1 ilin ardından yeni bir albomla geri dönüş etmək gözəl bir hissdir!
Albom haqqında qısa bir məlumat verməli olsam Albomun adı "Atacama"dır. Bunun səbəbi isə albomda yer alan bütün instrumentalları ucsuz-bucaqsız bir səhrada yalnızkənmiş kimi hiss etdiyim zamanlarda hazırlamağımdır. Albomu hazırlamağa təxminən 6 ay əvvəl başladım və bitirmək yeni ilə nəsib oldu. Güman edirəm dinləyən hər kəs bəyənər. Əgər albomla bağlı sualınız və ya bir şərhiniz varsa mənə özəldən ya da YouTube şərhlərindən yaza bilərsiniz.
Dinləyib dəstək olan hər kəsə təşəkkürlər!
(youtube: )
Edit: bu linkdən istədiyiniz platformada dinləyə bilərsiniz: Atacama
Bu gün özəl bir dəvət ilə ours samplus'ün berlindəki konsertinə getdim.
Konsert tamamlandıqdan sonra şans əsəri artistlərin olduğu otağa daxil ola bildim. ilk olaraq artıq satışda olmayan amma mənim ilk çıxdığı zaman aldığımi.s.t.e.r.i. albomunun üstünə qrup üzvlərin imzasını aldım.
Daha sonra qrup üzvləri ilə söhbət etməyə başlamışkən arxadan qrupun meneceri (instagramdan danışdığım şəxs) çıxdı. Mənə, sən o mənə yazan dinləyicisən və s. Dedi. Təsdiqlədim və çox qısa bir söhbətə girdik. Mənə çöldə olsan bir azdan gələcəyik dedilər. Yaxşı dedim və çölə çıxdım. Ondan 5-10 dəqiqə sonra da qrup üzvləri və menecer gəldi. Biraz söhbətləşdik və bir neçə özəl məlumat aldım. Qrup meneceri ilə söhbətləşərkən bir anda
- "sən də produssersən?" Deyə bir sual soruşdu və məndə
+ "Hardan anladınız?" deyə cavab qarışıq əks sual yönəltdim.
Mənə:
- "bu Musiqi haqqında çox bilgin və marağın olduğunu görürəm" dedi
Mən də:
+ "Aha, 2020-dən bəri musiqi “sampling” ilə məşğulam” dedim
Daha sonra söhbət uzandı və s. Artıq sağollaşmaq sırası gələndə cibimnən siqaret paketini çıxardıb...
+ "mənə verdiyiniz hədiyyə qarşılığında mən də sizə və qrup üzvlərinə bir hədiyyə vermək istiyirəm" deyib paketi uzatdım.
Gülüb,
- “maraqlı hədiyyədi, mən çəkmirəm amma digər qrup üzvlərinə bunu verəcəm" deyib sağollaşdıq.
güman edirəm atmış olmaz-*
Bu da ours samplus ilə gözəl bir xatirə oldu.
Not: qrup üzvləri və meneceri çox səmimi insalar idilər. Hələ o bəzən sözü ingiliscə tapa bilməyib menecerdən fransızca soruşub sonra təzədən cavab verməsi məni aldı götürdü-*
2 il əvvəl paylaşdığım berlin parçasından illər sonra yeni bir tərz ilə geri döndüm. Bu parçaya keçən il başlamağıma baxmayaraq bu il çıxartmaq mümkün oldu. Çünki mükəmmələ yaxın etmək üçün o qədər çalışmalı oldum ki, 2 aya yaxın ara vermək məcburiyyətində qaldım. O 2 ay ərzində də sözləri yazıb, səs yazmaya və s. Getdim. Və budur... qarşınızda "LEPROSY"
Drill tərz musiqi Azərbaycanda yerin dibində olduğu üçün samballı bir iş görmək istədim. Parça haqqında fikirlərinizi özəldən yaza bilərsiniz. Dəstək göstərən hərkəsə sevgilərimi göndərirəm və Güman edirəm ki, bəyənərsiniz.
Xoş dinləmələr!
(youtube: )
Ücrətsiz dinləmək istəyənlər üçün (tövsiyyə etmirəm)
Azərbaycan xalq musiqisi olan Fəridəm əsərini drill musiqinə endekslədim. Böyük ehtimalla yaxında çıxacaq alboma əlavə edərəm. Hələlik Melodiyanı ritmə oturtmaqla məşqul olmadım. Demo olaraq qalsın burda
1-2 həftə öncə yeni bir proyekt üstündə çalışmağa başladım. Proyekti ha bitirdim deyərkən hər dəfəsində qulağıma sanki bir boşluq varmış kimi gəlirdi. O boşluğa da ən yaxşı e-gitara doldura bilərdi. Evdə özüm sınadım amma olmadı. Sonra şansıma kafkanın entry'ni (#357217) gördüm və ondan solonu alıb proyektə əlavə elədim. Bir növ kafka ilə birlikdə proyekt hazırladıq deyə bilərəm-*
Uzun zamandır izlədiyim və kimya ilə əlaqəm olmamasına baxmayaraq kimyaya marağımı artıran bir səhifə. Təbii ki, kimyaya marağımın artmasında tək bu səhifə yox, bu səhifə ilə eyni zamanda izləməyə başladığım breaking bad serialı da böyük rol oynayır. Səhifə adminlərinə təşəkkürlərimi və hər zaman yanlarında olduğumuzu bildirmək istəyirəm.
Yenə görüşdük günlük. Uzun zaman keçməməsinə baxmayaraq bu qısa zaman çərçivəsinə bir çox hadisə sıxışdırdım. Artıq fikirlərimi toparlayıb yazmaq getdikcə çətinləşir. Təxmini yarım saata yaxındır ki, telefona baxıb nə yazacağımı düşünməyə çalışıram. Beynimin içi kaosdu. O qədər çox şeyi fikirləşirəm ki, artıq yuxularımda belə görürəm...
Mən pis insan deyiləm!
Çöldən baxanda nə qədər qansız görünsəm belə mən özümü hələ də 6 yaşındaki nevanın sadəcə biraz daha “görmüş” versiyası kimi hiss edirəm. Gördüklərim məni çox dəyişdi, çox insan tərəfindən qəlbim qırıldı. Bəlkə məndə heç fərqinə varmadan bir çox insanın qəlbini qırdım. Amma günün sonunda bunu yaza bilirəmsə... deyə bilərəm ki, mən xətalarımdan dərs çıxartdım. Qəlbini istəməyərək qırdığım kim varsa hər birindən üzr istəyirəm!...
Zaman getdikçə dəyişir. insanların hədəfləri və istəkləri də, bu zaman axışına görə dəyişim göstərir. Yaşadığımız bu zəmanənin nə qədər pis olduğunu bildiyimizə görə deyə bilərik ki, insanlar da get gedə çirkəfləşir. Artıq güvənilə biləcək insan sayısı barmaqlarla sayılmaya gərək qalmayacaq qədər azdı. Bəzilərinin həyatında o belə yoxdur. (bax: neva)
Mən heç kimə güvənə bilmirəm. Güvən hissimi çox çox uzun illər əvvəl itirmişəm amma ətrafımda da mənim kimi insanların olduğunu gördükçə üzülürəm. Onlara güvən qaynağı olmağa, dost kimi hər zaman yanlarında olmağa çalışıram. Bir çox insan üçün hələ də eləyəm və bundan heç bir şəkildə rahatsız deyiləm. Amma insanlar çox qəribədir. Buna nə ad verə biləcəyimi düşünürəm lakin hələlik ağlıma gəlmir.
Yuxarıda qeyd etdiyim kimi, bir çox insanın yanında oldum/olmağa davam edirəm və bunları təmənnasız bir şəkildə olur. Mənim yanında olduğum insanlardan heç bir gözləntim yoxdur. Günün sonunda mən tək qalsam mənim yanımda olmaya da bilər. Məni heç incitməz. Amma içtə ki o duyğu var ha. Bax ona qarşı gələ bilmirəm artıq. Bura qədər söhbəti bu qədər uzatmağımın səbəbidə mövzunu tam anlada bilmək idi. insanlar bəzən başqa insanları bir ağac budağı kimi işlədə bilirlər. Yıxıldığı an o budağa tutunub ayağa qalxır sonra isə o budağı orda buraxmaq yerinə onu qırıb başqa ağacdan meyvə düşürür. bu da yetmir, onunla torpaq qazıb qurd çıxardıqdan sonra budağa sarmaşıq bağlayıb qarmağa çevirir və balıq tutur. Günün sonunda da onu yandırıb isinməyə çalışır. insanlar çox eqoistdir. Bəli, deyəsən yuxarıda ağlıma gəlməyən ad, fikirlərimi açıqca dilə gətirdikdən sonra özlüyündən ortaya çıxdı.
Eqoist!
insanlar eqoist və doyumsuzdur. Ruhunu sömürdükcə sömürür və bundan heç bir şəkildə rahatsız olmurlar. Mən hələ də insanlara qarşı yaxşı olmağa çalışıram amma hələ də bir budaqdan daha çoxu ola bilməmişəm. O budaqların bir gün tomurcuqlanması diləyi ilə...
Yeniliklərə qapalı, hər əlinə mikrofon alanın özünə “repçi” dediyi bir kütləsi və ölkənin sahib olduğuna bənzər bir monarxiya sistemi olan musiqi sektoru. Belə ki, bir neçə label xarici üzdə olan çox az standart üstü repçi var. Yeni nəsil üçün isə vəziyyət tamamilə bərbaddır. Yeni nəsil (newschool) repçilər Mainstream olan label'lara girmək dərdində olduqları üçün o label'ların paylaşdığı tərzdə tracklər hazırlayırlar. Bu da gətirib ona çıxardır ki, Azərbaycandaki rap musiqisi sadəcə eyni tərz musiqilərin olduğu və dinləndiyi bir sektora çevrilir.
AzRap-in gözümdə nə qədər bərbad vəziyyətdə olduğunu tək cümlə ilə açıqlamaq məcburiyyətində qalsa idim, deyərdim ki: “Global musiqi sektoruna çıxmağı türkiyədə dinlənmək sayan bir neçə repçinin əlində oynatdığı bir sektor/toplum”
ich habe heute ein paar Türken im u-bahn gesehen. Sie sprachen über Wahlen und so weiter und sagten, dass Erdogan der beste Präsident für die Türkei und er keine Alternative gäbe. ich verstehe nicht, warum Menschen für ein Land, in dem sie nicht gelebt haben, eine Zukunft aufbauen können (im Guten oder Schlechten, scheiß drauf). ich finde das tatsächlich doof. Mittlerweile sind die meisten Türken in Deutschland Erdogan/AKP-Wähler.
21.08.2022
O qədər Çox musiqi planlarım var ki, sözlük. O dərəcə ki, azərbaycan musiqisini globala belə çıxarda biləcək planlar. Əksiklər isə maddi və mənəvi dəstəklərdi. Heç kəsdən bir şey istəyə bilmirəm. istəmirəm. Üzüm gəlmir. Əlimdə olanlarla yetinməyə çalışıram. lakin o da çətindi e bilirsən? Bir komputer bir də içində olan bir neçə musiqi proqramlarından başqa əlimdə heç nə yoxdu. Onlarla da hara qədər bilmirəm. Güman edirəm ki, bir gün yetərsizliklərdən dolayı bu işdən soyumaram. Çünki bu mənim ən sevdiyim, saatlarımı versəm belə sıxılmadığım və ən əsası ən yaxşı bacardığım işdir axı.
12.11.1955-ci ildə Qərbi Almaniyada qurulmuş alman ordunun adı. Çalışmaq / əsgər olmaq üçün alman vətəndaşı olmanız şərtdir və “bundesvea” olaraq tələffüz edilir.
Hələ bunun BND*
Bundesnachrichtendienst
(almaniya kəşfiyyat orqanı) versiyası var. Xəyalım orda çalışmaqdı...
Bundeswehr almanlar arasında bir işə yaramayan yada çox milliyyətçi insanların olduğu bir yer kimi tanınır. Son vəziyyətə görə:
Əsas xidmət: əsgər, 2 il xidmət = ayda 2,241,94 avro.
Əsas xidmət, əsgər, 11 il xidmət = ayda 2,368,58 avro.
Əsas xidmət, korporativ, 5 il xidmət = ayda 2,480,11 avro.
Orta xidmət, baş serjant, 2 il xidmət = ayda 2,481,41 avro.
Almaniyada minimum əmək haqqı 1,500 avro olduğunu nəzərə alsaq, bir çox insanın Bundeswehr‘da niyə çalışmaq istədiyini anlamaq olar.
son çıxan çirkin albomunu indi dinləyib bitirdim. Albom çıxmadan əvvəl bir çox musiqiçidən... "Bu albom boom edəcək", "çox mükəmməl bir şey gəlir" deyə şərhlər eşitdim. Albomu başdan sona dinləyib bitirən biri olaraq deyə bilərəm ki, paster həqiqətən də azərbaycan hip-hop musiqi janrına çox töhvə verir. Sadəcə iş orasındadır ki, bu albomda olan "yeni" növ parçalar xaricdə 5-10 il əvvəl edilirdi. Azərbaycan musiqisinin yeniliklərə qapalı olması onu təkminləşdirməkdən də uzaq qoyur. Bu səbəbdən mənim skorbordumda 6/10 alan bu albom böyük ehtimalla azərbaycanda boom yaradacaq. Bol şanslar diləyirəm. Gözləyək görək!
Əgər Kafka ilə ortaq bir zaman tapa bilsək, onun möhtəşəm gitarası və mənim mixim ilə yeni bir parça çıxartmaq istəyirik. Hələlik bura demonu qoyuram, bitdikdən sonra xəbər edərəm.
Xoş dinləmələr-*
Hal hazırda tapılması bir az çətin olan insan stereotipi olsa da, yazım özüm üçün qalsın.
Hər şeydən öncə anlayışlı olsun. Həm insani cəhətdən həm də humor cəhətdən. Çox insani (humanist) də olmasın çox şit də. Hər şeyin yerini bilən biri sadəcə.
Oxusun, bilgili olsun. Herbokolok da olmasın amma öz sevdiyi şeylər barəsində nerd olsun.
Qara rəngi sevsin. Mən qara geyinərkən yanımda göyqurşağı kimi qalmasın lol
Kare saç olsun. Ölürəm də kare saçı olan qızlar üçün. Çox yaraşan bir tərzdi.
Az da olsa yemək pişirə bilsin. Nə də olsa bacarıq istəyən bir şeydi.
Heyvanlarla arası yaxşı olsun. Özəlliklə də pişiklərlə.
Filmlər və musiqi haqqında danışa biləcəyim biri olsun. Klassik musiqi, jazz, soul yada Stanley Kubrick, Cristopher Nolan. Nə də olsa “Genel kültür gardeş!”
Salam günlük. Yenə pis gün dostu olaraq sən yanımdasan. Bu bir həftə içində başıma gəlməyən qalmadı. Hər günə pozitiv başlamağa çalışıb hər gün sonunda özümü balkonda siqaretlə tutmaqdan sıxıldığım üçün yazıram. Hər şeyin bu qədər pis, bu qədər ədalətsizcəsinə olmasına yanıram. Mən özümə gözəl bir həyat inşa etmək üçün nifrət etdiyim işdə günümün yarısını keçirərkən, bu iş mənim qarantiyamdı deyib "dişimlə-dırnağımla" çabalarkən, ətrafımda heç bir şey etmədən bəzi kiçik səbəblərə görə yaxşı yaşayan insanları gördükcə bezirəm. Bu gün məhkəmədən kağız gəldi və azərbaycan hökümətinin geri deportasiyamı tələb etdiyini öyrəndim. Və qəbul edilmə ehtimalı da oluqca yüksək görünür. Heç nəyə yox, sadəcə burda keçirdiyim 6 il ərzində yaşadığım travmatik dərəcəyə qədər gedən problemlərə heyfislənirəm. Bəlkə belə bitməyəcək. Mən yenə əlimdən nə gəlirsə edəcəm, yenə günümün tamamını dokumentlərimi ordan-bura, burdan-ora daşımağa davam edəcəm. Amma günün sonunda qalib mən olacam. Buna inancım tamdı. Lakin dünyanın g*t deşiyi olan qambiyadan yada müharibə var deyə bura gəlib 2 ay içində iqamətgah icazəsi alan ukraynalıları gördükcə öz həyatıma nifrət edirəm. Bəlkə də bu yaşda yaşadığım çətinliklər gələcəyim üçün daha güclü bir təməl atmağıma kömək olur amma mən bu yaşda bunları yaşamaq və yada ki, düşünmək istəməzdim.
Nəysə sözlük, dinlədiyin üçün yenə təşəkkür edirəm. Növbəti görüşədək!
Salam günlük, necəsən?
Mən o qədər də yaxşı deyiləm. Son dönəmlərdə iş arxasınca qaçmağdan ayağlarıma su torbaları yığılmağa başlayıb. Bir tək Yorğunluq və yuxusuzluq hələ də tərk etməyib məni!
Bu gün bu qədər problem arasında, yenə xoş olmayan bir xəbər aldım. Dünəndən etibarən həm xəstəliyin həm də allergiyanın verdiyi öskürək bütün günümü bərbad edir. Dünən axşam discord'da bayerlik və qaçaraddımdanenənanənanla danışarkən öskürəyim zirvəni oynayırdı. O qədər də önəmsəməyib, “xəstəlikdəndi, keçər„ deyib yatdım. Bu gün Sabah oyananda öskürəyin keçmədiyini, əksinə daha da şiddətləndiyini hiss elədim. Həmən saata baxdım və oyanacağım saatdan 1 saat daha tez oyandığımı gördüm. Anladım ki, öskürəkdəndi. iş yerinə həkimə getməyə qərar verdim. Saat 8də həkimə çatdım və xoş xəbər. Həkim allergik astma olduğumu dedi. Yenə başladıq dərmanlara. Yenə səy-səy fısfıs dərmanlar zad zud. Görəy nə vaxta qədər davam edəcək. Nəysə sözlük, yuxum gəlir. Sabah tezdən oyanmalıyam.
Gecən xeyrə!
)
