əqrəb mövsümü

azərbaycan televiziyasının son illərdə ən yaxşı işlərindən biri olan çoxseriyalı bədii film.teleserial detektiv ədəbiyyat yazarı olan ceyhun hidayətlinin “əqrəb” romanı motivləri əsasında çəkilmişdir.filmin bu qədər uğurlu olmasında emil quliyev - hikmət rəhimov - azər aydəmirov üçbucağının böyük rolu var.yeganə tənqid olunası tərəfi odur ki, baş prokurorluğun binasını görməkdən bezirsən.

(youtube: )

ölüm

Ölümün nə demək olduğunu ilk dəfə birinci sinifdə oxuyarkən anlamışdım.Sinif rəhbərimiz həyat bilgisi dərsində insan həyatı haqqında danışırdı - insan körpə olaraq doğulur, sonra böyüyür yetkin insana çevrilir , qocalır və ölür.Ölüm söhbətinə kimi hər şey okeydi amma ölümün izahından sonra balaca Atamanın göz yaşları sel olub axmağa başladı.ilk öncə utanıb gizlin-gizlin ağlayırdım ki heç kəs görməsin.Yanımda əyləşən qız müəlliməyə ağlamağımı xəbər eliyəndən sonra daha güclü ağlamağa başlamışdım çünki daha iş işdən keçmişdi.Müəllimə nəvazişlə qucağına alıb ölümün çox normal bir şey olmasının, bir gün hər kəsin ölüb cənnətdə yığışmasını danışandan sonra sakitləşdim.illər sonra ( 12-13 yaşlarımda) ölüm qorxusu məni depressiyaya saldı.Həftələrnən otağımdan çıxmaq istəmədim.Gün boyu uzanıb yalnız ölüm haqda fikirləşirdim.Yaxşı yadımdadı depressiya günlərimin birində nənəmlə danışarkən bir gün nənəmin də bu həyatda olmayacağını fikirləşəndə məni ağlamaq tutdu.Mən bu dövrü həm də həyatımda dönüş nöqtəsi sayıram.Ölümlə bağlı suallarımın cavabını tapmaq üçün əlimə nə kitab gəldi oxuyurdum və sual vermək, araşdırmaq, sorğulamaq kimi bacarıqlar əldə etmişdim.Bu isə öz yerində illər boyu istər yaşıdlarımın yanında istərsə də böyüklərin yanında məni “çox bilmiş” etdi.Nəysə indi isə ölüm mənim üçün sadəcə adi bir həyat hadisəsidir doğulmaq, böyümək və qocalmaq kimi.Gec olmadan həyatınızı sorğulayın, gözəl insanlar, niyə yaşadığınızı, kim olduğunuzu, getdiyiniz yolun sizi hara aparacağı haqda fikirləşin.

norilsk

Norilsk Rusiyanın Krasnoyarsk diyarında yerləşən sənaye şəhəridir.Bu şəhər bütün dünyada öz çirkliliyi ilə məşhurdur.Şəhərin ekoloji vəziyyəti o qədər pisdir ki bəzən bura qara qar yağır.Buna səbəb isə şəhərdə saysız-hesabsız zavod, fabrik və mədənlərin olmasıdır.Belə ki hal-hazırda istehsal edilən qiymətli metalların - palladiumun 35, platinin 25, nikelin 20, kobaltın isə 10 faizi Şimal qütbündə yerləşən bu şəhərin - Norilskin payına düşür.Şəhər keçən əsrdən etibarən qurulmağa başlayıb.1921-ci ildə ilk taxta evi inşa edilən şəhərin I Dünya müharibəsindən sonra sənaye şəhərinə çevrilməsinə start verilib.Minlərlə alman məhkum bura sürgün olunaraq ağır həyat şəraitində zavod və fabriklərin tikintisində işləməyə məcbur edilib.Stalinin vəfatından sonra isə - 1953-ci ildə məhkumlar üsyan qaldırdı.Amansızca yatırılan üsyanda 50 mindən çox alman məhkum güllələndi.Üsyandan sonra SSRi burada mülki vətəndaşların işlədilməsinə başladı.Yüksək əməkhaqqı qarşılığında Rusiyadan,Ukraniyadan həmçinin Azərbaycandan minlərlə insan
bu “xarabaya” üz tutdu.Buna görə də indinin özündə də Norilsk şəhəri çoxmillətli şəhər sayılır.Şəhərin hal-hazırda 200 min sakini var.2001-ci ildən isə şəhər qapalı şəhər elan olunub.