Son yazılanlar
aydın süleymanlı
sözlük yazarlarının uşaql
GoPro şirkətinə rəqib olaraq çıxdı, artıq demək olar ki, məhsulların keyfiyyətinə görə, innovasiyaya görə GoPro-nu keçib. 2015-ci ildə qurulan Çin şirkətidi. Ən məşhur məhsulları insta360 X3, insta360 RS, və GO seriyasıdı. Bu gün insta360 GO 3 "action camera"sını aldım. Barmaq boyda kameradı. Su keçirtmir. Velosiped sürəndə, üzəndə, kayakingdə, hikingdə istifadə etməyi düşünürəm. Normal vlog da çəkmək olur.
google pixel 7 işlədirəm. Telefondan ümumiyyətlə məmnunam. Möhtəşəm kamerası var, həm şəkil, həm də videolar yaxşı çıxır. Android OS Google şirkətinə məxsus olduğu üçün, ilk yeniliklər pixelə gəlir. Ən "smooth" işlədiyi telefon Pixeldi. Lakin bəyənmədiyim tərəfləri də var. batareya ömrü aşağıdı, 1 günü rahat keçirtmir. Bəzən günün ortasında 2-ci dəfə şarj edirəm. Ekran parlaqlığı çox aşağıdı, çöldə günəşli bir mühitdə telefonun ekranın görmək olmur. Başqa 1-2 cüzi şeylər daha var amma ən çox narahat edənlər bunlardı. Əskikləri var dediyimə baxmayın. Bu qiymətə bu telefon möhtəşəmdi. Həqiqətən, qiymətinə görə çox yaxşıdı. (macarıstandan almışam, manata çevirsək 1000 manata idi alanda)
"Momentum 4" adlı naqilsiz qulaqlıqı istifadə edirəm. Aldığım ən yaxşı texnoloji alət ola bilər, maraqlanan varsa məsləhət görürəm. Səs keyfiyyəti çox yuxarıdı, ətrafdakı səs-küyü ləğv etmə funksiyası var, və mənim üçün ən önəmlisi - 1 dəfə zaryatkaya qoymaqla 60 saata yaxın istifadə etmək olur. amazon.de-dən almışdım
1. 6600 kilo ətli bilinçik
2. 5400 litr pivə
3. Bir ədəd günəş enerjisi ilə işləyən soyuducu
Qısaca desək, fitness dünyasının instagramıdı. Qaçmaq, velosiped sürmək, dırmaşmaq, üzmək, və s. bunlardan biri ilə belə məşğul olursunuzsa, strava proqramında bunları qeyd edib, öz statistikanızı yaradıb, həm də dostlarınızın nə etdiyini və s. görə bilərsiz. Mən Mayın 25-i velosiped aldım, o gündən bəridir ki, aktiv istifadə edirəm. Hər dəfə velosiped sürəndə proqramı açıram, getdiyim yolu, ortalama sürətimi, keçən vaxtı və başqa bir çox şeyi göstərir. Artıq 300 km sürmüşəm. Məsləhət görürəm, insanı aktiv, sağlam həyat tərzinə təşviq edir, motivasiya artırır.
ən çox istifadə etdiyim saytlardan biridi, oxuduğum üniversitetdən qat-qat daha üstümdə əməyi olan, vəfa borcum olan saytdı. Bilik pulsuz və hamıya açıq olmalıdır. Düzün desəm başlığı görəndə avtomatik - aa yəqin mən açmışam hər halda - dedim, amma mən deyilmişəm təəssüf. Bu arada, sayt təzədən bərpa edildi. FBI tərəfindən bağladılsa da, klon olub başqa domainlər ilə çıxa bilirlər. indiki versiyada, hər kəsin öz şəxsi URL-u olur. Səhv anlamamışamsa, sırf mənə təyin olunan bir URL adresi ilə daxil oluram, və bu URL-i paylaşmamağı tövsiyə edirlər. Əvvəlki qədər kitab yoxdur deyəsən, çünki əskikliyi hiss edirəm, amma dolduracaqlar hər halda. Burda modetor kimi işləyən insanlara, biliyi hər kəsə açıq hala gətirənlərə bütün dünya borcludu. Mənim gözümdə çox ali şərəfli bir iş görürlər. Xahiş edirəm, bəs müəllif hüquqları və s. deməyin. O mövzudakı bir çox argümentlərdə sizin kimi düşünmürəm.
Siyasi görüşünüzü test edən bir saytdı. 14 fərqli dildə testi tamamlamaq olur, Türkcə də var. Təxminən 60-70 sual var. Suallar olduqca maraqlıdı. iqtisadiyyatla bağlı suallar var, adət-ənənə, təhsil, insan haqqları, dövlət anlayışı, və s. Kompüterimdə sırf bu test ilə bağlı fayl var, çalışıram ki hər il testi təkrarlayım və nəticələri müqayisə edim. 5 ildir ki, edirəm. ilk nəticəmdən bu yana 5 il ərzindəki hər testin nəticəsində siyasi kompasdakı mövqeyim az-az olsa da sola doğru gedib. Keçən il "Mandelaism" siyasi görüşünə yaxın çıxmışdı nəticələrim. Bu il də "Apoism" haha. Başqa bir deyişlə, Kürt Kommunalizmi və ya Demokratik Konfederalizm. Görək gələn il hansı terrorist olacam.
if it ain't broke, don't fix it - yəni ki, bir şey xarab olmayıbsa, əl vurma. Deməli işləyir. Əsasən amerikan cəmiyyətini yansıdan fəlsəfədi ))
Şahmatda ağ fiqurlar ilə açılış sistemi.
Keçən həftə həyatımda ilk dəfə rəsmi olaraq şahmat turniri oynadım. 5 rounddan ibarət turnir idi, yəni 5 oyun. Bəxtim zəif gətirdi, 3 qaralar və 2 ağlar başladım. (3 ağ, 2 qara da olmaq olardı). Ağlar ilə oynadığım 2 oyunda da qalib gəldim. Hər iki oyunda da London System oynadım. Çox bəsit, çox rahat, çox effektli açılışdı. e5 xanasına nəzarət önəmlidi ağlar üçün, qaraların ora fiqur gəlməsinin qarşısını almaq lazımdı, ya da gecikdirmək. Ora adətən atınızı qoya bilərsiz. Fili də olar. Ağlar şah cinahından hücum edir adətən, qaralar da vəzir cinahından. Çox sıxıcı oyunlar da çıxa bilər, çox manyak hücumlar da.
Ağların gedişləri adətən əzbərdi, bu gedişləri oynayırsız çox vaxt rəqibin nə oynadığının fərqi olmadan - d4, Fil f4, e3, At f3, c3, At b-dəki d2, Fil d3, Qala Qurma.
Yapon anime. Əsas oğlanımız ölür (spoiler deyil, ilk bölüm belə başlayır) və sehir dolu başqa dünyada reinkarnasiya olur. Anime onun macəralarından ibarətdir.
Azərbaycanlı şahmatçı.
Yeniyetmələr arasında dünya və ikiqat Avropa çempionu. "Aeroflot open 2020" turnirinin qalibi. Elo reytingi 2600-a yaxındır.
Budapeştə gələndə yazdım, görüşdük. London System üçün bir iki idea aldım.
https://i.imgur.com/xEvuuMF.jpg
Macarıstan hökümətinin xarici tələbələri ölkəyə cəlb etmək üçün başlatdığı təqaüd proqramı. Azərbaycan və Macarıstan arasındakı müqaviləyə görə hər il 200 nəfər Azərbaycanlı tələbə Macarıstana gedir. Əsasən hər ilin Noyabr ayında açılır təqaüd və Yanvarın axrı bitir. Proses belədir:
1. https://apply.stipendiumhungaricum.hu/ - saytından qeydiyyatdan keçirsiz
2. Tərcih etdiyiniz 2 üniversitet və 2 ixtisası (eyni üniversitetdən 2 ixtisas da ola bilər) saytda seçirsiz. Məsələn: 1. ELTE International Relations 2. Corvinus Marketing. Sayta tələb olunan sənədləri yükləyirsiz (diplom, transkript, şəkil, passport, və s.)
3. https://app.htp.edu.az/ - bu saytdan da qeydiyyatdan keçib eyni şeyləri bura da yükləyirsiz.
4. təhsil nazirliyindən müsahibəyə dəvət üçün email alırsız
5. müsahibəyə girirsiz və sonradan nəticəni gözləyirsiz
6. əgər pozitiv nəticə alsanız, bu halda tərcih etdiyiniz üniversitet(lər)dən qəbul imtahanı barədə email alırsız. Aprel və May ayı ərzində baş verir bu proses. qəbul imtahanı müsahibə də ola bilər, açıq suallardan ibarət imtahan, və ya test kimi bir şey. Üniversitetdən və proqramdan asılıdır. Çox batırmadığınız halda bu imtahanları keçmək çətin deyil. Məsələn, Corvinusda keçid 50% idi imtahandan. Təbii ki, nə qədər yuxarı bal alsanız, o qədər yaxşıdı.
7. Üniversitetdən qəbul alırsız. Lakin, proses bitməyib. indi də oturub Tempus Public Foundation-ın yekun cavabını gözləyirsiz təqaüd barədə. Bu da 1 iyul çıxır təxmini.
8. Letter of Award alırsız və geriyə sadəcə vizaya müraciət etmək qalır. Yataqxanalara da müraciət etməyi unutmayın.
Yadımdan çıxan nəsə vacib bir şey olsa aşağıya əlavə edəcəm.
Apple şirkətinin iyun-iyul aylarından satışa çıxardığı yeni noutbuklar. Macbook Air-in amerikadakı qiyməti 1200 dollar, macbook pro-nun isə 1300 dollardır. Azərbaycanda yəqin ki absurd qiymət 3000 manat falan olar, tam bilmirəm. M1 chipi ilə Apple məhsulları 2020-ci ildə bazara çıxmışdı. Demək olar ki, gamechanger, yəni oyunu dəyişdirən bir chip oldu. Çox güclüdür. M2 isə məni qane etmədi. CPU performansı olaraq M1-dən 18% faiz üstündür, GPU performansı olaraq isə 35%. Məncə M1 macbook-u olanların yeni macbook almağına heç bir səbəb yoxdur. M1 macbooklar onsuz da ehtiyac olanı artıqlamasıyla ödəyir.
8 şahmatçının iştirakı ilə keçirilən namizədlər turniri. ispaniyada keçirilir. qalib gələn şahmatçı rus Ian Nepomniachtchi oldu. Tarixin ən güclü candidates performansı ilə yadda qaldı. 14 oyunda 9.5 xal qazandı. 5 oyunda qalib gəldi, 9 dəfə heç-heçə qaldı və heç məğlub olmadı. Azərbaycanlı Teymur Rəcəbov da çox yaxşı turnir keçirdi, xüsusilə turnirin ikinci yarısında 7 oyundan 3-ündə qələbə qazandı, 7.5 xal ilə turniri 3-cü bitirdi, Hikaru Nakamura ilə birlikdə. Turnirin ikinci yarısında möhtəşəm oynayan digər şəxs isə Ding Liren idi, ən arxalardan 2-ci yerə qədər gəlib çıxa bildi son 6 oyundan 4-ünü udaraq.
Ian Nepomniachtchi bir əvvəlki namizədlərin qalibidir. Dünya Çempionatında Magnus Carlsen ilə oynamışdı və məğlub olmuşdu. ikinci dəfə Dünya çempionatında rəqib olacaqlar. Magnus Carlsenin titulunu müdafiə edib-etməyəcəyi hələ dəqiq deyil, qərar verməyib. 4-5 ay qərar vermişdi ki, sadəcə Alireza Firouzja namizədləri udsa, onda çempionatda oynayacaq. Amma bəlkə də pul mükafatın qaldırmaq üçün, drama yaradıb şahmatı populyarlaşdırmaq üçün bluff edir. Özü hardasa professional poker oyunçusudu. Mən təbii ki oynayacağını düşünürəm.
QS reytingində dünyada 49-cu ən yaxşı üniversitetdir. QS reytinginə görə Almaniyada nömrə 1, avropada ittifaqı ölkələri arasında isə nömrə 2 üniversitetdir. Adından görüldüyü kimi, texniki üniversitetdir. Texnologiya, innovasiya, Sənayə, Mühəndislik, Kompüter Elmləri və s. sahəsində olduqca güclü üniversitetdir, hətta bu kategoriyalarda dünyanın ən yaxşı 5-10 üniversitetdən biridir. Qəbul olmağı Harvard qədər çətin deyil, amma məzun olmaq üzrə dünyadakı ən çətin üniversitetdən biridir. Bütün tələbələrin 35%-i, yəni hər 3 tələbədən 1-i ümumiyyətlə üniversiteti yarıda buraxır, atır. Xüsusilə mühəndislik proqramlarına baxanda faiz 60%-ə yaxındır. ixtisasa başlayanda 1-ci il ərzində mütləq keçməli olduğunuz dərslər olur. O dərsləri keçməsəz üniversitetdən kənarlaşdırılırsız. Olduğu Munich şəhəri möhtəşəm şəhərdir. QS Best Student Cities siyahısına görə London-dan sonra tələbə üçün ən yaxşı 2-ci şəhərdir. Munichdə hələlik uzaqdan gördüyüm qədəriylə iş imkanları da boldur. Linkedindən baxanda bir xeyli iş elanı görürəm. ingilis dilində işlər də digər şəhərlərə baxanda çoxdur. Şəhərdə bir çox şirkətin binaları var. BMW, Allianz, Siemens, Audi, və s.
Master in Science and Technology Studies (STS) ixtisası üzrə qəbul aldım. Bu 2022 Oktyabr getməyəcəm çünki Budapeştdə qalıb işləmək istəyirəm, qəbulumu 2023 Oktyabra ertələyib, sonra gedəcəm Munich şəhərinə.
2022 tarixi etibariylə ala biləcəyiniz ən güclü laptop. "Güc" üzərinə hər hansısa bir statistikada, aparılan testlərdə, benchmark skorlarında üstünə çıxan laptop yoxdu.
CPU - 12th Gen. Intel® Core i9 12900HK
GPU - NVIDIA® GeForce RTX 3080 Ti
Ən sevdiyim talk show. Youtube üzərindən hər həftə 4-cü gün yayınlanır. Cem işçiler və Fazlı Polat proqramın aparıcılarıdır. Komediya üzərinə qurulan proqramda izləyicilər ilə interaktiv şəkildə söhbətlər gedir və bunun üzərinə zarafatlar edilir. Proqramın ortalama müddəti 45 dəqiqə civarındadı. Əvvəl yeməyi hazırlayırsız, sonra açırsız Çimen.
iqtisadiyyat, Biznes, Menecment və s. təhsili üçün Macarıstanın ən reytingli üniversiteti. 1920-ci ildə əsası qoyulub, hal-hazırda 10 minə yaxın tələbə təhsil alır. Məzunlarından çoxu Macarıstanda yüksək vəzifələrdə yer alıb və hal-hazırda Macarıstan Prezidenti və Macarıstan Xarici işlər Naziri Corvinus məzunudur. Budapeştin ən mənzərəli üniversiteti sayıla bilər, üniversitetin qarşısında gözəl arxitektura ilə yaşıl rəngli Liberty Bridge diqqət çəkir. Azərbaycanlı tələbələrin ən sıx seçdiyi üniversitetlərdən biridir. Stipendium Hungaricum təqaüdü çərçivəsində mən də Master of Science in Marketing ixtisası üzrə qəbul aldım bu gün.
Qazaxıstan Prezidenti tərəfindən Rusiya başda olmaqla Ermənistan, Belarus, və s. ex-sovet ölkələrindən "sülhməramlılar" dəvət olunub. Öz vətəndaşlarını Rus əsgərinə qırdıracaq. 20 Yanvara da bir şey qalmayıb onsuz, 2 həftə qalıb.
Universal Əsas Gəlir - təəssüf ki, belə tərcümə etməli olduğumuz bir ideadır. Hər yetişkin vətəndaşın dövlət programı tərəfində mütəmadi olaraq gəlir əldə etməsidir. Bu gəlir vasitəsilə insanlar əsas ehtiyaclarını (sığınacaq, yemək, geyim, və s.) qarşılayırlar. Arxasındakı idea yoxsulluğu aşağı çəkmək və digər sosial yardımları əvəz etməkdir. Universal Əsas Gəlir - heç bir şərt olmadan hər kəsə şamil edilir. Bunun üçün işləmək və ya başqa bir məcburiyyət yoxdur. "Mövcudiyyət haqqı" olaraq adlandırıram mən bunu. Hər insanın şərəfli bir şəkildə yaşamağa, ən azından gündə 2 dəfə qarnını doyurmağa, qışda üşüməyəcək bir əlcək almağa haqqı var və dövlət bunu təmin etməlidir. Haqqında 40 səhifə thesis yazmışam, istəyənlərə ata bilərəm.
Son bəyənilənlər
