plagiat mahnılar

Ən çox qəribə gələn axrıncı mahnldlr eyni sample -in xalq mahnısı kimi təqdim olunması nə dərəcədə doğru ola bilər ki? Ya da mən mi yanılıram bənzətmədə. Aralarında təqribi 20 il fərq var. Digərini isə danışmağa heç dəyməz məncə
Fairuz- al bint el shalabia

(youtube: )

(youtube: )

(youtube: )

kurtlar vadisi

Türk serial tarixində xüsusi yer tutan istər siyasi istər kriminal istər psixoloji cəhətdən iz qoyan məşhur proje. Bir çox kişinin qəlbində az da olsa "polad kimi olmaq" arzusunu yaradan, bəzilərinə də "həyat dərsi" olan serial. Dərin dövlət, mafialar, siyasi oyunlar, nəbilim masson nişanələri, gizli təşkilatlar kimi temalar və s. adi bir serialla bunun arasında çox fərqlər var. Təkcə silah, mafia oyunları, dava dalaşdan da bəhs edilmirdi içində dostluq, dövlətçilik, xəyanət, güc zəkayla qurulan planlar kimi məsələlər də vardı. Hələ də öz populyarlığını qoruyub, unutulmayıbsa səbəbi güclü aktyor heyəti, gerçəyə yaxın çəkiliş tərzi həmçinin "derin devletin" mafyanın izləyiciyə bu qədər inandırıcı təqdim olunması deyə bilərik. Bundan başqa serialın mahnıları da özü qədər unudulmazdır. Onun da məncə çox təsiri olub. Təkcə Türkiyədə də yox Azərbaycan, Qazaxıstan, Özbəkistan, Bulgarıstandan da izlənildi, hələ də izlənilir böyük ehtimalla.

(youtube: )

mülki müdafiə

Mülki müdafiə əhalinin, obyektlərin, ətraf mühitin fövqəladə hallardan, təbii fəlakətlərdən, texnogen qəzalardan, həmçinin silahlı münaqişələrin fəsadlarından da qorunması üçün təşkil edilən tədbirlər toplusudur.
Belə bir durum var ki, ölkəmizdə mülki müdafiə teması ancaq rəsmi sənədlərdə bir də universitet auditoriyalarında mövcuddur. Mən də bu semestr həmin mövzunu "Mülki müdafiə və ilk tibbi yardım fənni" adı altında öyrəndim. (sadəcə imtahan verdim desəm daha doğru olardı)
Mövzu olaraq həqiqətən ciddidir, gərəklidir və bir o qədər də aktualdır. Həyati önəm daşıyır, bu sahədə bilikli cəmiyyətin ümumi təhlükəsizlik səviyyəsi də yüksəktir, həmçinin insanlar öz həyatlarının məsuliyyətlərini də dərk edirlər- başqasını gözləmədən fərd özü təhlükə zamanı nə etməli olduğunu bilir və buna görə addım ata bilir, dövlətlə (dövlət qurumları ilə) koordinasiya etməyi bacarır.
Ölkəmizdə baş verə biləcək təbii, texnogen və ya siyasi(sosial) fövqəladə halların olması reallığı qədər başqa bir reallıq da var ki, bu sahə üzrə təhsil sadəcə ali t.m də qısa müddətli formal şəkildə dar çərçivədə keçirilir. Məktəblərdə isə heç xatırlamıram keçirildiyini. Sadəcə 10 və 11 ci sinifdə tədris olunan hərbi (Çağırışaqədərki hazırlıq) dərsində sığınacaq- qazmalar əleyhqazlar bunları keçtiyimizi xatırlayıram. Məktəblilərə bu mövzunun tədris olunması həyati önəm daşıyar. Nə qədər erkən yaşdan uşaqlara, şagirdlərə təhlükəsizlik qaydaları, fövqəladə hallarda etməli olduqları şeylər, özünümüdafiə hətta ilk tibbi yardım öyrədilsə o qədər yaxşı olar.
Universitetə dönsək, orda da mənim üçün durumlar o qədər ürəkaçan deyil. Fənnin önəmini anlayırıq, saygı duyarız eyw, amma 3 kreditli fənnin imtahanından da bal kəsməyin be. Balı keçtim kəsilənlər vardı bizim qruptan, patokdan, neçə uşaq əlaçı ola bilmədi q. inanın ki 6-7 kreditli fənnlərin müəllimləri belə bu qədər bizdə tələbkar deyildi. Mən də ən aşağısı 35-40 gözlədiyim imtahandan 24 aldım. Ola bildiyincə xırda və səliqəli yazıyla izahlı ətraflı yazmışdım hətta sualda fövqəladə hallardan bəhs etməm lazım idi, başlamışdım etimalogiyasından ki sözün kökü fövq sözündən gəlir normalın üstü, yuxarı, üstün digər hissəsi isə hal durum kimi anlaşılır filan filan. Yenə də yarayamadıq bu müəllimlərə. Bir də qəribə bir xatirə qaldı bu fənndən, müəllimiz mövzunu lövhədə qırmızı lazer fanarla izah edirdi, şəkili ya da yazını göstərmək üçün. Dərs boyunca hipnoz olmuşcasına o lazer şüasının lövhə səthindəki hərəkət trayektoriyasına, iz saldığı yola kilitlənirdim. Hər dərs istisnasız beləydi. Amma içtən içə elə rahatlatırdı, sakitləşdirdirdi sanki məni, hətta bəzən özümü o işıqla oynayan pişiklər kimi hiss edirdim. Təkcə mən deyilmişəm belə hissedən qrup yoldaşlarımın bəzilərindən soruşmuşdum onlarda da durum eyniydi. Dərs sıxıcı gəlirdi yoxsa nə bilmirəm

dezoksiribonuklein turşusu

Hüceyrədə olan 2 tip nuklein turşularından biri. Nüvədə tapılıb deyə bu turşular nuklein adlandırılb.Amma sonralar digər orqanoidlərdə də yəni mitoxondri plastidlər kimi orqanodilərdə olması məlum olmuşdur. Əsasında bu turşular dezoksirbonuk. ( DNT) ve ribonuk. (RNT) irsi məlumatların nəsldən nəslə ötürülməsində, zülalların sintezində aminturşuların daşınmasında iştirak edir.Polimerlərdir, monomerləri nukleotidlərdir.Nukleotid isə kimyəvi birləşmədir. Özündə azot əsası ( 4) , karbohidrat və fosfat turşusu qalığını saxlayır. Quruluşca bur birlərinə bənzəyirlər amma DNT iki zəncirlidir,( bir birinə sarılmış şəkildə) RNT isə təkzəncirlidir.DNT və RNT nin fərqi onların nukleotid quruluşunda ortaya çıxır. Birinci olaraq onlardaki karbon əsasının fərqliliyi, yəni DNT də karbohidrat dezoksiribozadır, adından da bəlli olduğu kimi, rnt də isə beşatomlu karbon ribozadır.Həmçinin DNT zənciri və RNT komplementarlıq prinsipi ilə birləşdiyindən( həndəsi və kimyəvi quruluş uyğunluğu içərisində)yəni uyğun olaraq azot əsasları Adenin Timin ilə Quanin Sitozin ilə qarşı qarşıya durmalıdır. RNT zəncirində isə Timin olmadığından əvəzinə Urasil (U) durur.
Qeyd edəm ki DNT nin molekul strukturu 1953 cü ildə
biokimyaçı Uotson ilə biofizik və genetik Krik tərəfindən öyrənilmişdir.

ibn sina

Əbu Əli ibn Sina (980-1038) Şərqin ən böyük alimlərindəndir. Buxara vilayətinin Əfşana kəndində anadan olmuşdur. Təhsilini Buxara şəhərində almışdır. Məktəbi bitirdikdən sonra gənc ibn-Sina riyaziyyat, həndəsə, məntiq,astronomiya ,fəlsəfə, tibb və başqa elmlərlə artıq dərəcədə maraqlanmış və bu sahələrdə parlaq nəaliyyətlər əldə etmişdir.Tibb, əczaçılıq və fəlsəfəyə aid olduqca mühim və dəyərli əsərləri vardır.