sonra dedilər ki alınmadı


181   1   0   0
5.nəsil partizan
entry: 181
reytinq: 759
karma: 106
izləyən: 20
oxunma: 72,483
sifariş sayı: 10





Nə var, nə yox?





yazarların 2021-ci ildə izlədiyi filmlərin siyahısı

*

(bax: brimstone)
(bax: ah-ga-ssi) aka (bax: the handmaiden)
(bax: a quiet place )
(bax: strangers on a train) - #320978
(bax: a countess from hong kong)
(bax: red eye)
(bax: guess who's coming to dinner)
(bax: the 39 steps)
(bax: marnie)
(bax: the lady vanishes)
(bax: the trouble with harry)
(bax: nunta muta) aka (bax: silent wedding)
(bax: the witch)
(bax: the invention of lying)
(bax: carrie) (1976)
(bax: taken) - #323099
(bax: okja)
(bax: to catch a thief)
(bax: i'm legend)
(bax: the wrong man) - #331187
(bax: bridget jones's diary)
(bax: a little chaos)
(bax: frozen 2)
(bax: what a girl wants)
(bax: the royal tenenbaums)
(bax: the english patient)
(bax: gold)
(bax: thelma & louise)
(bax: in bruges)
(bax: american beauty)
(bax: magnolia)
(bax: wild things)
(bax: lola rennt) aka (bax: run lola run)
(bax: me and earl and the dying girl)
(bax: chungking express)
(bax: dune)
(bax: gentlemen prefer blondes)
(bax: spencer)
(bax: house of gucci)
(bax: kate & leopold)
(bax: spider-man: no way home)
(bax: coraline)
(bax: the power of the dog)
(bax: meet the robinsons)

bonus: (bax: the french dispatch) *

overloading

eyni adlı funksiyaları(metodu) müxtəlif sayda parametrlərlə çağırmağa imkan verən anlayış.
misal üçün:
int toplama(int a, int b){
return a+b;
}

int toplama(int a, int b, int c){
return a+b+c;
}

pride and prejudice

Aşiq olmaq ilə bağlı gözəl və bəsit bir cümləyə sahib olan kitabdır.

"I cannot fix on the hour, or the spot, or the look, or the words, which laid the foundation. It is too long ago. I was in the middle before I knew that I had begun."

yazarların 2022-ci ildən gözlədikləri

(bax: məqsəd)
Söhbət etmiş olduğum insanlar planlarım, gələcəyim haqqında nə fikirləşdiyimi soruşanda həmişə qarışıq, fərqli cavablar verirəm. Birinə elə deyirəm, birinə belə, yalan da demirəm əslində, dəqiq bir məqsədim olmadığı üçün o an könlümdən keçənləri deyirəm sadəcə.
Bu ildən gözləntim bir məqsəd tapıb onun üçün çalışmaqdır, əldə edə bilməyim belə vacib deyil.
Ətrafımdakı məqsədlərinə çatmaq üçün əzmlə çalışan insanları gördükcə özüm haqqında daha da qəribə hiss edirəm.

silent treatment

əsasən, narsistlər tərəfindən partnyorlarına və ya ətraflarındakı digər insanlara edilən manipulyasiya və cəzalandırma növlərindən biridir.

Silent treatment qarşı tərəfi səssizliklə cəzalandırmaq, şəxsi görməzdən gəlmək, onunla danışmaqdan boyun qaçırmaq, varlığının fərqində deyilmişcəsinə davranmaq kimi hərəkətlərlə xarakterizə oluna bilər. Narsist insanlar bunu qarşı tərəfi idarə edə bilmək, yaşanan problemlərdə günahın tək tərəfdə olduğunu düşündürmək üçün istifadə edirlər.

"silent treatment" "time-out" anlayışı ilə qarışdırılmamalıdır. Time-out anlaşmalı fasilədir, tərəflər bir birlərini incitməmək üçün fasilə verib, daha düzgün zamanda danışmağa qərara gəlirlərsə, silent treatment tək tərəfli, qarşı tərəfi cəzalandırmağa yönələn davranış biçimidir.

mənbələr: mənbə 1 link , mənbə 2 link , mənbə 3 link

software as a service

digər adı ilə saas. "software as a service" proqramların təqdimedilmə növlərindən biridir. bulud texnologiyasından istifadə edilərək istifadəçiyə (müştəriyə) xidmət göstərilir. internet təminatı və uyğun cihazla istifadəçi proqramdan istədiyi an istifadə edə bilir. saas-ın ən böyük üstünlüyü quraşdırılma, yeniləmə kimi işlərlə istifadəçini məşğul etməməsidir, çox hallarda istifadəçinin ehtiyacı olan tək şey veb brauzerdi.

subdomain

adından da göründüyü kimi əsas domainin alt domaini.
misal üçün, seyler.eksisozluk.com, eksisozluk.com-un subdomainidir.
google subdomainləri ayrı sayt olaraq qəbul edir və subdomainlərin "page rank"i əsas saytdan ayrıdır.

darıxmaq

Bu, başlığa yazdığım ikinci entri olacaq, amma tamamilə fərqli ruh halı ilə.

Hər şeyin daha bəsit olduğu vaxtlar üçün darıxmışam, məsuliyyətimin heç ya da minimal olduğu vaxtlar üçün. Hal-hazırda oxumaq, iş görmək, danışmaq, münasibət qurmaq, dostluqlar, qısaca, hər şey məsuliyyət kimi görünür gözümə. Uşaqlığımın necə qayğısız keçdiyi barəsində düşünürəm neçə vaxtdır, 7-8 yaşımda məndən gözlənilənlərin necə minimal olduğunun fərqinə varıram. 1-2 ilə uşaq ikən böyük, yaşlı birisi olaraq gördüyüm insanların sırasına qatılacam, o yaşın da gətirəcəyi məsuliyyətləri indidən düşünürəm və ya təxmin edirəm, daha çox narahat oluram. Ən əsas da insanlara qarşı yaranan məsuliyyətlər qorxudur məni, iş, dostluqlar, sevgi və s. Yeniyetmə ikən bunların bu qədər yorucu olduğunu düşünmürdüm, indi isə düşünmək belə yorucudu bunları. Kaş ki, heç nə qəlizləşməsə, hər şeyi bəsit səviyyədə saxlaya bilsək.

sözaltı günlük

yenə dönüb dolaşıb başa qayıtdım, sözlük.
fərqli insanlarla eyni problemləri yaşayıram, yəqin ki, problem mən özüməm.

(youtube: )

Bu mahnını da 2 ay öncə aramız dəyəndə, dostum barışmaq üçün atmışdı. Problem olanda bir-birimizin könlünü almaq üçün dəxli olub-olmayan romantik mahnılar atırdıq bir-birimizə.

magnolia

indiyə kimi izlədiyim ən mükəmməl filmlərdən biri, bəlkə də ən mükəmməli. sərf edəcəyiniz 3 saata həqiqətən dəyəcək, əla monoloqlarla dolu bir filmdir. rejissoru paul thomas andersondur.

film bir-biri ilə əlaqəli insanların həyatını ələ alır və bir gündə baş verən hadisələri anladır. 3 ata obrazı və onların uşaqları ilə olan problemləri filmin mərkəzindədir. əsas hekayə earl partridge-in ölümünə yaxın illərlə görmədiyi oğlu frank-la danışmaq istəməsi ilə bağlıdı, digər hekayə isə partridge-in şirkətində işləyən, xərçəng diaqnozu qoyulan aparıcı jimmy gator-un qızı ilə uzun illərdən sonra yenidən əlaqə saxlamağa çalışması ilə. üçüncü hekayəyə daha az yer verilib və 9-10 yaşlı stanley-lə onun pul qazanmasından başqa heç nəyə önəm verməyən atası ilə bağlıdır.

not: film izləyərkən altyazı ilə izləməyiniz yaxşı olar, çünki çox səhnələrdə musiqi danışıqları üstələyir.
--- spoiler ---
ən sevdiyim səhnəsi:

(youtube: )

(youtube: )

--- spoiler ---

soyuz 11

29 iyun, 1971-ci ildə heyətinin ölümü ilə nəticələnən kosmik missiya.
Heyət üzvləri - qeorqi dobrovolski, vladislav volkovviktor paçayev – kosmik stansiyada yaşayan ilk insanlar idilər. 6 iyun, 1971-də “soyuz” kosmik gəmisi yeri tərk edir, 7 iyunda isə gəmi kosmik stansiyaya* birləşir. Kosmonavtlar stansiyada 23 gün yaşayırlar, missiyanın nəzərdə tutulan müddəti 30 gün idi, lakin 11-ci gündə (16 iyun) stansiyada yanğın baş verir və bir neçə gün sonra missiyanın müddəti qısaldılır. 28 iyunda kosmonavtlar kosmik stansiyanı tərk edirlər.
Yerə enmə zamanı gəminin ventilyasiya klapanında problem baş verir, klapan gəminin içərisindəki təzyiqi atmosfer təzyiqi ilə bərabərləşdirmək üçün 4 km yüksəklikdə açılmalı idi, lakin 160-170 km (təzyiq təxmini 0-a bərabərdir) yüksəklikdə ikən gəmidən ayrılma baş verir, ayrılmanın təsiri güclü olduğundan klapan vaxtından öncə açılır. Klapan açıldıqdan bir müddət sonra gəminin içərisindəki təzyiq sıfıra düşür, bu da kosmonavtların ölümü ilə nəticələnir.
Dobrovolski, volkov və paçayev ölümlərindən sonra sovet ittifaqı qəhrəmanı adı ilə təltif olunurlar.

mənbələr: mənbə 1 link , mənbə 2 link , mənbə 3 link , mənbə 4 link

my.gov.az

covid-19 vaksin və ya immunitet sertifikatınızı əldə edəbiləcəyiniz dövlət saytı.
bununla yanaşı adınıza olan cərimələri, müxtəlif sənədləri də təqdim edirlər. saytda müxtəlif dövlət qurumları, nazirliklər, dövlət agentlikləri üzrə də axtarış edə bilərsiniz.
saytdan qeydiyyatdan keçməyin ən asan yolu identifikasiya nömrəsi ilədir, lakin bunun üçün adınıza qeydiyyatlı mobil nömrə olmalıdır. qeydiyyat üçün bu linkə link keçid edə bilərsiniz.

təkcə mənmi edirəm deyə düşünülən şeylər

hər yeni bir insanla tanış olduqda həmin insanla olan münasibətin mənə nə qatacağını düşünmək. "görəsən bu adamın davranışları mənə necə bir təcrübə olacaq?" deyə düşünürəm yeni birisi ilə tanış olduqda. bəlkə də, elə buna görə daha az acıqlı oluram "mənfi" şəkildə tanış olduğum insanlara qarşı indi. həmin insanları, tanışlıqları təcrübə kimi görəndə çox daha yaxşı hiss edirəm.

armstronq limiti

suyun bədən temperaturunda qaynadığı hündürlük.

dəniz səviyyəsindəki atmosfer təzyiqində suyun qaynama temperaturu 100°C-dir. hündürlük artdıqca təzyiq azalır (P=P0*exp(−Mgh/RT)), və qaynama temperaturu da azalır. misal üçün, everestdə suyun qaynama temperaturu, təqribi, 70-71°C-dir. bundan sonra da hündürlük artdıqca qaynama temperaturu aşağı düşür, və müəyyən hündürlükdə su bədən temperaturunda qaynamağa başlayır, həmin hündürlük dəniz səviyyəsindən 18-19 km yuxarıdadır. "armstronq limiti" harry george armstrong-un adı ilə bağlıdır.
armstronq limitində və ya yuxarıda insan bədənindəki digər mayelər də(qan, tüpürcək və s.) də qaynamağa başlayır (bax: ebullism).

mənbələr: mənbə 1 link , mənbə 2 link

sözaltı günlük

Bu entrini tək yazmaq məqsədim illər sonra təsadüfən oxuyub keçmiş xatirələri yada salmaqdır.

Bu gün 14 ildir tanıdığım dostumla sağollaşdıq, aylarla ölkədə olmayacaq. Son bir neçə ildə daha da yaxınlaşmışdıq, yaşımız artdıqca aramızda fikir fərqlilikləri, mübahisələr azalmışdı, bir müddət sonra da fərqinə vardım ki, ən yaxınlarımdan birinə çevrilib artıq, problemlərimi, fikirlərimi çəkinmədən danışdığım insan olub.
Onun adına sevinirəm, illərdi arzuladığı bir şey idi, digər tərəfdən axşamlar görüşüb danışmağımız, yanında olanda gələn rahatlıq hissini yaşaya bilməyəcəm deyə qəribə hiss edirəm.
Sağ-salamat!

/ 20 »

blok -   başlıqlarını gizlət