əsgərlik

Əsgər gedəcək şəxslərə tövsiyələr:

Gedərkən köhnə paltar geyinin. Özünüzlə maksimum 50 AZN-ə qədər nağd pul və çəkirsinizsə, 1 qutu siqaret aparın. Geyiminizi və hər şeyinizi dövlət təmin edəcək. Sizə verilən çantada (və ya qabda) diş fırçası, məcun, sabun, üz qırxan, köpük və s. hər şey var. Sizə verilən əşyalar sizi andiçmənizə qədər təmin edəcək. Andiçmədən sonra da ürəyiniz istəyən şeyləri gətizdirərsiniz.

ilk 3 ay gənc əsgərlik dövrünü keçəcəksiniz və ətrafınızda yalnız özünüz kimi gənc əsgərlər olacaq. Düşdüyünüz yerin komandirləri ilə əlaqədə olun, onlar sizə köməklik göstərəcəklər. Əsgərliyin, mənə görə, ən çətin tərəfi gənc əsgərlikdir. Andiçməyə qədər sıra meydanında təlim keçəcəksiniz (addım döyəcəksiniz). Çalışın, çəkməniz ayağınıza bir az boş olsun və dabanı yerə çırpmayın. Gənc əsgərlikdə maksimum tualet təmizləyib yer siləcəksiniz. Heç kimlə dalaşmayın, ilk gündən heç kimlə də həddindən artıq səmimiyyət qurmayın. Nə verilirsə yeyin və fikirləşməyin, yoxsa zəifləyərsiniz.

Gənc əsgərlikdə danışmaq və marketə getmək bir az çətindir. Siz çoxsunuz, komandirlər isə azdır. Həftədə 1 dəfə danışsanız, bəsdir. 3 aylıq gənc əsgərlikdən sonra bölünüb digər hərbi hissələrə gedəcəksiniz. Posta və ya briqadaya düşə bilərsiniz. Bölündükdən sonra gənc əsgərliyə nisbətən daha az əsgər olacaqsınız, bu səbəbdən telefonla danışmaq daha asan olacaq. Sizə maaş kartı veriləcək və bu kartla marketdən istədiyiniz şeyləri ala bilərsiniz. Mülki marketlər kimi, içində əsgərə lazım olan hər şey var.

Bölündükdən sonra tərxis olunana qədər günləriniz, əsasən, növbə və təlimlərlə keçəcək. Bacardığınız qədər növbəyə çıxmağa çalışın. Hər növbəyə çıxdığınız zaman 2 gününüz uçub gedir. Xüsusən qarovula çıxmağınızı tövsiyə edirəm; həm istirahət saatları çoxdur, həm də qarovula çıxan əsgərə hörmət qoyulur. Komandirlərlə bacardığınız qədər yaxşı münasibət qurmağa çalışın, amma pərdəni ortadan götürməyin. Əsgər yoldaşlarınıza kobudluq etməyin və sizə karşı olan kobudluq haqqında çəkinmədən şəxsi heyət üzrə komandir köməkçisinə bildirin. Əvvəlki vaxtlara baxmayın, indiki zamanda əsgəri sıxışdırmaq çox çətindir. Hər gün axşam yoxlamasında bədəninizə baxılır və temperaturunuz ölçülür. Sıxışdırmağın cəzası ağırdır və ən azı 2–3 ay həbsdən başlayır. Orduda bu dəqiqə sıxışdırılma halları, demək olar ki, yoxdur.

Hər ay təlimlər və atışlar olacaq, çalışın, buralarda vaxtınızı səmərəli keçirməyi bacarın. Əsgərliyin ağır tərəfi fiziki yox, psixolojidir. Əsgərlikdə vaxtınızın tez keçməsini istəyirsinizsə, işləməkdən qaçmayın. işləmək və növbəyə çıxmaq vaxtı tez bitirir. Nə qədər yayınmağa çalışsanız, bir o qədər ürəyiniz sıxılacaq. Çalışın, əziyyətdən həzz alın. Yeri gələcək, 1 əsgər yoldaşınıza görə saatlarla ayaq üstə gözləyəcəksiniz, "yat-qalx" oynayacaqsınız. Hər şeyi beyninizdə problem etsəniz, sizin üçün əsgərlik ağır olacaq. Sadəcə, nə deyirlərsə, onu edin və dərd çəkməyin. Bu günlər də gəlib keçəcək və inanın, nə ilk əsgər, nə də son əsgər sizsiniz, hamı bir gün tərxis olunub gedir.

the tribez

Uşaqlığımın oyunlarından biri The Tribez idi. ilk vaxtlar onu Facebook-da oynayırdım. Həmin dövrdə hələ mobil versiyası yox idi və Facebook oyunlarının zirvədə olduğu illər idi. Ümumiyyətlə, indiki dövrlə müqayisədə Facebook-da çox kreativ, maraqlı və zamanla itib-batan oyunlar var idi. Nostalgiyası isə hələ də qalır. The Tribez daş dövründə yaşayan bir tayfanı inkişaf etdirdiyin strategiya və şəhərsalma oyunudur. Oyunda resurs toplayır, müxtəlif binalar tikir, əhalini artırır və yeni adalar kəşf edirsən. Tapşırıqları yerinə yetirdikcə oyunun hekayəsi genişlənir və yeni imkanlar açılır. Sadə, rahat oynanışı və rəngarəng qrafikası sayəsində uzun illər Facebook-un ən sevilən oyunlarından biri olub. Hazırda isə Android və iOS cihazlarında oynamaq mümkündür.

özgüvənsiz insan

mən də əvvəllər özgüvənsiz idim. tipim, saç sitilim, xarici görünüşüm mənə özgüvən vermirdi və həyatımın böyük hissəsini özgüvənsiz yaşamışam. özgüvənsiz olduğuma görə cəmiyyət içində olmağa can atmırdım. özgüvənsiz insan olduqda isə Assosial olursunuz. assosial insan olduqda isə danışmağa mövzu tapa bilmirsiniz, çünkü assosial isəniz böyük ehtimal bütün gün evdə oturub içinizə qapanıq yaşayırsınız. loru dillə desək mən tam bir əzik idim. daha sonra imtahan mərhələsi gəldi və əlbəttə ki, bir özgüvənsiz olduğuma görə dərs oxumağda da özümə özgüvən tapa bilmədim və kəsildim. daha sonra yenidən imtahana girdim bu dəfə də, az bal topladım. seçim etdim və uniyə daxil oldum.

universitet ilk aylar mənim üçün çox çətin keçdi. ilk aylar düzdü saç stilimi, geyimi dəyişmişdim deyə yaraşıqlı görsənirdim və qızlar mənə tel nömrələrini belə verirdilər və mən onlara cavab vermədikdə sanırdılar ki, mən soyuq davranıram bulara. day bilmirdilərki özgüvənsizliyimə görə mən özümü adam yerinə qoymurdum. qızlarla filan necə danışacağımı bilmirdim çünkü ömrü boyu heç sevgilim olmamışdı və qızlarla çox da normal ünsiyyətdə olmamışdım. elə bir vəziyyət yaranmışdı ki, sinifin uşaqlarının adlarını öyrənib qutarmam 2 ay çəkmişdi. unin ilk ayları ilk qazancımı qazanmışdım, kiçik bir məbləğ hətta deyim məbləği( 60 manat ) oturduğum yerdən qazanmışdım. daha sonralar da qazanmağa davam etdim. unin 3-cü ayında özümə qardaşım qədər yaxın olan qrup yoldaşımla çox yaxın olduq və davam edirik. onun sayəsində ömrümün ilk alverini etdim. uni ortamınının başqa ab-havası var imiş həqiqətən və mən o şəraitdə yavaş-yavaş özgüvən qazanmağa başladım, danışıq qabiliyyətimi artırdım. ünsiyyət çevrəm artdı dostlarım artdı, bunların nəticəsindədə özgüvənim də artırdı.

universitetin sonra ki ayları ilk sevgilim olacaq qızla danışmağa başladım. mən psixologiya sahəsində yaxşıyam deyə demək olar ki, çoxu insanın psixologiyasın başa düşürəm. və onun da mənə qarşı bir şeylər hiss etdini anladım. danışmağa davam etdim və zamanı gəldiyində sevgililik təklif etdim və sevgili olduq. 1 il ərzində özümə görə çox irəlləyiş əldə etdim. o assosial adamı qırdım və özgüvənli mənə çevrildim. xarakterimə əsasən hər insanla danışmıram mən amma öz ağlımda insanlarla ya da iş sahəsiylə bağlı danışa biləcəyim məni inkişaf etdirə biləcək insanlarla danışmağı sevirəm. indiysə ıt öyrənmək də mənə kömək olmağı üçün ingiliscə öyrənirəm. həm sağlamlıq həm də bədənimin qəşəng görsənməsi üçün idmana yazılacam. idman həqiqətən özgüvənə çox yardımçı olur. sizlərə də əziz dostlarım tövsiyyəm odur ki, özgüvənsiz və assosial olmayın bu yaşayış deyil vallah. tək olmağı sevə bilərsiniz bu problem deyil amma utanğaclığa və ya başqa hansısa mənfinizə görə tək olmaq ciddi bir problemdir.çalışın həyatınızda sizə bənzəyən dostlar edinin, gəzin-tozun həyatınızı doya-doya yaşayın. gəzməyidə sevmirsinizsə sevdiyiniz işlə və ya iş sahəsiylə məşğul olun kayfınızı tutun. məndən bu qədər gələcək irəlləmələrimidə yazacam.