yox demək

Siyasi akt. imtiyazsız qrupların cəmiyyət və dövlət üzərində olan söz hüququ əlindən alınan zaman müqavimət yaratmaq üçün metoddur. Seçim və ifadə azadlıqlarımızın məhdudlaşdırılması öz müqəddəratımızı təyin etməyi çətinləşdirib. 2010-cu illərdən qafqaz/balkanlardaki feminist praktikaları izlədikdə artıq son illərdə "yox" deməyin gücünü müzakirə etməyə başladığımızı görürəm. "Yox" demək mənim üçün həyatlarımız üzərindəki monopoliyalaşmağa etirazdır. Etiraz aktı həm də bizim məişətimizə də ciddi təsir edir. Gündəlik həyatımızda bu praktikanı yayğın etmək mental sağlamlığımız üçün healing vasitəsidir. Əgər yazarlar istəsə, mənim healing ilə bağlı kitabım var, oxumaq üçün verə bilərəm -*

(baxma: yox deməyin şəfası)

techno

Sizinlə bölüşmək istədiyim track. DJ Mell bir neçə həftə öncə bir texno icmanın istəyi ilə azərbaycana gələcəkdi. Daha sonra erməni diasporasının ona qarşı "terrorçu ölkəyə gedirsən" deyə hücumuna görə tədbir ləğv olundu. Həmin bu dj-i Bakıya gətirən təşkilatçılar isə götürüb post ataraq dj-ə "təxribatçı" dedi hahah. Hər iki tərəfin də etdiyi əttökən hərəkətdən sonra geriyə qalan Mell-in bu musiqisidir.

Mən çox texno gözəlləməsi edən deyiləm, oynayın və keçin. Lakin bunun ətrafında alt mədəniyyət formalaşır və onlar proqresə çağırış edirsə, deməli həmrəy olmaq lazımdır. Sülhü yayın, tələb edin, sevişin, əxlaqsız olun.

transseksualların qadın idman növlərinə buraxılması

Terflərin başlatdığı, sağçı cis-hetero ağ kişilərin davam etdirdiyi ritorika. Bu başlıq və müzakirələrin yayılma səbəbi insan hüquqlarından danışmağı kənara qoyub "kaşa-malaşa" söhbətlər etməkdir. Başa düşürəm ki, bu başlıq ətrafında müzakirələr etmək özünüzü american life yaşayır kimi hiss etdirir, amma siz qara millətsiniz, əzilən sinifsiniz. Belə müzakirələr sadəcə ksenofobiyanı yayır, transfob davranışları yayğınlaşdırır.

#375598 nömrəli entry (gbax:trump)çı twitter istifadəçisinin yayğınlaşdırdığı ritorikanın davamıdır. Nə bilim, trans qadınlar qız tualetinə girməsin - zad söhbəti edirlər. Azərbaycan kontekstində bunların müzakirə predmeti olması belə qəribədir. Azərbaycanda transların ölü bədəni zibil qutularından tapılır, başları vintaçanla yarılır. Transları marginallaşdırmaq üçün başladılan müzakirələrin davamını gətirmək sadəcə hüququ konservativləşdirir. Əgər həqiqətən də sizə idman növündə kimin necə bölünməsi maraqlıdırsa, onda ən başa qayıdın və idman növlərinin yayğınlaşmasından, insanların kateqoriyalaşmasına qədər patriarxat sistemin rolunu müzakirə edin. Daha sonra isə beynəlxalq idman yarışlarının və şoularının bizi problemlər ətrafında birləşməkdən çəkindirmək üçün istifadə olunduğunu da birgə müzakirə edək. Lakin günümüz şərtlərində translar Azərbaycan cəmiyyətinin 3 ən marginallaşdırılan qrupuna daxildir: petuxlar, qəhbələr və narkomanlar. Bu əzilən kateqoriyalar içərisindəki insanlara hücum etmək isə müzakirə deyil, sadəcə imtiyazlarının fərqində olmamaq və cahillikdir.

Xüsusən başlıqda trans qadınlara vurğu edilməsi, digər trans individualların yazılmaması isə sisseksizmdən qaynaqlanır.

meclis.info

2020-ci ildə yaranmış, milli məclisdə baş verənlərim fikir arxivini tutan, parlamentin fəaliyyəti və vətəndaşların ictimai fəallığı haqqında fikir bazarı yaradan azad platforma.

Bu yaxınlarda " Cırtdanın milli məclis macəraları" adlı kitabça çap ediblər. Bəsit məişət üslubu ilə deputatların çıxışlarını, çıxış saylarını və iş fəaliyyətlərini analiz edirlər. Eləcə də "deputatınızı dah yaxından tanıyın" şüarı ilə yaradılam platforma, partiyaların da (məclisdəki) gəlir, iş sxemlərini vizual şəkildə izləyicilərə çatdırır. meclis.info saytından dataları ilə də tanış ola bilərsiniz.
sifarişi verən: zazoza

salam mən street photographer'əm

Azərbaycanda lap əttökən olmuş cərəyan. Məsələn bu qaqaş arada çox yaxşı kontent hazırlayır. Arada isə elə dəxlisiz adamları çəkir ki, elə bilirəm insanlar özü pul verir. Məsələn bu qadını maraqlı edən nədir? Mənim anam da belə hicab taxır, bibimgil də. Bunun nəyi fərqlidir, ay yoldaş?

fahişəliklə qəhbəliyin fərqi

Seks işçilərinin lazımsız tərəfdən fetişizə olunduğu başlıq.

#365018 nömrəli girişdə yazar yəqin ki, "biri var gey, biri də var petux" misalı çəkmək istəyib, lakin bildirmək istəyirəm ki, elə "fahişə" sözü də təhqir olaraq işlədilir. Yəni "qəhbə" və "fahişə"nin fərqini texniki olaraq izah etmək olmur. Birinə "seks işçisi" yazsaydılar, haradasa başa düşərdim ki, bədii ədəbiyyat parçalarından çar-çur cümlələrlə qəşəng səslənir.

Nəticə: başlıqda qeyd olunan ifadələr arasında fərq yoxdur, başlıq ümumən səhv yazılıb.

(bax: dramanın dibinə vurmuş entrylər)

heroin

Bu gün yaşadığım qəribə hadisəni mənə xatırladan maddə. Davamında da mindiyimiz taksidə şofer telefonda dostu ilə açıq şəkildə "ot istəmirəm, digərindən istəyirəm" dedi və bu günü "heroin" ilə birgə unudulmaz etdi.

(bax: taksi sürücüsü ilə yaşanan dialoqlar)

.

standart azərbaycanlının boş vaxtında etdikləri

pivə içmək, film izləmək. Başqa xüsusi nəsə müşahidə etməmişəm. Bunlar isə məhz azərbaycanlılara aid deyil. Ümumiyyətlə "boş vaxtlarında edilənlər" artıq sinfi sualdır. Məncə, bu sualı verənlər yoqa - zad edir, maraq üçün heykəltaraşlığa gedir. Nə etmək olur məhz azərbaycanlı olaraq boş vaxtımızda? Uzağı kofe içəcəyik və bunun Azərbaycanlı kimliyimizlə əlaqəsiz olmur.

Ümumən bu "boş vaxtlarda edilənlər" sualına da həmişə cavab "hiking sevirəm" - filan olur, yəqin. Özü də toplu şəkildə bir çox maraqlı fəaliyyətlər listi tələb olunur lol. Orta üst sinif olmayanlar və avropada qohumu yaşamayanlar bu sualı verəndə pis oluram. Bu sual "cancel" olunsun.

8 marş

Vaxtı gəldikdə bayraqlara da öyrəşəcəyiniz yürüyüş. istənilən yürüyüşdə Lgbtq bayraqlarının olması normaldır. Feminist yürüyüşdə isə olmasını əngəlləmək gülüncdür. Hər zaman lgbtqlər və feministlər birgə mübarizə aparıb. Trans qadınlar, biseksual, lezbiyan qadınlar var. Şəxsən mən də lgbtq olaraq orada idim. Dəqiq fikirləşin ki, sizi narahat edən nədir? Necə ki, artıq insanlar orada olduğumuza öyrəşir, eləcə də petuxların da orada olduğuna öyrəşəcək.

Ümumilikdə isə, polislərin idarə etdiyi aksiya idi. Aksiyada polislər haraya və haradan gedəcəyimizə nəzarət edirdi. Şüarlarımıza senzura tətbiq edirdilər. "Petuxlar diktatorluğa qarşıdır" plakatım açılan kimi cırıldı. Eləcə də qol-qola girdiyimiz yoldaşın da şüarını səbəbsiz cırdılar. Daha sonra trans və LGBTQ bayraqlarımızı aldılar. Aksiyanın sonlarına doğru göyqurşağı maskası ilə aksiyaya qatılan yoldaşımıza da polisin təhdid edərək "maskanı çıxarmırsansa, 9-cu bölməyə get, başa salsınlar" deyildiyini öyrəndik. Bu ilki aksiyada siyasi gözü ilə baxmadıqları plakatlara toxunmadılar. Ümumən isə LGBTQ sloqan, simvollarına senzura var idi. Öyrəşin! Qadınlar və LGBTiQ lər çiyin-çiyinədir.

gender ifadəsi

fərdin davranış modeli, hərəkət manerası, geyim və s. ilə əlaqəlidir. gender özünüifadəsi gender identifikasiyası ilə bağlı fikir formalaşdırmamalıdır. çünki gender ekspressiyası daha çox mövcud gender streotipləri ilə bağlı xarici məsələdir. məsələn trans qadın gizli(*) olduğu müddət məcburən gender özünüifadəsinə görə femin görünməyə bilər lakin bu onun gender identifikasiyasının qadın olmasını dəyişdirmir.
(bax: gender identifikasiyası)