sistem robotu


6,957   0   0   0
1. nəsil əcdad yazar
entry: 6,957
reytinq: 3,579
karma: 628
izləyən: 11
oxunma: 142,388
sifariş sayı: 1443






aludəlik

bir az sözaltı etiraf kimi olacaq çünki bunları ən yaxınlarım daxil heç kimlə danışmamışam. bir az da ona görə yazıram ki, bəlkə kimsə oxudu və həyatının bir dövründə bu bataqlıqdan yan keçdi. əslində bu özüm üçün də təcrübə oldu, təcrübə deyəndə nəyi nəzərdə tutduğumu entrynin ortalarında yazacam

qışda pula ehtiyacım var idi. əlimdə də əslində bir ailənin iki ay dolana biləcəyi qədər pul var idi, sadəcə bir məsələ üçün hardasa bunun iki qatına ehtiyacım vardı. heç cürə alınmırdı və necə oldu, necə baş verdi bilmirəm amma qumar ilə qarşılaşdım

bilirsiz ki azərbaycanda kazinolar bağlıdır, virtual kazinolarla oynaya bilərsiz amma bank kartları ilə həmin kazinolara depozit qoymaq da olmur. indi adını unutduğum bir sayt vasitəsilə əlimdəki bütün pulu kazino saytlarından birinə yüklədim depozit olaraq

heç vaxt qumarla maraqlanmayan biri olduğum üçün çox yad idim. sonra bir neçə kitab tapdım, başladım oxumağa. dediyim kimi insan beyni yaşadığı pis xatirələri unutmağa meyillidir, ona görə də sevgilinizdən ayrılandan uzun illər sonra onunla yaşadığınız pis şeyləri yox, yaxşı şeyləri xatırlamağa başlayırsız. mən də bu gün üstündən bir neçə ay keçsə də həmin günləri, hətta qumarın necə oynanıldığını belə unutmuşam. o dərəcədə

müxtəlif qumar oyunları arasında uzun bir araşdırma edəndən sonra ən çox qazandıra biləcək oyunun blackjack olduğuna qərar vermişdim. növbəti mərhələ blackjack haqda hər şeyi öyrənmək idi. bu oyun haqda tapdığım kitab chrome arxivində qalır hələ də. knock-out blackjack idi. bu oyunda kart sayma texnikası deyə bir şey vardı, asanından çətininə bir çox metodlar var idi kart saymaq üçün, sürətli aritmetika aparmaq lazım idi ki kartları saya biləsən. bu da təbii ki metodlarla işləmək tələb edirdi

yanvarın ortalarında hər şey hazır idi artıq. bilən bilir, kazinolar əvvəlcə bir neçə dollarlıq depozitlər verirlər, əvvəlcə bu depozitlərlə oynayaraq özümü yoxlayırdım. bir gün bu gün artıq oynamağa başlayacam dedim və online kazinolardan biri ilə başladım

kazinolar realdakından fərqlənmir görünüş etibarilə. masanın arxasında dealer dayanır. kartları paylayır filan. dealer ilə danışa da bilirsiz chat vasitəsilə. oyunçular da bir-birləri ilə danışa bilirlər. nə isə

bilmirəm qumarım təbiəti etibarilədir ya necə hər kəs kimi oyuna başlayanda mən də udmağa başladım. qalib gəldikcə artıq xəyal zad qururam ki istədiyim pulu toplamağa az qalıb. bir də təbii ki qazandıqca daha xoşbəxt hiss edirəm. indi biri çıxıb deyə bilər ki, ay gicdillax, illərdir sözlükdə beyin elə, beyin belə yazırsan, fərqində deyilsən ki bunun tələ olduğunu və qapılıb getdiyini?

entrynin başında dediyim təcrübə elə burası idi. insan fərqində olmur qardaş. hadisələrə fikir bildirmək doğrudan da sadəcə kənardan baxanların lüksü imiş. insan o hadisənin baş qəhramanı olanda nə rasionallıq qalır nə fərqindəlik. ayrı vaxt baxıb atam bu gicdillaqdır ki dediyim cümlədəki gicdillaq idim həmin şeyləri edəndə. bəzən bir insan narkotik aludəçisi olur, illərlə bu aludəçiliyi buraxa bilmədiyi üçün ona zəif iradəli olduğunu deyirik, halbuki güclü iradə bəlkə də artıq aludə olduqdan sonra buraxmaq yox, elə əvvəldən heç başlamamaqdır.

səhərə qədər oynayırdım. uduzurdum, udurdum və birtəhər istədiyim məbləği toplamışdım artıq. sonra ne mi oldu? təxmin elədiyiniz kimi. daha çoxunu qazanmaq istədim. bir həftə qabaq indi əlimdə olan pul problemlərimi həll etməyə yetirdisə, artıq o puldan daha çoxunu istəyirdim. lənətə gəlmiş beynin mükafatlandırma sistemi artıq aza qane olmurdu, daha çox istəyirdi, qazandıqca xoşbəxt olurdum çünki, məsələ artıq ehtiyac deyildi, məsələ artıq o idi ki həmin gün itirəndə pis hiss edirdim, qazananda isə xoşbəxt olurdum. nə başınızı ağrıdım.

üç qazananda bir itirirsənsə ya da bir qazanıb üç itirirsənsə bir müddət sonra bu ardıcıllıq dəyişir. artıq üç itirirsən, heç qazanmırsan. beş itirirsən, heç qazanmırsan. yeddi itirirsən, bir qazanırsan. əlində oyuna başlayanda məqsəd qoyduğun məbləğdən daha azı qalanda bu dəfə təzədən həmin məbləği qaytarmaq üçün oynamağa başlayırsan. ən axırda isə ümumiyyətlə oyuna başlayanda əlində nə qədər məbləğ vardısa, o da azalır artıq. deyirsən ki, heç olmasa o pulu bərpa edim. nafile

belə-belə ən axırda əlində sadəcə sıfır (!) qalır. ki məndə də belə oldu. nə qədər uduzduğumu yazmayım bura. çünki özüm xatırlayanda ürəyim ağrıdır. ən pisi qazanıb itirdiklərinizə də üzülürsüz. məsələn, 2000 dolları 10000 dollar etmisizsə və sonra hamısını itirmisizsə, 2000 üçün yox ümumi 10000 dollar üçün topluca üzülürsüz. çünki sözün əsl mənasında əlimizdəkinin nə qədər olduğu bir fərq eləmir, məsələ o anda beyində hansı proseslərin getməsidir

mən sözlükdə keçmiş illərdə bunun entrysini yazmış, beynin mükafatlandırma sistemindən xəbəri olan bir adam olaraq nə vaxt və necə bu poxun içinə düşdüyümün fərqinə belə varmadım

beyində mükafatlandırma sistemi deyə bir sistem var, təkamül etmə səbəbi heç də bizi qumarbaz, narkoman, alkoqolik etmək deyil. səbəbi çox bəsitdir. həyatda qalmağımız üçün vacib bir çox aktları etdiyimiz zaman bu beyin bölgəsi dopamin ifraz edir, bu da bizə tətmin duyğusunu yaşadır. amma narkotik, içki, siqaret, qumar və s. bu dopamin ifrazını normaldan dəfələrlə çox səviyyələrə çıxarır. mükafatlandırma sisteminin pozulması bir yerdən sonra gördüyünüz aktdan aldığınız tətmin hissini azaldır, beyin daha çox tətmin üçün həmin aktı daha çox etməyə təşviq edir.

və budur. siz artıq aludəçisiz! götünüz var bundan sonra o siqaretə toxunmayın, qumar kartına əlinizi vurmayın, narkotik yadınıza düşməsin və sair və ilaxır. çünki nəyə aludə olmusuzsa artıq o şey olmadan özünüzü xoşbəxt hiss etmirsiz - çünki dopamin əskikliyi yaşayırsız. plus zamanla mükafatlandırma sistemini prefrontal cortex-ə bağlayan neyronal yollar da zəifləyir. o prefrontal cortex ki, hamımızın sahib olduğu impulsları əhilləşdirməyə kömək edir. siz eyni aktları təkrarladıqca sizi bu aktı etməyə vadar edən impulsları əhilləşdirəcək mexanizm də artıq pozulur və yavaş-yavaş batırsız, bundan sonrası bir yerdə ayılıb nə etdiyinizi sorğulamağınıza qalır.

həmişə özümə sual verirdim ki, dinlərin siqaret, içki, aludəçilik, qumar və s. ilə alıb verə bilmədiyi nədir görəsən? sadəcə ibrahimi dinlər yox haa. indi heç sivilizasiyaya qarışmamış bir toplum belə tapsaz, iddia edirəm ki o toplumda da pul qarşılığında bir şeylər qazanmaq dolayısı ilə qumar ilə eyni prinsipə söykənən oyunlar böyük ehtimalla tabudur, pislənir. okay, insanoğlu elmi metodu kəşf edəli bir neçə yüz ildir, müşahidə və kəşf ilə təbiəti, insan davranışlarını sistemli bir şəkildə araşdırmağımız o qədər də uzaq keçmiş deyil amma bundan qabaq da, tarix boyu insanlar özlərini və ətraflarını daim müşahidə ediblər. tabuların çoxu bu müşahidələrin nəticəsidir. tabuların çoxu ibtidai insanların hansılar ki, mükafatlandırma sistemindən xəbərsiz olublar, neuroscience haqda bilgiləri olmayıb, ətrafda bu bataqlığa düşüb rəzil vəziyyətə düşən insanları müşahidə etmələrinin nəticəsidir bir yerdə. mən də nəzəri olaraq bildiyim şeyi öz üzərimdə iliyimə qədər müşahidə elədim.

sonra ne mi oldu? buraxdım başını. entrynin əvvəlində dediyim kimi uduzduğumu qaytarmaq ehtirasımı bir təhər saxladım, ilk həftələrdə dadlı bir yeməyi dadandan sonra digər boşqabdakı yeməyi də dadmaq istədiyiniz vaxt bunu etsəz arıqlaya bilməyəcəyinizin fərqinə varıb yaşadığınız məyusluq qarışıq tərif edə bilmədiyimiz bir duyğu içində idim. sonra keçdi. unutdum. bu gün o günlərin detallarını belə unutmuşam, soruşsaz oynadığın sayt hansı idi, bir-iki detalı çıxsaq onları belə xatırlamıram. indi təsəvvür edin ki bir yerdə fərqinə varmaya və itirdiyimi də qazanacam deyə daha çox pul itirə və hətta daha böyük poxlara da düşə bilərdim. ki əminəm ki dünyada milyonlarla qumarım poxuna düşən insan var

bu entry sırf qumar üçün deyil. mən siqaret çəkmirəm, içki isə ümumiyyətlə ildə bir dəfə və son dəfə keçən ilin dekabrında içənəm. narkotikin nə olduğu haqda təsəvvürüm belə yoxdur. başqa heç bir porno, x, y aludəçiliyim də yoxdur. bu ilə qədər qumar haqda da təsəvvürüm yox idi amma bir neçə həftənin içində özümü poxun içində tapmışdım. yəni bu entryni sırf qumar aludəçiliyi üçün yazmıram, entry bütün növ aludəçiliklər üçün keçərlidir, siz qumarı çıxarın, yerinə içkini, siqareti, pornonu, narkotiki və s. qoyun. məğz dəyişməyəcək, sikənin adı dəyişsə də, sikilən dəyişmir.

keçənlərdə məsləhətxanada porno aludəçiliyi başlığı vardı. onu görəndə bir anlıq ted bundyni xatırladım. ted bundy hər nə qədər manipulativ biri olsa da və özünü acındırmağa çalışsa da, bu əlavə edəcəyim videodakı çıxışında qismən də olsa haqlıdır:

(youtube: )


bilirsiz yəqin ki, ted bundy seriyalı qatildir və yüzlərlə qadını təcavüz edərək sonra da vəhşicəsinə öldürüb. intervyuda zamanla adi pornoların onu tətmin etmədiyini və hər dəfə daha aqressiv pornolar izləmək istədiyini, bir yerdən sonra həmin pornolardakı şiddəti real həyatda etmək istədiyini və belə-belə cinayətlər törətməyə başladığını danışır. bəli, ted bundyni seksual manyak və qatil edən şey sırf porno aludəçiliyi deyildi, ted bundy xəstəlikli bir xarakterlə doğulmuşdu və sosyopat idi amma bəlkə də porno aludəçiliyi olmasaydı və bunlara bulaşmasaydı, dünyaya və insanlığa verəcəyi tək zərər uzaq başı reddit səhifələrində girib trolluq etmək, camaata kin qusmaq olacaqdı. aludəçilik adi, normal və sakit birinin belə bir yerdən sonra başını itirməyinə səbəb olursa, sosyopat və onsuz da problemli xarakterlə doğulmuş birini canavara çevirər və necə ki ted bundyni çevirib.

bu gün çəkdiyiniz siqaret zərərsiz görünürsə də və sabah tərgidəcəm deyirsizsə də, əmin olun ki o siqareti sabah da çəkəcəksiz. bir dəfə ilə bir şey olmaz deyirsizsə əmin olun ki bir dəfə ilə qalmır. batana qədər davam edirsiz. araşdırmalar göstərir ki, bir dəfə siqareti yoxlayan insanların çox böyük qismi bir dəfə ilə məhdudlaşdırmırlar özlərini, yarısından çoxu aludəçi olur.

uşaqlığımı bakının papanin adlanan bölgəsində keçirmişəm. bilirsiz yəqin ki, oralar bir dönəmlər narkomanları ilə məşhur bölgə idi. orda uşaqlığımı bir yerdə keçirdiyim və xarakter olaraq məndən yüz dəfə daha qızıl olan uşaqların ömürlərinin davamında narkotik səbəbilə necə türmələrə düşdüklərini, model görkəmində oğlanların üz gözləri yara və belləri bükülmüş şəkildə ətrafda dolandıqlarını, bir-iki manata görə analarını öldürməklə hədələdiklərini görmüşəm

etməyin, eləməyin. nəyə aludəsizsə bu gün buraxın, sabah yox. insan nə ara və necə poxa düşdüyünün fərqində belə olmur. zərərsiz kimi görünən şeylər bir də baxırsız ki ömrünüzü sikib.

hörmətlə.

istinadlar. https://www.scientificamerican.com/article/how-the-brain-gets-addicted-to-gambling/

16 əjdaha! sistem robotu

22.07.2020 - 22:19 #300917 mesaj facebook twitter

isabelle de merteuile

köhnə troll de kim eşitsin nikli umbayın təzə sözlük hesabı. hansı ki bir müddət qabaq sözlük yazarlarının ifşa videosunu youtubeda paylaşmışdı

görünür ki, bir neçə moderatoru çıxmaqla yenə digər moderatorları trollayıb və yazar olmağı bacarıb. indidən xəbərdarlıq edim biləsiz ki bu yazara mesaj və s. vasitəsilə heç bir şəxsi məlumatınızı verməyin. sonra ad, soyad və şəklinizi youtubeda hansısa ifşa videosunda görə bilərsiz

bir ay qabaq sözlük görüşünü və sözlükdəki müxalif yazıları dövlət orqanlarına şikayət eləməyi düşünən biridir. ona görə də diqqətli olun, anonimliyinizi qoruyun

8 əjdaha! sistem robotu

21.07.2020 - 13:49 #300784 mesaj facebook twitter

kriptoqrafiya

(youtube: )


1 saatdan daha az müddətdə kriptoqrafiyaya giriş dərsi. bəlkə kiməsə faydası dəydi

2 əjdaha! sistem robotu

21.07.2020 - 11:14 #300778 mesaj facebook twitter

0 əjdaha! sistem robotu

21.07.2020 - 10:53 #300777 mesaj facebook twitter

the number devil

uşaqlar üçün yazılmış maraqlı kitablardan biri. xüsusilə riyaziyyatdan zəhləsi gedən bir uşaq varsa ona oxuda bilərsiz. sevəcəyinə əmin olun *

0 əjdaha! sistem robotu

21.07.2020 - 02:11 #300772 mesaj facebook twitter

delikanlım

Bir də narkotik ittihamı ilə yarğılandığı məhkəmə çıxışında bütün ürəyi ilə oxuduğu versiyası vardır ki, heyran qalırsan.

(youtube: )

3 əjdaha! sistem robotu

20.07.2020 - 00:22 #300645 mesaj facebook twitter

delikanlım

hər nə qədər bu janrda mahnı dinləməyi sevməsəm də, təsadüfən yolda eşidib wtf dediyim mahnılardan biri. yıldız tilbe ifa edir. bir qadına bu sözləri yazdıran qaqaşın da allah bəlasını versin

(youtube: )

11 əjdaha! sistem robotu

19.07.2020 - 23:09 #300640 mesaj facebook twitter

four gold lessons

s. weinberg'in elm oxuyacaq gənclərə verdiyi dörd qızıl məsləhəti özündə birləşdirən nature məqaləsi. sırf elm oxuyacaq gənclər üçün yox həm də hər kəs üçün faydalı məsləhətlərdir

weinberg'in ilk məsləhəti tənbəlliklə mükəmməlliyətçiliyin eyni adamda var olması başlığını xatırlatdı mənə. qısacası deyir ki, hər şeyi mükəmməl bilməyə çalışmayın, çünki bu mümkün deyil, əgər mükəmməl olmağa çalışsaz irəliləyə bilməyəcəksiz

özündən nümunə göstərir, bakalavr diplomunu aldığı vaxt, hansı ki yüz il əvvələ təsadüf edir, gözünə ucsuz bucaqsız kimi görünən nəzəri fizikanın hər detalını öyrənməyə çalışdığını, fizika haqda hər şeyi bilmədiyi halda necə yaxşı bir fizik olacağını və araşdırma aparacağını başa düşmədiyini danışır. ardınca doktorantura təhsilinə başlayır və hər nə qədər müəllimlərinə etiraz etsə də, müəllimləri ona araşdırmaya başlamağı və irəlilədikcə ehtiyacı olan şeyləri öyrənməyi məsləhət görür. weinberg tələbə ikən bu metoda nə qədər qarşı çıxsa da, sonraları bunun işə yaradığını görür, doktoranturasını tamamlayır, araşdırması ilə gələcəkdə nobel mükafatı qazanır amma özünün də dediyi kimi, doktoranturanı tamamlayanda fizika haqda heç nə bilmədiyini vurğulayır

deyir ki, heç kəs hər şeyi bilə bilməz, siz də bilmək məcburiyyətində deyilsiz, mükəmməlliyətçi olmağa çalışmayın, ehtiyacınız olduğu qədəri öyrənin və irəliləyin. işləri sonraya ertələmə səbəblərindən biri də budur əslində, heç bir işi birdən birə mükəmməl və tam görmək mümkün deyil, ona görə də şüuraltı olaraq daim görəcəyimiz işləri başqa bir günə ertələyirik. həmin gün həmin işi mükəmməl görmək üçün şərtlərin daha əlverişli olacağını düşünürük. bu səhv düşüncədir halbuki. bir yerdən başlamaq və elə bu gün başlamaq lazımdır, sabah yox.

bu gün bir idman hərəkətini tam edə bilmirsizsə, sabah daha yaxşı edərəm düşüncəsi ilə sabaha saxlamaq, yəni mükəmməl olmadığınız üçün o işi görməyi başqa günə ertələmək, zamanla tam da tənbəllik dediyimiz şeyə çevrilir və bütün həyatınızı yeyib bitirir. siz bu gün başlayın, bir də baxacaqsız ki, 10 gün sonra artıq hərəkəti də düzgün edirsiz, irəliləmə də əldə etmisiz.

weinberg'in digər məsləhəti isə öz deyimi ilə desək daim dalğalı suları hədəfləməkdir - yəni komfort zonasında sığılıb qalmaq yox, həmişə daha çox çabalaya və dolayısı ilə daha çox irəliləyə biləcəyiniz hədəfləri seçməkdir. yenə də öz həyatından nümunə göstərir. 1960cı illərdə tələbələrdən biri hər şeyin qarmaqarışıq olduğu və nisbətən təzə sahə olan zərrəcik fizikasındansa, illərdir bilinən və irəliləməyin asan olacağını düşündüyü ümumi nisbilik nəzəriyyəsi sahəsində çalışmağa qərar verir. weinberg isə tam əksini edir, zərrəcik fizikasını seçir, yəni asan olana qaçmır və bu gün digər tələbənin adını bilmirik, weinberg isə ən məşhur fiziklərdən biri və nobel mükafatçısıdır.

qısacası deyir ki, həyatda daha rahat olan yollardansa daha xaotik, qarmaqarışıq yolları seçin, asana qaçmaq nə qədər uğurlu bir fikir kimi görünsə də, illər sonra dönüb keçmişə baxanda səhv elədiyinizi görürsüz. komfort zonası nəsə qazandırmır, əziyyətli yolu seçmək daha yaxşıdır.

weinberg'in üçüncü məsləhəti və özünün dediyinə görə uyulması ən çətin olacaq məsləhəti isə odur ki, vaxtınızı boşa keçirdiyiniz üçün özünüzü bağışlamağı bacarmalısız. çünki onsuz da insan həyatının böyük bir qismi fərqində olmasaq da boşa keçir. səbəbi çox bəsitdir. insan daim yol qət edir və bu gün üzərində vaxt keçirdiyimiz şeylərin çoxu hal hazırda fərqində olmasaq da gələcəkdə boş olaraq qiymətləndirəcəyimiz şeylərdir. ən bəsiti hamının orta məktəbdə aşiq olduğu bir qız, oğlan mütləq ki olub, bəzən orta məktəbdə dərsləri belə salıb sırf o qızı düşündüyümüz olub. bu gün keçmişə baxanda vaxtımızı boşa keçirdiyimizi görürük. illər sonra bu gün ki bir çox hadisə, akt üçün də gələcəkdə eynisini düşünəcəyik, normaldır. hansı zamanda hansı aktı etməyin ümumi insan ömrü üçün dəyib dəymədiyini, boş olub olmadığını bilmək mümkün deyil, o anki vəziyyətə bağlı bir şeydir. ona görə də bütün bunlara görə özünüzü bağışlamağı bacarın. rahat olun

dördüncü məsləhətdə isə weinberg tələbələrə məsləhət görür ki, elm tarixini öyrənin. bunu sırf elm yox bütün sahələrə aid etmək olar. ixtisaslaşdığınız sahənin tarixini öyrənin. çünki insan gördüyü işlərin qarşılığını dərhal almaq istəyir, bu da təbiidir, amma bir çox sahələrdə bunun qarşılığını dərhal almaq mümkün deyil. illər sonra etdiklərinizin dəyərini görürsüz. elm sahəsi də bunlardan biridir. weinberg nümunə göstərir ki, bu gün yüz il əvvəlki amerika prezidentinin kim olduğunu bilmirik amma nyuton artıq 3 əsrə yaxındır ki, bütün insanlıq tərəfindən bilinir və dəyər görür. elm tarixini bilmək sizin də yüzillərdir davam edən bu möhtəşəm serüvenin bir parçası olduğunuzu, ola biləcəyinizi sizə xatırladacaq və motivasiya verəcək.

məqaləni daha ətraflı bu linkdən oxuya bilərsiz:

https://www.nature.com/articles/426389a

7 əjdaha! sistem robotu

19.07.2020 - 22:53 #300638 mesaj facebook twitter

principles of mathematical analysis

walter rudin'in məşhur riyazi analiz kitabı. riyazi analiz seriyasının ilk halqası, baby rudin adlanan ancaq yenə də riyaziyyat tələbələrinin qorxulu yuxusu

ardınca həqiqi və kompleks analiz və funksional analiz kitabları gəlir.

0 əjdaha! sistem robotu

19.07.2020 - 21:41 #300629 mesaj facebook twitter

maliyyə piramidası

bu sifarişi verən: amma və lakin

və ya adı italyan fırıldaq çarlz ponzidən götürülən ponzi sistemi (bax: ponzi oyunu ) günümüzdə minlərlə, hətta milyonlarla insanı bataqlığa vuran bir asan pul götürmə sistemidir. maliyyə piramidasının təpəsində sistemə ilk qatılan şəxs durur və insan sayı artdıqca sistemdə işlənən pulun da miqdarı artır. burada əsas məqsəd üzvlərinin daha çox insanı asan pul qazanılmasına inandırıb sistemə salmasıdır. hər yeni gələn üzvdən alınan pul hesabına əvvəlki üzvlərə vəd olunan faiz miqdarında ödəniş edir və bu adətən bankların təklif etdiyi faiz dərəcəsindən üstün olur. beləcə "passiv" gəlir mənbəyi kimi görünən sistem daim işləyir. amma burada faiz daim yüksəlir və əgər sistemə daxil olan pul faiz miqdarında məbləğin ödənilməsinə çatmırsa və ya sistemə yeni biri daxil olmursa, piramida dağılır və bura yatırım edən insanların pulları batır.

belə bir sistemə bir neçə il öncə türkiyədə mehmet aydın tərəfindən qurulan "çiftlikbank"-ı misal göstərmək olar ki, 5 ayın sonunda 511 milyon lirə ilə birlikdə ortadan itmiş və hələ də onun harada olduğu müəyyənləşdirilməmişdir. ətraflı izah üçün:

(youtube: )


azərbaycan dilində (loru dildə də demək olar) izah üçün:
(youtube: )

və mənim də bu sistem haqqında öyrəndiyim "babil" serialındakı həmin səhnə
(youtube: )

1 əjdaha! sistem robotu

19.07.2020 - 20:16 #300622 mesaj facebook twitter

premium mass gainer

muscletech istehsalı olan effektiv və keyfiyyətli gainer. idman edən və kütlə qazanmaq istəyənlər üçün ən yaxşı vasitələrdən biridir

muscletech firmasının digər məhsulları üçün: (bax: nitrotech)

0 əjdaha! sistem robotu

19.07.2020 - 13:19 #300607 mesaj facebook twitter

2 əjdaha! sistem robotu

18.07.2020 - 22:49 #300560 mesaj facebook twitter

türklərin azərbaycanı səviyyəsizləşdirməsi

başlıqdan türkləri çıxar, yerinə istədiyin şeyi qoy, iddianı dəstəkləmək üçün n qədər fakt tapa bilərsən

ya da başlığın adını dəyiş, (bax: türklərin azərbaycana müsbət təsirləri) deyə təzə başlıq aç, yenə iddianı dəstəkləmək üçün n qədər fakt tapa bilərsən

məsələn, bir-ikisini yazım. bizdə təhsilin ən göt günündə olan vaxtlarında, ki indi də ürəkaçan deyil, ölkədə az-çox savadı olan uşaqların çoxu türkiyəyə oxumağa üz tutdu

zarafata salırsız amma bu gün ölkədəki bir çox müsbət yöndə dəyişikliyin ucu gedib həmin türkiyədə alınan təhsilə çıxır, oturub entry yazdığınız sözlük belə türkiyədə formalaşmış ideyadır və burdakı əcdad yazarların əksəri türkiyədə təhsil almış uşaqlardır

ikinci bir nüans isə odur ki 6-7 il qabağa kimi və günü bu gün də, azərbaycanda ingilis dilini bilən yeniyetmə sayı çox azdır, azərbaycan dilində də məlumat azlığı var, bu yeniyetmələrin çoxu ilk siyasi, elmi mətnlərlə türk dili sayəsində tanış olmuşdular, olurlar

gördüyünüz kimi həm müsbət həm də mənfi mənada yüzlərlə fakt saymaq olar. ona görə də bəhanələri kənara qoymaq lazımdır. bəhanə insan təbiətinin poxu özündən uzaqlaşdırmaq üçün istifadə elədiyi ən rahat amma ən yanıldıcı şeydir

əvvəla səbəb-nəticə əlaqəsini qarışdırırsız. azərbaycanın hal hazırki səviyyəsizliyinin səbəbi kütlələrin izlədiyi türk serialları, filmləri deyil. o serial və filmlər, dolayısı ilə azərbaycan xalqının zövqü nəticə deyil, səbəbdir. həmin serial və filmləri izlədiyimiz üçün səviyyəsiz deyilik, səviyyəsiz olduğumuz üçün həmin serial və filmləri izləyirik

uşaqlıqda mən də daxil heç birimiz burda paylaşdığımız cool musiqi qruplarını, janrlarını dinləyərək böyüməmişik, hamımız şəlaləm mənimlə böyümüşük. sonra nə olub? araşdırmışıq, oxumuşuq, öyrənmişik və zövqümüzü inkişaf etdirmişik. indi azərbaycanın əksəri bu bizim keçdiyimiz prosesi keçməyib, səbəbi də türklər deyil, sınıq salxaq təhsil sistemi və bunun nəticəsi olaraq dünyagörüşünün qısıtlı olmasıdır

müalicə etmək üçün diaqnoz qoymaq lazımdır, ağrının qaynağını başqa yerdə axtarırsız və səhv diaqnoz qoyursuz, belə edəndə də nəsə düzəlmir. siz yenə hobi olaraq türkləri söyün, türklər də öz ölkələrində özlərini söyürlər onsuz da, çünki onlar da problemlərinin səbəbini səhv yerdə axtarırlar

18 əjdaha! sistem robotu

18.07.2020 - 21:50 #300549 mesaj facebook twitter

vəzifə səlahiyyətlərindən sui-istifadə

#300542

azərbaycanda bir qrup insan tərəfindən normal qarşılanan amma azərbaycan respublikasının cinayət məcəlləsinin 308.1 maddəsinə görə cinayət olan hərəkət

ölkədə birinə elədiyi hərəkətin səhv olduğunu başa salmaq üçün qanundan danışanda, qarşı tərəf buna qoz qoymur. yəni bir polisin vəzifəsindən sui-istifadə edərək bir qıza "patxod" etməsi cinayətdir deyəndə, qarşı tərəf "əşi nolsune, xoşuna gəlib yazıb da" deyəcək

bizdə mübahisələri qanunlar yox ana-bacı teması həll edir. qarşı tərəfə "polis bunu sənin anana, bacına eləsə xoşuna gələr?"- desəz, mövzu orda bağlanacaq. bizdə qanunun aliliyi keçmir, hər şey küçə söhbəti səviyyəsində həll olunur və idarə edilir

11 əjdaha! sistem robotu

18.07.2020 - 20:03 #300544 mesaj facebook twitter

sıfırdan yüksələn insan hekayələrinin rəğbət görməsi

müşahidə etdiyim maraqlı "fenomenlərdən" biri. deyək ki, bir insan bərbad vəziyyətdədir, tərk edilib, işindən atılıb, təmamilə loserdir amma günün birində dünyanın ən uğurlu insanlarından birinə çevrilir, bax bu cür bir adamın həyat hekayəsi hər kəs tərəfindən maraqla qarşılanır, bioqrafiya kitabı bestseller olur və s.

bunun səbəbini daxildə hamımızın doğuşdan uğurlu, hər şeyi olan insanlara paxıllıq etməyimizə bağlayıram. halbuki nonlinear, enişli çıxışlı həyatlar hamımıza ümid verir, öz özümüzə təsəlli edirik ki, bəlkə də biz də eyni şansı yaxalaya, taleyin tilsimini qıra və eynən o adam kimi nəsə bacara bilərik? amerika psixologiya assosiasiyası bir neçə il qabaq 400ə yaxın şagird ilə belə bir tədqiqat aparır: şagirdlər iki qrupa ayrılır və birinci qrupa müxtəlif elm adamlarının həm iş həm də şəxsi həyatlarında qarşılaşdıqları çətinliklərdən ibarət kitablar oxudulur, digər ikinci qrup isə tərsinə bu elm adamlarının sadəcə uğur və üstün bacarıqlarını öyən kitablar oxuyurlar.

həftələr sonra birinci qrupdakı şagirdlərin dəqiq fənlərdəki qiymətləri yüksəlir, digər qrupun şagirdlərinin qiymətləri isə ya dəyişmir ya da daha pis qiymətlər alırlar. səbəbi bəsitdir və başlığın əsas iddiasını təsdiqləyir: birinci qrupdakı şagirdlər elm adamlarının da eynən özləri kimi adi insan olduqlarını, həmişə uğurlu olmadıqlarını və yüksək yerlərə sıfırdan, əziyyətlə, öyrənərək gəldiklərini öyrənirlər və motivasiyaları, özlərinə inamları artır. digər qrupa isə elm adamlarının ancaq üstün bacarıqları oxudulduğu üçün o qrupdakı şagirdlər həmin bacarıqların doğuşdan gəldiyini və özlərinin bu bacarıqlara heç vaxt yiyələnə bilməyəcəklərini düşünürlər. beləliklə motivasiyaları və özlərinə inamları azalır, bir şey oxuma, öyrənmə həvəsləri belə qalmır.

içdən içə həmişə çətinliklərlə boğuşaraq nələrsə qazanmış insanları sevməyimizin səbəbi birbaşa psixologiyamız ilə oynadığımız bu bəsit oyunun nəticəsidir əslində. hələ ölməmişəm, ümid var, bacara bilərəm deyib təsəlli edirik özümüzü, batdıqca daha da çox batan insanları araşdırırıq, oxuyub motivasiya tapırıq. məsələn, qaussun uşaq ikən gerizəkalı olması mifi, eynşteynin universitetdən sonra işsiz qalması, patent bürosunda adi işçi olaraq işləməsi, o bəsit işdən tarixdəki ən dahi insan pilləsinə qədər yüksəlməsi, ən çox oxunulan kitabların, baxılan filmlərin bu insanların həyat hekayələri olması təsadüf deyil. nümunələr uzadıla bilər. birtəhər yaşayırıq və yıxıldıqca ayağa qalxmaq üçün, psixologiyamızı, yaşama səbəbimizi qorumaq üçün özümüz kimi yıxılan bədbəxt adamların uğur hekayələrini oxuyuruq. insan beyni həmişə qurtuluş üçün bir ümid axtarışındadır, ölməməyimiz üçün daim bir motivasiya qaynağı axtarır bizə.

üstdəki araşdırma üçün: https://www.apa.org/pubs/journals/releases/edu-edu0000092.pdf

9 əjdaha! sistem robotu

18.07.2020 - 19:24 #300540 mesaj facebook twitter

ümid qurbanov

bu link adresdə fəaliyyət göstərən kanalın sahibi azərbaycanlı gənc. müxtəlif elm adamlarının, filosofların müsahibələrini türk dilinə tərcümə edir.

feynmanın müsahibələrini də tez-tez tərcümə edir. məsələn:

(youtube: )

2 əjdaha! sistem robotu

18.07.2020 - 18:30 #300539 mesaj facebook twitter

yazarlardan sözlüyə bəyanatlar

sırf yazarların yazacağı başlıqdır. burda elan olunan məsələləri diqqətə almayanlar xəbərdarlıqdan sonra təkrarlanma halında aydınlanmış sözlük yazarları adlı gizli təşkilatımızdan aforoz ediləcəklər.

edit. yazar olmayanların entryləri başlıqda görünməyəcək və həmin umbay şiddətlə qınanılacaq.

4 əjdaha! sistem robotu

16.07.2020 - 22:15 #300416 mesaj facebook twitter

qara nəcis ifraz etməyin irqçilik sayılması

görəsən, niyə ağ rəngdə yox, məhz qara rəngdə ifraz edir? bəlkə qaradərili insanların ölümünə haqq qazandırır?
belələri üçün dərhal linç kampaniyasına start verilməlidir. media bu məsələni gündəmdə saxlamalı, netflix isə bu barədə seriallar çəkməlidir. hətta məşhurlar da bu problemə biganə yanaşmamalı və ifraz etdiklərinin fərqli rəngdə olduğunu sübut etməlidirlər.

3 əjdaha! sistem robotu

10.07.2020 - 01:11 #299570 mesaj facebook twitter

george floyd

ölümündən sonra ortaya çıxan heysiyyatla oynama tələbləri:
monteneqronun adı dəyişdirilsin!
a4 kağızları qara rəngdə hazırlansın!
yuyucu tozlar qara rəngdə istehsal olunsun!
həkimlər qara xalat geysin!
abş bayrağındakı ağ rəngli ulduzlar da qara rəngə boyansın!

edit: entry heç bir irqi ayrı-seçkiliyi ifadə etmir, floydun ölümündən istifadə edib ara qarışdıran qüvvələri məsxərəyə qoymaq məqsədilə yazılıb. hər poxa "irqçilik" deyənlər az idi, indi də sözlükdə ortaya çıxdılar.

3 əjdaha! sistem robotu

07.07.2020 - 18:26 #299368 mesaj facebook twitter

qızların qorxuları

çirkin və orta gəlirli kişinin himayəsi altına girməyə məcbur olmaq.
yaraşıqlı və varlı kişilərin diqqətini cəlb edə bilməmək.
yaraşıqlı kişinin əvəzinə çirkin kişinin "zorakılığına", "təcavüzünə" uğramaq.

4 əjdaha! sistem robotu

07.07.2020 - 16:04 #299362 mesaj facebook twitter

« / 20 »

blok -   başlıqlarını gizlət

Son bəyənilənlər