir neçə dəfə çox olduğunu düşünməyə ciddi əsas var. Hər il Azərbaycanda bir çox səbəblərdən təxminən 55-57 min adam həyatını itirir. Bu ədədlər aylar üzrə dəyişir. Amma eyni ay üzrə rəqəmlər çox da fərqlənmir. Onların yuxarı və aşağı hədləri var. Qrafikə baxaq. 2015-2019-cu ilin aylıq ölüm rəqəmləri mavi “kəmər” içində dəyişir. 2020-ci ilin yanvar və fevral aylarında say həmin “norma” daxilində idi.

Lakin, mart ayından etibarən rəqəmlər fərqlənməyə başladı. Düzdür, aprel, may, avqust və sentyabr aylarındakı göstəricilər kəmərdən çox da kənarda durmayıb. Onlara “normanın inkişafı” kimi də baxıb hesaba almamaq olar. Amma mart, iyun və iyul aylarında normadan çox artıq - müvafiq olaraq 889, 1903890 insan öldü. Nədən? Həmin dövrdə ölkədə covid-19`dan başqa bu qədər əlavə ölüm sayı yaradacaq heç bir fövqəladə hadisə baş verməyib.

O əlavə ölümləri toplasaq, 3682 nəfər edir.

Əlbəttə bu artıqlamanın hamısı covid-19 səbəbi ilə yaranmayıb. Cüzi da olsa, əhalinin çoxalması, qocalması, keçmişdə yaranan hansısa demoqrafik dalğa buna təsir edə bilir. Amma bu cür təsirlər statistikada ləng tərpəndiyi üçün bu sayda əlavə ölüm qətiyyən yarada bilməz.
Deməli, 3682`in böyük əksəriyyəti məhz covid-19`dan ölənlərin sayıdır. Bu 3 min də ola bilər, 3 min 500 də. Amma hər halda TƏBiB`in dediyi 1755 nəfər deyil.

Hələlik iKi EHTiMAL göstərilən rəqəmlər arasındakı uyğunsuzluğu izah edə bilər:
1. Mart ayının ortasında birdən-birə karantinin tətbiq edilməsi ayrı-ayrı xəstəliklərdən şiddətli əziyyət çəkən insanları təcili müalicədən məhrum edərək, yüzlərlə əlavə can aldı. Sərt karantinin aprel-may aylarında davam etməsi zamanı müxtəlif xroniki xəstəliyi olan şəxslər də mütəmadi müalicədən məhrum oldular deyə, iyun-iyul aylarında minlərlə insan vaxtından əvvəl həyatını itirdi.
2. Mart ayında virus Azərbaycanda yayılmağa və əlavə ölümlərə səbəb olmağa başladı deyə ayın ortasında karantin tətbiq edildi. Karantin aprel-may aylarında davam etdi və ölüm sayını azaltdı. Mayın sonunda – iyunun əvvəlində karantinin bir neçə həftəlik yumşaldılması yenidən xəstəliyə rəvac verdi və iyun-iyul aylarında minlərlə insan covid-19`dan öldü.
Birinci ehtimal doğrudursa, sərt karantin TƏBiB`in kobud səhvidir.
ikinci ehtimal doğrudursa, onda iyunda covid-19`dan cəmi 150, iyulda isə cəmi 235 nəfərin həyatını itirdiyini bizə deyən TƏBiB`in rəqəmləri əsasında bundan sonra heç bir qərar qəbul oluna bilməz.
caliber.az yaradıcıları hərbi jurnalist və analitik Heydər Mirzə, hərbi mütəxəssis Hans Kloss (məxfilik səbəbi ilə adı açıqlanmır) olan rusdilli hərbi-analitik youtube kanalı. proyekt həm Cənubi Qafqaz regionuna vurğu etməklə hərbi-siyasi və hərbi-texniki mövzularla maraqlanan geniş izləyici kütləsi, həm də bu sahədəki ekspert və mütəxəssislər üçün nəzərdə tutulub.
youtube : link link
elimelikov06 twitter istifadə edəndə, onun hesabını görmüşdüm. hələ bir dəfə danışmışdıq da. dostumun dostunun dostu olan yazar.
yazarların hal-hazırda düşündükləri müharibə dayanacaq yoxsa axıra qədər davam edəcək. bu ölkənin qarabağ konfliktindən daha böyük problemləri var. əgər qarabağ tam azad olunsa ki bunu ürəkdən arzulayıram, xalq yenə populist çıxışlara aldanıb, ölkəni uçurama sürükləyənləri iştahla cənab adlandıracaqmı.
ikinci qarabağ müharibəsi paşinyanın qərbə inteqrasiyasını zəiflətmə və ya qarşısı alınması üçün rusiyanın müdaxilə etmədiyi müharibə. yap hökuməti də fürsətdən istifadə edib, torpaqları işğaldan azad edərək, həm öz yerini bərkidir həm də neftin qiymətinin aşağı düşməsi səbəbilə qeyri-neft sektoruna bir növ sərmaye qoyur (qarabağ maldarlıq, əkinçilik, turizm baxımından perpektivlidir. o cümlədən qızıl, kobalt və digər faydalı qazıntılar ilə zəngindir.) əlavə olaraq qaçqın və məcburi köçkünlərə ediləcək yardımın dayanması ölkəni iqtisadi cəhətdən rahatladacaq. hal-hazırda humanitar atəşkəs elan olunub. rusiyanın açıq-aşkar planıdır. hər iki tərəf rəsmi açıqladığı ilə reallıqda olan itki sayının fərqini görəndə panika yaranacaq. beləliklə, ya konflikt dayana bilər ya da uzana. hər ikisi rusiyaya sərf edir. müharibə o halda dayanar ki, ya paşinyan istefa verib, yerinə rus meyilli lider gəlsin, ya qarabağ tam azad olunsun, ya da paşinyan özü elə qərbə inteqrasiyanı dayandırsın.
oğlanlardan oğlanlara tövsiyələr Bir vaxtlar mən bunların bir çoxuna əməl etmirdim. Hal-hazırda isə əməl edirəm və edəcəm də. Həqiqətən də həyatım çox böyük ölçüdə dəyişdi. Məsləhətləri hissələrə bölmüşəm, oxumaq rahat olsun. Bunları türk və əsasən də ingiliscə qaynaqlardan öyrənmişəm.

1. Gigiyenik ol (Just be Hygenic). Yayda tez-tez çim. Qışda müəyyən aralıqlarla çim. aralıqlar uzun olmasın -*. Çimərkən qulaqlarını sabunla yu -*. Bəzi insanlar bunu etmir. Havalar istidirsə, sərin suda çim. Bu bədənin daha oyaq qalmasına kömək edir. Bir şampundan istifadə et. Hər dəfə fərqli şampundan istifadə etmək saçın kəpəklənməsi ilə nəticələnə bilər. Çimdikdən sonra qulaqlarını və göbəyini qulaq çöpü ilə təmizlə. Dırnaqları vaxtında tut.
2. Saç. Üzünə uyğun saç stilini tap. Və bir neçə bərbəri yoxla hansı yola verən deyilsə onun yanına daim get. Dostlaşsaz daha yaxşı qırxacaq. Əgər saçınız kəpəklənirsə sprey, wax, jele və s. kimi saç baxım ləvazimatlarından istifadə etmə. Boyun hissəni ülgüc ilə götürən out of date bərbərlər də olur. Onlardan uzaq dur.
3. Üz təraşı. Əgər saqqalın tam çıxmırsa hələ də az çıxan yerləri varsa, saqqalın uzanmasını gözləmədən təraş et. Çal saqqal ilə ora-bura getmə. Nivea-nın nəmləndiricisini üzünü qırxdıqdan sonra vursan, səpmə ehtimalı azalacaq. Qaşa gəldikdə isə, maqqaş ilə al getsin. Həmçinin Yuxarı darayaraq kiçik qayçı ilə kəs.
4. Üz baxımı və dəriyə qulluq. ilk öncə üzünün dərisinin hansı tip olduğunu aydınlaşdırmalısan. əgər dərin yağlı və sızanaqlıdırsa, bunun səbəbini aydınlaşdır. Orqanların düzgün fəaliyyət göstərməməsi də ola bilər. Bol su iç. Gündə iki dəfə üz yuma geli ilə yu. mən nivea istifadə edirəm. Əgər qara nöqtələrin varsa bunun üçün garnier-in kömürlü geli var, babatdı ama üstdən təmizləyir. Dərindən təmizləmək üçün profesional yanına getmək lazımdı. Bahalı bərbərxanalar bunun üçün yaxşı seçimdi. Məsamələr üçün isə bir çox vasitə var. ən effektiv təbii yol budur : 1 qaşıq alma sirkəsi və 3-4 qaşıq su ilə qarışdıraraq gecə yatmazdan əvvəl üzünə vur. 10 dəqiqə saxlayıb, yu. Üzündə ləkə qoymasını istəmirsənsə bunu axşam və gecə 12-dən əvvəl et. Nəmləndirici krem al (boroplus). Sızanaqdan qalma izlər üçün : 2 çay qaşığı soda və 3 çay qaşığı suyu qarışdır. Diqqət yetir ki, qarışıq pasta kimi olsun. Bunu üzünə tətbiq edib 5 dəqiqə saxlayıb, yu. iki həftə ərzində hər gün et.
5. Dişlər və dodaqlar. Dişləri gündə iki dəfə fırçala. Fırçalayarkən cızma. Asta-asta və yuxarı-aşağı hərəkət etdirərək fırçala. Həftədə bir dəfə sodadan istifadə etmən ağardacaq. Dodaqlarını da fırçala. Əgər bunu etsən dodaqlarında ölü dəri olmayacaq. Qışda dodaqlar çatlamasın və qurumasın deyə nivea-nın dodaq balzamını məsləhət görürəm. Siqaret çəkənsənsə, saqqızdan tez-tez istifadə et.
6. Qamət. Yeriyərkən qamətin düz olmalıdı. Bunun üçün youtube-da posture exercises yazaraq çoxlu hərəkət tapa bilərsən. Bunları et ki, belin açılsın. Bu səni özgüvənli göstərəcək.
7. Çənə. Çənə əzələsi əgər güclüdürsə, yaraşıqlı olmasan belə, qızları cəlb edə bilərsən. Bunun üçün yenə youtube-da jawline exercises yazaraq axtarış ver. Əlavə olaraq, çənəni aşağı tutaraq gəzməyin. Chin up, boys.
8. Geyim. Gəldik maraqlı yerə. Moda olsun deyə dəxlisiz bahalı geyinmə. Sadə geyin. Təmiz və səliqəli olsun geyindiklərin. Əgər kilon normadan çoxdursa, oversize geyimlərə və tünd rənglərə üstünlük ver. Yox əgər kilon normal və ya normadan azdırsa slim və açıq ton geyin. Geyindiklərin uyğunluq yaratsın. qara Dəri kurtka və normal kurtkan olsun. Həm cins həm də klassik şalvarlar al. Tünd göy və qara rəngdən başqa şalvar pis görsənəcək. Yay üçün krem rəngli ala bilərsən. Uzun qol köynək geyinəndə yuxarıdan aşağı 2 yada 3 düymə aç. Və köynəyin qolunu dirsəyə qədər qatla. Bunlar səni seksi göstərəcək. Hə bir də çalış steve jobs kimi yekə krasofka geyinmə. Ayaqqabın kəmər ilə eyni rəng olmalıdı. Bir cüt ağ krasofkan mütləq olsun (normal boyda). Yay üçün makasin al. Bir də qış üçün altı qalın casual dəri ayaqqabı məsləhətdir. Yaxşı işləyən dərzi tap. Bəziləri necə gəldi işləyir. işini tez görənlərdən uzaq dur. Bu haqqda çox yaza bilərəm. Pinterest-də men outfit yazaraq tapa bilərsən. Və ya instagram-da menfashion hashtagini izləyə bilərsən.
9. Özgüvənli ol. Bu çox vacibdir. Mən elə oğlanlar görmüşəm ki, yaraşıq sıfırdı. Ancaq çox özgüvənlidirlər. Bunun sayəsində ətraflarında qızlar var. Özünə inan, dostum. Həyat çox qısadı, doyunca yaşa. Heçnədən çəkinmə.
10. Özünü inşa et. Güclü təhsil almağa çalış. Nə edirsənsə et, seçdiyin yolda peşəkar olmağa bax. Kişinin gərək həyatında heç olmazsa bir ehtirası (Passion) olsun. Kitab oxumaq şəxsi inkişafına çox kömək edəcək. Sitcomstand-up sənin zarafat qabiliyyətini inkişaf etdirəcək. Zarafat edərkən insanları güldürmək istəyirsənsə, gülmə. Özünü saxlaya bilmirsənsə sadəcə olaraq gülümsə. Meymuna çevirmə özünü.
11. Sevgili tap. Bu biraz qarışıq mövzudu. əgər ciddi fikirləşən adamsansa, evlənmək üçün yaxşı qızı tap. əgər fuckboy olmaq istəyirsənsə qızları həddən artıq sevmə, özünü sev. Bir neçə sevgilin olsun ki, çətinlik çəkməyəsən. Sevgili tapmaq o qədər də çətin deyil. Qızın sənin ayağına gəlməyini istəyirsənsə, gərək ya məşhur olasan ya da pullu. Ancaq bunlar olmadan da qızları əldə etmək olur. Bunun üçün yuxarıda yazılanları etməlisən. Və cəsarətli olub qızlara düzgün momentdə yaxınlaşmalısan. “Salam, xanım bəlkə tanış olaq?” tipli cümlələrdən heç vaxt istifadə eləmə. Ümumiyyətlə sosial şəbəkədən tanışlıqdan uzaq dur. Real həyat da et. inan ki, daha yaxşı nəticələr alacaqsan. Heç vaxt qızları təqib etmə. Alınmırsa digərinə keç. Göz kontaktı çox önəmlidi. Qıza gözünü zilləmə amma o baxırsa baxmağa davam et və onu yuxarıdan aşağı xəfif gülümsəyərək süz. Onu daha çox cəlb etmək üçün sol gözünə bax. Bu elmi olaraq öz sübutunu tapmış bir şeydir.
12. Netflix, HBO, amazonprime kimi şirkətlərin serialları və Hollywood filmlərinin təsiri altında qalma. Dostum, həyat çox fərqlidi.
13. Dominant, maskulin və lider ol. Məsələn sevgilinlə bir yerə gedəcəksiz. Qərarsızsa, dərhal qərar ver. Çox az hallarda onun fikrini al. Bu biraz pis səslənir. Ancaq əksər qızların psixologiyası belədi. Onların üzərində hökmranlıq edənləri daha uyğun partnyor hesab edirlər.
14. Davadan qorxma. Mən çox dava eləmişəm xüsusilə də məktəbdə. Heç vaxt qorxma. Amma özünü qorumağı da bil. Bunun üçün hansısa döyüş idmanı ilə məşğul olmaq vacib deyil. Evdə məşq elə. Yadında saxla ki, çox vaxt birinci vuran udur. Onsuzda hamımızdan güclüsü var. Əsas odur ki, dəqiq və sürətli olasan.
15. məsləhət almaq. münasibətlər mövzusunda heç vaxt qarşı cinsdən, beta kişilərdən və yanıqlardan məsləhət alma. heç bir ov sənə ovçuluğu öyrətməyəcək!

Hələlik bu qədər. çox uzun yazı oldu. Bəzən müəyyən əlavələr və düzəlişlər edəcəm. Sualı olan mənə yaza bilər. çox güman ki, bu entry mommy's sissy boys (mamanın gül balaları) tərəfindən umbaylanacaq -*
1 2 3 4 5 6 7 8 9 10 11 12 13 14 15 16 17 18 19 20