baxışları ilə təcavüz edən insan

Bu tip “insanlar” tez-tez qarşıma çıxır.
Bugün də onlardan biri mənə musallat oldu. Yay mövsümündəyik, istidir şortik geyinmişdim normal olaraq. Supermarketdə idim, yaxşı ki mama da yanımdaydı. Şokolad bölməsinə tərəf gedirdik, həmin an orta yaşlı (hardasa 38-42 yaşlarında) bir “kişi” həmin bölmədən çıxıb, uzaqlaşırdı.
Məni gördü baxdı-baxdı, həmin bölmədən çıxmağına baxmayaraq yenidən qayıtdı gəldi. Baxışlarını üzərimdə hiss edirdim. Bacardığım qədər baxmamağa çalışırdım. Gəlib düz mənim arxamdan keçirdi, bilmirəm məqsədi nə idi, daha yaxından incəliyirdi ya nə. Tam arxamdan keçəndə qulağıma da nəsə pıçıldadı, uş dedi nə dedi anlamadım. Çox tədirgin olmuşdum artıq. Supermarketin içində abartmıram 8-9 dəfə boş-boşuna gəlib yanımdan keçirdi. Mən də o saat gedib mamanın yanında dururdum qorxumdan. Mənə sadəcə çatmır da bu insanlar niyə yaşayır ? Yaşından başından utanmır ? Atam yaşda olacaq adamdı, hərəkətinə bax. Çox cındır hiss idi onu bilirəm ki, hiss edirsən ki baxır da sənə, əlacı olsa tutub zorluyar da, amma baxıb iyrənc fikirlərini beynində qurmaqla yetinir.
Bu insanlar hər yerdədir. Və fərqi yoxdur onlar üçün sən nə geyinmisən, əgər radarlarına düşdünsə fso. Bir neçə ay əvvəl 20 yanvarda da belə bir hadisə başıma gəlmişdi. Göbəyi açıq kofta geyinmişdim üstündən də dəri kurtka ki çox bilinməsin. Avtobus gözlüyürdüm dayanacaqda. Qaqaşın birinin radarına düşdüm. Gəlib durdu düz arxamda. Dayanacaq olduğu üçün çox da qəribsəmədim. Sonra gördüm ki aa nə dayanacaq ? Bu mənim arxama düşüb. Hansı tərəfə gedirəmsə gəlib düz dibimdə dayanır. Qorxdum gedib xalaların yanında durdum. Dərd bürüdü ki məni birdən mən mindiyim avtobusa minsə nolacaq. Sonra avtobus gələndə qarışıqlıq düşdü izimi itirdim. Dərin bi oh çəkdim.
Bu tiplərin nəsillərinin kəsiləcəyi günü səbirsizliklə gözləyirəm

flört vs sevgili

Heç biri.
Normal sinəmi gərə-gərə bu oğlan mənim sevgilimdir deyə biləcəyim sevgililik münasibətim olmayıb , deyəsən mən bu həyata ancaq flört üçün gəlmişəm. Hər dəfəsində bu münasibətlərin başını buraxma qərarı alıram , hər dəfəsində də bir oğlan rəğbətimi qazanmağa, həyatımın mərkəzinə girməyə çalışır. Mən bir şey edirəm desəm , yox heçnə etmirəm uzaq durmağa çalışıram çünki bu münasibətlərdən başımın çıxmadığını sonda psixologiyası məhv olanın mən olduğumu bilirəm , amma oğlan dirəşir. Beynimdə "aha, bu digərləri kimi deyil deyəsən" siqnalı yanıb sönməyə başlayır oğlanın bu cəhdlərinin nəticəsində. Normal olaraq bir müddət sonra bağlanıram və münasibəti bir nəzərdən keçirməyə başlayıram. Flörtə ad qoymaq mərhələsinə çatanda oğlanı tok vurur ya nədi bilmirəm. Elə bil bu deyildi məndən əl çəkməyən. Bu yaxınlarda sevgili olacağımızı düşündüyüm bir flörtümün üzümə qarşı qurduğu cümləni sizə təqdim edirəm:
- Ümidlənmirsən ki ?
Necə yəni ? Ümidlənməliyəm ?
- bilmirəm ama sevgi, sevmək falan istəmirəm
bu nedi onda , biz neyniriy burda , beyin error verir
- noldu
heçnə
- kefin qaçdıye ele bil
necə bir reaksiya gözleyirdin ki ?
- nəbilim gərək əvvəlcədən deyərdime.
ahahahahaha məncə də əvvəlcədən deməliydin
Nəysə dialoqun başını buraxın
Sevgi , sevmək istəmirəm deyən adam 2 gün keçməmiş sevgili olub kimləsə , allahhaqqı çox qəddarsız çox.

qusmaq

bu gün 16385929174738 dəfə gerçəkləşdirdiyim akt. Evdə olsa yenə cəhənnəm , çöldə insan həqiqətən çox pis vəziyyətdə qalır. Bu gün səhər vaksinin 2ci dozasını vurdurmaq üçün yola düşdüm. Seher yuxudan durduğumdan bəri ürəyim bulanırdı və qusmağım gəlirdi. Fikir vermədim keçib gedər dedim çünki tələsirdim. Çay içdim geyinib çıxdım evdən. Ayaqnan gedirdim bir də gördüm öyüyürəm. Yol qırağıdı özdə gediş gəliş çox olan yerdi , mənə də zəng gəldi həmin an , telefona cavab vermişəm , qız deyir hardasan gəlmirsən ? Deyirəm diyan qusuram. Deyir nə ? sonra öğk öouğğğgkkkj hüü qusdum kolluq kimi bir yerə. qız da telefondadı aa. Tez ətrafa nəzər saldım ki görən olmadı məni. Tanıyan bilən olsa biyabırçılıqdı da. Nəysə 2 addım o tərəfdə aptek var idi , girdim yaş salfetka aldım. Qusanda saçımı falan batırmışdım. onu təmizlədim. Və sonunda poliklinikaya çatdım , şəxsiyyət vəsiqəmi verib növbəyə yazıldım. Qıznan görüşdüm orda. Dedim bəs özümü yaxşı hiss eləmirəm. Qusa-qusa gəlmişəm. Nəysə orda da pəncərələri açmışdılar skvazniyak idi , mənim yenə ürəyim bulanmağa başladı , oranın işçilərindən ayaqyolunun harda olduğunu soruşdum , çıxdım dedikləri yerə ayaq yolunu tapa bilmədim amma , qusmağım da gəlir öyüyürəm. qapısı açıq olan bir otaq var idi içinde hekimler oturmuşdu öyüyə-öyüyə bir tərəfdən də əlimi ağzıma tuta tuta ayaqyolunun harda olduğunu soruşdum , sağda olduğunu dedilər , baxıram qapının üstündə ayaqyolu olduğuna dair heçnə yazılmayıb , yenidən qayıtdım həmin otağa öyüməyim pik həddədi bu dəyqə qusacam da , başladım ağlamağa ki ayaqyolunu tapa bilmirəm , içərdəkilərdən biri göstərdi ayaqyolunu mənə , ayaqyoluna girdim qusmağım dala qayıtdı tərslikdən. içəridə gözlədim ki birdən gələr yenə. Amma gəlmədi düşdüm aşağı qızın yanına. 5-10 dəq keçməmişdi ki yenə öyüməyə başladım. qaça-qaça getdim ayaqyoluna , ayaqyolunun qapısının düz ağzına çatmışdım ki özümü saxlaya bilməyib qapının qabağına qusdum. Uşaq poliklinası olduğu üçün valideynləri ilə gözləyən balaca uşaqlar canavar görmüşcəsinə mənə baxırdılar. O an bilmədim nə edim o qədər ani oldu ki. Girdim ayaqyoluna lənətə gəlmiş qusmağım yenə dala qayıtmışdı, ürəyimdə dedim sikim içini bu ne yaşayışdı axı. Nəysə çölə çıxdım yaratdığım yerdəki şahəsərə baxırdım. Xadimə gəldi dedi bunu kimin uşağı eləyib. dedim mən eləmişəm çatdıra bilmədim qusdum. Bir qadın da yaxınlaşıb mənə deyir hamiləsiz ? Donub qaldım belə qadının üzünə ifadəsiz baxaraq , mənim 18 yaşım var dedim. Nə əlaqəysə sanki 18 yaşı olanlar hamilə ola bilməz. Ama nəbilim bilmədim o an nə deyim , bir tərəfdən də qusmuşam , qıraqdan keçənlər bir vid fasonuma baxır bir də yerdəki şahəsərimə. Xadimə əlimə pol taxtası verdi ki əsərimi təmizləyim. Nəysə sildim , siləndə xadimə durub baxır deyir sən heç evdə iş görənə oxşamırsan. Heçnə demədim sakit durdum , sildim qurtardım verdim şvabranı xadiməyə. Sonra xadimə dediki o tərəfləri də sil. Ürəyimdə dedimki öz qusmağımı sildim okay , bu indi məni loxluyur ? Nəysə o tərəfləri də sildim verdim əlinə. Mənə dedi ki sənin sildiyin dəysin başıva. Bilmədim necə performans gözləyirdi məndən. Gündə bu işlə məşğul olmuram hər halda. Nəysə düşdüm aşağı. Gördüm gözləyə bilmirəm , zəng elədim mamaya dedim bəs yaxşı deyiləm evə tək qayıda bilməyəcəm. O da başladı o saat "mən sənə dedim getmə , qulaq asmadın, gərək getməzdin " Nəysə babama xəbər elədi mama baba gələcəkdi dalımca. Çıxdım həyətə ki təmiz havada olum , yenə ürəyim bulanmağa başladı , öyüməyə başladım. Əlimlə ağzımı tuturdum. Qıraqda da adamlar var yəni görürlər gedib gəlib öyüdüyümü. Axır tam qusacaqkən yenə babam gəldi getdim oturdum maşına , maşında ama sakit idim. Evə çatdım. Evdə də qusdum. Sonra getdim uzandım. Hələkii qusmamışam. ondan sonra
düşmənimə belə arzulamıram bu vəziyyəti.

loxlanmış kimi hiss etmək

bu hissiz bir anım yoxdu aq. daha başqa nə ola bilər ki deyirəm o da olur. ən ağılasığmaz loxlanmalar ancaq ve ancaq menim başıma gelir. Bir günüm loxlanmadan keçəndə tədirgin oluram ki niyə gecikdi bu dəfə. Nəme. O gün sənədlərə görə universitetə getməli idim. Öz korpusumuza yox başqa korpusa çağırmışdılar, metrodan çıxdım emimqızına yığdım ki ayağnan yaxındısa peşkom gedim , o hemin korpusda oxuyur bilər dedim, sağolsun o da işdə idi açmadı telefonu. Qarşıda da taksilər durmuşdu yanımda rəfiqəm dediki gel bunlardan soruşaq. Onlar da dediki uy uy uy yarım saatlıq yoldu. dedik bes neçeye aparırsız dedi 3m. hemde gecikirdik ona görə oturduğ. unidən çıxıb metroya qayıdanda gördük mk 2 addımlıq yoldu aq. uniden tullansan metroya düşürsən. Hə heçnə. Day immunitet yaranıb loxlanmağa qarşı bi şey demirəm.
Hələəə həələə getmişəm uniyə indi qapıçı oğlan dedi 6cı mertebeye çıx, içəri girdim içerdeki qadın deyir 6ya çıxma bomboşdu kitabxanadı ora. dedim bes qapıdakılar dedi 6ya çıxım qadın başladı deyinməyə ki qapıdakıların da başı qaçıbe camaata düzgün şey demirlər. 3ə çıx dedi. 3ə çıxmışam indi bomboşdu 3. yığdım qrup yoldaşıma ki bəs hardasız dedi 6ya çıx. 6ya çıxmışam təzdən. ara yerdə qapıçı getdi aq. Düz demişdi yazıq başından bəri . Heç qrup yoldaşlarımın da hamısı gelmemişdi. boşuna tələsə-tələsə taksiye falan mindim bilsem öz xoduma gedərdim elə. Nəysə e yayın günündə əsəbləşdim , istiləndimm
loxlandıqca gəlib bura yazaram

yazarların başına gələn maraqlı hadisələr

Bugün dayımgil qonaq gəlmişdi bizə , anamla dayımın yoldaşı da söhbət edirdilər. Nəsə söhbət instagramdan düşdü , followlaşmaq istəyirdilər anamla dayımın yoldaşı. Mama axtarış yerinə yazdı dayımın yoldaşının nickini amma tapa bilmədi , mən ağıllı da çıxıb dedim ki " - Filankəs xala, siz telefonunuzu mənə verin, mən mamaya follow atım sizdən, adınız düşsün." deməz olaydım, görməz olaydım. Mamamın adını axtarışa yazdım , lakin başqa alternativlər çıxırdı, mamamın adı isə çıxmırdı. axırıncı sıralarda tapdım mamamın adını və adın üstünə kliklədim. "engeli kaldır" yazısı ilə üz-üzə qaldım. Dayımın yoldaşı isə düz yanımda oturmuşdu , söhbətə başı qarışmışdı. Bloka atmışdı mamamı... Blokdan çıxardıb mamama follow atdım. Heçnə olmamış kimi soyuqqanlılığımı qoruyaraq telefonu dayımın yoldaşına qaytardım. Sadəcə şokdaydım. Mən olsaydım rəngim rəngdən rəngə dönərdi, qanım donardı , özümü itirərdim. indi isə bu lazımsız informasiyanı görüb qonaqların içində üzümdən zəhirmar yağa-yağa dolanıram. gözləyirəm ki Bir an öncə evlərinə getsinlər mamama çatdırım.