Dayan, umbay!

stipendium hungaricum

Macarıstan hökümətinin xarici tələbələri ölkəyə cəlb etmək üçün başlatdığı təqaüd proqramı. Azərbaycan və Macarıstan arasındakı müqaviləyə görə hər il 200 nəfər Azərbaycanlı tələbə Macarıstana gedir. Əsasən hər ilin Noyabr ayında açılır təqaüd və Yanvarın axrı bitir. Proses belədir:
1. https://apply.stipendiumhungaricum.hu/ - saytından qeydiyyatdan keçirsiz
2. Tərcih etdiyiniz 2 üniversitet və 2 ixtisası (eyni üniversitetdən 2 ixtisas da ola bilər) saytda seçirsiz. Məsələn: 1. ELTE International Relations 2. Corvinus Marketing. Sayta tələb olunan sənədləri yükləyirsiz (diplom, transkript, şəkil, passport, və s.)
3. https://app.htp.edu.az/ - bu saytdan da qeydiyyatdan keçib eyni şeyləri bura da yükləyirsiz.
4. təhsil nazirliyindən müsahibəyə dəvət üçün email alırsız
5. müsahibəyə girirsiz və sonradan nəticəni gözləyirsiz
6. əgər pozitiv nəticə alsanız, bu halda tərcih etdiyiniz üniversitet(lər)dən qəbul imtahanı barədə email alırsız. Aprel və May ayı ərzində baş verir bu proses. qəbul imtahanı müsahibə də ola bilər, açıq suallardan ibarət imtahan, və ya test kimi bir şey. Üniversitetdən və proqramdan asılıdır. Çox batırmadığınız halda bu imtahanları keçmək çətin deyil. Məsələn, Corvinusda keçid 50% idi imtahandan. Təbii ki, nə qədər yuxarı bal alsanız, o qədər yaxşıdı.
7. Üniversitetdən qəbul alırsız. Lakin, proses bitməyib. indi də oturub Tempus Public Foundation-ın yekun cavabını gözləyirsiz təqaüd barədə. Bu da 1 iyul çıxır təxmini.
8. Letter of Award alırsız və geriyə sadəcə vizaya müraciət etmək qalır. Yataqxanalara da müraciət etməyi unutmayın.

Yadımdan çıxan nəsə vacib bir şey olsa aşağıya əlavə edəcəm.

2022 fide namizədlər turniri

8 şahmatçının iştirakı ilə keçirilən namizədlər turniri. ispaniyada keçirilir. qalib gələn şahmatçı rus Ian Nepomniachtchi oldu. Tarixin ən güclü candidates performansı ilə yadda qaldı. 14 oyunda 9.5 xal qazandı. 5 oyunda qalib gəldi, 9 dəfə heç-heçə qaldı və heç məğlub olmadı. Azərbaycanlı Teymur Rəcəbov da çox yaxşı turnir keçirdi, xüsusilə turnirin ikinci yarısında 7 oyundan 3-ündə qələbə qazandı, 7.5 xal ilə turniri 3-cü bitirdi, Hikaru Nakamura ilə birlikdə. Turnirin ikinci yarısında möhtəşəm oynayan digər şəxs isə Ding Liren idi, ən arxalardan 2-ci yerə qədər gəlib çıxa bildi son 6 oyundan 4-ünü udaraq.

Ian Nepomniachtchi bir əvvəlki namizədlərin qalibidir. Dünya Çempionatında Magnus Carlsen ilə oynamışdı və məğlub olmuşdu. ikinci dəfə Dünya çempionatında rəqib olacaqlar. Magnus Carlsenin titulunu müdafiə edib-etməyəcəyi hələ dəqiq deyil, qərar verməyib. 4-5 ay qərar vermişdi ki, sadəcə Alireza Firouzja namizədləri udsa, onda çempionatda oynayacaq. Amma bəlkə də pul mükafatın qaldırmaq üçün, drama yaradıb şahmatı populyarlaşdırmaq üçün bluff edir. Özü hardasa professional poker oyunçusudu. Mən təbii ki oynayacağını düşünürəm.

technical university of munich

QS reytingində dünyada 49-cu ən yaxşı üniversitetdir. QS reytinginə görə Almaniyada nömrə 1, avropada ittifaqı ölkələri arasında isə nömrə 2 üniversitetdir. Adından görüldüyü kimi, texniki üniversitetdir. Texnologiya, innovasiya, Sənayə, Mühəndislik, Kompüter Elmləri və s. sahəsində olduqca güclü üniversitetdir, hətta bu kategoriyalarda dünyanın ən yaxşı 5-10 üniversitetdən biridir. Qəbul olmağı Harvard qədər çətin deyil, amma məzun olmaq üzrə dünyadakı ən çətin üniversitetdən biridir. Bütün tələbələrin 35%-i, yəni hər 3 tələbədən 1-i ümumiyyətlə üniversiteti yarıda buraxır, atır. Xüsusilə mühəndislik proqramlarına baxanda faiz 60%-ə yaxındır. ixtisasa başlayanda 1-ci il ərzində mütləq keçməli olduğunuz dərslər olur. O dərsləri keçməsəz üniversitetdən kənarlaşdırılırsız. Olduğu Munich şəhəri möhtəşəm şəhərdir. QS Best Student Cities siyahısına görə London-dan sonra tələbə üçün ən yaxşı 2-ci şəhərdir. Munichdə hələlik uzaqdan gördüyüm qədəriylə iş imkanları da boldur. Linkedindən baxanda bir xeyli iş elanı görürəm. ingilis dilində işlər də digər şəhərlərə baxanda çoxdur. Şəhərdə bir çox şirkətin binaları var. BMW, Allianz, Siemens, Audi, və s.

Master in Science and Technology Studies (STS) ixtisası üzrə qəbul aldım. Bu 2022 Oktyabr getməyəcəm çünki Budapeştdə qalıb işləmək istəyirəm, qəbulumu 2023 Oktyabra ertələyib, sonra gedəcəm Munich şəhərinə.

universal basic income

Universal Əsas Gəlir - təəssüf ki, belə tərcümə etməli olduğumuz bir ideadır. Hər yetişkin vətəndaşın dövlət programı tərəfində mütəmadi olaraq gəlir əldə etməsidir. Bu gəlir vasitəsilə insanlar əsas ehtiyaclarını (sığınacaq, yemək, geyim, və s.) qarşılayırlar. Arxasındakı idea yoxsulluğu aşağı çəkmək və digər sosial yardımları əvəz etməkdir. Universal Əsas Gəlir - heç bir şərt olmadan hər kəsə şamil edilir. Bunun üçün işləmək və ya başqa bir məcburiyyət yoxdur. "Mövcudiyyət haqqı" olaraq adlandırıram mən bunu. Hər insanın şərəfli bir şəkildə yaşamağa, ən azından gündə 2 dəfə qarnını doyurmağa, qışda üşüməyəcək bir əlcək almağa haqqı var və dövlət bunu təmin etməlidir. Haqqında 40 səhifə thesis yazmışam, istəyənlərə ata bilərəm.

21-ci əsrdə hələ də dövlətlərin var olması

"21-ci əsrdə hələ də" ifadəsi mənə düzün desəm bir az gülünc görünür. 21-ci əsr heç nədir. Doğulduğumuz, yaşadığımız əsri bir az üstün, tamamlanmış, "artıq olduq!" deyə görmək başa düşüləndir, lakin gələcəkdə yaşanacaq yüz minlərlə illəri nəzərə alanda, biz hələ hekayənin çox başındayıq. Gələcəkdəki insanların azıx adamlarıyıq. Yazılanlara qatılıram, dövlət varsa, deməli "21-ci əsrdə hələ də" demək lazım deyil, "hələ də" sözünü haqq edəcək qədər inkişaf etməmişik. Ona görə dövlətin olması da normaldır.

alireza firouzja

2003-cü ildə iranda, Babol şəhərində doğulub. Hal-hazırda Elo reyting sıralamasına görə Magnus Carlsenin ardınca dünyanın ən güclü 2-ci şahmatçısıdır. 2800 Elo reytingi keçən ən gənc şahmatçıdır. Bir çoxlarına görə gələcəyin dünya çempionu olaraq qəbul edilir. 2019-cu ildə iran Şahmat Federasiyasından ayrılıb Fransa Şahmat Federasiyasına keçid etdi. Səbəblər çoxdu, iranın dəstək göstərməməsi, gülünc siyasi məsələləri idmana aid etməsi (məsələn: iranlı şahmatçılara israilli şahmatçılarla oyuna çıxmaq qadağan edilmişdir. Oyuna çıxmadıqları üçün xal, reyting, nəticədə də pul itirirlər)

baden-württemberg

Almaniyanın 16 ştatından biridir. Almaniyada master təhsili üzrə maraqlanıram bu günlərdə və anladığım qədəriylə sadəcə bu ştatda təhsil ödənişlidi non-EU vətəndaşları üçün. Stuttgart, Karlsruhe, Mannheim, Freiburg, Heidelberg və s. bu ştatın böyük şəhərləridir.