yazarların baxdığı seriallar

(bax: supernatural)

merlin

arthur əfsanəsində yer alan əfsanəvi sehrbaz.
(bax: king arthur)
adına ilk dəfə geoffreyin "britan krallarının tarixi" əsərində rast gəlinən merlin-in bədəndəyişdirmə,əşyaları hərəkətə gətirmə kimi bir çox gücləri olduğu qeyd olunur.gəlmiş-keçmiş ən qüvvətli sehrbaz olan merlinin ən vacib məqsədi isə arthuru qorumaq və ona kömək etmək idi.əfsanə əsasında eyni adlı britaniya serialı da çəkilmişdir.2008-2012-ci illər arasında yayımda olan fantastik-dram janrındakı serialda arthur əfsanəsinə başqa bir tərəfdən yanaşılmış və dəyişikliklər edilmişdir.4 sezondan ibarət serialda merlin rolunda colin morgan,arthur-bradley james,morgana-katie mcgrath,guinevere-angel coulby,uther pendragon-anthony head,merlinin müəllimi və köməkçisi gaius olaraq richard uilson və başqaları iştirak etmişdir.ssenaristliyini julian jones-un etdiyi serial uelsdə və fransada çəkilmişdir.fantastik effektlər,tarixi məkan və geyimlərin olduqca təsirli olduğu serial insanı gündəlik həyatdan ayıraraq yeni bir dünyaya aparır.sezonları 13 seriyadan ibarət olan merlin-də britan aksentinin insana xoş təsiri vardır.

--spoiler--

serialda merlin və arthur əfsanənin əksinə yaşıd olaraq göstəriliblər.düşmən kimi tanış olan iki gənc merlinin arthurun həyatını xilas etməsilə daha çox bir arada olmağa başlayırlar,çünki uther merlini arthurun xidmətçisi təyin edir.güclərinin təsir gücünü yeni-yeni dərk edən merlin,taleyinin arthuru qorumaq və onun taxta çixmasına yardım etmək olduğunu anlayır.lakin o güclərini gizli saxlamalıdı,çünki uther camelotda sehri qadağan edib və cəzası isə ölümdü.4sezon ərzində arthuru bir çox təhlükədən xilas edən və birlikdə bir çox macəralar yaşayan arthur və merlinin əsl dostluğu əmələ gəlir.serialın sonu isə əfsanə ilə eyni olmasa da yaxındır.cəngavərlər,morgana,mordred,əjdaha,"gölün xanımı" və digər obrazlarla rəngarəng olan serial 24.12.2012-ci ildə bitmişdir.

--spoiler--
serialın final seriasını isə izləyicilər olduqca tənqid etmiş,"lost"-dan sonra ən pis finallardan biri adlandırmışlar.

king arthur

əfsanəvi camelot kralı.saksonlara qarşı müharibədə britonları qoruduğuna inanılır.ingilis xalqları üçün ədalətli,hikmətli və cəsur kral obrazı olan arthur bir çox müsbət cəhəti özündə cəmləmişdir.onun tarixi bir şəxsiyyət yoxsa bir əfsanə qəhrəmanı olduğu günümüzə qədər dəqiqləşdirilə bilməyib.5-ci əsrdən etibarən britaniya xalqları,xüsusilə də uels xalqında arthur haqqında əfsanələr geniş yayılmışdı.ilk dəfə ədəbi olaraq isə arthur geoffreyin "britan krallarının tarixi" əsərində özünə yer tapmışdır.arthurun 5-ci əsr britaniya hökmdarı riotham və ya,6-cı əsrdə yaşamış britan generalı artirius ola biləcəyi ilə bağlı fikirlər mövcuddur.geoffreydən sonra bir çox yazar arthur əfsanəsini müxtəlif formalarda işləmişdir.lakin ortaq cəhətləri nəzərə alsaq,arthurun kral uther pendragon-un oğlu olduğu göstərilir.lakin evlilikdən kənar olan arthurun kimliyi gizli idi."gölün xanımı"(vivian) tərəfindən arthur üçün verilmiş "excalibur" adlı qılıncı sehrbaz merlin bir qayaya bərkidir,qayanın altında isə "bu qılıncı yalnız həqiqi albion(britaniya) hökmdarı çıxara bilər"yazılır.utherin ölümündən sonra heç kimin tanımadığı arthur təsadüf əsəri qılıncı qayadan çıxarır və gənc yaşda camelot taxtına çıxır.əfsanələrə görə,onun hakimiyyət illəri ingiltərənin qızıl dövrü hesab edilə bilərdi,o uzun bir müddət güclü bir hakimiyyət qurmuş,ədalətlə idarə etmiş və bir çox torpaqları camelota birləşdirə bilmişdir.o,guinevera adlı gözəl amma sədaqətsiz(ən güclü cəngavərlərdən biri olan lancelotla arthura xəyanət edir) bir qadınla evlənir,merlin daima məsləhətçisi olur,merlinin köməyilə bu gün də bərabərlik mənasını daşıyan "dəyirmi masa"nı qurur,burda ən güclü cəngavərlərlə(lancelot,gvain,percival,leon və b.) ilə birlikdə oturur.arthurun bacısı güclü sehrbaz morgana və oğlu mordred ona qarşı müharibə başladır.sonda qalib gələn arthur mordredi öldürə bilsədə ölümcül yaralanır.excaliburu yenidən gölə atan arthurun bədəni avalona aparılır və britaniyanın ən çətin günlərində "tək və həqiqi" hökmdarın geri dönəcəyinə inanılır.

bones

2005-ci ildən etibarən yayımda olan,hart hanson tərəfindən yaradılmış,abş istehsalı,cinayət-dram janrında serial.fbi araşdırılması çətin cinayətlərlə bağlı jefersonions institutunun antropoloqu və onun yardımçılarıyla iş aparır.insan bədəni,sümüklər,torpaqdaki minlərlə canlı,ən xırda detallar vasitəsilə ortaya çıxarılan ipucları nəticəyə aparır.serialın baş rollarında çıxış edənlər:"bones" ləqəbli antropoloq temperance brennan-ı canlandıran emily deschanel,fbı agenti seeley booth rolunda david boreanaz,arxeoloq jack hodgins rolunda t.j.thyne,rəssam angela montenegro olaraq micheala conlin,psixoloq lance sweet olaraq john francis daley və başqalarını göstərmək olar.hazırda 11-ci sezonunu bitirən serial 12-ci və final sezonu ilə 2017-ci ildə davam edəcəkdir.