dihaj

Dünən rockfestdə freefrom4 qrupunda sintezatorda və vokalda çıxış edərək ilahi səsi ilə heyran edən musiqiçi...

whatsapp

işlədiyim üçün gələn bütün mesajlara cavab verə bilmirəm deyə "aəəə, niyə cavab vermirsən?" Kimi suallarla qarşılaşmamaq üçün son görülməni bağladığım app.
Nə vaxt imkan olacaq, onda cavablayaram mesajları. Kiməsə maraqlı olmamalıdır mənim son görülməm.

coraline

möhtəşəm lyricsi olan *maneskin* mahnısı.

(youtube: )

yığval

yığval "tale, qismət" mənasında işlədilən dialekt sözdür.
eynimənalı "iqbal" sözündən gəlir, dialektdə işlənir və köhnə ədəbiyyatda da rast gəlinir.

Sözaltı iceberg

qız yazarlardan çox oğlan yazarların entry yazıb şikayət etdiyi başlıq. çoxmu narahatıq qız yazarlar üçün?
etirazı olan xanım yazarlar timidusa deyə bilər ki, həddini bil, ya da bloka atar. nəinki şou yaratmaq. gözəlim beyninizi belə şeylərə yormayın, hamı başının çarəsinə baxa bilir.

tarixin ən böyük kəşfi ola biləcək şeylər

yemək yeyərkən ağızdan çıxan səsləri eşidilməyəcək dərəcəyə gətirən bir cihaz, çip, yaxud hər nəysə. ya yemək yeyən ağzına taxsın, ya da yanındakı qulağına. yemək səsindən başqa hər şey eşidilsin amma.
kəşf edilsə insanlar ailəcək oturub rahat yemək yeyər. məsələn hər gün qardaşımla dalaşırıq süfrədə. çünki əsəbiləşirəm. bu cihaz olsa həm ailə davaları düşməz, həm də mənim kimi insanlar memtal cəhətdən daha sağlam olar. əsəbdən çəngəl-qaşığı sıxmaqdan dəmirləri əyildi amk. bir çarə tapılsın buna.

blood is thicker than water

aviciinin "hey brother" mahnısında da keçən ifadə.
"hey sister
Know the water's sweet but blood is thicker"
yəni, dostluq və sevgi nə qədər əziz olsa da, ailə ondan da əzizdir.

(youtube: )

məsləhətli instagram səhifələri

turkiyeden.al

*trendyol* kimi alış-veriş saytlarından məhsulları gətirirlər. 1tl 0.32 azn olaraq hesablanır. 7-21 günə də çatdırmadı.
bu yaxınlarda çanta sifariş etmişdim, 2 həftəyə sağ-salamat çatdı əlimə. məncə, sərfəlidir. mənim kimi karqo şirkəti və s. işləri ilə başınızı yormaq istəmirsizsə köməyinizə çatacaq.
belə biraz reklam kimi çıxdı, səhifə adminləri ilə heç bir tanışlığım yoxdur. sadəcə, məsləhətli səhifədir.

oğlan olmağın mənfi xüsusiyyətləri

sıxıntılı vaxtlarında kiminsə qucaqlayıb qayğı göstərməməsi...
ümumiyyətlə oğlanlar qızlar qədər rahat qucaqlaşa bilmir. oğlan dostlarla dərdləşirlər, amma, qucaqlaşma nadir hallarda olur. çox vaxt qız dostlarla yanlış anlaşılmasın deyə qucaqlaşmırlar. ehtiyacın olarkən *qucaqlaşmaq* elə gözəl hissdir ki... adamın içindəki sıxıntı, dərin boşluq keçir gedir. təəssüf ki, əksər oğlanlar bu hissdən məhrum olur, formalaşdıqları cəmiyyətin yaratdığı basqıdan dolayı. ona görə gözlənilmədən hansısa dostun, xüsusən də qarşı birinin qucaqlaması izahedilməz duyğular, xoşbəxtlik yaşadır.

duşdaykən ağıla gələn dəxlisiz fikirlər

ağlıma gəldi ki, anamla yavaş-yavaş söhbət edib imanından döndərim, ateist edim. onsuz çox qatı dindar deyil, inanclıdır sadəcə. elə də çətin olmazdı yəni. sonra dedim lazım deyil, onsuz haçan əsəbiləşsə, ya haqsızlığa məruz qalsa hər şeyi allaha tapşırıb sakitləşir. inanır da allahın ədalətinə. bunu da əlindən alsam əsəbiləşib suallarla beynini yeyəcək. ən yaxşısı heç nə etməyim.

təkcə mənmi edirəm deyə düşünülən şeylər

Marketdə paraşok, sabun, şampun, təmizləyici vasitələr olan rəflərin arasında fırlanıb nəsə alırmış kimi davranmaq. məqsəd o əvəzolunmaz kimyəvi qoxudan zövq almaqdır. həqiqətən də, marketdə ən sevdiyim bölüm təmizləyici vasitələr olan bölmədir. hər dəfə bir şey almasam da rəflər arasında fırlanıram. axırda da bir dənə çörək götürüb çıxıram. -*

yastı şaftalı

bu sifarişi verən: zazoza
adi şaftalıdan qat-qat dadlı olan şaftalı sortu.
yetişdikcə daha dadlı və şirin olur. amma adi şaftalı çox yetişəndə xarab dad verir. yastı şaftalı da son illərdə populyarlaşıb. ilk dəfə 3 il əvvəl yemişdim, şaftalıya allergiyam olsa da bu heç bir mənfi təsir göstərmədi. qısacası, pul verməyə dəyər dadlı şaftalı.

sözaltı music

Heç bir musiqi qabiliyyəti olmayan yazarların gözü yaşlı dinlədiyi başlıq... sözlükdə nə istedadlar varmış ala.

gecələri rahat yatmağa qoymayan şeylər

(bax: gecə qonşudan eşidilən sevişmə səsləri)

seksist

müşahidələrimə əsasən yaşlı nəslin əksəriyyəti, xüsusən qadınlar seksistdir.
bir-birinə təşəkkür edəndə "allah oğlunu saxlasın", "allah oğlunun canını sağ eləsin" deyirlər. cavab "çox sağ ol, qadanalım"olur.
bə qız uşaqları? bir dəfə dayana bilməyib nənəmdən "niyə təkcə oğlunu, qız uşağı necə olsun bəs?" soruşdum. deyir "a bala elə çoxdan belə deyilir, əsas oğlan uşağıdı".
"oğlan uşağı" olaraq olaraq mən utandım. amma nənəmlə dirəşməyin də faydası olmayacağdı. heç olmasa "allah balalarını saxlasın" deyin də bunu.

dialektlərdə az bilinən sözlər

dumru, dumuru - dairəvi, yumuru, kürə şəkilli əşyalar üçün istifadə edilir. bir də toppuş uşaqlara deyilir.
suruxvat - iş yarıtmaz, bacarıqsız adam.
əmbə - "amma" sözünün dialekt halı
urvat - hörmət, ehtiram
quyruqlu - abgərdən

bu sözlər əsasən qərb bölgəsində işlədilir.

glimmer of blooms

i can't get you out of my mind coverləri ilə kəşf edib sevdiyim musiqiçi.

(youtube: )

the cat returns

(bax: neko no ongaeshi)

insanın böyüdüyünü anladığı anlar

ananın "gələn il də geyinər" deyib aldığı böyük ölçü kurtkanın əyninə tam oturması.
(bax: 90-cı illərin sonu 2000-ci illərin əvvəli uşaq olmaq)