yalnızlıq

Azərbaycan dilində "yalnızlıq" sözü yoxdur, "yalnızlıq" var. Yalqızlıqla bağlı alman şairi Rainer Maria Rilkenin çox sevdiyim şeiri var. "YouTube" da bu şeiri türkcə dinləyə bilərsiniz.
Məncə, dərdini danışa biləcəyi bir dostu olan kimsə yalqız deyil, amma bəzən insanın dünyaya sığmadığı anlar da olur. Belə zamanlarda Fazil Hüsnü Daglarcanın "Yalnızlığım" şeirindəki iki sətirlə həyata qarşı məğlubiyyətimi qəbul edirəm.

Belki bu mısralarım esecek gönüllerde
Fakat herkese uzak kalacak,yalnızlığım.

fantastic beasts and where to find them 3

Normal film idi, amma Dumbledore həmin Dumbledore deyil. Aktyor çox yaxşı oynayır amma elə bil, hələ də Kareninanın əridir. Dumbledore obrazı Potter filmlərində çox canlı, hərəkətli və yüksək ruhlu idi, amma "Fantastic beasts" də özünü "acıların çocuğu" kimi aparır. Dumbledore olduğunu bilməsəm, elə bilərdim ki, xarici "küçük Əmrah" dir. 115 yaşında Voldemort la elə möhtəşəm döyüş səhnəsi olan birinin cavanlığınnın belə olması mənə heç inandırıcı gəlmir.

ağrı verən cümlələr

insanlar belə cümlələri oxuyub mazaxist həzz almaqdan başqa heç nə etmirlər. Bu cümlələri bir günlük, bir anlıq seksual əlaqələrə bənzədirəm. Belə cümlələri sevən insanların çıxardığı nəticələr çox vaxt belə olur: " başıma nə gəlirsə, ürəyimin saflığından gəlir", "həyat necə də qəddardır", " kimsə məni anlamadı"
Bir insanın başqalarının dərdini, dərdli görünməyi, zülmü, müharibənin gətirdiyi ağrı-acını necə istismar edə biləcəyini bu cümlələrə baxıb öyrənə bilərsiniz

tarix

Millətlərin, dövlətlərin bir-birinə düşmən olması üçün səbəblərin xronologiyasindan ibarətdir. Tarix kitablarında kin və küdurətin, cəhalətin, güclünün zəifi istismar etməsinin növlərinin tarixindən başqa heç nə tapa bilməzsiniz.

sözlük yazarlarının arzuları

Yastıq kimi yumşaq havanın üzərində, yerdən 10 metr yuxarıda yaşaya bilmək istəyirəm.

elon musk

Düşüncə və aydınlanma dünyasına hədiyyə edilmiş Troya atı, marfçilik ideyasının ən çirkin və istismarçı simasıdır. Ona daha güclü, orjinal, dini və milli düşüncələri istismar etməyən Mübariz Mənsimov da deyə bilərik. O da diktatorları çox sevir və pulu olduğu, hansısa tələbələrə burs verdiyi üçün düşüncə adamlarına, tələbələrə ağıl öyrədə biləcəyini düşünür.
insanları istismar etməyin ən yeni üsullarını kəşf edən biri də demək olar.

bəxtiyar vahabzadə

Bacarıqsız şair və zəif düşüncələrin adamı. Mirşahinə verdiyi müsahibədə sufiliklə bağlı səsləndirdiyi düşüncələr səkkizinci sinif uşağına da yaraşmazdı.
Oğlu da illərlə dövlətə işləsə də işdən çıxarıldıqdan sonra müxaliflik etməyə başlayıb.

rasim qaraca

"Zülmətdə bir alatoran" kitabında bizə tərifli, "möhtərəm" saydığımız yazarların, naşirlərin, şairlərin əsl simasını göstərən, dürüst biridir.

ramiz rövşən

Özünü peyğəmbər kimi aparan, müxalif ola-ola məmurların masalarına oturan, düşüncəsini açıq aşkar ortaya qoymayan, tərcümə etdiyi şeirləri öz şeirlərinə bənzədən, arada bir yaxşı şeirlər də yazan, yazıçılar birliyinin üzvü olan biri.

anime sevən oğlan

Yapon "manga"si oxuyub, anime izləyən biri böyük ehtimalla cinsiyyətsiz biridir. Özünü hansısa oriyentasiyaya aid eləməkdə çətinlik çəkir.
Animedəki personajların eyibsiz görünüşü onun real insanlardan soyumasına da səbəb ola bilər.
Yaşamamışlıq hissi də çox güman yaxasından əl çəkmir, çünki anime qəhrəmanlarının həyata çox gənckən başlamasına baxmayaraq bizim anime fanımız hələ "Godot" u gözləyir.

oğlanda yaraşığın o qədər də önəmli olmaması

Çirkin oğlana heç bir xanımın aşiq olmayacağını düşünürəm. Evlilik isə mümkündür, çünki evlilik razılaşmadı və bu kontraktda başqa önəmli olan parametrlər də var. Məs: Bal ayı üçün gediləcək ölkə, şadlıq sarayı, "love story" olub olmayacağı, evlilikdən sonrakı münasibət və.s

koreya serialları

Daha mənə çox banal görünürlər. Fərqli ssenari yoxdur. Dramanın iki üç bölümündən sonra qalan bölümləri özünüz təsəvvür edə bilirsiniz.
Yeni-yeni baxanlar öz həyatlarına nifrət edə bilərlər.

holocaust qurbanlarının abidəsiylə məzələnən qız

Ölkəmizdə Hitler fanı da az deyil. "Mənim mübarizəm" kitabı intellərimizin sevimli kitabıdır.
Bütün bunlara baxmayaraq biz bu intelləri ciddi biri kimi qəbul edir, davamlı rəylər də tərifləyir. Onlara heç nə deməyə-deməyə zəif birini gördüyümüz üçün dərisini soymaq istəyirik. Deyirəm iki üzlülüyümuzdən ölüb yerə girmirik eeee

hunter x hunter

Neteronun özünə bomba bağlayıb Meruemlə döyüşməsi və nüvə silahının Kralı asanlıqla öldürməsi sistemin, siyasətin gücünü bizə bir daha göstərdi. Sistem asanlıqla Meruemi raketlə vurub öldürmək əvəzinə siyasət işlətdi və Netero kimi şərq müdrikini kamikadze, Troya atı səviyyəsinə endirdi sonra da hər ikisindən xilas oldu.

yu-gi-oh

Maraqlı anime idi. "Leviathan" sözü də ilk dəfə o anime ilə həyatımıza daxil olmuşdu. Sonra Hobbesin "Leviathan" əsərini oxuyanda ağlıma tez-tez o uzun, qara əjdaha gəlməyə başladı.
Pegasusun Yuginin babasını televizora həbs etməsi məni çox heyrətləndirmişdi.
Son seriyada Yugi nin içindəki fironu oyunda məğlub etdiyi səhnəni izləyəndə isə kövrəlmişdim.

kitab

O qədər də tərifə layiq nəsnə deyil. Əksəriyyətinin səhifələri diktatorların nifrət nitqi, quldarların portretləri, çərənçi qocaların nəsihətləri ilə doludur. Ən humanist kitablarda belə insanların, millətlərin, cəmiyyətlərin bir-birinə nifrət etməsi üçün yüzlərlə səbəb yazılıb.
Bəli, qiymətli kitablar da var. Onlar da dəyərli düşüncələrin istismarına min illərlə əlverişli şərait yaradan nəsnələrdən başqa nəsə deyil.