anaya demək istədiklərimiz

Heç vaxt heçnədən razı qalmadın da. Başqalarının nöqtə boyda olan uğurunu gözümə soxub, mənim elədiklərimi görməməzlikdən gəldin. Sırf dilimi qarnıma soxub oturan, adi, sənin ürəyin gedən azik qızlar kimi deyiləm deyə hər dəfə tərzimə ilişdin. Yorma özüvü, qəlibə soxmağa çalışma məni. Heç vaxt sən istəyən kimi olmayacam. Çox söz deyərəme, dəyməz. Atamla münasibətim bir cür, sən də yanımda ola-ola yıxırsan evimi. Özümə söz verirəm əgər qələt edib uşaq dünyaya gətirsəm, heçç vaxt sənin kimi bir ana olmayacam. heç vaxt. Çünki nələr yaşatdığıvı bilirəm mənə. Uşağımın travmalarla boğuşmasına göz yuma bilmərəm. Səndən fərqli olaraq

yazarların başına gələn maraqlı hadisələr

Bugün axşam unidən çıxdıq, metroya düşürük. Bizdə də unidən çıxanda bir yer var ora çox küləkli olur hədsiz dərəcədə. Həmişə hava küləkli olanda ordan keçəndə külək əlindəkiləri də səni də babat o tərəfə bu tərəfə çırpır. Bugün də elə oldu. Biz 3 nəfər gedirdik qrup yoldaşlarımla. Mən qabaqda arxamda digər qrup yoldaşım əlində kətan var idi onun. Yanımda da o birisi qrup yoldaşım. Nəysə, yeridik yeridik sonra külək əsməyə başladı. Biz də həmin yerdən keçirik yolumuzun üstü olduğu üçün. Mən necə oldu bilmirəm, amma külək məni üzü üstə çırpdı yerə. zarafat eləmirəm və heç bir şişirtmədən istifadə eləmirəm. Olduğu kimi deyirəm. Külək məni üzü üstə yapışdırdı yerə. Asfaltnan öpüşdüm o dərəcə. Məncə arxadakı qrup yoldaşımın kətanı olmasaydı yıxılmazdım. Qız müvazinətini saxlamaq üçün kətanı mənə vurub istəməyərək də olsa çünki külək onu da divara çırpdı. Demeli yapışmışam asfalta ağlamağım gəlir. Şalvarım da cırıq idi dizləri tərslikdən. Dizlərimdən qanların töküldüyünü hiss edirəm. Vəziyyətimi dəyişmədən ağlıyıram ele ahahqgrjffn. Qrup yoldaşım da qolumdan tutur ki durum, əlimdəkilər də düşüb yerə. Birdə gördüm o birisi qolumdan da bir oğlan tutdu kömək elədilər qalxdım. Nəbilim vallah bu gün getsin gəlməsin. Dizlərim evə gəlmişəm hələ də sızıldıyır. Daha betər şəkildə.
Bu hadisə maraqlıdan çox ağrılı oldu amma anywayyy

ataya demək istənilənlər

Ata,
uşaqlıqda verilən o klişe sualda ananı çox istəyirsən yoxsa atanı həmişə seçdiyim insan. Hələ də bu belədi bunu bil, ancaq kaş ki normal münasibətimiz olsaydı. Əslinə qalsa ata-qız münasibətləri necə olur bilmirəm. Qızlar atalarına nə danışır, ataları onlara nə deyir heeç bilmirəm. Sən burda olanda, yanımda olanda yaxın olsaq da, deyib gülsək də, hər şey normalmış kimi davransaq da elə deyil. Ən çox da sən gedəndə hiss edirəm bunu. Sən orda olanda kartıma pul vurmasan salam sağol belə etmirik, sən hər dəfə kartıma pul göndərəndə, "çox sağol ata" yazıram sən də bir sticker atırsan, sonra da necəsən, - yaxşıyam. Bu qədər. Söhbətimiz bitir. Ya da mama ilə sözünüz çəp gələndə, mama ilə dalaşanda yazırsan, zəng edirsən mənə. Sevinirəm ki a atam yazdı, sonra tez qarnının ağrısını deyirsən həvəsim qalır qursağımda. Başa düşürəm, işləyirsən, başın qarışıq olur, ya da məni narahat etmək istəmədiyini deyirsən. Amma nəbilim e ata.

Özümü çox əksik hiss edirəm, səndən gözlədiyim qayğını həmişə başqalarında axtardım ata, başqalarını sənin yerinə qoymağa çalışdım, ilk başlarda yaxşı hiss etdirsə də sonra onlar da tək qoydu məni. Münasibətlər desən bacarmıram, alınmır. Sənin ata fiquru kimi həyatıma daxil olmamağın çox yerdə yaralıyır məni.
Yadıva gəlir ata, uşaq vaxtı sən çox siqaret çəkirsən deyə siqaret paçkalarıvı gizlədib sonra gedib yatmışdım, gecə məni oyadıb siqaretin yerini soruşmuşdun, istəməyərək gedib gizlətdiyim yerdən gətirmişdim.
Bildiyim tək şey var o da artıq hər şey üçün gec olduğudu. Bu travma artıq mənə yapışıb qalıb, indidən sonra nə etsən də alınan deyil. Kaş pulu düşündüyün qədər məni də düşünsəydin, əslində məni düşündüyün üçün etdiyini deyirsən, amma pul hər şey deyil ata. Hər şeyə rəğmən səni dəhşət çox istəyirəm. Mənə görə narahat olma, bunu da həll edərəm. Üstəsindən gələrəm yoxluğuvun, həmişə etdiyim kimi.

yazarların paylaşmaq istədiyi yemək reseptləri

Ənnn sadə və ənnn dadlı yemək ola bilər bu. Ehtiyacımız olan ərzaqlar :
1. Yeyəcəyiniz porsiyadan asılı olaraq kök (balacadırsa 3-4 ədəd, iri kökdürsə 2-3 ədəd)
2. Mayonez
3. 1 diş sarımsaq (ağız dadınıza uyğun olaraq az və ya çox əlavə edə bilərsiniz )
4.

Hazırlanma qaydasına keçək.
Kökləri təmizləyib rəndədən keçirik, mayonezi köklərin üstünə töküb qarışdırırıq sonra isə sarımsaq əzənlə sarımsağı əzib qatırıq (çalışın sarımsaq nə çox az nə də həddən artıq çox olsun hazırladığınız kökə uyğun qatın, dadı çıxsa bəs edir)
bunları qəşəng qarışdırdıqdan sonra isəə şəkilini qoyduğum suxarikləri töküb üstünə yeyiriik. Suxarikin smetanlısı olmasına diqqət edin, digərlərini də sınamışam ən dadlısı smetanlı olanla alınır.
Nuş olsuuun

azərbaycanda qadın olmaq

Bu gün yaxşı tərəfini də gördüm, pis tərəfini də.

Səhər saat 12di, on iki. Maşın yolunu keçdim, 20 yanvara getməyə taksi axtarıram gedirəm yavaş-yavaş, qulağımda da nauşnik var, amma mahnı qoşmamışam. Nəysə biraz gedəndən sonra qarşıma bir kişi çıxdı, düz mənə yaxın gəlib, mənə çatanda qışqıra-qışqıra "uşşşşşş nə qəşəysən"
Dedi, özümü elə apardım ki guya heçnə eşitmədim, qulağımda nauşnik olduğu üçün o da məncə eşitmədiyimi düşündü. Amma günün günorta çağı həm də əsla təhrikedici və ya açıq olmayan geyimlə belə mən bu cür hərəkətlərə məruz qalıramsa, vəziyyət həqiqətən də vahimdi türklər demiş. Həmin an necə qorxurdum aq.
Yaxşı ki taksiyə oturdum tez. Bu pis tərəfi.

Metroda isə bildiyimiz kimi basabas olur, mən də metroya mindim bir təhər girdim içəri, gecikirdim çünki. Qapılar bağlandı əlimi tutmağa yer tapmadım, yıxılmamaq üçün dirəşirəm. Bu zaman yanımda küncdə duran oğlan öz yerini mənə verdi, dedi gəlin bura söykənin. Mən də təşəkkür edib küncdə dayandım.

indiki dövrdə azərbaycanda qadın olmaq deyəndə ancaq pis nümunələr, təcavüzlər, birinci danışdığım tipdə adamlar ağlımıza gəlir çünki çoxluğu onlar təşkil edir, və daha çox qabardılır. Amma ikinci danışdığım hadisədəki kiçik jestlər çox danışılmır, çox vaxt da gözardı edilir.

həyatın nə qədər cındır olduğunun anlaşıldığı anlar

#304690
#322894
yenə eyni başlıq, yenə eyni insanın cındırlığı. yuxarıdakı iki entrymi oxusanız nə demək istədiyimi başa düşəcəksiniz.
insanların dəyişə biləcəyinə inanıb, o insanı bağışlamışdım. Və dəyişdiyinə inanırdım, ümid edirdim. Amma doğurdan da insanlar dəyişmirmiş. Bu insanla normal münasibətimiz var idi və hər şeyə rəğmən xətrini çox istəyirdim. Bir gün wpdan mənə mesaj atdı, avariya etdiyini dedi. Çox pis olmuşdum xəsarət alıb almadığını soruşdum. Maşını vurmuşdu evdəkilərin də xəbəri yox idi. Maşını düzəltdirmək üçün dostlarından pul almışdı amma 100-200 manat çatmırdı. Utana sıxıla ona maddi köməklik edib etməyə biləcəyimi soruşdu. Üstündən 1-2 saat keçməmiş görüşdük, kanvertin içində pulu verdim ona. Sağollaşıb evə qayıdanda mənə zəng elədi və bu pulun çox olduğunu yarısını qaytarmaq istədiyini dedi. Mən də qəbul eləmədim təbii ki və artıq evə çatdığımı dedim. O da haqq-hesab edəcəyik dedi, qaytaracam falan dedi. Bu söhbətin üstündən 2-3 gün keçdi, gördüm ki instada storylerini məndən gizlədib. Ortaq dostumdan xahiş etdim ki nə paylaşırsa storydə ss edib mənə atsın. Ahahaha nə görsəm yaxşıdı ? Kişinin oğlu klublardaaa, kafelərdəə, risofkalanııır. O an nələr hiss etdiyimi təsəvvür edə bilmirəm həqiqətən.
Məndə ara-sıra vəziyyətin nə yerdə olduğunu soruşurdum oğlandan amma heçnədən xəbərim yoxmuş kimi aparırdım özümü. Mən nə vaxt necəsən falan desəm ağlayırdı üstümə amma storyləri atırlar axı mənə, xəbərim var da şelləndiyindən. Hər gün mənə yazan adam, pulu alandan sonra heç itirib axtarmadı məni. Storyler də qurtarmıreee, bir də gördüm story qoyub yeyib-içməydi 4-5 dənə də qəhbə var. (Storyni məndən gizlədib mənim gördüyümü bilmir, ortaq dostumuz sayəsində görürəm )
Üstündən 2-3 ay keçdi utana utana borcumu nə vaxt qaytaracağını soruşdum. Öz pulumu istəməyə utanırdım aq kül mənim də başıma elə. Nəysə soruşdum, o saat başladı ağlamağa üstümə, başqa vaxt istəsəydin verərdim nəm nə. Dedi ki 1 həftəyə qaytaracam. Dedim tamam 1 həftə bir təhər gözləyərəm amma 1 həftəni keçməsin də sroçnu lazımdı yoxsa tələsdirmərəm. Dedi arxayın ol qaytaracam. Üstündən 1 həftə də keçdi. Oğlandan səs çıxmır. Mən də gözləyirəm ki özü desin də hər dəfə hər dəfə yazmağa utanıram. Bundan səs çıxmadı mən də bir müddət sonra bir səs atdım ki bəs " 1 həftə demişdin 1 ay oldu, hər dəfə bu məsələyə görə yazmağa utanıram"
Qulaq asdı heçççnə yazmadı.

Bu borc məsələsinə görə məsləhətxanada da başlıq açmışdım həmin ərəfə. Hətta məni umbaylamışdılar ki nə simic adamsan ver borc zad. Verdim cavabımı da aldııım. ilk dəfə idi borc verirdim, ilk və son oldu.
hə o oğlan da tamamilə öldü mənim üçün.
Ağıllanmağım zaman aldı.

ən nifrət edilən insan tipi

bir sinif yoldaşım var idi, hər dəfə məni görəndə başlayırdı deməyə ki, "çox kökəm eee"
mən də hər dəfəsində deyirdim gicləmə, kök deyilsən. kök deyildi həqiqətən də ama poxunu çıxardırdı da hər dəfə bu sualı verib.
Həmin ərəfələr özdə kilo almışdım mən, biraz artığım var idi. Uje bariz şəkildə hiss edirdim ki, bu gijdıllağ öz aləmində məndə özümə qarşı diskomfort yaratmağa çalışır. Bu hər dəfə elə deyəndə, mən də qayıdım deyim ki: " haran kökdü mənəm e kök "
Amma nah, heç vaxt elə demədim. Uzun sözün qısası kilo problemləri yaşayan, arıqlamağa çalışan, sizdən biraz iri olan insanların yanında bu eşşəkliyi eləməyin. Ciddən ən ənn ənnnn nifrət elədiyim insan tipi ola bilər bu. Mənim olduğum ortamda başqasına qarşı belə ediləndə belə pis hiss edirəm özümü

sözaltı art

hələ qurumamış halını daha çox sevmişdim

Fenlə qurutdum deyə biraz qəribə oldu, özü qurusaydı effekti itməzdi deyə düşünürəm