sözaltı etiraf

sözaltı sözlüyü ötən gecə kəşf elədim, bəlkədə bu kəşfin arxasında duran şey məhz 1 gün əvvəl qruza düşüb bütün gecə internetdə fırlanmağım oldu. Gəlin söhbəti çox uzatmadan keçək etirafa. Ümumiyyətlə etirafın insanı rahatlatdığı deyilir, mən də bunu bu gün yoxlamaq istəyirəm çünki, həyatımda baş verən bu vəziyyəti bir yaxınımla oturub danışmağım biraz Cringe ola bilər.

Sizə danışım 2013-2014-cü illərdən 4-5-ci siniflərdə sinfimizə bir qız gəlmişdi. Adı da leyla idi. Elə qız sinifə daxil olandan demək olar ancaq fikrim onda idi. Məhz onun gəlişindən sonra da nə dərsə nə də başqa birşeyə çox fikir vermirdim. Dərsdə oturub ancaq elə ona baxırdım boş-boş. Nəyisə bir müddət keçdi Leyla ilə elə oldu ki, məktəbə gələndə məktəbdən çıxanda yollarımız kəsişdi. Məndə artıq onun hardan saat neçədə keçdiyini falan əzbərləmişdim. Təsəvvür elə həmin saniyə həmin dəqiqə orda onunla rastlaşmaq üçün necə tez məktəbə gedirdim. Hərşey yaxşı gedirdi artıq məktəbdən sonra da danışırdıq, təbii ki, 4-5 ci sinif şagirdi o vaxtı ya valideynin telefonundan ya daki ev telefonundan istifadə edə bilərdi. Mən də öz seçimimi ev telefonundan yana istifadə etmişdim. Hətta Leylanın ev nömrəsini də öyrəndim. Beləcə 1-2 ilə vəziyyət əla oldu ta ki, 6-cı sinfin sonuna qədər.

6-ci sinifdən sonra məni evdəkilər məcbur liseyə hazırlaşdırdılar bəs hazırlıqlar zad istər istəməz leyla ilə vaxt keçirməyə danışmağa artıq vaxt qalmırdı uzaqlaşmışdıq biraz. iş elə gətirdi ki, içinə pox olmuş Fizika Riyaziyyat və informatika təmayüllü liseyə girdim 2016 da. Elə 7-ci sinifdə sadəcə facebook zad üzərindən kompdan danışırdım o da ki, 1 il sonra demək olar lisey o qədər sıxırdı ki, dərsləri çatdıra bilmirdim başımı qaşımağa belə vaxtım olmurdu.

11-ci sinifi bitirdim universitetə UNEC-ə girdim maliyyə ixtisasına amma hələ də ağlımdan çıxmırdı Leyla. Hətta bəzən ondan soraq almağa çalışırdım da. Demək 11-ci sinifi bitirdim universitetə başladım amma mən ancaq Leylanı tapmağa çalışırdım. 1 ay, 2 ay, 3 ay axırda tapdım. Gördüm ki, bu Leyla ADNSU-ya daxil olub. Amma risk edə bilmirdim yazım ona.

Gəlin mənim Leyla-ya olan sevgimi tam olaraq izah edim ki, sonra niyə bu qədər mənə pis təsir etdiyini düşünməyin. Dediyim kimi, 7-ci sinifdə ayrıldım o məktəbdən. Təbii ki, yeni insanlarla qarşılaşdım. Amma o insanların heçbirində Leylaya olan sevgi kimi bir sevgi tapa bilmədim. Ümumiyyətlə mən belə ay ona dvij edim buna dvij edim tipli birisi deyiləm. Liseydə sadəcə bir qızdan xoşum gəlmişdi ona da açılmışdım. Amma gördüm ki, bir müddət sonra ciddən bu sadəcə bir anlıq birşeydir. Məhz bunda mən artıq başa düşmüşdüm ki, mən çətin bir də kimisə sevəm. Elə 11-ci sinifi bitirəndə də leylanı axtarmağımın əsas səbəbi bu idi.

Tapdım Leylanı axır ki, risk edib takip atdım. 1 gün keçdi, özü yazdı mənə Salam. O anı kəlimlərlə ifadə edə bilməyəcəm. Lakin çox sevinmişdim. Leyla ilə başladım danışmağa məktəb illərindəki söhbətlərdən həyatının necə dəyişməsindən hara qəbul olmasından. 1-2 həftə danışdım leyla ilə sevdiyi şeylərdən tutmuş, həyatından baş verən önəmli şeyləri öyrənməyə çalışdım, hətta bütün bunları qeyd elədim ki, yadımdan çıxmasın. 2021-ci ilin mart ayında baş verirdi bu dediklərim. 2 həftənin sonunda gördüm Leylanın mənə tavrı qəflətən dəyişdi. Bunun da əsas səbəbini sonradan öyrəndim. Qeyd edim ki, bu 2 həftəlik danışıqdan sonra hətta 1 dəfə onu imtahandan sonra qarşılamışdım, evinə qədər də yola salmışdım.

2 həftənin sonunda isə 3 ildir həyatımı sözün əsl mənasında alt-üst edən o sözü yazdı mənə ki, bəs mənə niyə bu qədər yazırsan mənə niyə bu qədər yaxınlıq edirsən falan. Söhbətə bax da, ilk sevdiyim qız ilk dəfə öz hisslərimi ifadə etdiyim qız illər sonra mənə deyir ki, mənə niyə yazırsan hətta bunu 2 həftə bütün günü gecələrdə daxil olmaqla yazışdıqdan sonra yazıb. Maraqlı gəldi mənə elə birbaşa soruşdum ki, bilmirsən guya?. Sonra da soruşdum ki, birisi var?. Mənə yazdı ki, əvvəl yox. Sonra 1 saat sonra yazdı ki, hə birisi var açığı bayaq utandım deməyə falan mənə yazmağını da istəmir. Mənim artıq burda dirəşməyim özümə sığışdırmadım deyə illərlə bəlkədə peşman olacağım sözü yazdım yaxşı leyla. Bilmirəm kimsə bu qədər asan vazkeçərdi mi, amma mən keçdim. Sırf o pis vəziyyətdə qalmasın deyə keçdim içimə atdım yaşadıqlarımı. Suallarım var idi təbii ki, amma vermədim.

Leylanı hətta takipdən də çıxdım, yazdım ki, takipdən də çıxıram birdən ondan da narahat olarsan. Axır ki, bir neçə həftə araşdırma apardım tapdım ki, həqiqətən də mənlə danışarkən sevgilisi var imiş. Bilmirəm hətta bunu qızlardan da soruşmaq istəyərdim ki, həqiqətən sevgiliniz ola-ola sizə qarşı sevgi hissi olduğunu bildiyiniz birisi ilə 2 həftə 3 həftə səmimi şəkildə gecə gündüz yazışardınızmı.

O gün leylanın ən yaxın dostlarından biri də mənim dostumun dostu çıxdı. Məsələ yenə gündəmə gəldi. Məlum oldu ki, bütün dostları ilə yəni qızlar qrupunda belə məndən danışıb. Hətta onun sevdiklərini qeyd edən, ilk dəfə danışdığımız tarixi qeyd edən habelə ona 2 həftəlik danışıqdan sonra gördükdən sonra belə hədiyyə alan mən barədə dostların deyib ki, " kobud birisidir falan həm də ciddi düşünmür məncə". Məhz mənə ən çox təsir edən artıq içimdə bu yaşadıqlarımı saxlaya bilməməyimin səbəbi də budur deyə bilərəm. Bu sözlüyü ilk dəfə aşkar edən də elə içimdən yazmaq öz içimi tökmək keçdi. Vaxtınızı aldım üzrlü sayın. Məsləhətiniz varsa onu dinləmək xoş olar.