bu nicki sevmədim


46   0   0   0
bu nicki sevmədim 5.nəsil yazar
reytinq xalı: 172
karma xalı:-225
entry sayı:46
izləyənlər:2
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
the sun, the moon, the truth.

zaur kamal bir-iki gün əvvəl təsadüfən verilişinə*(?) rast gəldim . bir neçə dəqiqə dayana bildim. aparıcıya qadın və kişilərin bərabərliyini müdafiə * etməyən aktrisa xanım * sadəcə sevgilisiylə eyni hüquqa sahib olduğundan danışdı və əlavə olaraq gecə saat 12-dən gec evə gələ bilməz dedi. * bunları eşidən zaur bəy "onda səni alan(!) oldu" dedi. aktrisa xanım heç halını pozmadı fikirlərinizə hörmət edirəm dedi. davamında "səhv deyirsən o nə deməkdir ? kişi qadından üstün olmalıdır" deyə əlavə edərək zəka səviyyəsinin nə vəziyyətdə olduğunu xatırlatdı. şit şit gülməyə davam etdi. o gülüşdən sonra isə televizoru söndürdüm hələ də titrəyirəm.
miladi təqvimi sifarişi verən: timidus
miladi təqvimi* dünyanın əksər ölkələrinin , o cümlədən Azərbaycan Respublikasının rəsmi təqvimidir. 4 oktyabr 1582-ci ildə qəbul olunub. Yuli təqviminin yerinə Papa XIII Qriqori tərəfindən hazırlanıb. Miladı tarixin başlanğıcı və dünyanın günəş ətrafında dövretmə müddəti olan 365 gün 6 saatı 1 il qəbul edib. müxtəlif tarixlərdə əvvəl Avropada , daha sonralar digər ölkələrdə yayılıb. dünyada ən çox istifadə olunan, ən etibarlı və ən həssas təqvimdir. Miladi təqvimi hazırlanarkən yuli təqviminə 10 gün əlavə olunub: 17 avqust çərşənbə günü , 27 avqust çərşənbə kimi qəbul edilib. təqvimi 1752-ci ildə qəbul edən ölkələr isə 11 gün əlavə ediblər. 2010-cu ildən isə yuli təqvimini miladi təqviminə çevirmək üçün 14 gün əlavə etmək lazım gəlir.
daha əvvəl yeni il 25 mart olsa da , miladi təqvimindən sonra 1 yanvardan hesablanmağa başlanılıb və * 1 il 12 aydan ibarətdir. fevral ayı isə yuli təqvimindəki kimi 4 ildən bir 29 gün olub, lakin miladi təqvimində sonu iki sıfırla bitən və 400-ə qalıqsız bölünən illərdə fevral ayı 29 gün ola bilər. ümumilikdə isə sonu iki sıfırla bitməyən və 4-ə qalıqsız bölünən bütün illərdə fevral ayı 29 gün olur.
uşaqların ana dilindən çox türkcə danışmağı əslində bunun iki səbəbi var:
1. azərbaycan dilində baxacaqları normal programın olmaması. uşaq açır televizoru bir kanalda toy göstərirlər, bir kanalda mənasız seriallar, digər kanal ilham əliyevi tərifliyir, o birisi çox bəyənilən filmi azərbaycanca dublaj edib baxıla bilməyəcək vəziyyətə salır. türklərin də mənasız serial və programları var sözüm yox. amma kifayət qədər çizgi film kanalları da var. bu kanallar uşaqlara nəyi isə öyrədir. hər şeyi yeni dərk edən uşağa saymağı, rəngləri , dostluğu nə bilim ağlınıza gələ biləcək hər yaxşı şeyi. * uşaq da onlara baxır və həmin şeyləri yaddaşına həkk edir həm də türkcə. davamlı həmin çizgi filmlərinə baxdığı üçün də zamanla türkcə danışmağa başlayır, bu qaçınılmazdır.
2. digər səbəbi isə valideynlərdir. onlar uşaqlarıyla məşğul olmurlar. ətrafı yeni dərk edən uşaqların suallarını cavablamaq yerinə daha asan yolu seçirlər. televizoru açıb uşağı oturdurlar qabağında. uşaqlar da türklərin mənasız, düşük və boş eşq seriallarını və programlarını izləyirlər və özlərinə örnək alırlar, türkcə danışmağa başlayırlar.
hər iki səbəbi də aradan qaldırmaq mümkündür bəli. amma bunu üçün çalışan varmı? yox.
edit: başlığı səhv başa düşənlər var deyəsən . burada söhbət türkcə öyrənməkdən getmir. gündəlik həyatda türkcə danışmaqdan gedir .
the intern 2015-ci il* istehsalı komediya filmi. Baş rolları Anne Hathaway Robert de niro paylaşır. Mövzusu : müvəffəqiyyətli bir şirkətin* sahibi Jules Ostin* işçilərindən birinin təklifi ilə yeni stajçı programı hazırlayır. Biraz yaşlı insanlara üstünlük verən bu programa ilk qatılan 70 yaşındakı Ben Whittaker* olur. zamanla jules və ben arasındakı iş əlaqəsi dostluğa çevrilir.
filmin imdb xalı 7.2, rejissoru isə nancy meyers dir. şüarı : təcrübə heç vaxt köhnəlmir.
dylan o'brien 26 avqust 1991-ci il təvəllüdlü amerikalı ( nyu-yorklu ) musiqiçi , aktyor , rejissor. hələ 14 yaşında ikən youtube yə videolarını yerləşdirməyə başlayıb. 2011-ci ildə MTV-də yayımlanan teen wolf serialı ilə tanınıb. əvvəl Scott Mccall rolunda çıxış etmək istəsə də , sonradan fikrini dəyişərək Stiles Stilinski obrazını canlandırmaq qərarına gəlib.
ən yaxın dostu elə teen wolf serialında Scott Mccall rolunda çıxış edən tyler posey dir.
ilk filmi high road adlanır və 2012-ci ildə yayımlanıb.
2014-cü ildə isə The maze runner filmində baş rolda Thoması canlandırıb. 2015- ci ildə davam filmi olan The maze runner: the scorch trials a çəkilib. seriyanın 3-cü filmi isə the maze runner: the death cure adlanacaq və 2018-ci ildə vizyona girəcək.
bakı 2015 avropa oyunları idman azərbaycanın hələ də çörəyini yediyi elit idman yarışı. nə vaxt ki göstərməyə bir şey qalmadı avropa oyunlarının təkrar yayımı başlayır. yayımın 2045-ə kimi davam etməsi gözlənilir. o qədər göstərirlər ki, artıq yarışı əzbərləmişəm . evdəkilər baxanda spoiler verirəm. onlar üçün də marağı qaçır.
eşidilməkdən bezilən şeylər 1. gələn il bu vaxtı filan bayramı qarabağda keçirəy! (keçirmədi)
2. filan mahnını qarabağda oxuyaq.
3. bayrağımız qarabağda dalğalansın.
opti free express kontakt linzaların təmizlənməsi, durulanması və saxlanmasında istifadə olunan məhluldur. artıq 2 ilə yaxındır ki, kontakt linzadan istifadə edirəm. bu müddət ərzində ən sevdiyim linza suyu məhz opti free idi. lakin son aylarda artıq opti free nin qutusu və qiyməti dəyişdi. içindən konteyner də çıxmırdı. artıq 60 ml opti free 8 manat olmuşdu. halbuki 8 manata ən böyük boy opti free əldə etmək mümkün idi. keyfiyyəti aşağı düşmüşdü, linzalar gözümə yanma , batma hissi verirdi. bir neçə gün əvvəl linzalarımı təzələmək üçün həkimə getdim. məlum oldu ki, son vaxtlar satışda olan opti free məhlulları saxtadır və gözümə allergiya verib. saxta opti free nin sayəsində göz quruluğum da yaranıb . göz damcılarına möhtac qaldım. evə gəldikdən sonra onu zibil qutusuna atdım. xülasə , bu məhluldan istifadə edənlər gözlərinizdə mənim qarşılaşdığım problemlər varsa onu zibil qutusuna atın və dərhal həkimə müraciət edin. sonradan nəvələrinizi səsindən tanımağa məcbur qalmayın.
sözlükdə türkcə yazılmasına icazə verilsin kampaniyası türkçə yazmaq istəyənlər türkiyənin bütün sözlükləri yolunuzu gözləyir. qeydiyyatdan keçməyiniz kifayətdir ürəyinizdən nə keçir yazın ora. mən türkiyənin sözlüklərində azərbaycan dilində yazan görməmişəm. imkan da verməzlər. həm də bu onların dilinə hörmətsizlikdir. eyni zamanda sözaltı sözlükdə türkçə yazsanız azərbaycan dilinə hörmətsizlik etmiş sayılırsınız. əgər türklər də burada fikirlərini paylaşmaq istəyirlərsə azərbaycan dilini öyrənsinlər.
azərbaycanda iş elanları özlərinə işçi mi axtarırlar yoxsa qul mu deyə düşündürən elanlardır. bu yaxınlarda təsadüfən bir elan çıxdı qarşıma deməli dayə axtarırlar. tələbləri:
-rus dilini mütləq bilməlidir.
-səbrli olmalı uşaqla ünsiyyətdə çətinlik çəkməməlidir
-uşaqla öyrədici oyunlar oynamalı gündə ən az 2 saat gəzintiyə çıxarmalıdır.
-ev işlərində kömək etməsi vacibdi
-həftədə 1 gün istirahət
-18-35 yaş arası ali təhsilli olsun
-gecə də qalmalıdı
bunu oxuyandan sonra fikirləşdim yəqin əməkhaqqı yüksək olar amma nə az nə çox 300 manat..
istədim alta şərh yazam qardaş sən dayə axtarmırsan amma yenədə.
bütün iş elanları bu gündədir. vətəndaşları ələ salırlar.
facebookda tanış olunmaq üçün atılan ilk mesaj güldürən mesajlardır.
əksəriyyəti profil şəklindəki qızın sən olmadığını bilir ama bir ümid yazır:
"salam xanim. cox gozalsınız. tanis olaq??"
bir də bunun əksi olan durum var. oğlan adıynan gəlsə mesajına cavab verilməyəcəyini bilir və qız profili yaradır:"salam menim burda hec dostum yoxdu baci olaq?"
yaratdığı profilin saxta olduğu 50 metr uzaqdan bəllidir amma ki.
1 2 3 4 5 6 7 8 9 10 11 12 13 14 15 16 17 18 19 20